المريخ يعاقب هيثم مصطفي و يخطر الاتحاد العام

كفرووتر / الخرطوم /
برز اتجاه داخل اروقة نادي المريخ بمعاقبة اللاعب هيثم مصطفي و ايقافه عن مزاولة نشاطه بسبب سو السلوك و مطالبته بالشطب من كشوفات النادي و يتوقع ان يرفع المريخ قراره للاتحاد العام خلال الساعات القادمة و يجدر ذكره بان اللاعب كان قد فجر ازمة امس طالبا انتقاله الى الهلال
عالم النجوم

بواسطة : صحيفة كفر و وتر

06-11-2014 08:0 33 0 11626

التعليقات

التعليقات ( 33 )

الترتيب بـ

الأحدث

الأقدم

الملائم

#1

ماروكو 06-11-2014 09:0

تصحيح لمعلومات الاخ اليسع هيثم اتبرع بحقوقه عند نادي الهلال وهي 700 مليون لصالح مسجد الهلال لكن هيثم اخد مليار قيمة عقد احترافي مدته سنتين وما لعب الا سنة ودا كدا حرام عليه اصلا الهلال ما محتاجه في شي دا خنيرة عكننة ولا مثلا ممكن تقايضونا بي كاريكا ولا نزار طبعا هيثم انتهى افتراضيا عمره في الملاعب

الرد على زائر

#2

الدبراوى 06-11-2014 07:0

ياخوانا سيبو الكلام الكثير هيثم شاف عودته للهلال يجأله اصغر تاسع واحد فى الهلال{يإنى فى ثمانية اكبر منه عمرأ} مافى واحد بيقول ليه كبرت. ولاالجماعه يقدرو يجيبو لاعيبه صغار عشان يبدلوه.ياود ياتفتيحه انت

الرد على زائر

#3

Ahmed Mohammed 06-11-2014 05:0

اظن هيثم مصطفى لا يفقه في الفكر الكروي الاحترافي شئ والا ما طالب ناديه الحالي بفسخ عقدة دون وجود مبررات حقيقية تستوجب فسخ العقد مع النادي الذي يلعب له حاليا وهو المريخ العاصمي حيث ان المريخ ادراة ولاعبين وجماهير لم يقصروا معه ابدا بل سجلوه وساندوه بكل قوة عندما تم شطبه من الهلال وعالجوه وعاملوه معامله خاصة حتى فيصل العجب قائدة المريخ ورمانته لم يجد ذلك الاهتمام والعناية التي احيط بها هيثم منزو تسجيله في المريخ اذا كان حريا على هيثم ان يحترم نفسه ويحترم فريقة الحالي ويحترم جماهيره التى احترمته واستقبلته احسن استقبال لما شطب من ناديه السابق وساندته بكل قوة فكان حريا به ان يرد لها الدين وان لا يدخل في اي جدال يغضب تلك الجماهير ومجلس ادارة المريخ الذى احتواه عند المحنة وكان عليه اذا كان يرغب فعلا في العودة للهلال والهلال فاوضه كان عليه ان يقول لهم انا الان لاعبا للمريخ وليس لي حق في التفاوض مع اي جهة كانت وان امر التفاوض والانتقال لاي نادي كان هو بيد مجلس ادارة نادي المريخ هو صاحب الشأن لاني الان لاعب للمريخ وكل عملي وتركيزي ينصب في خدمة فريقي الحالي والتدرب والعمل بقوة من اجل الاستحقاقات القادمة وتحقيق البطولات معه ولما ينتهي عقدي مع النادي عندئذ يكون لكل حاديث حديث هو المطلوب من هيثم فعله اذا كان لاعب محترف يحترم نفسه وفريقه الحالي ام ان هيثم اشتاق للشطب مرة اخرى لان انتخابات الهلال قربت وقد يعود البرير ويفوز تاني برئاسة نادي الهلال ولو وجدت هيثم ثاني مرة لشطبه

الرد على زائر

#4

بكرى النيلين 06-11-2014 05:0

الرب يغفر....والرب يسامح...فلماذا لا نسامح نحن.....هيثم غلط غلطه عمرو..ولكن باب التوبه مفتوح.....

الرد على زائر

#5

بكرى النيلين 06-11-2014 05:0

الرب يغفر....والرب يسامح...فلماذا لا نسامح نحن.....هيثم غلط غلطه عمرو..ولكن باب التوبه مفتوح.....

