وصل الخرطوم فجر اليوم برفقة وكيله

اخيراً .. تراوري رسميا في قبضة المريخ

الخرطوم / معاوية الجاك / وصل الى الخرطوم فجر اليوم نجم الهلال السابق محمد تراوري للتوقيع في كشوفات المريخ مع وكيله و كان اللاعب قد توجه الى مقر اقامته بفندق روتانا عقب وصوله مباشرة الى الخرطوم للتوقيع في كشوفات المريخ وسيتحرك اللاعب صباح اليوم الى غرفة المريخ لحسم امره بالتوقيع للمريخ اليوم .

الهدف

بواسطة : صحيفة كفر و وتر

12-08-2013 08:0 20 0 9519

التعليقات

التعليقات ( 20 )

الترتيب بـ

الأحدث

الأقدم

الملائم

#1

جو 12-09-2013 01:0

المدعو الصواعق مقالك ينم عن انسان حاقد حقد دفين مادخل السياسة بمعركة التسجيلات ـ وعامل فيها في السعودية طيب شفت كيف الإحتراف هناك والأمثلة عندك بالكوووووم هزازي ونور من الإتحاد للشباب والنصر والشمراني من الشباب للهلال وعطيف وأسامه وكثيرووون غيرهم فلماذا تغني بتراوري وكلتشي وتدخلنا في قصة سياسة وغيره،،، أم هي دعوى على الإنقاذ والمؤتمر الوطني ، أم هي إفتاءات والسلام،،،، يا أخي القلم أمانه ودعونا في الشأن الرياضي وبلاش سياسة وسجم رماد،،، تسجيلات هلال ومريخ المستفيد منها السماسرة وبس والنتيجة خروج كل الفرق السودانية من أي تمثيل خارجي على مر السنوات السابقة،،، ياااااااخي خلافكم تعبااااان وحنكم بيش تسجيلات وصرف بزخي والنتيجة صفر كبير وإعلام من الجانبين والكل يكيل بمكيالينن،،، يلا قدواااا كرهتونا الكورة زاتووو

الرد على زائر

#2

عثمان كنجير 12-09-2013 12:0

ماهذا البكاء ماذا دهاكم ايها الصفراب لما كل هذا العويل والله ياوالينا بالغت بالطريقة دى كل سنة نحن نجى نعزى اخوانا فى العرضة الشمالية بالطريقة يوم بنمشى ﻻختنا كنتوش دى فى مستشفى القلب يوم بالطريقة دى يوم حنسمع باخونا الصواعق يوم طقتو صاعقة مالكم ايها الصفراب كيف تحكمون هذى بضاعتكم ردت اليكم فذوقوا ماكنتم نفعلون ان نسيتم فلم ولن ننسى ان نسيتم كيف فاوضتم علاء الدين وهو يستعد لمباراة القمة فلن ننسى ان نسيتم كيف اغويتم حمودة بشير فلن ننسى ان نسيتم كيف غدرتو بنا فى ادوارد جلدو فلن ننسى ان نسيتم كيف اتيتم بلاميدو فلن ننسى ان نسيتم كيف هرولتم نحو كلتشى الى نجيريا فلن ننسى ان نسيتم كيف حاولتم مع خالدونا راكل الكرتونة فلن ننسى ان نسيتم محاولتكم مع راجى فلن ننسى ان نسيتم تدخلكم فى صفقة والى القضارق حتى ضاعت منا فلن ننسى ان نسيتم رغبة ولدنا مهند الطاهر واستعانتكم بوالده لصالحكم فلن ننسى وان نسيتم زمااااااااااااااان على قاقرين فلن ننسى ....................... التاريخ يشهد بان الصفراب هم اهل الغدر دعوا النواح والينا رجل مهموم بحبه الكبير ويسعى فى قوته وﻻيهمه صفركم فى شئ فانتم لستم ندا لنا كى ننشغل بكم وانتم لستم بالقوة التى تجعله يفكر فى اضعافكم اصحوا من هذا الوهم الذى زرعة فيكم رمضان اتركوا خرافات محمد عبدالماجد انسوا ان هنالك سخفى يدعى الرشيد على صور ما بالكم تكثرون النواح كلما سجلنا ﻻعبا لله درك يا والى فعندما تضرب ضربتك يفرح معظم الشعب السودانى وتبكى فئة مسنضعفة مغلوبة على امرها الصفوة كانت فى الميعاد الاحمر الوهاج قدل مريخ كبير مريخ عظيم مريخ بطل

