قدم بديل الوالي فكيف يتم تعيينه نائبا للامين العام

عمر حجوج يفتح النيران: متوكل خميرة عكننة وقنبلة موقوتة في مجلس المريخ

كفرووتر / الخرطوم فتح السيد عمر حجوج النار في كل الاتجاهات و قال في تصريحات لـــ(اليوم التالي) بان متوكل احمد على خميرة عكننة و قنبلة موقوتة في مجلس المريخ الجديد و استغرب حجوج لتعيين متوكل نائبا للامين العام و قال بان متوكل هو من قدم بديل الوالي في انتخابات المريخ الاخيرة وسعى بكل السبل لاقناع احد الشخصيات للنزول في مواجهة جمال الوالي فكيف يتم تعيينه امينا عاما و قال بان المريخ مقبل على ايام كالحة السواد في وجود متوكل الذي سبق له التسبب في انهيار مجالس سابقة و قال بانهم وقفوا ضد متوكل مع مجموعتهم من اجل توفير الاستقرار للمريخ

بواسطة : صحيفة كفر و وتر

10-20-2013 10:0 3 0 3472

التعليقات

التعليقات ( 3 )

الترتيب بـ

الأحدث

الأقدم

الملائم

#1

الصواعق 10-20-2013 09:0

كلهم لافين حول الوالي .. معظمن عايزين يتفرجو في الجيب المنفوخ ده ... جيوبن فيها عقارب... كتوش عليك الله قولي لي ود حجوج ده ابتسم - حتكتشفي انو سنونو القدام مافي (يعني شروم) كتوش (هاك الدومة دي) اهديها ليهو... وكمان عندهم فريق تقولي بعاتي ... أما متوكل ده غايتو شوية كده شكلوا مناسب لكن بالمناسبة دي عامل عمتو زي خريجين الازهر ... لكن الصراحة سمسار درجة اولي ... كان ود حجوج ده شاطر يسألو فين الثلاثمائة الف دولار الاستلما من وزير الاستثمار ؟؟؟... سبق وكتب عنها الكاتب المريخي الرائع (اماسي)... ده كاشف ليك اوراقم كلهم ... الراجل ده كان فاتح بلاغ في أماسي وكنا عارفين انو حيسحبوا بس عشان يلملم الناحية الاعلامية في وقتها ... بعدين سحبوا قال ادخلت الواسطات.. المهم عاد التمساح الكبير لمكانه الطبيعي... والجمل ماشي و... تنبح... شفتي يا كتوش الجماعة ديل كاتبين الكرسي بتاع استادم في دفاتر حساباتم بكم؟؟ آل سبعين دولار للكرسي الواحد .. عايزننا ندفع ثمن الفين كرسي ... قالوا يدفعا الهلال وعارفين الهلال ما حيدفع ليهم ملين لكن فضحوا نفسهم براهم باعلانهم تمن الكرسي المسجل في حساباتهم... يعني في كل كرسي عمولة 65 دولار... احسبي كراسي استاد المريخ كم؟؟؟ بمناسبة الكراسي دي الهلال استأنف قرار الاتحاد وطبعا عارفين لجنة الاستئناف العينا معتصم حعفر ما ممكن تسأل عن اثبات ان مشجعي الهلال والهلال فائز هم الكسروا الكراسي وما ممكن لجنة الاستئناف تسأل في الكراسي القالت لجنة العد انها منقولة (يعني ممكن تكون كل الكراسي دي منقولة لان المريخ لم يشتكي في لحظتها بل بعد ثلاثة ايام والاتحاد انتظر اسبوع لغاية ناس الفريق لموا الكراسي المكسرة ... اما القصد من الاستئناف هو فضح لجنة وتسجيل سابقة لها... قامت اللجنة أيدت قرار الاتحاد وزادت عليه تلبية طلب المريخ بتكوين لجنة اخرى لاستلام قيمة الكراسي من الهلال... شفتي اللعب بقى كيف ياكتوش ؟؟؟ لكن زي ما قلت ليك الهلال مش حيدفع مليم واحد خليهم يموصوا قراراتن دي ويشربوا مويتا... لسبب واحد مين في كل المريخ من مشجع لي قطب وصولا للوالي دفعا من جيبوا .. عليهم اثبات ان دخل مبارياتم او استثماراتم ممكن يغطي الارقام المعلنة ببناء طابق شاخور واستجلاب لاعبين ومدربين بعشرات الملايين من الدولارات... عموما الغلط الاساسي معروف من منو...+ سؤال آخير لي كتوش (ستهم) طبعا نحن الاهلة كلنا اسياد البلد كلها: بتجيبي الرؤس الصفر دي في تعليقاتك وسط الكلام كيف... والله كنت محتاج لي شوية منهم..لكن ما عرفت.. تحياتي للجميع وخاصة لمحمد مصطفي (الاديب) لانو معلق مريخي رائع .. واشتقنا والله لي مخطاااار ..الحلفاوي بيقول قبضوا في الحج لانو ما عندو تصريح ومتخلف ... .

الرد على زائر