عايز فلوسي
آخر خبر : الارباب يشتكى الهلال عايز فلوسى
ولعل الرجل هو من كان يحرض المحترفين لكى ينغصوا حياة البرير بتقديم شكاوى ضد الهلال للفيفا تارة وللاتحاد السودانى تارة اخرى
وانصار الارباب يؤكدون ان اوضاع الهلال منهاره وسيئه وأن اللاعبين متمردين والديون رهيبه
وانصار البرير يؤكدون ان اوضاع الهلال ميه ميه وان البرير شجاع وما بيخاف حتى من الفيفا وبونيتوا والقبر
والساقيه لسع مدوره وتعقد مجالس وشمارات
*والبرنس وغرزيتو كما توم اند جيرى
*وغرزيتو يخلص من واحد ويبدئ فى التانى *والسبحه الشهيره و غرزيتو الصغير قام ليه ريش
وهتافات الجماهير لا نريد سباب الدين
و ارحل ارحل غارزيتو
والمرتبات متاخره خالص ومساوي زعلان وكل شيئا لا مساوى
وابو مهند زعلان عشان لسانو و مجلس ادارة الهلال نايم يشخر
وديمبا سافر والمسافر عينو قويه
واتوبونج ما فى زول دايره والله لا كسب الاتحاد السكندرى وعفت السادات
ومشاكل الهلال على لسان اللى يسوا والما يسوا
ودائرة الكره لا وجود لها
وعلاء الدين وديمبا و بكرى المدينه وغرزيتو و البرنس كلها مشاكل لم تكن لتكون لو ان فى دائرة الكره اسد يزأر
ورغم كل هذه المشاكل فالهلال يتصدر كل الناس الرايقين وكل المدعيين وكل الاغنياء
واخيرا انفجرت مشاكل المريخ ويمكن اسرائيل فجرتها
و النادى الاحمر الظاهر بدأ يولع وقلنا لهم يومها :
*أرى تحت الرماد وميض جمر***ويوشك أن يكون لـه ضـرام
فإنّ النار بالعـوديـن تذكـى***وإن الشـرّ مبـدؤُهُ كــلام
فإن لم يطفئوها تجـن حربـا***مشمّرة يشيـب لهـا الغـلام
و العرضه جنوب مولعه
*والعرضه شمال مقلوبه فوق تحت
وما فى حد احسن من حد
ولكنا تعلمنا من الايام ان الهلال تزيده عواصف الاعداء لمعاناً..وأن قافلته تسير رغم كل النباح
فالهلال اخوتى قوى..وعنيد وما ان ينتشر ازرقه فى كل السماوات وكل الاراضين الا وانطلقت زغاريد مهيره فرحا بهذا اللون الملائكى
والاخ عصام الحاج ومولانا ازهري وداعة الله كليهما كان يتحدثان عن غياب المؤسسية في المريخ وان الادارة الفردية التي يتبعها جمال الوالي لا بد ان تتبدل وتتغير وان العهد الجديد سيشهد انفراجاً وحتى كوتات المحترفين الاجانب والسماسرة المحليين والاجانب ....
* وجمال الوالي غيّر وبدل عشرات اعضاء مجلس الادارة ومئات اللاعبين الوطنيين منهم والاجانب وعشرات المدربين المحليين والاجانب والحال ياهو الحال !!
و الفساد عشعش فى نادي المريخ وعلى لسان الاخ عصام الحاج والذى ظل يتحدث عن انه قادم لكنس كل الفساد والمفسدين وانه سيطردهم من النادي وابو عاقله اماسا مسخن فى جريدتو وكل يوم يكتب عن الفضائح الحمراء ..