الرد على زائر

#3

ابو عبدالله / جده 12-08-2013 04:0

طبيعي ان ياتي للمريخ ويلعب به بعد ان عرضه وكيله على عدد من الانديه وجميعهم رفضه الا واحد منهم وقدم له عرض اقل ما يوصف به انه مضحك - المريخ قمة ما يطمح فيه لاعب سبق له ان لعب للهلال / واللاعب كان في طريقه للرضوخ لعرض الهلال الذي قيمه تقيما مناسبا وبعد ان فشل هو في الحصول على اي عرض خارجي يبعده عن الهلال رضخ تماما وهنا جاء دور المريخ وجمال الوالي وكلاهما يفلح في مثل هذه الامور التافهه التي فيها نكوص عن العهد كيف لا وكليهما تربية المؤتمر الوطني الذي ما عاهد على شيئ والتزم به / تسجيل تراوري للمريخ اذا ظنه البعض سهلا فهؤلاء سزج واللاعب ما زال لاعبا بالهلال - وباي باي gentleman agreement

الرد على زائر

#4

الشافو خلو 12-08-2013 01:0

عالم متعوده عل أكل فضلات الأسود

الرد على زائر

#5

أبوعبدالله 12-08-2013 01:0

أولاُ عقد تراوري الماسورة ينتهي بنهاية شهر ديسمبر أي بعد نهاية فترة التجيلات ومما يعني أن الوالي قدر بالإتفاقية مع أن اللاعب والله لا يستحق ان يلعب في الهلال إلا أن الوالي يعمل على إشعال الفتة بين الجماهير وخاصة بعد تسجيله لهيثم وعلاء ومن قبله كلتشي ومفاوضة سادمبا سابقاً والآن يعاود الكرة مرة أخرى لماذا الوالي يصر على غدر الهلال والإغرار بلاعبيه ليعلنوا التمرد قبل نهاية عقوداتهم وخاصة تراوري فعلى المجلس الجديد المعاملة بالمثل فبلغ السيل الزبى والبادي أظلم ويكفي الصبر لهذا الرجل

الرد على زائر

#6

Abu Hamid 12-08-2013 01:0

عيييييييييييييك .. الحق ... الليلة الصفراب كبوا دموعهم في كترة سطور ... الليلة الزعيم المريخ خلى الاطرشض رطن ... الجماعة الليلة مقالات بالكوم ومواساة ومأتم .. وعييييييييييييك ...ان شاء الله البركة فيكم يا صفراب ..وعندي ليكم اقتراح يا صفراب .. ما تسجلوا ايفوسا خاصة انو جاء للسودان وطالبكم قروش ... منها تكونوا عوضتوا ترتوري .. ومنها يتناسى ديونه ... تهي تهتي تهتي .... بكيتوني معاكم يا صفراب ..

الرد على زائر

#7

Hajjam 12-08-2013 12:0

شوف الفرح كيف باين علي كتاب الجرايد الصفراء وذكرني بقول الشاعر( رأي الغراب جبنة في دار لبعض قوم من ذوي اليسار فسل منها قطعة وطار كأنه قد ملك الامارة) ما احلي فضلات اسياد البلد وكم انت عظيم ياهلال.

الرد على زائر

#8

nasir 12-08-2013 12:0

والله الواحد يستغرب من بكاء الاهلة قلتوا الحكومة ما بتدعمنا قلنا كويس..الحين جبنا ليكم المؤتمر الوطني لي ناديكم...قلتوا مفلسين والدين كتر عليكم..برضو دعموكم وبدؤ يحلحلوا فى ديونكم.........وبعد ده برضو تبكو..كل ما الزعيم عمل حاجة بالجد الزعيم كبير عليكم وعلي غيركم...الزعيم لا يقاوم... مبرووك للصفوة...ترتوري وده مع الطيارة اوليفية وخلفهم..سيدا الساجد العابد..وباسيرو حاجة عجيبة........كبيييير يا الزعيم الصفوة بتحببببك كتير ياوالي الجمال..حفظك الله ورعاك.. ز

