×

اضغط هنا إن لم يقم المتصفح بتحويلك آليًا.
  • ×
الأحد 28 أبريل 2024 | 04-27-2024

سبعة من الاندية بقيادة الهلال تهدد بالانسحاب من الممتاز

سبعة من الاندية بقيادة الهلال تهدد بالانسحاب من الممتاز
كفرووتر / الخرطوم  هددت سبعة من اندية الممتاز على رأسها الهلال و الرومان و الاهلي مدني والارسنال و الموردة و النسور بجانب الامل بالانسحاب من بطولة الممتاز بسبب ضعف الحكام و كان قد السباعي طالب بحكام اقوياء في المرحلة المقبلة او الانسحاب من البطولة و ارجأت قرار الانسحاب للسبت المقبل .
امسح للحصول على الرابط
بواسطة :
 25  0  6561
التعليقات ( 25 )
الترتيب بـ
الأحدث
الأقدم
الملائم
  • #1
    خالد بركيه 10-22-2013 02:0
    يكون احسن وعلي الاتحاد العام انزال اقصي عقوبة علي الاندية التي تنسحب والفيصل القانون والاتحاد الدولي ونرتاح من حاجة اسمها كورة سودانيه
  • #2
    صهيب 10-22-2013 12:0
    دي الاندية الوطنية . طبعا الاهلي عطبرة تابع لوالي النيل ، اما الاهلي الخرطوم و الخرطوم الوطني المغلوب على امرهم من اجل التمويل تابعبين للجيش و الشرطة و هلال كادوقلي و مريخ الغاشر تابعين للولاة و معروف الولاة تابعين لمنو، و النيل تابع للإتحادي و الذي يستنفع من الكيزان. اما المريخ فهو نادي الكيزان و يقوم المؤتمر الوطني بدعمه مما تبقى لهم من مال البترول ، اي حد يشوف كوز اصلي تجده يشجع المريخ. اندية الخرطوم و الاهلي الخرطوم و الاهلي عطبرة و هلال كادوقلي و مريخ الفاشر يرجى منهم. النادي الوحيد التابع للكيزان هو المريخ. اما النيل بقدرما مستفيد الإتحادي من الكيزان هو برضو مستفيد من الإتحاد و من المريخ لانهم تابعين للمؤتنر الوطني.
  • #4
    المعلم 10-21-2013 11:0
    الهلال:- عشرة ممتازات حصل ادونى ضربة جزاء؟لا عشرة ممتازات رشيت حكم ؟لالا عشرة ممتازات حصل طردوا لى لاعب من فريق تانى؟لا هههههههههههههه
  • #5
    مجدى مصطفى 10-21-2013 10:0
    [I]الهلال لم يهدد بالانسحاب لقضيه او احداث تخص النادى او بسبب التحكيم بل المطالبه بالفصل فى شكوى نادى الاهلى شندى وذلك سعيا لانجاز لم يستطيع الوصول اليه عن حق وجدارة عبر المستطيل الاخضر والبذل والعطاء والتنافس الشريف وقد اصبح فريق الهلال مصدر الزوابع والتصريحات والفضائح الدوليه فبالامس القريب وصلت مذكرة من الفيفا للاتحاد بخصوص باقى مستحقات اللاعبين ايفوسا ويوسف محمد (حسب خبر ورد يصحف زرقاءالمذهب والهوى) الذين مازالت قضاياهم لم تنتهى ولم تغلق الملفات بعد وفى الطريق شكوى اكثر من لاعب محترف ستطفو على السطح قريبا وذلك لعلمهم بما اصاب سمعة الهلال السودانى فى اروقة وقاعات الفيفا من شكاوى وتظلمات من لاعبين سبقوهم نتمنى ان لا تتطور قضايا اللاعبيين المطالبين بمستحقاتهم للجوء للفيفا لان فى ذلك خصما على سمعة واسم السودان اولا واخيرا سيتم اتخاذ اجراءت لا تعرف الجوديه ولا الوساطات طريق اليها وربما يتم حرمان الهلال من اللعب والمشاركه فى اى بطوله قاريه ينظمها الاتحاد الافريقى تحت مظلة الفيفا وبذلك يمكن للهلال وهذه الانديه السته المتذيله للترتيب فى روليت الدورى ومهدده بشبح الهبوط من الدورى الممتاز عمل رابطه اهليه والمنافسه على درقا وكيسين حلاوة ومجموعة مواد عذائيه ويكفى الاتهام والترويج للدعايات والتهم التى ليس لها دليل غير ما يتداول فى المجالس والقعدات فمعظم الفرق يتم الصرف عليها وتمويلها من خزينه الدولة بطريقة او باخرى وحتى الهلال لا يستثنى من القاعدة وما يصرف على الرياضة ومنشط كرة القدم لموسم لو صرف على احد الاقاليم لاحال ليلهم لصباح ولوجد مرضاهم الاسره والعلاج واقامه اكثر من مدرسه وكليه وجامعه ومشروع يعين محمد احمد فى معيشة اطفاله وكفالة ورحمه من اذهب قطار العمر قوتهم ومقدرتهم على الكسب والحياة الكريمه| هناك