والعجب زعلان وكل ما يجرى فى العرضه شمال يطبقوا ناس المريخ بالكربون هيثم يمشى العجب يمشى
و المريخاب بيقولوا ان الوالى حكم المريخ منذ 2003 ولم يمر الربيع العربى بالعرضه جنوب فى وقت شهدت العرضه شمال رياح ذلك الربيع الذى اقتلع الارباب السعودى وجاء بالبرير السودانى الاصل والذى يتهيأ هو الآخر لرياح جماهيريه قويه تسعى لاقتلاعه ولا نريد سباب الدين
وحقا فلقد صدق من سمى نادى الهلال بنادى الشعب
ويقول المريخاب ان المريخ بصدد تغيير كل جلده لكى يصبح نادى الشعب
والمريخ داير يسجل 9 لاعبين و يا ستار كما قال خالد عز الدين
مع اهلى شندى خرج المريخ بكرامة البليلة
وحكم كسلا العجيب كان دوره مرسوما وقد اجهز على الاهلى نفسيا و نجح
واختر اخى القارئ جمهور سودانى ورشحه لدورة ثورة الحجاره والتى نرصد لها جوائز قيمه -1- جمهور المريخ 2- جمهور المريخ 3- جمهور المريخ 4- جمهوراهلى شندى
ورئيس اهلى شندى اتهم جماهير الهلال العظيمه ونحن ما حننساها ليك ولولا الهلال لما كانت انتصارات فريقك
و يا ارباب ؟؟؟؟؟؟ انت ما قلت مره : فى رقبتى دين كبير للهلال ومره تقول الهلال مديون لى ب 30 مليار - يا اخى ما ما تثبت على حاجه وأرحم الهلال شويه
وما مصير اللاعب محمد سيلا الذى تم تخزينه فى شندى للهلال والمؤمن لا يكذب - طبعا مستحيل تجيبوا الهلال واحسن شيئ شيلوا معك بلدك ( السعوديه)
بيقولوا فى اتفاقيه موقعه ما بين الوالى والبرير اسمها ( الجنتلمان ) هل ياترى هى حقيقيه أم حبر على ورق
وحقيقه عبد المهيمن = ثلاثى دائرة الكره الهلاليه فهل يعود والاسد لظبط امور الهلاليه المفلوته ؟
وبرافو مشاطيب الهلال وقد رفعوا مستوى اهلى شندى وكم كانت حسرة جماهير الهلال كبيرة والمشاطيب تبدع ورئيس اهلى شندى يشتم الهلال وجماهير الهلال
ونتمنى ان يتوفق الهلال فى التسجيلات القادمه والبرير وعد الجماهير خيرا وهو رهيب فى التسجيلات
والكل فى انتظار البرنس وعودته من بوابة المنتخب فهل يبيض معشوق الهلال وجهنا ويقنع غرزيتو ومن ورائه وكل اهل الشمارات
الارباب داير قروشو والبرير بكره داير قروشو والهلال قد يباع فى سوق النخاسين
محمد حسن شوربجى
ولعل الرجل هو من كان يحرض المحترفين لكى ينغصوا حياة البرير بتقديم شكاوى ضد الهلال للفيفا تارة وللاتحاد السودانى تارة اخرى
وانصار الارباب يؤكدون ان اوضاع الهلال منهاره وسيئه وأن اللاعبين متمردين والديون رهيبه
وانصار البرير يؤكدون ان اوضاع الهلال ميه ميه وان البرير شجاع وما بيخاف حتى من الفيفا وبونيتوا والقبر
والساقيه لسع مدوره وتعقد مجالس وشمارات
*والبرنس وغرزيتو كما توم اند جيرى
*وغرزيتو يخلص من واحد ويبدئ فى التانى *والسبحه الشهيره و غرزيتو الصغير قام ليه ريش
وهتافات الجماهير لا نريد سباب الدين
و ارحل ارحل غارزيتو
والمرتبات متاخره خالص ومساوي زعلان وكل شيئا لا مساوى
وابو مهند زعلان عشان لسانو و مجلس ادارة الهلال نايم يشخر
وديمبا سافر والمسافر عينو قويه
واتوبونج ما فى زول دايره والله لا كسب الاتحاد السكندرى وعفت السادات
ومشاكل الهلال على لسان اللى يسوا والما يسوا
ودائرة الكره لا وجود لها
وعلاء الدين وديمبا و بكرى المدينه وغرزيتو و البرنس كلها مشاكل لم تكن لتكون لو ان فى دائرة الكره اسد يزأر
ورغم كل هذه المشاكل فالهلال يتصدر كل الناس الرايقين وكل المدعيين وكل الاغنياء
واخيرا انفجرت مشاكل المريخ ويمكن اسرائيل فجرتها
و النادى الاحمر الظاهر بدأ يولع وقلنا لهم يومها :
*أرى تحت الرماد وميض جمر***ويوشك أن يكون لـه ضـرام
فإنّ النار بالعـوديـن تذكـى***وإن الشـرّ مبـدؤُهُ كــلام
فإن لم يطفئوها تجـن حربـا***مشمّرة يشيـب لهـا الغـلام
و العرضه جنوب مولعه
*والعرضه شمال مقلوبه فوق تحت
وما فى حد احسن من حد
ولكنا تعلمنا من الايام ان الهلال تزيده عواصف الاعداء لمعاناً..وأن قافلته تسير رغم كل النباح
فالهلال اخوتى قوى..وعنيد وما ان ينتشر ازرقه فى كل السماوات وكل الاراضين الا وانطلقت زغاريد مهيره فرحا بهذا اللون الملائكى
والاخ عصام الحاج ومولانا ازهري وداعة الله كليهما كان يتحدثان عن غياب المؤسسية في المريخ وان الادارة الفردية التي يتبعها جمال الوالي لا بد ان تتبدل وتتغير وان العهد الجديد سيشهد انفراجاً وحتى كوتات المحترفين الاجانب والسماسرة المحليين والاجانب ....
