حتي في سيكافا خسرانين :
الحكومه دي غريبه وعجيبه
والطيب حسن بدوي غريب وعجيب
والوزير الجديد غريب وعجيب
حتي سيكافا نتغلب فيها
لان كل اهتمامات الحكومه ووزرائها الغريبين والعجيبين تشكيل لجان تسيير للقمه
في حين ان منتخبنا الجميل والرائع يحتاج الي لجنة تسيير حقيقيه
ومحتاج لدفع رباعي يطلعه الجبال والقمم
لقد فشل منتخبنا في امتحان كروي وبسيط جدا
والاتحاد كالعاده جاهز بالتبريرات والكثير من الاكسيكيوزات
وادارة المنتخب كالعاده قعدت تحكي لينا قصص من اساطير كينيا
وان نيكولاس موسوني زول عنصري ومنحاز لبلده
وانهم قد سجنوا بفندق مليلي
والمويه كانت قاطعه
والاكل كان بطال
ووصلنا الملعب بعد ساعه
والبونبان حرق عيونا
والجمهور الكيني شرس شديد
واعتذارك ما بفيدك
ورغم ذلك المنتخب هو من يحتاج الي لجان تسيير
مش الهلال والمريخ
الاتحاد العام دائم الشكوي من شح الامكانيات
والجكومي قال ان المنتخب لا يملك ٥ جنيه
اذن لماذا الاهتمام الزائد بالمريخ والهلال
اتركوا هذه الانديه تسيير نفسها بنفسها
الحكومه لو وطنيه جد تهتم بمنتخب الوطن
وبالمراحل السنيه
وبالدورات المدرسيه
وبالاشبال
مش يسلطوا لينا كوم لوردات وامراء فاضيين
وانت تمسك المريخ وانت تمسك الهلال
اليس منتخب الوطن هو الاولي بكل هؤلاء اللوردات والامراء
الحكايه شنو السودان يفشل حتي في الحصول علي كاس مجاعه
تلك البطولة اليتيمه التي لا يعترف بها الاتحاد الدولي
وهي بطوله لا تشبه بطولات افريقيا
ملاعب بائسه
لاعبين محليين
نقل تلفزيوني تعبان
فلس كيني شديد
ومستويات اشبه بالدوري السوداني
وليهو حق من سماها ببطولة المجاعه
وهي حقا كذلك
حيث يغيب عنها الاعلام العالمي
والذي يحضر بقوه بطولة افريقيا للامم
لقد تأكدنا وبالدليل القاطع ان مستوي السودان يقف عند حدود سيكافا
ولا مكان له مع كبار افريقيا
فماذا لو فاز السودان بهذه البطوله البائسه ؟
لا شيئ
صحفنا افردت صفحاتها لهذه البطوله التعبانه
وصورت لاعبي السودان وكأنهم أبطال
والقمه الغبيه مازالت تطارد صلاح الجزولي وغيره
شويه من ميزانية وزارة الدفاع ادوها للرياضه يا ناس الحكومه
انتو عينكم علي جماهير الناديين
وعايزينهم زي التراس الاهلي المصري
وده مستحيل
البادئ اظلم :
وان كنت اعارض بشده محاولات تسجيل العجب في الهلال
الا انني مازلت اذكر كيف تعاملت الصحافه الصفراء والحمراء مع تسجيل هيثم مصطفي
وما سطرت اقلامهم من كلمات في حق الهلال
وبأنه قد فرط في اعظم لاعب كرة قدم
اذن فللهلال تار يجب ان يأخذه من المريخ والبادي اظلم
وحتي وان كان التسجيل فرقعه اعلاميه
الا انها قد هزت نادي المريخ كثيرا
مما دعي كبيرهم لاعلان موعد للتكريم
وعرضوا مبالغ كبيره
اذكر جيدا كيف كانت افراح المريخ وزغاريدهم
واذكر كيف حملت جماهير المريخ طبولها ومزاميرها
وعسكرت لايام امام مباني الاتحاد
اليوم تعسكر بعض جماهير الهلال امام مباني الاتحاد
وفي معيتها الطبول والمزامير الزرقاء
وناس المريخ راسهم ضارب وحالتهم بالبلاء
وقد خانوا ملكهم الذي كانوا يتغنون باسمه
لقد شطبوه لتسجيل هيثم ومكايدة الهلال
فكان كبش فداء لرغبتهم المريضه
لقد اضاعوا تاريخ الرجل
وارادوا ان يدفنوه حيا
فأبي ..
شتان مابين هيثم مصطفي وصديق محمد احمد :
هيثم مصطفي انتقل للمريخ وكنكش فيهو بدم بارد وبصق علي تاريخه الطويل في الهلال ولم يحترم جماهير الهلال وقد ظل يحرض ناس كاريكا علي التمرد
صديق محمد احمد هداف الهلال في الستينات انتقل للمريخ في الستينات وما هانت عليه جماهير الهلال فطلب من فؤاد التوم رئيس المريخ آنذاك شطبه وتسجيله في الرابطه حبا وتقديرا لجماهير الهلال
وفعلا الناس معادن .
