الكاردينال يسلم اللاعبين حافز التعادل مع التطواني
كفرووتر / الخرطوم / سلم اشرف سيد احمد الكاردينال اللاعبين حافز التعادل والفوز بالنقطة الغالية من المغرب التطواني عقب المباراة مباشرة وكان رئيس نادي الهلال قد وعد اللاعبين بالحافز وتسليمه لهم عقب المباراة في حالة انتزاع الصدارة من الغربان ليحصل الفريق حافز كبير من رئيس النادي ووعد الكاردينال بحافز مماثل في حالة الفوز في الخرطوم
استغرب للروح الانهزامية للفرق السودانية و على رأسها الهلال و المريخ و حتى المنتخب الوطني لمبالغتهم بالافراح لمجرد تعادل خارج الديار.
يا اخوانا الناس البتلعبوا ضدهم ديل عددهم اكثر منكم و لا ياهم ال 11 لاعب.
يعني شنو مقومين الدنيا على انه المريخ اتعادل مع وفاق سطيف, شنو يعني وفاق سطيف و ليه المريخ ما يهزمه في الجزائر.
اما الهلال فوضعه كارثي حتى في الدوري المحلي الهلال ما عنده اي مستوى مافي لعب ممرحل و مافي فنيات مافي تفاهم ما في حتى ثقافة الاحتراف و التكتيك.
بالله عليك امبارح الكروت لاتير, الشغيل و فداسي دي لاعب بتعلم في الكورة يادوب برتكبها ناهيك عن لاعب بتكلم عن بطولة و كل العالم بتفرج فيها.
يا السيد رئيس النادي اللعب حق امبارح دا ما بستحق اي حوافز دا لو ما اتعاقبو.
نحن غايتو ك هلالاب نوع اللعب دا ما بنفع معانا حتى لو فاز الهلال امس على المغربي.
و بعدين يا السيد رئيس النادي شنو قصة انهاء العقود (سيدي بيه) و التمرد (نلسون) بالاضافة الى الاصابات الغريبة و القريبة من بعض (محمد عبد الرحمن, كيبي قبل مباراة سموحة فداسي) و لاعبين محترفين ما قاعدين يلعبوا (كانتيه) و لاعبين بصنعوا الفارق ما قاعدين يشركوا(فيصل موسى).
و اشياء كثيرة لا يسع المجال لذكرها بس الله يهديكم جيبوا ليكم لعيبة زي الناس و ريحوا اعصابنا.
مالم يتغير الحال ما اظن الفريق يمشي لقدام و الله المستعان.
الكوكى فى اعتقادى لم يضف اى جديد والنقر كان يتخندق ب5لاعبين اما الكوكى فانه ملك الخندقة ب9 لاعبين
لو امتلك الكوكى شجاعة بسيطة لفاز بعدد كبير امس وكان فوز فى متناول اليد بس قدر الله وماشاء الله فعل ونقطة خير من لا شى
اهي ماشة بالبركة ,,,, و رئيس تادي شايل خزنتو في جيبو و حايم ,,
ربنا يصلح الحال و نشوف الهلال احسن
ثانيا مدرب الهلال لا يشبه الهلال إمكانيات ضعيفة جدا جدا لا يعرف متي يستبدل .. وانا رأي أنو صلاح محمد آدم أفضل مدرب للهلال وصلاح محمد أفضل مدرب للهلال في الوقت الحاضر هو مكتشف اطهر ومحمد عبدالرحمن ويا رئيس الهلال لا تضيع الفرصة علينا المرة ده وعين صلاح محمد ادم لان الفرق المرة ده ضعيفة جدا واذا الهلال ما شال البطولة السنة ده ما نشيلها تان... كان لازم يكون هناك لاعب ارتكاز ثان مع الشغيل زي الصيني الكورة السودانية مما ممكن تلعب بلاعب واحد حتي في السودان وعشان تحرر نزار القوي وبشة التعبان ومدرب الهلال واحدة من عيوبه انه لا يغامر بلاعبيين جدد لازم يكون عندك البديل الناجح يا الكوكي واذا ديملسون تمارض او ادعي الاصابة كما يقال في الجرائد لازم يكون عندك البديل الجاهز مثل الصيني والصيني مع الشغيل كان حيلعب تمام صدقوني مش يعني عشان الصيني كان تعبان في مباراة الامل العطبراوي معناتو لاعب سئ لا وألف لا يا الكوكي ... ولازم تجرب اللاعبيين في عدة مواقع يعني اطهر ممكن يلعب رأس حربة وأيضا نزار او بشة ... وممكن تلعب بوي او فداسي لاعب ارتكاز ... وبشة يا الكوكي لاعب بتاع شوط واحد فقط عشان كده الهلال في الشوط الثاني كان سئ جدا ... وأيضا فداسي في الشوط الثاني كان سئ ... والبرازيلين الاثنين إمكانياتهم ضعيفة جدا ومكانهم كنبة الاحتياضي ... وللكورة السودانية أفضل محترف هو اللاعب الافريقي ... وعلاء ولي الدين تقيل لازم تنبهوا بذلك ...
التشكيلة المناسبة للهلال مكسيم - اثير - فداسي ( بوي) - سيسه ... الشغيل - دينلسون ( الصيني ) - نزار بشة (علاء ) ... أطهر - مدثر
* لايوجد فريق فشل في الادارة واضح في التعامل مع المحترفين في الجوانب المالية
* فشل في الادارة في جلب محترفين في الفترة التكميلية
* فشل في الادارة في جلب جهاز فني لايضيف للفريق اي شي وبالعكس يضيف الي المدرب
* ضعف واضح من المدرب في التعامل مع التشكيل والتغيرات المتاخرة جدا
* ضعف في الاعداد للمباراة المغرب التطواني من الناحية البدنية والفنية
* اين نيلسون في هذه المباراة ( مستحقات مالية)
* اين سيدي بية والمشاكل الادارية والفنية مع انه الان فضل ممرر بعد هيثم
* لماذا اختفي كيبي بعد حضور جوليام
* لماذا لايوجد اي شخص يقول لكاريكا انت في اعداد الموتي في الكورة
* جواليام العفو العافية ربنا يسهل ليك في ميدان سباق خيل اخر
* معقولة لايوجد لاعب محور اخر غير الشغيل ونيلسون
* الشغيل له كرت اصفر ونيلسون له كرت اصفر ( الا يجي عمر بخيت اعارة مرة تانية ولا كيف)
* الجزولي في رياضات اخري غير كورة القدم ممكن تلقي نفسك فيها الدنيا ما انتهت في الكورة
* اين فيصل موسي ؟؟؟؟ اذا استبعاد فني مفترض كاريكا يكون في هلال الابيض او المرغني كسلا او النسور والجزولي طبعا فنيا في برشلونة مع الكبري ده
* مكسيم - مساوي - اتير - بويا- سيسي - الشغيل - نيلسون- نزار- بشة - سيدي بيه(فيصل موسي)- كيبي -- تتفقون معي في هذة التشيكيلة
* للاسف الشديد النهائي في اسوء نسخة للدوري الابطال بين ( مازيمبي * اتحاد الجزائر)
* سيكون سبب ضياع البطولة ادارة الكاردينال (سيستم)
* النابي * او ميشو * للجهاز الفني كان شكل الهلال سيكون افضل واقوي
وقع ليك ؟؟