وا اسفآى على الهلال
الى متى ؟
والهلال فى الدورة التانيه هلالين
هلال مع البرير وهلال ضد البرير
هلال مزين ب 1/المعز محجوب .. 2/ بهاء الدين محمد .. 3/ جمعة جينارو .. 4/ سيف مساوي .. 5/ معاوية فداسي .. 6/ عبداللطيف بوي .. 7/ صالح الامين .. 8/ عبدالرحمن كايا .. 9/ خليفة احمد .. 10/ يوسف محمد .. 11/ معتز رابح ..12 / هيثم مصطفي .. 13/ محمد احمد .. 14/ نزار حامد .. 15/ مهند الطاهر .. 16/ علاء الدين يوسف .. 17/ عمر بخيت .. 18/ ايكانقا .. 19/ فالنتين .. / ابراهيما اساني .. 21/ ادوارد سادومبا .. 22/ عبده جابر .. 23/ الطاهر حماد .. 24 : مدثر كاريكا .. 25/ بكري المدينة
وهلال مودع وقاعد بره ومكرفونات لا نريد سباب الدين وناس انا داير قروشى وداون داون غرزيتو
هلال مطعم بغينى قالوا عنه جاسوس خطير و سانى سنغالى وما عندو نادى وسابع جار لجمال الوالى اسمه فداسى ومن جوه الخرطوم كايا والله يحقق منايا ومحمد احمد وقولوا بأسم الله
ولكن وااسفآى على هلال كان به حكسا وقاقارين ومنزول والاسد والدحيش والنقر والطيب عبد الله والسمانى وسبت دودو وطارق وتنقا ووالى الدين
ووااسفآى على هلال يحاربه بنوه وهو يحتل وحتى اليوم ريادة الكرة حسب تصنيف IFFSH فى اعلى قمة الهرم الكروى السودانى والافريقى والعربى ووسط كبارها ولاكثر من عشر سنوات متتاليه
ووااسفآى على يوسف محمد وهو شوكة حوت لا تنزل لا تفوت وقد كان ملْ العين يصول ويجول فى العرضه شمال واهلوا ناس نيجيريا جابوا لينا مكسور والعفو والعافيه ولا قرش ولا تعريفه من الاتحاد النيجيرى الذى يتفلسف اليوم برد الحقوق ليوسف بعد ان اكل الذئب قدمه
ووااسفأى على معتز رابح وهو يتمرد فى حضرة الهلال وياويل من يتمرد فى حضرة الهلال
ووااسفاى على حموده وهو يشتكى الهلال فى المحاكم مدفوعا من الوراء
ووااسفآى لرئيس سابق ظل يحارب الهلال بشراسه وداير قروشى ووسوسه فى آذان المحترفين
ووااسفآى لرئيس حالى يصف شعب الهلال بالشماسه ويضرب الحكام على كيفه
ووااسفآى على اقلام تنقسم فيما بينها مناصر للارباب ومناصر للبرير والهلال يئن
سطور :
تسجيل اللاعب محمد احمد يعتبر مكسبا كبيرا للفرقة الهلالية لصغر سنه وموهبته الكروية ويجب اخوتى ان نفسح له المجال وان لا نعامله كما عاملنا النعيم
منتخبنا متصدر لمجموعته القويه ايه الهنا ده الظاهر مازدا طلع مدرب ممتاز وحتى أشعار آخر ( ومع التقيل حيظهر مازدا الذى نعرفه) والحكايه بتقيف فى حته معينه
8 منتخبات تصدرت مجموعتها بأربع نقاط أثيوبيا برصيد 4 نقاط و ساحل العاج برصيد 4 نقاط و السودان برصيد 4 نقاط والكنغو برصيد 4 نقاط ونيجيريا برصيد 4 نقاط و بنين برصيد 4 نقاط وليبيا برصيد 4 نقاط و والسنغال برصيد 4 نقاط
قبل ان تلامس اقدام محترفى الهلال ارض السودان وهم فى الطائره حكم كتاب المريخ بفشل هؤلاء اللاعبين ولعل السبب ان احدهم جاى من طرف مازيمبى طارد المريخ من دورى ابطال افريقيا رايح وجاى
طيب لو انتو كارهين اكانقا الغينى التانى سانى السنغالى زنبو شنو ؟ قالوا ما ليهو نادى يعنى مع (البدون ) بتوع الخليج لا يحمل هويه ونحن ناس نظاميين
ولن نحكم نحن الاهله عن البرازيلى الذى ربما يصنفه البعض انه افضل من رونالدينو وروبينهو وكاكا
فلوس مرجان احمد مرجان فى فيلم عادل امام كانت همله وضيعت اولاد عادل امام ودى المشكله - ما قلنا ليكم يااخوانا الفلوس ما كل شيئ العبره فى النتائج والفوز بالدورى والكونفدراليه الافريقيه ولعل هذا هو مبتغى الهلال هذا العام ولا فايدة للمليارات المرجانيه وفوز المريخ بالدورى مرتين او ثلاثه بالكتير ولسنين طويله
لقد قالوا ان فوز المريخ بالدورى يشبه كاس العالم كل اربعه سنوات فليس بالمال وحده يحي الانسان ان كنتم تعلمون
ركزوا معانا فالهلال رغم العثرات والوضع المالى المزرى يسجل من غينيا والسنغال ومدنى والخرطوم ويجدد للغزال ويتخلص من كوارث المحترفين الجدد والقدامى يوسف محمد وديمبا واتوبج وانشاء الله توريه
ريكاردو ده بيحب الهلال جنس حب الراجل ده طوالى كان داير يسجل مهند وداير يسجل داريوكان وداير يسجل سادومبا وداير يسجل مساوى ويمكن داير يسجل البرير زاتو انتبهوا ياناس المريخ الزول طابور خامس ونتائج المريخ بتشهد
ونفس العشق فى نفس مزمل ابوالقاسم وعلى طول الراجل بيحلم بلاعبى الهلال مهند ولدنا / عمر بخيت ولدنا /سادومبا ولدنا /المعز ولدنا / علاء الدين البدون بصمه ولدنا
بدل كده أقلب يا مزمل والقروش بتدبر ومن الحب ما قتل
عجبتى دعابة الكابتن الهلال ومدرب لبنان اسامه الثغر بأن هنالك هلال واحد اختلف أهله فأنقسم هلالين فكان المريخ -
اغرب ما فى الساحه ازدياد الطلب على مشاطيب الهلال وبعكس مشاطيب المريخ الذين لم نسمع ان احدا قد طلب ودهم
يا اخوانا الحضرى اخبارو شنو ؟ ليه ما رجع الخرطوم من آخر شكله ليهو واكرم ياعينى مصاب وايهاب زغبير رجع كدارى والطمع ودر ما جمع
حاسس ان نتائج كارثيه ستكون فى انتظار منتخبنا الرديف الذى تم تجميعه بطريقة (السوق العربى نفر او امدرمان نفر ) وما عارف ليه الرديف ( يعنى بنخطط لقدام ونجهز لرديف ) هو اولنا مجهجه تعملوا لينا رديف - وفى ستين داهيه سمعة السودان
يارب ارزق هلالنا ولو كأس قديم وتعبان زى كاس مانديلا المجنن خلف الله أو شبهو شويه -
محمد حسن شوربجى
