-
كيكي راموس لاعب اسمر يمثل الارجنتين
هو “كيكي راموس” جناح شاب بيلعب في نادي فيليز سارسفيلد الارجنتيني وامبارح لعب اول مباراة رسمية ليه مع منتخب الأرجنتين تحت 17 سنه عشان يكون اول لاعب اسمر يمثل الارجنتين من اكتر من 40 سنه، لكن خليني اقولك ازاي وصل للمكان ده.
كيكي اصلا من هاييتي لكن حظه الوحش انه اتولدسنه 2009 وهو لسه طفل رضيع فقد اسرته في زلزال 2010 الشهير عشان تتبناه اسرة ارجنتينيه ويسافر الأرجنتين وهو عنده 9 شهور بس.
هناك كيكي بدأ يمارس كرة القدم وتدرج في اشبال فيليز سارسفيلد وبعدها لفت نظر فريق الاسكاوتينج عشان يضمه المدرب “دييجو بلاسينتي” لاول مرة لمنتخب الارجنتين للشباب استعدادا لمونديال تحت 17 سنة في قطر السنة دي.
كيكي لو انضم لقائمة الارجنتين، سيكون اول لاعب مولود خارج الارجنتين يمثل المنتخب من سنة 73 لما اللاعب البارجوياني “ايربيرتو كوريا” اخد الجنسيه الارجنتينه ولعب للمنتخب والمفارقة انه كان برضه بيلعب في فيليز سارسفيلد.
كما ان كيكي سيكون رابع لاعب اسمر يمثل الارجنتين بعد الثلاثي “اليخاندرو دي لوس سانتوس 1922-1925” – “خوسيه مانويل دلجادو 1965-1958” – “ايكتور رودولفو1970 – 1980”.
