القنصل العام : البعثة ستستمر اسبوع والاجراءات تشمل الرقم الوطني والجواز الالكتروني الجديد

السفارة السودانية بالرياض تسير بعثة قنصلية للشرقية

كفر و وتر / الرياض / أكدت السفارة السودانية بالرياض عن تسييرها لقافلة قنصلية للمنطقة الشرقية ، واكد القنصل العام في السفارة عبدالرحمن محمد رحمة الله أن البعثة القنصلية ستتواجد بمدينة الدمام خلال الفترة من الجمعة 20 فبراير حتى السبت 28 فبراير الجاري لاستخراج الرقم الوطني والجواز الالكتروني وتهيب السفارة بكافة رعاياها بالمنطقة الشرقية الحرص علي الحضور لاكمال اجراءاتهم ، منوها الى ان اعضاء البعثة سيكونون علي استعداد لاستقبال تلفونات ابناء الجالية بالمنطقة الشرقية علي الارقام 0553838643 / 0509238559 / 0502885775 / 0506001434 / 0506815147 .
الى ذلك أكملت الجالية السودانية بالمنطقة الشرقية استعدادها لاستقبال البعثة القنصلية السودانية ، وتهيب الجالية بجميع السودانيين التوجه الي مقر البعثة بقاعة ( الأندلس ) حي الفيصلية لإستخراج الرقم الوطني وإستبدال الجواز القديم وإنجاز أي معاملات قنصلية أخرى.
الجدير بالذكر ان هذه الزيارة للبعثة القنصلية تعتبر الأولى بعد إنقطاع دام حوالي ثلاثة سنوات عن المنطقة الشرقية.

بواسطة : صحيفة كفر و وتر

02-14-2015 03:0 7 0 8504

التعليقات

التعليقات ( 7 )

الترتيب بـ

الأحدث

الأقدم

الملائم

#1

عابر سبيل 02-22-2015 04:0

ظهر عدم مقدرتنا على التنظيم واضحا وجليا عندما حضرت بعثة السفارة السودانية للدمام عصر الجمعة الموافق 20/2/2015م حيث تقاطر جمع كبير من السودانيين لعمل إجراءات الرقم الوطني والجواز الالكتروني الجديد حيث قام افراد الجالية بالشرقية بتسجيل طالبي الخدمة والعدد كان كبيرا وزحام شديد وضاع الموضوع في هذه الزحمة كل يسجل بدون تعليمات من مسئول البعثة الذي لم يظهر للناس حتى الأن وفي اليوم التالي ألغي كل تسجيل وتم عمل تسجيلات جديدة ومازالت المهزلة حتى هذه اللحظات تحكي عن قصة شعب سبق كل الشعوب وأصبح في مؤخرة الشعوب

الرد على زائر

#2

kemoo 02-15-2015 02:0

هل بتم التبصيم والتصوير فى نفس اليوم ؟ ولا نفس الشى كما حصل فى الرياض
استلام الاوراق ثم موعد شهر للتصوير وبعدها شهر لاستلام الجواز ...

الرد على زائر

- 2 - 1
  
  ابو ناصر 02-19-2015 03:0
  
  اسي انا جيت من السفاره مشيت استبدل جواز دفعت الرسوم 530 قلت احتمال اتصور ويخلص يعني اسبوع كان الموظف قال لي تجي يوم 3/29 تتصور قلت ليهو يعني بعد 40 يوم كده صاح وطيب الاستلام متين قال لي بعد شهر من من التصوير طوالي سحبت قروشي منهم ومشيت عملت تجديد للقديم ومشيت انا اقامتي بتخلص بعد 10يوم يعني كان انتهت ومسافر بعد 40 يوم يعني الحالات دي مفروض يكون ليها حل

#3

الشافو خلو 02-14-2015 01:0

يا جماعة الخير دى كفر و وتر ولاحاجة تانية الرقم الوطنى والقنصلية علاقة شنوا عشان تبرونا باخباره اكتب الخبر فى اى حته منوعات الاجتماعية خلو عندكم احترام للقراء وشئ من المهنية كفر يعنى كورة وتر يعنى غناء وشعر و ثقافة القنصلية واخبارة يعنى سياسة وسخافة ارحمونا يرحمكم الله !!!!!!!!!!!

الرد على زائر

- 3 - 1
  
  عادل صبير 02-14-2015 05:0
  
  شكرا لكن جواز الكترونى اخضر بمبى او غيره الجواز السودانى ماعندو سياده يعنى اقل كفيل ممكن يحجزو منك وقدام عينك يقول مابعطيك جوازك اعمل العايزو .... عليه ياناس السفاره احمو جوازات جمهورية السودان قبل جباية الرسوم

#4

عبدالله 02-14-2015 12:0

ولو خلص الفول أنا ما مسئول!! الملاحظ غياب النظام وحضور الفوضى. وبدون تخطيط ووضع خطط للوصول للهدف تعمل السفارة.

الرد على زائر

#5

اتقى الله فى عباده 02-14-2015 10:0

كونوا نطلع جواز الكترونى ليس سيئا انما استنزاف شعب اصلأ منهوك هو العيب الكبير لاننا ما جيناء هنا لنبزخ بل لستر الحال وللقمة الحلال بعد ان صار غالبية ارزاقنا فى السودان عن طريق الحرام واقلها رشوة المسئؤل
بالله عليكم اتقوا الله كل حكومات العالم لخدمة الشعب المواطن اولا الا حكومة المؤتم الغير وطنى الى متى هذا الاستنزاف
قال550ريال +110ريال

الرد على زائر

#6

درس عــصـــر 02-14-2015 09:0

مواعيد غير مناسبة أبدا يا ناس الجالية (آخر شهر)، والرسوم كتيرة خاصة للأسر، يعنى أقل حاجة عايز ليك ألفين ريــال. لو أجلتوها اسبوع يكون أحسن. مش كل الناس مليانة قروش !!!

الرد على زائر