• ×
الأربعاء 28 سبتمبر 2022 | 09-27-2022

من وحي الشارع ..خليل فتحي خليل

من وحي الشارع ..خليل فتحي خليل
كفرووتر/الخرطوم/ من وحي الشارع

خليل فتحي خليل
♥♥♥♥♥♥♥♥♥♥♥♥♥♥♥

اديني عشره جنيه
انا عايز افطر فول
ابوي مات يوم داك
وامي كايسه حلول
ابوي مات ممغوص
ونشف في حلقو القول
وامي بتبيع ياناس
قرطاس تسالي وفول
كيفن نعيش يا ناس
والدنيا فيها زهول
من الدرس مطرود
وما لاقي لي حلول
غسلته في العربات
والدنيا فيها امور
وورنشته جزم الناس
وكسته البلد بالطول
ولمن امد الليد
الناس تقول يا زول
والله لي يومين
درب الاكل مقفول
لاخدمه فيها قرش
وصبحته يوت مزلول
كيفن اعيش يا ناس
وانا حقي سرقو الغول

خليل فتحي خليل

من ديوان فرح الغلابه
امسح للحصول على الرابط
بواسطة :
 0  0  1017
التعليقات ( 0 )
أكثر

جديد الأخبار

رابطة أهل الهلال بالرياض تعزي الأسرة الهلالية في وفاة صقر الهلال والسودان سبت دودو يتقدم رئيس وأعضاء رابطة أهل الهلال السوداني بالرياض بأحر..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019