الشينة بانغوووورا
قيس كمال <><><><><><><><><>
اعلام المريخ يستعمل سياسة نفخ البالونه وعند ساعة الجد تتفرقع وتتطاير
لاجزاء متفرقه
هكدا هو حالهم من زمن بعيد
<> من اول مباراة تاكد الجميع بان المريخ فريق عادي لافرق بينه وبين المريخ كوستي الا الاعلام السالب وجمال الوالي
<>ودفرات الحكام التي بدأت من الرابطة كوستي كسيناريو متوقع وان لم يعترف به الوصفاء وظل حالهم بين تطبيل للوالي وتهليل بانتصارات سلب فيها عرق الاخرين وجهدهم
<>وخير دليل ماحدث في كوستي من مريخها وذلك الدرس الذي قدمه في فن الكرة لكن رفض الحكم ان يخرج الوصيف خاسرا فكان الهدف في الدقائق الاخيرة
<>فرغم ما اشيع من اقاويل بان الاهلي قد تلاعب بنتائج المباريات واقصد هنا عندما اشرك لاعب موقوف عن اللعب امام النسور الا ان ثقتي كانت كبيرة بان الوصيف لن يتخطي الاهلي رغم العلاقات التي يعرفها الجميع بين الناديين
<>تلاعب اشاوس الاهلي ببالونات الاعلام الاحمر بعقر الدار ووسط الاهل فجعلوهم كاشباح لاحول لهم ولاقوة
<>فماذا يقولون من ظلمو الاهلي بأنه سيكون صيدا سهل المنال للمريخ؟
<>المباراة اثبتت بان لاجديد
لغارزيتو ليقدمه للمريخ
بعد ان تواضع من قبل مع الموج الازرق
كذلك جعلت الجميع يعرفون كذبه الاعلام التي لاتصنع نجوم يقتالون حتي الرمق الاخير
<>ماذا قدم بكري خلال ٤مباريات اظن كمية من اهدار الفرص المضمونة وكرت اصفر
ورغم ذلك لن يتجرا احد حتي بمعاتبته عدا محمد كامل سعيد ذلك الصحفي المريخي النضيف الذي لاهم له غير مصلحة الكيان
<>اما البقيه فسيظلون صامتون عند نقد بكري خوفا من الرئيس الطوالي بقطع مصالحهم الشخصية
<>وبالعودة لنتيجة مباراة الاهلي والهدفين في دقيقتين شي مضحك جدا لايحصل الا في المريخ واظن لن يحصل مع غيره
<>انا غايتو طلعت اشرب وبعد جيت لقيت ناس كفر ووتر قالو الاهلي جاب هدفين
دي قبال كدا ماحصلت اسي بصراحة كدا دي في فرق السنترليق بقت؟
<>بانغورا دا لعب بي اشباح الوصيف بس لم يحالفه الحظ
<>صراحة كدا انا بقيت محتار اشجع اولادنا في الوصيف ام اولادنا في الاهلي
<>خليفة وعمر بخيت ماقصرو تب شرفونا ورفعو راسنا
<>عندي ليكم راي ماتزعلو بس
بدل بكري المدينة لعبو محمد كامل سعيد اقل شي ان وجد فرصة بجيب قوون
مابضيعكم تب ماتخافو
اصلو حريف ونضيف وقلبو علي الوصيف لابهمو مال لا تكييف لا جيمي لاتصنيف اها شفتو انا راأي كيف
<><><><><><><><><>
هبشة اولي
<><><><><><><><><>
دي في الرد كسر اها كان طلعتو بره كيف ماتضايقو انا قاصد الفاشر ما عزام
<><><><><><><><><>
هبشة ثانية
<><><><><><><><><>
دابو عرفت قصد جدو غارزيتو بان بله جابر لاعب مدربين الراجل دا قاصد بستفيدو منو مدربين الفرق الاخري نحن شفوت الراجل دا حافظنو من زمان
<><><><><><><><><>
هبشة ثالثة
<><><><><><><><><>
انتو انا خلوني مشيت اشرب جيت لقيت دخلن هدفين مالو جمال سالم دا طلع اشرب هاهاها
ام شغال بقراء في كرات عكسية
<><><><><><><><><>
هبشة اخيره
<><><><><><><><><>
ان دا فريقكم جهزو حبوب الضغط والسكري من بدري والرجفة محمداكم
<><><><><><><><><>
هبشة الختام ياوالينا سويتا فينا ضيعت قريشاتنا في المدينة
وعزام راجينا
غدا سنجد الف تبرير لدرون الوصيف دون ان يتجرا احد بمهاجمة المدينة وباقي الاشباح والشينة منكورة
- - - - - - - - - - - - - - - - -
تم إضافة المرفق التالي :
IMG-20141227-WA0005.jpg
خلاص يا هبشة هبشناك ..
بس حكاية الوالى دى إلا تمشي حى الصفا وتشرب شاى باليانسون واختصر الطريق
..هههههههههههههههههههه.