الرد على زائر

#6

ماروكو 06-11-2014 05:0

ما محتار في المريخ الماعايز يشطبه لانو القصد تأديبه عشان قايل الزعيم لعبة تسجل ويدوك مليار وما تلعب وعايز تمشي الهلال على كيفك محتار بس في الهلال العايز يجيب لنفسه المشاكل تاني ياخ هيثم شنو العبوا كورتكم ساي كان كج عليكم حسع امكن تجيبوا كأس بعد اتخارج منكم

الرد على زائر

#7

ابومحمد 06-11-2014 03:0

الهلال لا يريد هيثم بعد ان ترك الهلال على حسب هواه الهلال مؤسسة تربويه ولن تتراجع عن قرارها فلي1هب هيثم الى مزبلة التاريخ

الرد على زائر

#8

ابومجاهد/1 06-11-2014 01:0

لاعب غير متعود الطيران من التمهيدي كل سنة كان بيلعب ضمن كبار افريقيا فجأة لقى نفسه طاير من التمهيدي و جالس على الرصيف للفرجة و الأدهى و الأمر حتى بطولة حوض البصل سيكافكو حدث ولا حرج اطلقوا صراحه خلوه يذهب لحبيب قلبه في نمور دار جعل ﻷنه يدرك تماما" أن لا مكان له في قلب أمة الهلال سيد البلد بعد تدنيسه للسبعة عشر عاما" بالتسجيل في دار العجزة و المسنين نتيجة قرار طائش اتخذه في لحظات غضب سوف يندم عليه كل العمر ﻷن من يخرج من قلوب جماهير سيد البلد يصعب عودته لها مرة" أخرى

الرد على زائر

#9

دابي الكر 06-11-2014 01:0

ما هو سوء السلوك - هل المطالبة بالشطب سوء سلوك - أم أن سوء السلوك الإداري الذي كذب وقال في أجهزة الاعلام أنه بعيد من تسجيل هيثم ولم يشارك فيه ثم عاد وقال أنه من سجل هيثم - ألا يخشى أن يكتب عند الله كذاباً

الرد على زائر

#10

حالم بوطن احلى 06-11-2014 01:0

والله يا أمير الوالي ذاته لو لقى طريقة كان جانا الهلال خليك إنت ولدنا واتربيت بي لبنا. سبحان الله الهلال دا زي الام لابد للطفل حتى لو بلغ الاربعين يحتاج لحضنها وحنانا.

الرد على زائر

#11

جاد الرب 06-11-2014 01:0

ههههههههههههههههههههههههه ما بنفع معاكم ونحن قلنا زماااااااااااااان ان هيثم خميرة عكننة ومستحيل ينصلح الحال في المريخ وشوفوا النتيجة الحين الراجل بعد ما شلح المريخ عاوز يجي يشلح الهلال لا والف لا لوجود هيثم

الرد على زائر

#12

أبوعبدالله 06-11-2014 01:0

أعتقد أن هيثم إذا طلب من الوالي شطبه لن يتردد الوالي في شطبه ما عشان خاطر عيون كمبالا ستي ولا الهلال بس عشان يتخارج منه

الرد على زائر

#13

ماركو 06-11-2014 12:0

مسكين البدأ يأمل أملو يغلبو تحقيقو والعاشق الجمال معسوق واا سهرو نشاف ريقو أمشي قول ليهو يالمرسال عساه يراعي ملهوفو حبيبك وبي وراك جارت عليهو وخانتو ظروفو فقد صبرو شرد نومو لهيب الشوق حرق جوفو نحول جسمه وشحوب لونه براك أحسن تعال شوفو براي سويتا في نفسي قلبي الحبا ما واعي عشق زولاً مجافيهو وماكان للحصل داعي اقول إتناس حبه يذيد يذيد من تاني أوجاعي طريق الحب مشيت فيهو تعذر تاني إرجاعي خطاباتي البوديها تقول لا بتمشي لاحاجة وديت ليه زول مرسال والمرسال مشى وما جاء بقيت انا والنجوم بالليل سوا نساهر ونتناجى والناس الي كانو السبب رموني وصبحو فراجه

الرد على زائر

#14

ابومازن 06-11-2014 12:0

تستاهل يا خائن والهلال تاني إلا تشموا قدحه، وأنا واحد من الناس لو رجع هيثم الخائن للهلال سأعتزل تشجيع الهلال حتى يعتزل الخائن ويروح في ستين داهية.

