الفاتح النقر :البودي قاردات سبب خسارة المريخ من مازيمبي
كفرووتر / الخرطوم / حمل الفاتح النقر مسئولية خسارة المريخ لمباراته ضد الغربان لـــ(البودي قاردات) الذين رافقو المريخ للكنغو وقال من اتخذ هذه الخطوة وصل للاعبين انهم في خطر وهو ما اثر نفسيا على اللاعبين خاصة انهم كانو معهم في المعسكر وانهم لم يوفروا الحماية وتم قبضهم وادخالهم للسجن وحمل النقر ما حدث للادارة وقال انهم عرضوا اللاعبين لضغوطات واشاد بمدرب مازيمبي وقال انه غير المسار بالتعديلات وحولت الكفة لصالحه وهي تغييرات هجومية وفتحت ثغرة في المريخ وحققت واشاد بمدرب المريخ باعترافه بعدم تقديم ما يشفع لهم بالوصول للنهائي واضاف : الغربان ارهقت المريخ في الشوط الاول واصطادته في الثاني جاء ذلك خلال حديثه للزميل حسن فاروق في برنامجه زمن اضافي باذاعة 96
واسمحوا لي أن أضيف إلى التعليق الراقي أيضا هناك اسباب موضوعية أخرى منها فقدان اللياقة نتيجة لعدم التحضير الجيد لهذه المباراة بدون إجراء أية تمارين جادة ومكتملة حسبما أفاد المدرب نفسه، بالأضافة إلى ضعف وهشاشة التركيبة النفسية للاعب السوداني وتأثرهم بالحملة المعادية التي نجح فيها المنافس. أخيرا ألخص كل الأسباب في سبب واحد هو تدني اللياقة .. اللياقة البدنية والذهنية كانت قاصمة الظهر..
وكذلك نسأل كم مرة ذهب الهلال الي الكنغو وكم مرة قابل مازمبي هل كان برفقته امثال هؤلاء ولم نسمع بمثل هذه الاحداث ورقم ان الهلال قابل مازمبي في المربع الذهبي ايضاً لذلك من اين اتي نادي المريخ بهذه البدعة وارسال مرتزقة مع الفريق عند اول مواجهة
غايتو نوصيكم من الان وصاعداً التعاقد مع الدعم السريع من اجل رحلاتكم الخارجية
سجل ياتاريخ
من هو اول نادي سوداني قام بإرسال مصارعين مع فريق كرة القدم من اجل حمياتهم بالخارج وكان جُل مافعله هو منع النساء من تنظيف الفندق ..؟
يلعب نصف النهائى( المربع), المريخ اقصى اعتى الفرق عزام , الترجى ,وفاق سطيف
(حامل اللقب) , الهليل اقصى ام كيكى, وسانغا جربندى...لذالك يكرم المريخ .
ربنا يفك اسراهم
وماننسي اندرزينو
حرام يا جماعة بودي قارد بدون ايسكريم و شوكلاتة دا سبب النكسة !!
غلبو فى بحر الوصيف السباحة و العوم
و لا غلبو يشيل من التلاته أى كوم
إمكن ليلة الهزيمة غلبو الرقاد و النوم
و فى الصبحية عيان و مرضان و مهموم
ده ما رشا الكحيل ده زولاً صبح موهوم
كيفن من أول مرة دايرين تصلوا النجوم
إنتو وصيفاب تابعين لينا بالصك المختوم
طلعنا نزلنا ورانا وجودكم من غيرنا معدوم
الجابكم شنو فى سكة مازمبى البعشوم
هلالنا بس اللى بدى مازمبى السموم
تفرحوا و تشمتوا فينا هاكم كدوا الدوم
واحد القطاطى و 2 سوبا و تلاته أمدوم
و بعد داك توش بحرى و نسى الخرطوم
ود الخالة عصام متوسد الأحزان و الكلوم
مساهر الليالى يحسب ساى فى النجوم
و العجب أبقران قال مالى و مال الهموم
أشوف لىَ فريقاً تانى ما أكون محروم
عجيبة فريقى يأخد تلاتة ضربات أم دلدوم
مريخنا بعدد ثوانى صار كسيح و مهزوم
ذاع الخبر الشين عمً الدالى و المزموم
و فى الخارج برقة .. سوسة و السلوم
سمًعنو البنات ناس عشه و زينة و كلتوم
خمن الرماد و عليه تراب ده ما خبر الشوم
نعق بيهوه الغراب أطرب القمرى و البلوم
و فى نادي الوصيف عشعش سمبر و بوم
همت قال جارزيتو بقى فينا حاكم و محكوم
فسبب ذلك خلل كبير جدا ، لان المريخ يعتمد على الدفاع في بناء الهجمات من الخلف
فصار لا وجود لامير كمال والله كأنه لم يكن من ضمن الـــ 11 لاعب
فهذه نقطة مهمة جدا جدا جدا