الرد على زائر

#9

nouralla 12-08-2013 11:0

يا احباب كل سنة درج اخوتنا المريخاب بسن سنة فى موسم التسجيلات كدى نمشى معاكم واحدة واحدة ونرجع بيكم شوية لوراء بدءا بشهادة مرض اللاعب عمو نجاد مش المريخاب ديل جابو ليهو شهادة انه لجنة وعندو قلب وتم شطبه وعدم اعتماد تسجيله وبعد كم يوم ظهر لينا عمو صحيح معافى ومواصل نشاطه فى بلده ههههههههه. اها تانى كمان جابو ليهم حاجه عجيبه عندما تم شطب الشغيل فى اخر يوم من التسجيلات وكان باب التسجيل قفل خلاص قاموا قالوا شنو تم اعادة تسجيله بجواب استرحام من قبل المريخ لكى لا يتوقف نشاط اللاعب ههههههههه وتم اعتماد رجوعه فى كشوفاتهم. اها نجى لقصة البلد ما امنة ومشاكل الحرب ومقتل القذافى دى حصلت امتى عندما تم تسجيل اديكو ورجوع الباشا من الاعارة والكل يعرف وحتى الاتحاد العام يدرى ذلك الخطأ الذى كان فى عقد اللاعبين وقد تم غض الطرف عن تلك كل المخالفات وتم رفض كل الشكاوى التى تمت من قبل الفرق الاخرى. خليكم معاى واحده واحده عشان تشوفو اخوتنا المريخاب بعملوا فى حاجات كده خلوها ساى بس ما نسرح بعيد نجى لقصة جامعة الدول العربية اخونا رمزى صالح قالوا تم تسجيله بواسطة جامعة الدول العربية يا اخى دى شدة ما قوية الاتحاد العام وكل السودانيين للان مخلوعين فيها عشان كده ما فى زول احتج عليها ولا استفسر منها حيرتونا والله انتو الزول البخترع ليكم الحاجات دى لو حضر زمن ناس نيوتن وباقى الشباب كان اشتهر معاهم. نأخذ استراحه شوية ونطوف بيكم الى الحريات الاربعة الحضرى وما ادارك ما الحضرى معقولة يا جماعة كدة فى زول هضم الحكاية دى حتى الاتحاد العام للان محتار كيف مرت عليه هذه النظرية. هوامش: سؤال يا مريخاب انتو الحضرى فى كشف الاتحاد الافريقى مسجل مجنس ولا مصرى ؟؟؟؟؟؟؟؟؟؟؟ الاجابة مهمة شديد لو قلتو مجنس معناها خالف لوائح الاتحاد السودانى ولو قلتو مصرى دى طبعا بجر بيكم هواء تانى من جديد وتتفتح المواضيع ونجيب ليكم الصحفى خالد عزالدين هههههههه. اها نجى للسنة دى جابت ليها كمان قالوا بنسجل رجاله وقلع سمعتو بالحاجه دى قبل كدة يا جماعة, الناس ديل سمعو انو عقد تراورى بنتهى بنهاية السنة دى يعنى بعد التسجيلات تنتهى طبعا الموضع ده حاز فيهم شديد وقعدوا انظروا قالوا شنو العقد بتاعو عند الوكيل وبنتهى بنهاية سبتمبر شوفتو كيف يا مريخاب العقلية بتاعتكم. طبعا الجماعة شكلهم قنعوا لانو شايف اتجاه لاعادة كليتشى هههههه. انتو مش قلتو انو ماشى تايلاند ههههه. يعنى اوكيرى+احمد عبدالظاهر+تراورى= كليتشى تانى نمشى شوية شوية ونشوف علاقة الاتحاد المريخى مع غريمه المريخ حادثة تسجيل ابراهومة دى حاجه غريبة والله كيف الاتحاد يعمل عملية زى دى اللاعب كان مفكوك ولمن علموا بان الاسياد دخلوا فى الموضوع قام الاتحاد العام ويمثله الشخص اياه معروف الاسم نبه اصحابنا المريخاب بالموضوع قاموا رسلوا خطاب بتصعيد اللاعب بدون علمه ؟؟؟؟ دى نقيف عندها شوية واللاعب انكر باتصالات المريخ له. السؤال كيف تم تسجيل اللاعب بدون علمه؟؟؟ وكيف تم توقيع اللاعب؟؟؟ هل وقع بنفسه؟؟؟؟ وهل اتى الى الاتحاد ووقع؟؟؟؟ اسئلة تحير صاح وما علاقة الاستاذ عضو الاتحاد اياه بتسجيلات المريخ لانو كلو ما يجى موسم التسجيلات يظهر اسم هذا العضو واشيل واييد كلما يخص المريخاب. فى النهاية الموضوع خطير شديد ونوجه الاسياد بالمطالبة بخاب التصعيد. اها نجى لموضوع الدعيع و ابداء الرغبة, وتانى ظهر اسم عضو الاتحاد واييد الموضوع اياه. انتو اعضاء الاتحاد لمن امشوا مع المنتخب بكونو شايلين الاختام والخطابات دى جاهزه فى حقائبهم ولا شنو ؟؟؟؟ كدى نجى لحديث صاحب البيانات اياها تانى قام ارمى فى الكلام قال شنو موضوع الدعيع محسوم وده كلام ناس ساى ما بحبو المريخ يقدم لقدام هههههههه. اخيرا: انتو اخبار شكوى اهلى شندى؟؟؟ واترفضت بسبب شنو؟؟؟؟ولا ما ترفضت ؟؟؟؟ ولا الحاصل شنو فهمونا لو فى حد فاهم؟؟؟