الرد على زائر

#15

محمود النور 06-11-2014 12:0

أشطبوه .. خللوه .. دا ما نافع ..؟

الرد على زائر

#16

ابو الملوك 06-11-2014 12:0

برضوا عقوبات بسبب سوء السلوك ,, الظاهر الراجل ادمن سوء السلوك وبرضوا تقولوا البرير غلطان و المرحوم الطيب عبدالله غلطان وكروجر غلطان و غارزيتو غلطان و عدد من لاعبي الهلال غلطانين وهسع ادارة المريخ غلطانه ..

الرد على زائر

#17

جنجنيتا 06-11-2014 12:0

مازال جمهور الكرة السودانية بعيدا عن الجمهور الذي يفهم في كرة القدم فليعلم الجمهور هنالك فرق بين العواطف وبين القوانين الرياضية هيثم مجرد لاعب عادي يطبق عليه القانون واللوائح

الرد على زائر

#18

محمد مبارك 06-11-2014 11:0

1/ يستاهل المعاقبة 2/ لايوجد اي قانون يسبب اضرار لاي لاعب في حالة العقوبات يمكن للاعب ان يلجأ للفيفا 3/ عواقب التهور ارجو يستفيد منها كل لاعب

الرد على زائر

#19

الصواعق 06-11-2014 11:0

يا هيثم كان مدخلك هو اصدار بيان بالندم والاعتذار ... الاعتذار لمقام رئيس الهلال الذي اسأت له (وليس بالضرورة للبرير) ثم الاعتذار للجماهير التي احتلت النادي...والاعتذار لكل مجتمع الاهلة... ثم وعد الاهلة بانك ستكون اضافة حقيقية للهلال متمسكا بقيمه ومبادئه باحترام الكبير ورعاية الصغير والتمسك بالروح والخلق الرياضي.. لكن نقول الله يجازي الكان السبب... ونقول حليل الكان بيهدي الناس صبح محتار يكوس هداي... دي شورة وتدبير وتخطيط صلاح ابليس لمصلحتو ...غطس حجرك ياهيثم مع الهلال أولا.... واليوم يكرر ليك نفس السيناريو مع المريخ ولمصلحتو الشخصية ايضا ... بالرغم مما قيل "لا يلدغ المؤمن من جحر مرتين" ... فخم وصر لانه لا احد يجد لك مبررا يشفع ليك حقيقة...صحيح كنا بنحبك وانا شخصيا قدمت ليك عدة نصائح قبل مشاكلك مع غارزيتو والبرير... وكتبت عنك ثلاثة حلقات سميتها (هيثم قيثارة الكرة السودانية)... اليوم بصراحة لا اطيق ان ارى وجهك لانك طعنتنا من الخلف .... ووطئتنا بجزمتك ... ومرمغت كرامتنا في بركة آسنة... و بصراحة ايضا اليوم قلوب الاهلة تعلقت ببشة وكاريكا وبكري ونزار... وبقية الاقمار ...

الرد على زائر

#20

حمدالشيخ ادريس 06-11-2014 11:0

اتمني اتخاذ القرار باسرع فرصة لتكون نهايته بيده وليعلم ان المريخ ليس لعبة في يده واجمل قرار اتخذه الوالي عدم اطلاق صراحه

الرد على زائر

#21

حمدالشيخ ادريس 06-11-2014 11:0

اتمني اتخاذ هذا القرار باسرع فرصة حتي يقف في حده وما تقوم ليق قايمة

الرد على زائر

#22

الصواعق 06-11-2014 11:0

الله يجازي الكان السبب... حليل الكان بيهدي الناس صبح محتار يكوس هداي... دي شورة وتدبير وتخطيط صلاح ابليس لمصلحتو ...غطس حجرك ياهيثم مع الهلال أولا.... واليوم يكرر ليك نفس السيناريو مع المريخ ولمصلحتو الشخصية ايضا ... بالرغم مما قيل "لا يلدغ المؤمن من جحر مرتين" ... فخم وصر لانه لا احد يجد لك مبررا يشفع ليك حقيقة...صحيح كنا بنحبك وانا شخصيا قدمت ليك عدة نصائح قبل مشاكلك مع غارزيتو والبرير... وكتبت عنك ثلاثة حلقات سميتها (هيثم قيثارة الكرة السودانية)... اليوم بصراحة لا اطيق ان ارى وجهك لانك طعنتنا من الخلف .... ووطئتنا بجزمتك ... ومرمقت كرامتنا في بركة آسنة... و بصراحة ايضا اليوم قلوب الاهلة تعلقت ببشة وكاريكا وبكري ونزار... وبقية الاقمار ...