سؤال مشروع او حقيقة نحاول جاهدين ومتعمدين ان لا نواجهها ماهى انجازاتنا الرياضيه فى كرة القدم منذ تاسيس الاتحاد وحتى تاريخه على نطاق الفريق القومى او الانديه وهنا اقصد كل الانديه بدون استثناء او تخصيص لقد اصيح ترتيبنا فى مصاف الدول عربيا وافريقيا ترتيب تندى له الجباه حياءا وخجلا ولا يتناسب مع ما نروج له ونفتخر ونفاخر به باننا علمنا الكثير من الشعوب كرة القدم واننا اسسنا الاتحاد الافريقيى واننا سحرة افريقيا وباقى الاساطير والحكايات والروايات التى اصبحت نوادر ونكات تحكى عننا وتحسب علينا وليس لنا كمن فلح وزرع وكد واجتهد وحصد غيره ندعو الله التوفيق فى ان يجد منشط كرة القدم من يتولى امره وهدفه الاسما اسم وسمعة السودان وفرحه وامتاع شعب وجمهور المجنونه الذين اصبحت لحظات الفرح والمتعه فى حياتهم ومعاناتهم اليوميه خلسه ودقائق معدودات لك الله ايهاالوطن الجميل ايتها الارض الطيبة بكريم خصال وطيب اصل انسانك المسامح البسيط الحلم والاحلام[/I]
  • #6
    صلاح فضل السيد علي 10-21-2013 10:0
    بسبب ضعف الحكام أم ضعف الأمل يللا احشدوا الرجرجة يقيفو معاكم
  • #7
    الصواعق 10-21-2013 06:0
    اليوم حاهريكم يا مريخاب .. عشان قررت ادخل يدي في الجراب اطلع ليكم شوية ممارسات سالبة على سبيل المثال...فعندنا مثل بيقول "لو اثنين قالوا ليك رأسك مافي اهبشو)..وفي الدين الاسلامي والقضاء المدني لو شهد شاهدين على أي موقف تعتمد شهادتهما شرعا... ويحكم القاضي بان الحقيقة في جانب من شهد الشهود لمصلحته... هذه حقيقة... الحقيقة الثانية الدنيا عيد كبير والعيد الكبير فيه الحج والوالي عندو طيارة وعندو مخيم 7 نجوم في منى وكمان فنادق 7 نجوم والأكل خرفان محشية ... والغرف مكيفة والعربات مكيفة... الوالي السنة دي ذهب السعودية ومعه البعض في الطيارة وحتى انو كان المريخاب خايفين ما يترشح في الانتخابات الاخيرة لكنو تم تبشير الجمعية العمومية بموافقته على الترشيح واوكل احدهم وطبعا فاز بالتزكية لكن دي ما القضية الراجل رجع يومين والغرض الاساسي يملا الطيارة للمرة الثانية ...دي قصة... الثانية انو ناس الاتحاد المريخي العام كلهم عايزين يفرحوا الوالي.. اختاروا المريخ للتمثيل بالسودان في الدورة العربية لكن ربنا خزلن واتلغت البطولة ... قاموا ناس الاتحاد قالوا ما حيغيروا في برنامجن كلو كلو ... وفي البداية ضاعت الطاسة منهم قاموا رفضوا للمريخ المشاركة في بطولة الظفرة... ولكن بسرعة وافقوا.. على امل ان يحصل المريخ على البطولة عشان الوالي يصرف ليهو مليونين ثلاثة للاحتفالات .. برضو ربنا خزلن للمرة الثانية ... كانو برضوا بتأملوا انو فريق المريخ يهزم الهلال والجماعة كلهم كانوا هزيمة الهلال ... قام الهلال مسح بيهم الارض قموا عملوا لعبة الكراسي .. وقالوا عايزين تعويض بس المسألة جات عكسية اولا لأن حكم الاتحاد ليس بالحكم القضائي فليس هناك طريقة للتنفيذ.. أو التعويض وثانيا لانهم ناس المريخ كشفوا المخبأ والمستور .. طلع ليهم الفريق الشين ثمن الكراسي من دفاتر المحاسبة الرسمية بتاعة المريخ طلع الكرسي الواحد مشترينو بي 70 دولار بالله ما بتخافوا الله في خلو المساكين والمعدمين ديل ... السبعين دولار دي للكرسي الواحد كدي احسبوا كراسي الاستاد كم... واتخيلوا في كل كرسي مضروبة فيه 65 دولار عمولات او ارباح (سيان).. شوفوا بالله ضرب غرائب الابل .. ياكتوش ديل بقو يضربوا بالاخضر الليموني شفتي التطور ده.. المشكلة مافي واحد لا لاعب ولا مشجع ولا قطب وحتى الوالي دافع في مصاريف المريخ من لاعبين ومدربين واطباء وموظفين وسماسرة و.... و.... مليم واحد كلها من اموال المسكين محمد احمد ... كمان عايزين مننا نعوضا ليهم.. ولسع يا ما في حاجات والغريق قدام.. لكن فشلت كل مخططاتن وأخيرا اهتدوا لبيان تهديد الحكام ودي مع اتحادن نجحوا فيها... لم يشهد الهلال وحده مثلما كان المريخ يدفن اخفاقاته وخيبتو في انو التحكيم بلعب معانا... طيب ياجماعة الخير لو جاريناكم وقلنا التحكيم لعب معانا اول سنة فهل معقول يلعب معانا عشرة سنوات ولا فريق واحد يحتج؟؟؟؟ المرة دي يا حبايب الجعلي الحلوين سبعة فرق من كل جهات السودان بصموا بالعشرة وكل ما عملوه انهم هددوا بالانسحاب اذا لم يعين الاتحاد حكام اقوياء... لم يطلبوا ان يقف التحكيم معهم حتى ان الهلال منذ عشرات السنين كان بيطالب في مبارياتو استجلاب حكام اجانب ... والدليل على ان الهلال لا يلعب بالحكام انو في الاربع او الخمس مباريات للهلال مع المريخ فاز فيها الهلال بي اربعة ماعدا الاخيرة بتاعة اللاب توب والموبايل الجلكسي... وخروج الحكم من السودان من باب الشخصيات المهمة... وعندما هدد الاتحاد والاهلي بالانسحاب في البداية صرح الجاكومي تصريح غريب وبيدينوا اولا واخيرا وقال اننا نعد اندية مدني ان نقوم بمراقبة بقية المباريات مراقبة دقيقة... بالله ده تصريح .. حتعمل شنو يا جاكومي لو الحكام انحازوا للمريخ .. الحج ..الحج.. الحج... بطير منك كان ما السنة دي السنة الجاية ولا حتعمل شنو لو انحاز لنيل الحصاحيصا... بمساعدة اولاد الحصاحيصا الاخرين...اي انحياز لي نيل الحصاحيصا حيؤثر على الموردة والنسور والاهلي والاتحاد... والكورة مدورة زي الدنيا ما معروف بتتجه وين .. اسع يا مريخاب رأيكم في تحكيم حكم هلال مريخ الاخيرة شنو... والله الزمن كان زادوه خمسة دقائق فقط كان المريخ بمساعدة الحكم اتعادل او ربما فاز على الهلال.. رمضان العجب كان لحالوا هو والقون لا ثالث لهما وسيحة تعليقوا قال من لون النجيلة يعتبر ما سارق.. كمان بقيتوا تدخلوا لون النجيلة في التستر على الحكام... وكمان لو عرجنا على منتخبنا القومي نجد ان سبب وكستو وهزيماتو المتكررة هو مازدا لاعب ومدرب المريخ السابق.. بي مجاملاتو لم يحدث ان اختار نجم الدين للمنتخب الا بعد ان سجلو المريخ.. وقام بابعاده عندما شطبه المريخ وكذا بالنسبة لضف وكذا بالنسبة لفيصل موسي ورمضان العجب (على فكرة رمضان العجب ده ياكتوش شفتو مؤخرا فرحان في كفر ووتر متصور ليهو مع عربية...واظنها كورية او صينية (مضروبة يعني) الراجل ده مخلوع ولا شنو).. وخلاص لغاية هنا كفاية مازال هناك الكثير ...مثل رئيس الاتحاد ومساعدي رئيس الاتحاد المريخي الثلاثة ..وعطا المنان 1 وعطا المنان2 وكل رؤساء اللجان بما فيها لجنة الاستئناف (كلهم شغالين انحياز من تحت تحت وعلى عينك ياتاجر..).. اما مجدي شمس الدين فده عايز يعيش ويتفسح ويتفشخر .. كرة شنو البطورا... ده خايف على نفسوا من المريخاب الحولو...اسع البشوف تعليقات المريخاب هنا يقول انهم على حق لكن ليس لديهم اثبات او مجرد منطق يستند على عقل واخيرا ان سبع فرق عندما تتفق على شيء فهي على حق.. تقول التحكيم ظالم الفيفا طوالي بيحكم لي مصلحتا... اما موضوع د. شداد ده موضوع تاني .. اتخيلوا رد عليه الجاكومي (ابوفاخورة) وقال دي زوبعة في فنجان... زوبعة في فنجان ولا شركات اعلانات محتكرة الاستادات عن طريق استغلال النفوذ؟؟؟؟؟ وان عدتم فما زال في جرابنا الكثير المثير...
  • #8
    ابو عبدالله 10-21-2013 03:0
    دى احسن فرصة لاصلاح الكرة السودانية ..الهلال هو سبب تدهور الكرة السودانية ادارة وجمهور واعلام هم سبب التخلف الكروى ..نبت شيطانى فى الوسط الرياضى ..كلما حاولنا التقدم رجعونا عشرات السنين للوراء..واتمنى تنفيذ التهديد بالانسحاب وليهبطوا للدرجة الثانية وسوف ينصلح حال الكرة السودانية
  • #9
    المعلم 10-21-2013 02:0
    *نبهنا اكثر من مرة بعدم مد الاحرف والعلامات لاكثر من اللازم
    مما يضطرنا لحذف التعليق لان مد الاحرف والعلامات
    يؤثر على صفحة الحوار باكملها لذا لزم التنويه