الرد على زائر

#10

محمد الحسن علي مصطفي 12-08-2013 11:0

شيلو الشيله وجاكم السم القدر غداكم يامواسيييييييير تراوري جاءءءءءءءءءء لالالالالالال ومنو البرج ا

الرد على زائر

#11

كتوش 12-08-2013 10:0

الوالي اتعود علي الجاهز قروش ما ليها حد من غير ما يتعب فيها ومن غير ما يدق فيها حجر دقش يلف ويدور علي لعيبة الهلال المحترفين ويغريهم باالمال وافتعال المشاكل مع الهلال حتي يصل الفريق مع اللاعب الي طريق مسدود ويصطاد الوالي في الموية العكرة الاساليب التي يتبعها مرجان اساليب ملتوية واساليب مخجلة لكن كل انسان بيعمل بااصلو وكل اناء بما فيه ينضح وده ما شي جديد علي الوالي الكل يعرف عنه هذه الصفات التي تتطابق تماما مع شخصيته الانتهازية .. بقول ليك ياالوالي : طول مع انت بتلعب الاعيبك الغذرة دي المريخ ح يطلع من التمهيدي كعادته لان (ذمة الخيانة بيانة) وح تشوف والايام بينا قال اتفاقية جنتل مان قال هو وينو المان البتختوا يدكم في يده؟؟؟ يا حليل زمن المانات الكلمتهم زي السيف ..

الرد على زائر

#12

عماد عثمان - جدة 12-08-2013 10:0

خطير يا والى ، تراورى لاعب سريع و هداف و أكيد حا يبدع فى المريخ لأنه الأجواء مثالية و البوفيه مفتوح 24 ساعة و زول ببيت بدون عشاء مافى .. بس لا تنسى أصحابك السابقون ناس سينكارا و بامبا رسل ليهم سندوتشات بدل البهدلة الحاصلة ليهم دى.