الرد على زائر

#23

شمس 06-11-2014 10:0

الشطب بسبب سوء السلوك .ههههههه.. انتو لمن سجلتوه ما عارفين انو انشطب من الهلال بسبب سوء السلوك..تستاهلوا البعملوا فيك يا مريخاب ..

الرد على زائر

#24

asoo 06-11-2014 10:0

الشخص الناجح في السودان يمارس عليه الحقد والحسدو هيثم من اللاعبين الموهوبين وهو القائد الواثق من نفسه وهو المؤثر في زملائه في الاوقات العصيبه في المباراة او خارجها.. هذا اللاعب واجه الظلم في الهلال وختم البرير ختمه البارز بعد ان شطبه من الهلال وابقى على لاعبين ليس بالامكان مقارنتهم بهيثم مصطفي.. وكان للبرير ما اراد من يشفي حقده و سؤ نفسه في ان يفتري ويسجل له التاريخ بانه شطب سيد الكوره في السودان.. واقول سيد الكوره في السودان لا في العالم حسب مستوى لاعبينا.. لانه لا نريد المقارنات بان هيثم ما احسن من رونالدو ولا ابو تريكه ولا غيرهم..والمثل بيقول ( الاصبع الواحد ما بغطي الوجه) هيثم اهم اصابع اليد!! ذهابه للمريخ نوعا ما غير مقبول ولكن الحقيقه تقال المريخ والهلال هما اعمدة الكوره في السودان .. وقد تكون في نفس هيثم ان لا يلعب في مستوى اقل من الهلال فسجل للمريخ.. وان كان افضل له يلعب خارج السودان..ولكن كاذب من قال بان هيثم لا يحب الهلال وكاذب من قال ان هيثم لا يتمنى العودة للهلال..هيثم يحب الهلال مثل ابنه دعوه يرجع الي بيته و لو دون مقابل والدليل العرض المغري من المريخ الذي رفضه وديونه التي تبرع بها من قبل للهلال.. دعوه يرجع و اتقو الله يا اداريوا الحقد والحسد!!

الرد على زائر

#25

ود الحسين(بربراوي) 06-11-2014 10:0

هيثم شطب من الهلال بسوء السلوك والآن يعاقب من المريخ أيضا بسوء السلوك ( لوأتنين قالوا ليك أضانك مافي أهبشه ) بعد كدا إلا السجن ياعمك

الرد على زائر

#26

الشـــرس 06-11-2014 09:0

يا هيثم مصطفى ... احترم نفسك وشوف ليك شغلة غير لعب كرة القدم .. امشي اقرأ كورس تدريبي .. وشوف درب التدريب وين.. الهلال دا تاني الا تلحس كوعك

الرد على زائر

#27

ورده 06-11-2014 09:0

سوء السلوك ؟ انتو كنتو فاكرين البرير غلطان لمن اداهو الكرت الاحمر ؟ يللا أشربو .

الرد على زائر

#28

الجيلى التوم 06-11-2014 09:0

هذا كذب وخداع لشعب الهلال اذا كان يريد الهلال كان قدم خطاب فسخ عقده للاتحاد العام المريخى هيثم و جمال الوالى اتفقا على زلة شعب الهلال

الرد على زائر

#29

ابو غسان 06-11-2014 09:0

اين كان هذا العشق الجنوني للهلال ياهيثم عندما ركلت 17 عاما من حب ومساندة جمهور ومؤسسة الهلال لتكيد البرير انتقاما لنفسك ماهذه الانانية؟؟؟؟؟؟؟

الرد على زائر

#30

الباسل بابكر 06-11-2014 09:0

ارحمو عزيز قوم ذل

الرد على زائر

#31

فرح بشير علي 06-11-2014 09:0

براي سويتا في نفسي!!! دي اخرتا ياهيثم

الرد على زائر

#32

ألمو 06-11-2014 09:0

برايا سويته في نفسي قلبي الحب ما واعي عشق نادي مجافيه وما كان للحصل داعي

الرد على زائر

#33

كتوش 06-11-2014 09:0

نفسي اعرف انتوا يا ناس المريخ الجابركم علي المر شنو ؟؟؟

الرد على زائر

أكثر

المريخ يعاقب هيثم مصطفي و يخطر الاتحاد العام

جديد الأخبار

تأخير مباراة صقور الجديان وجنوب السودان

المشاكل المالية تهدد عودة الثلاثي المريخي

للمشاركة والمتابعة

أقسام الصحيفة

روابط مهمة

رسالة الصحيفة

مواقع التواصل