هل مات اهل السودان ؟؟

هل مات اهل السودان ؟ ام هم احياء ؟ لو ماتو اللهم ارحم اهل السودان ولو كانو احياء بسالهم عن رمضان ؟ مشا وين عليكم الله يا اهل السودان ؟ تفتح القنوات نعوذ بالله من الشيطان غناء وكمان الغالب نسوان ... توبو لله يا اهل السودان فرزوا الكيمان دا ما عرس ابو الدنان دا الشهر الكريم رمضان ...
الى كل اهل المحبة واهل الشهر الكريم رمضان ... اسالكم بالله هل هناك ضرورة لي غنا البنوت والشفع وكمان النسوان ... لو كانت هناك ضرورة لي غنا النسوان خلونا نفتح البارات ونجيب زيادة كمان ....
وينك يا ولى امر السودان؟ الغناء اصبح اعلى من صوت الاذان وخلاص نحن زهدنا فيكم وجانا مرض المصران ... نسالكم بالله خلونا نصوم صوم عباد الرحمن والله غريب وضعك يا سودان .... خسارة فى الميزانية وغياب للدولار ورغم كدا الشوارع مليانة فن وكاميرات وشفع ونسوان كلهم شايلين مايكات ...
نعوذ بالله وحماكم الله يا اهل السودان من الشر والسرطان دايرين رد سريع والا والله نقول ونقسم اننا ما بنعرف السودان مخيرين كلمناكم ماتخسرونا نحن اولادكم للحارة وبتعرفنا سمح يا سيدى السلطان
وجع والله والم فى الاسنان وكمان فن وشفع وبنوت ونسوان والله اقول ليكم فرزو فرزو فرزو الكيمان دا شهر الله المحبوب رمضان دا ما عرس اتفرقن يا بنوت وياشفع وانجمعن يا نسوان ..

اها مخيرين ترانى كلمتكم .

الشيخ حسب الرسول الشيخ ابوكساوي

بواسطة : صحيفة كفر و وتر

08-01-2012 02:0 7 0 2300

التعليقات

التعليقات ( 7 )

الترتيب بـ

الأحدث

الأقدم

الملائم

#1

ودالشيخ طابت 08-01-2012 07:0

الشيخ ابوكساوى نحن نعرفك رجل تدعوا الى الفضيلة وجزاك الله خيرا على ذلك ولكن بعد احلال الرباء يجوز كل ما تحثت وتكلمت عنة نسال الله ان يحفظ السودان ولا يعاقبنا بحكامنا وسفهائنا .

الرد على زائر

#2

عبدالحليم الشيخ 08-01-2012 03:0

والله كلامك صاح كل القنوات السودانيه غير الغنا ماعندهم حاجه مما تصبح لحد جدي ماتمسي

الرد على زائر

#3

ابو ناهد 08-01-2012 01:0

الشيخ حسب الرسول الشيخ ابوكساوي فعلا ملاحظتك في محلها، ولكن لماذا تترك ما هو أهم من أجل المهم؟؟؟ ألا ترى أن حكومة الدمار الشامل قد عمدت للربي لتغرق به البلاد في مقبة المعاصي فيحل علهيا غضب الجبار؟ ألا ترى فساد الحكام الذي أذكم الانوف وصار واضحا عيانا بيان؟؟؟ ألا ترى ما تقوم به حكومة الدار الشامل في قتل الانفس البريئة بالباطل والظلم من أجل الحلوس على كرسي السلطة؟؟؟ ألا ترى تخبط السلطان الذي أشعل الحروب وقسم البلاد وأفقر العباد؟؟ كل هذا لم يفتح الله عليك بكلمة نقد فيه، الغناء ساهل يا شيخ قل كلمة الحق ولو على نفسك ماذا وإلا سوف تكون مسئولا أمام الله لا ينفعك أوبو كساوي ولا غيره.

الرد على زائر

#4

مانديلا 08-01-2012 01:0

الما بعرفك أجهلك .. انت آخر زوووول يتكلم فى هذه المواضيع لأنك أبعد شخص عنها .. انت سابح مع التيار ... قال تعالى ( ما يلفظ من قول الا لديه رقيب عتيد) سورة ق الآية18 ... قال الله تعالى : ] يَا أَيُّهَا الَذِينَ آمَنُوا لِمَ تَقُولُونَ مَا لا تَفْعَلُونَ * كَبُرَ مَقْتاً عِندَاللَّهِ أَن تَقُولُوا مَا لا تَفْعَلُونَ [ [سورة الصف : 2-3]لا تنه عن خلق و تاتى مثله ... عار عليك أذا فعلت عظيم اللهم قد بلغت فأشهد

الرد على زائر

#5

mohd 08-01-2012 11:0

يا شيخ حسب الرسول الغناء لم يكن حراماً يوماً من الايام و لكن الحرام قتل النفس إلا بالحق فالنظام يقتل ابناءء وطنى و شبابه يومياً الربا حرام و يمارس النظام بفتاويكم و الظلم حرام و يظلم شعبى ليل نهار و يعذب الشرفاء من ابناء الوطن فقط لانهم قالوا لا للغلاء لا للفساد لا للمحسوبية لا لنهب ثروات البلد

الرد على زائر

#6

ابو محمد 08-01-2012 11:0

سجع لاداعي له كل المقال يا اهل السودان يا اهل السودان كيف لشيخ أن يكتب مقال توجيهي ولايورد فيه آية من كتاب الله أو حديث للمصطفى صلى الله عليه وسلم ماهذه اللغة التي تكتب بها ياشيخ ؟ وهل هذا فقط ما حرككم ؟

الرد على زائر

#7

حنفي بدر 08-01-2012 09:0

طيب اذا اولى الامر يرقصون ويعرضون فعلى الشعب مش الرقص بل المشى عرايا ...وبعدين ماذا تتوقع يا شيخ من آكلى مال الحرام ( الربا والرشوة ) والنهب بالاعتداء على المال العام ومال اليتيم وغيرها من المخالفات الشرعية ... والله الذي لا اله الا هو كل البلاء على بلادنا من اعمالنا فالبلاء تنزل بالذنوب وترفع بالتوبة .. فهلا نحن حكومة وشعبا رجعنا الى الله بتوبة نصوحة

الرد على زائر

أكثر

هل مات اهل السودان ؟؟

جديد الأخبار

منتخبنا يواجه تنزانيا بالسعودية في وديتين

غربال يدير ذهاب نهائي دوري ابطال إفريقيا

للمشاركة والمتابعة

أقسام الصحيفة

روابط مهمة

رسالة الصحيفة

مواقع التواصل