الهادي ود البورت يكتب.. ترك ما كوز
كفرووتر/الخرطوم/ أول حاجة ترك ماكوز زي ما قلنا تاجرالسر مدير الميناء ما كوز ، ترك زعيم قبلي زي المرحوم فضل سيسي وموسى هلال وغيرهم من زعماء الإدارات الأهلية ما سمعناكم قلتو كيزان .. لأنو حتى لو استخدمهم النظام السابق لتكبير كومه و هم تاريخيا ما بيعارضو السلطة (عليك الله ما تخت لي برشور المؤتمر الوطني الفيهو ترك )
وترك ما حرامي ولا اكل قروش صندوق الشرق لكن الأكلوا القروش كتار معاه ..
..............
تاني حاجة ما تفترض أنو البجاوي مشكلتو في بطنو أو في جبنتو ، البجاوي شريك ونديد كتف بكتف، استخدموه الكيزان أو القحاطة والجبهة الثورية كديكور عشان يتموا أغراضهم ، مثلاً حالياً هو عينو في في مجلس السيادة نصو من أقليم واحد ما ممكن تجي أنت تخت ليهو عضو ديكور ساكت لما ظهرت المشكلة ما سمعنا صوته كأنو اصلاً ماليهو علاقة بالشرق
............
نجي للمشكلة ناس كتار شايفنها في قناة العربية والجزيرة والفيس بوك بيسالونا ان شاء الله أنتو كويسين ، ... بورتسودان لحدي هسه ما حست بالمشكلة نهائي حياتهم عادية جداً ولا أصلا بناقشوها مع بعض ، بيسمعوها زيكم لكن بيفرق عنكم ما عندهم الخوف والهلع المسبباهو قنوات المحاور ، يمكن الزخم الأخدو حبيبنا شيبة عثمان الفاز برئاسة السوكرتا ، وترشيح طه فكي لرئاسة الاتحاد العام أكبر في النقاشات
ياخ أمس كان افتتاح استاد نادي التقدم والحياة اكتر من عادية في نص ديم عرب
...........
المجلس بدعموه قطاعات واسعة خصوصا في المناطق ما بعد العقبة ولحدي كسلا ، وكتير من شباب الساحل أصحاب قضايا حقيقية كشباب هوشيري وكلانييب ، و ده ما يعني أنو الوحيد في مكونات تانية برضو واسعة ، وأصحاب حق اصيل ما عايزين ننحرف بالبوست لجدل ساكت ، لأنو الأراء المتطرفة البتظهر من بعض عضوية المجلس بتوحي كأنو صاحب الحق الحصري
..................
الزخم الحالي للقضية أضاف ليها كتير من الارزقية، البسوقوها لأغراضهم كان عسكر وللا فلول عشان كده قلنا القضية العادلة ركبت التيتل .. لأنو بمجرد تحس بورتسودان بمشكلة الأغلاق حتنهار القضية وتفقد زخمها ، ونسال الله يجنبنا المواجهة
...
ما تنفعل مع قناة العربية والجزيرة ديل يصوروا ليك أراء متطرفة كانها هي السائدة في القضية .. ديل قعدو ينبحو في بشار والحوثي صباح ومساء خربوا البلاد و وهلكوا الشعوب ، ولا وصلوا لأغراضهم في ازاحتهم
....
أخيرا يا ريت الناس ما تنحرف في بوستاتها للنيل من المكونات السودانية باساءات عنصرية زي كركتير "ود أبو " بتاع أمبارح ، لأنو كده أنت بتزيد زخم القضية وتضيف ليها مؤيدين جدد
وترك ما حرامي ولا اكل قروش صندوق الشرق لكن الأكلوا القروش كتار معاه ..
..............
تاني حاجة ما تفترض أنو البجاوي مشكلتو في بطنو أو في جبنتو ، البجاوي شريك ونديد كتف بكتف، استخدموه الكيزان أو القحاطة والجبهة الثورية كديكور عشان يتموا أغراضهم ، مثلاً حالياً هو عينو في في مجلس السيادة نصو من أقليم واحد ما ممكن تجي أنت تخت ليهو عضو ديكور ساكت لما ظهرت المشكلة ما سمعنا صوته كأنو اصلاً ماليهو علاقة بالشرق
............
نجي للمشكلة ناس كتار شايفنها في قناة العربية والجزيرة والفيس بوك بيسالونا ان شاء الله أنتو كويسين ، ... بورتسودان لحدي هسه ما حست بالمشكلة نهائي حياتهم عادية جداً ولا أصلا بناقشوها مع بعض ، بيسمعوها زيكم لكن بيفرق عنكم ما عندهم الخوف والهلع المسبباهو قنوات المحاور ، يمكن الزخم الأخدو حبيبنا شيبة عثمان الفاز برئاسة السوكرتا ، وترشيح طه فكي لرئاسة الاتحاد العام أكبر في النقاشات
ياخ أمس كان افتتاح استاد نادي التقدم والحياة اكتر من عادية في نص ديم عرب
...........
المجلس بدعموه قطاعات واسعة خصوصا في المناطق ما بعد العقبة ولحدي كسلا ، وكتير من شباب الساحل أصحاب قضايا حقيقية كشباب هوشيري وكلانييب ، و ده ما يعني أنو الوحيد في مكونات تانية برضو واسعة ، وأصحاب حق اصيل ما عايزين ننحرف بالبوست لجدل ساكت ، لأنو الأراء المتطرفة البتظهر من بعض عضوية المجلس بتوحي كأنو صاحب الحق الحصري
..................
الزخم الحالي للقضية أضاف ليها كتير من الارزقية، البسوقوها لأغراضهم كان عسكر وللا فلول عشان كده قلنا القضية العادلة ركبت التيتل .. لأنو بمجرد تحس بورتسودان بمشكلة الأغلاق حتنهار القضية وتفقد زخمها ، ونسال الله يجنبنا المواجهة
...
ما تنفعل مع قناة العربية والجزيرة ديل يصوروا ليك أراء متطرفة كانها هي السائدة في القضية .. ديل قعدو ينبحو في بشار والحوثي صباح ومساء خربوا البلاد و وهلكوا الشعوب ، ولا وصلوا لأغراضهم في ازاحتهم
....
أخيرا يا ريت الناس ما تنحرف في بوستاتها للنيل من المكونات السودانية باساءات عنصرية زي كركتير "ود أبو " بتاع أمبارح ، لأنو كده أنت بتزيد زخم القضية وتضيف ليها مؤيدين جدد