الرد على زائر

#13

ماجد 12-08-2013 10:0

ستجد ما يسرك في القلعة الحمراء كل شيء مهيأ للابداع واتمنى عودة القاتل البارد كليتشي ليكون بجوار السفاح تراوري وموتو مغص يا هلالاب

الرد على زائر

#14

احمد ابوعاصم 12-08-2013 10:0

خطير يازعيم - طارت الصقارة وخلت ام رخم لله في الدارة - الهلال مصدر لتوريد حتياجات الزعيم -

الرد على زائر

#15

الصواعق 12-08-2013 09:0

هذه المرة لتكن لدينا الشجاعة أو بتعبير ادق رفع الحرج لوضع الحقيقة امام الجماهير وفي اعتقادي ان الجماهير ايا كانت فهي فاهمة ومعلمة ولها نبض لا يموت مهما حاول الاخرين دفن الحقيقة واصدقكم القول ان لم نفجر الحقيقة اليوم ونضع ايدينا على الجرح سينفجر الأمر ليصل لاحداث جسسام لا يحمد عقباها نتيجة للشحن المتكرر أولا... ودفن رؤسنا في الرمال لكي لا نرى العواقب...اقسم بالله العلي العظيم ان تصرفات الوالي هذه ستؤدي لانفجار وسط كافة الرياضيين وخاصة بين جماهير هلال مريخ.. فمهما كانت كفاءة الامن فلن تستطيع احتواء ما سيحدث نتيجة لهذا الانفجار لذلك رأيت كتابة هذا لعل وعسى ان يتدارك العقلاء الامر لكي لا يصل لنهاية مأساوية...ربما لنفس نتائج بورسعيد ....عندها سيلبد ويختفي الوالي تماما من المشهد...وكأنه لم يفعل شيئا... وسيقوم مطبلوه بخلق التبريرات اللازمة لابعاده عن الاتهام.. .يؤكد ذلك في تاريخ مريخ الوالي الكثير من الوقائع التي تصرف فيها الواليي بصورة سلبية وكانت نظرته الضيقة والمحدودة تتلخص في شوية هتافات باسمه من الجماهير .. وصور واخبار تنشر في صحفه...ثم زيادة انحياز وولاء لشخصه من افراد ومؤسسات رياضية اهلية ورسمية وجيش جرار من صحفي المريخ وبعض صحفي الهلال ايضا مستغلا قربه من القصر ومن خزينة الحكومة والحزب ... وتأكيدا لما سبق اود أن أذكر بعض المواقف السلبية التي حدثت لان البعض لا يرى طمعا الا الايجابيات زورا مقابل الاموال المنثورة ذات اليمين والشمال وسلطة مسخرة لخدمة الرجل... فاذكر في انه في يوم مباراة المريخ والامل التي توفي فيها ايداهور التي كنت اشاهدها اتصل بي احد الاصدقاء المريخيين وطلب مني تسجيلها له على سي دي...وفجأة وقع ايداهور وكان لاعبوا المريخ الذين يقفون حوله ينادون بانزعاج واضح بسرعة دخول الاسعاف ... والمباراة متوقفة والجماهير متحفزة وهناك خلفيات عدم استلطاف من جماهير الفريقين لبعضهما البعض .. في هذا الجو اصدر سكرتير المريخ (قريش بيانا اعلن فيه موت ايداهور ) نلاه بيان من رئيس المريخ مهددا متوعدا من قام بذلك بالعقاب وكاد هذا البيان ان يؤدي لمجزرة على لاعبي الامل لولا ان قوة مكافحة الشغب كانت قريبة وجاهزة قامت بحماية اللاعبين وتفريق الجماهير بالغاز المسيل للدموع...وقمت فورا باعادة واقعة وقوع ايداهور عدة مرات وتأكد لي ان ايداهور لم يحتك به احد من لاعبي الامل .. وعلى الفور علقت في كفر ووتر بشهادتي ان ايداهور لم يمسه اي لاعب من لاعبي الامل مستشهدا باعادة التسجيل عدة مرات ونشرت كفر ووتر تعليقي في حينه ... في ذلك الوقت استغربت كثيرا من تصرف الوالي هذا لكونه لم يمارس مهارات القيادة وانما لم بممارسة دور مشجع متعصب كاد ان يؤدي لعواقب كارثية والغريب في الامر انه لم يشر احدا لهذا الموقف او ينتقده الامر الذي