* وجمال الوالي غيّر وبدل عشرات اعضاء مجلس الادارة ومئات اللاعبين الوطنيين منهم والاجانب وعشرات المدربين المحليين والاجانب والحال ياهو الحال !!
و الفساد عشعش فى نادي المريخ وعلى لسان الاخ عصام الحاج والذى ظل يتحدث عن انه قادم لكنس كل الفساد والمفسدين وانه سيطردهم من النادي وابو عاقله اماسا مسخن فى جريدتو وكل يوم يكتب عن الفضائح الحمراء ..
والعجب زعلان وكل ما يجرى فى العرضه شمال يطبقوا ناس المريخ بالكربون هيثم يمشى العجب يمشى
و المريخاب بيقولوا ان الوالى حكم المريخ منذ 2003 ولم يمر الربيع العربى بالعرضه جنوب فى وقت شهدت العرضه شمال رياح ذلك الربيع الذى اقتلع الارباب السعودى وجاء بالبرير السودانى الاصل والذى يتهيأ هو الآخر لرياح جماهيريه قويه تسعى لاقتلاعه ولا نريد سباب الدين
وحقا فلقد صدق من سمى نادى الهلال بنادى الشعب
ويقول المريخاب ان المريخ بصدد تغيير كل جلده لكى يصبح نادى الشعب
والمريخ داير يسجل 9 لاعبين و يا ستار كما قال خالد عز الدين
مع اهلى شندى خرج المريخ بكرامة البليلة
وحكم كسلا العجيب كان دوره مرسوما وقد اجهز على الاهلى نفسيا و نجح
واختر اخى القارئ جمهور سودانى ورشحه لدورة ثورة الحجاره والتى نرصد لها جوائز قيمه -1- جمهور المريخ 2- جمهور المريخ 3- جمهور المريخ 4- جمهوراهلى شندى
ورئيس اهلى شندى اتهم جماهير الهلال العظيمه ونحن ما حننساها ليك ولولا الهلال لما كانت انتصارات فريقك
و يا ارباب ؟؟؟؟؟؟ انت ما قلت مره : فى رقبتى دين كبير للهلال ومره تقول الهلال مديون لى ب 30 مليار - يا اخى ما ما تثبت على حاجه وأرحم الهلال شويه
وما مصير اللاعب محمد سيلا الذى تم تخزينه فى شندى للهلال والمؤمن لا يكذب - طبعا مستحيل تجيبوا الهلال واحسن شيئ شيلوا معك بلدك ( السعوديه)
بيقولوا فى اتفاقيه موقعه ما بين الوالى والبرير اسمها ( الجنتلمان ) هل ياترى هى حقيقيه أم حبر على ورق
وحقيقه عبد المهيمن = ثلاثى دائرة الكره الهلاليه فهل يعود والاسد لظبط امور الهلاليه المفلوته ؟
وبرافو مشاطيب الهلال وقد رفعوا مستوى اهلى شندى وكم كانت حسرة جماهير الهلال كبيرة والمشاطيب تبدع ورئيس اهلى شندى يشتم الهلال وجماهير الهلال
ونتمنى ان يتوفق الهلال فى التسجيلات القادمه والبرير وعد الجماهير خيرا وهو رهيب فى التسجيلات
والكل فى انتظار البرنس وعودته من بوابة المنتخب فهل يبيض معشوق الهلال وجهنا ويقنع غرزيتو ومن ورائه وكل اهل الشمارات
الارباب داير قروشو والبرير بكره داير قروشو والهلال قد يباع فى سوق النخاسين
محمد حسن شوربجى