    image
  • #10
    المعلم 10-21-2013 02:0
    الاستحوا ماتوا فعلا الا يكفى الهلال انه الحكام منحوه خمسة بطولات ممتاز من قبل؟ ]الا يستحى الهلال ان الحكام حرموا المريخ منافسه من ضربات الجزاء فى الممتاز؟ الا يكفى الهلال ان الحكام بدرالدين والمعز وابو شنب لايستحون فى الوقوف بجانب الهلال؟ الايستحى الهلال بأن يشكر الحكام على وقفتهم معه فى مباراة التاكا الشهيرة ومباراة النيل الاشهر ومباراتى جزيرة الفيل التى شهد بها حتى الحكام انفسهم ان لاحق له فيها؟ الا يخجل الهلال وهو الفريق الذى استجلبت له بدعة التحكيم الهجين بعد ان عرفنا ان الكرة التى تضرب فى الظهر تحسب ضربة جزاء ماذا ينوى الهلال الانانى الذى لايختشى ظ هل اقتنع الهلال بأنه غير قادر على منافسة المريخ وبالصورة التى تعودها فلجا لهذا الأمر يمكن أن نجد العذر لاندية مدنى التى نالت من الظلم ما يبرر انسحابها نتمنى ان ترشح لنا ادارة الهلال فى أى مباراة وقع الظلم على الهلال؟ دنيا غريبة دنيا[/COLOR]
  • #11
    yahia 10-21-2013 01:0
    الهلال شال كاس الممتاز 8مرات في آخر 10 سنوات ليه الفرق ما احتجت وقالت التحكيم ظلمنا والمتظلم الآن ليس فريق واحد أو فريقين انما 6فرق رأت الظلم وهي تلاعب المريخ والكل يعلم نتيجة مباريات المريخ مع هلال كادقلي والأهلي شندي والاتحاد مدني كيف كسبها المريخ او تعادل فيها ولايخفى على احد سعي الحزب واتحاده الاحمر لجعل المريخ يهيمن على الكره في السودان فصرفوا عليه ما صرفوا وعندما عجزوا سعوا لتدمير الهلال والمؤامرة الأخيرة خير مثال على ذلك وعندما فشلت مؤامرتهم وصبر الهلال وحيداوتحمل الكثير وعندما تحولوا للتحكيم تظلمت الفرق الآخرى لأن الأمر أضر بهم ولم يقتصر الأمر على الهلال فقط
  • #12
    حنفي بدر 10-21-2013 12:0
    الهلال شبعان حد التخمة من بطولة الممتاز وفقدانها هذا الموسم لا يعنى شيئا ولولا الهلال لما كانت 4 فرق في التمثيل الافريقي ،، والانسحاب من اجل اسقاط اتحاد الكرة الهلكان ..
  • #13
    زكي 10-21-2013 10:0
    الحكام ديل ما ياهم زااااتهم القاعدين ليهم أكتر من 5 سنين لما كنتوا بتشيلوا كأس الممتاز. هسه الجديد شنو؟ و ليه السنين الفاتت ما انسحبتوا؟!.
  • #14
    الفيل 10-21-2013 09:0
    السبب الحقيقى هو قوة طوفان الفرقة الحمراء واغترابها من بطولة الدورى بلاش ضحك على العالم .
  • #15
    نورا 10-21-2013 09:0
    لو لا التحكيم لما كان المريخ في الممتاز اساسا المريخ لا يفوز الا بمساعدة التحكيم
  • #16
    abu hussam 10-21-2013 09:0
    عيييييييييييييييييييييييييييب يا هلال انت نادي قيادي وكبير عيب تنزل لمستوي الاندية الصغري والتي لا تملك الطموح وتريد فقط البقاء
  • #17
    ابو معاذ 10-21-2013 09:0