يؤكد سلبية وقصر نظر الاعلام الرياضي ... بل استطاع ان يقلب الموقف لمصلحته من خلال استئجاره طائرة كاملة يرافقها عدد كبير من اقطاب ومشجعي المريخ وتضخيم الحدث لتغطية الموقف الذي كان سيتسبب به من خلال بيانه بالميكرفون الداخلي للاستاد... (2) قام الوالي بمعاونة مساعديه بالتخطيط لخطف طمبل هداف الهلال عن طريق كبري جنوب افريقيا... حيث اعاد تسجيله للمريخ بمبلغ مليار ... واقعة تبرهن انه خطط لضرب عصفورين بحجر واحد - اضعاف الهلال اولا ثم تقوية المريخ..- كانت تصريحاته في تلك الفترة حاجة المريخ لهداف قناص - وهو اسلوب سلبي لا يؤدي لتطوير الكرة في البلد.. بل يعني انه ديدن هذا الرجل هو سلوك اسهل واقصر الطرق ليس لتطوير الرياضة وانما للكسب الاعلامي.. (3) تلاه خطف كلتشي (كهداف قناص) حيث قام بالتفاوض مع كلتشي قبل ثلاثة اشهر من انتهاء عقده وقام بتحويل مبلغ 80 الف دولار لحساب كلتشي في نيجيريا قبل ثلاثة اشهر من تاريخ انتهاء عقد كلتشي والتي كان فيها مستوى كلتشي تماما كمستوى تروري بعد تفاوض الوالي معه ومع وكيله سرا- كشف مؤامرة كلتشي عديله صلاح ادريس في تصريح سحبه سريعا بعد ان شعر بانه سيسبب له مشكلة عائلية تسرب من خلالها له هذا الخبر... فكان صلاح ادريس يرى بان علاقته بالوالي اكبر من مصلحة الهلال الكيان... (4) ادارة عطا المنان (امين خزينة الاتحاد)عملية انتقال هيثم مصطفي وعلاء الدين للمريخ وهو كان خارج البلاد .. - كانت قناعة الوالي في تلك الايام حاجة المريخ لصانع العاب وقد تعاقد مع الكثيرين لذلك - وهناك الكثير من تصرفات هذا الرجل التي تساندها الحكومة والحزب الحاكم واتحاد الكرة والجهات النافذة في القصر ورئاسة مجلس الوزراء الاتحادي.. كل ذلك تحت شعار التمكين... تمكين الحزب من اهلية الرياضة... اليوم يتخلى الوالي عن كلتشي ليقوم باغراء تراوري ووكيله والتفاوض معهما بنفس الاسلوب الذي تم مع كلتشي.. فخلال الدورة الاولى سجل تراوري للهلال عشرة اهداف وبعد اغراءات الوالي تمرد واصبح عالة على هجوم الهلال وذلك تماما كما فعل كلتشي خلال الاشهر الثلاث الاخيرة له بالهلال لنرى ماذا سيفعل مجلس التسيير في هذا الخصوص... فهل يلدغ المؤمن من الجحر عشرات المرات؟؟؟ ام ان الأمر بقية المشهد ستكمله الجماهير بايديها؟؟؟ انتبهوا الا هل بلغت اللهم فاشهد اللهم فاشهد اللهم فاشهد... فتحت الرماد وميض حارق لا يراه الكثيرون من المهللين صحافة وجماهير... وبلغ السيل الزبى... ولا ادري الي اين يسوقنا رجال هذا النظام الذين تأكد لرئيسهم فشلهم بعد اعلانه بالتغيير المرتقب... فهل سيكون التغيير للافضل ام ان ما افسده الدهر لا يصلحه العطار.. . اذ ناديت ولكن لا حياة لمن تنادي.. فهل يستطيع مجلس الامراء ضرب جرس الانذار وهذا هو اضعف الايمان...

الرد على زائر

#16

ماركو 12-08-2013 09:0

يا بخت سعيد بسعيده

الرد على زائر

#17

جرح 12-08-2013 09:0

ده لاعب ماسوره غايتو ربنا يصبرنا علي زعيمنا هسي ساكواها م اخير منو؟؟؟

الرد على زائر

#18

naser88818@yahoo.com 12-08-2013 09:0

مبروك عليكم ما يحلوا ليكم الا بواقي الهلال سيد البلد شوفوا كيف الهلال رفض كلتشي عشان اتوسخ بى شعار المريخ فريق ما عنده كرامة بعدما لطخوا البيه الحضرى

الرد على زائر