محمد حسن شوربجي
الحكومه دي غريبه وعجيبه
والطيب حسن بدوي غريب وعجيب
والوزير الجديد غريب وعجيب
حتي سيكافا نتغلب فيها
لان كل اهتمامات الحكومه ووزرائها الغريبين والعجيبين تشكيل لجان تسيير للقمه
في حين ان منتخبنا الجميل والرائع يحتاج الي لجنة تسيير حقيقيه
ومحتاج لدفع رباعي يطلعه الجبال والقمم
لقد فشل منتخبنا في امتحان كروي وبسيط جدا
والاتحاد كالعاده جاهز بالتبريرات والكثير من الاكسيكيوزات
وادارة المنتخب كالعاده قعدت تحكي لينا قصص من اساطير كينيا
وان نيكولاس موسوني زول عنصري ومنحاز لبلده
وانهم قد سجنوا بفندق مليلي
والمويه كانت قاطعه
والاكل كان بطال
ووصلنا الملعب بعد ساعه
والبونبان حرق عيونا
والجمهور الكيني شرس شديد
واعتذارك ما بفيدك
ورغم ذلك المنتخب هو من يحتاج الي لجان تسيير
مش الهلال والمريخ
الاتحاد العام دائم الشكوي من شح الامكانيات
والجكومي قال ان المنتخب لا يملك ٥ جنيه
اذن لماذا الاهتمام الزائد بالمريخ والهلال
اتركوا هذه الانديه تسيير نفسها بنفسها
الحكومه لو وطنيه جد تهتم بمنتخب الوطن
وبالمراحل السنيه
وبالدورات المدرسيه
وبالاشبال
مش يسلطوا لينا كوم لوردات وامراء فاضيين
وانت تمسك المريخ وانت تمسك الهلال
اليس منتخب الوطن هو الاولي بكل هؤلاء اللوردات والامراء
الحكايه شنو السودان يفشل حتي في الحصول علي كاس مجاعه
تلك البطولة اليتيمه التي لا يعترف بها الاتحاد الدولي
وهي بطوله لا تشبه بطولات افريقيا
ملاعب بائسه
لاعبين محليين
نقل تلفزيوني تعبان
فلس كيني شديد
ومستويات اشبه بالدوري السوداني
وليهو حق من سماها ببطولة المجاعه
وهي حقا كذلك
حيث يغيب عنها الاعلام العالمي
والذي يحضر بقوه بطولة افريقيا للامم
لقد تأكدنا وبالدليل القاطع ان مستوي السودان يقف عند حدود سيكافا
ولا مكان له مع كبار افريقيا
فماذا لو فاز السودان بهذه البطوله البائسه ؟
لا شيئ
صحفنا افردت صفحاتها لهذه البطوله التعبانه
وصورت لاعبي السودان وكأنهم أبطال
والقمه الغبيه مازالت تطارد صلاح الجزولي وغيره
شويه من ميزانية وزارة الدفاع ادوها للرياضه يا ناس الحكومه
انتو عينكم علي جماهير الناديين
وعايزينهم زي التراس الاهلي المصري
وده مستحيل
البادئ اظلم :
وان كنت اعارض بشده محاولات تسجيل العجب في الهلال
الا انني مازلت اذكر كيف تعاملت الصحافه الصفراء والحمراء مع تسجيل هيثم مصطفي
وما سطرت اقلامهم من كلمات في حق الهلال
وبأنه قد فرط في اعظم لاعب كرة قدم
اذن فللهلال تار يجب ان يأخذه من المريخ والبادي اظلم
وحتي وان كان التسجيل فرقعه اعلاميه
الا انها قد هزت نادي المريخ كثيرا
مما دعي كبيرهم لاعلان موعد للتكريم
وعرضوا مبالغ كبيره
اذكر جيدا كيف كانت افراح المريخ وزغاريدهم
واذكر كيف حملت جماهير المريخ طبولها ومزاميرها
وعسكرت لايام امام مباني الاتحاد
اليوم تعسكر بعض جماهير الهلال امام مباني الاتحاد
وفي معيتها الطبول والمزامير الزرقاء
وناس المريخ راسهم ضارب وحالتهم بالبلاء
وقد خانوا ملكهم الذي كانوا يتغنون باسمه
لقد شطبوه لتسجيل هيثم ومكايدة الهلال
فكان كبش فداء لرغبتهم المريضه
لقد اضاعوا تاريخ الرجل
وارادوا ان يدفنوه حيا
فأبي ..
شتان مابين هيثم مصطفي وصديق محمد احمد :
هيثم مصطفي انتقل للمريخ وكنكش فيهو بدم بارد وبصق علي تاريخه الطويل في الهلال ولم يحترم جماهير الهلال وقد ظل يحرض ناس كاريكا علي التمرد
صديق محمد احمد هداف الهلال في الستينات انتقل للمريخ في الستينات وما هانت عليه جماهير الهلال فطلب من فؤاد التوم رئيس المريخ آنذاك شطبه وتسجيله في الرابطه حبا وتقديرا لجماهير الهلال
وفعلا الناس معادن .
محمد حسن شوربجي