    واه واه واه عجائب اخر زمن الهلال ينسحب بسبب الحكام !!!! طبعا لازما ينسحب لان الحكام السنه ما شايفين شغلهم كويس معاه ممكن يلعب ثلاثه مباريات ورا بعض ما يدوه ضربة جزاء..الحكام بجد متلومين معاه.
  • #18
    ابو الملوك 10-21-2013 09:0
    دي ضربة معلم لاتحاد الوصيف و ضربة ايضا لجيب الوالي و ضربة لتهديدات الفريق طارق للحكام حتى يحابو المريخ ..
  • #19
    عوض دندش 10-21-2013 09:0
    ياصفيراب بنتنازل ليكم من الممتاز وبندفع ليكم قروش تراروى لو بطلتوا الجرسة دة. وانسحابكم سببوا معروف لانه قدامكم الخرطوم واهلى شندى عشان كدة فقدتوا الامل فى الممتاز نحنا غلبناهم ليكم عشان ماتكونوا وصيف الوصيف
  • #20
    الزعيم الوهاج 10-21-2013 08:0
    بدينا في الجقلبه والهضربه الجماعه خلاص راحت عليهم بقو يجقلبو _قال حكام اقوياء _ عليكم الله يا ناس الاتحاد جيبو ليهم مصارعين من WWE راندي اورتن او جون سينا عشان يديرو المباريات لانو فعلا الظروف ما معروفه يمكن الحكايه تجيب ليها لكم خصوصا الجماعه متعودين علي البنيه الخطافيه ضد الحكام والله حيرتونا لكن هاك WWE دي
  • #22
    طارق 10-21-2013 08:0
    ها ها ها ها ها ها ها ها ها ها ها ها ها ها ها ها ه000 قولتوا الروب000 يعنى الحكام ديل يا يحكموا لصالحكم وتفوزوا بالاسلوب اياه أو الانسحاب000 يعنى بالعربى الفصيح كم مباراه ما أخدنا ضربة جزاء هديه000 الزعيم من سنين لم يحتسب له ضربات جزاء حتى الصحيحه تحسب عليه تمثيل000 ثم هلالكم ده مابقود الا الانسحابات ما بقود بطولات باسم السودان ليه؟ ولا وفاق أسطيف عودكم على ذلك؟ قولوا الروب0
  • #24
    عماد عثمان - جدة 10-21-2013 08:0
    البطولة متجهة بقوة نحو ديار الزعيم عشان كدة الولولة بدأت ... الجاكومى جااااااااااااااكم.
  • #25
    استرليني 10-21-2013 08:0
    هههههههههههههههههههههههههههههههه هههههههههههههههههههههههههههههههههههههه الهلال الواحد ده ؟؟ والا هلال كادوقلي ؟؟ الهلال الخرطوم ده بدون حكام ما قاعدين نفرزو من هلال ام صفقاً عراض باقي الاندية معليش .. محمد سيد احمد عاوز يثبت النيل باي طريقة .. لكن الهلال شايل ليه كوم بتاع بطولات ممتاز بصافرات الحكام والامثلة شوالات وشوالات ... الهلال البحسبوا ليه ضربة جزاء راجعة من القائم قوون وبحسبوا ليه ضربات جزاء في الخيال وبطردوا ليه الخصوم قال التحكيم سئ نكتة جديدة لنج
أكثر

جديد الأخبار

اعاد المريخ قيد لاعبه حمزة داروؤد لثلاث سنوات وذلك باشراف النمير وطاقم القطاع الرياضي

للمشاركة والمتابعة

image image image image image image image image image

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.
جميع الحقوق محفوظة لـ "كفر و وتر" 2019