• ×
السبت 4 يوليو 2020 | 07-04-2020

البنت الاسمها شطة

البنت الاسمها شطة
معاذ عباس البعيد 
الدنيا الحارة وطعم الشطة ..والناس الفايرة وما بتتنطا.. والبنت الوقفة ما بتتفطه خليك واقف وماتتعدى خطة السته قريب ياشطة والحكم الوقف امك.. والراجل الوقف باليسطونة ابوك.. ياحته .. والناس الكشفت سرك بتحمر ليك ..كان قلت تفك الكلمة بتدقى دق الفندق وبتتحته حته ..جته .. والبت الواقفة ما هاميها دايرة الضحكة وانا شايل همها ودايرة تقول لي بي كل الفيها بالحرس الكاتم انفاسها .. والبسمة الما عارفها مقاسا .. القهقها ممنوعة وحاتك ..ومحظورة عليك صاحباتك ..والشارع اسمك فيهو.. بس للمجبورة عليهو ..والجامعة يسمك فيها بنات واولاد بنفسيها ..وود عمك البارم شنبو كديس الحلة يهووزز ضنبو بقى دكتور واتربع اتقدم وعرس وخطف من الحارة الشطة ..والشطة البردت يا دوبها مسكينة الشطة اتكتمت تاني الكتمة الياها في حوش بيتهم صغارها التسعة يجضو.. الاول راح الجامعة والاخر سمياته الليلة .. والحال اتبدل ياشطة والراجل بقى زي الليمونة المعصورة شال البومو يقلب في الصورة ويعاين في الحيطة والصورة.. عريس وعروس لابسين الفركة ونسوان شايلات المبخر والحاجة بخيته فاكه الزغروته .. عارفك يا ابزرد بتاكل الشطة وما بتفوتة .. ما جارتنا وبت حارتنا ... وبنريده...
moazalobeid@gmail.com
امسح للحصول على الرابط
 3  0  11042
التعليقات ( 3 )
الترتيب بـ
الأحدث
الأقدم
الملائم
  • #1
    ابو الغالي 03-16-2019 01:0
    لا حوله ولا قوة الا بالله === الله يرحم اسماعيل حسن ومحمد عتيق والفيتوري = يا ادارة كفر ووتر والله حرام عليكم ادارتكم اسوء من الكلمات الركيكه لي صاحبها بقول عنها قصيدة الله يرحم اهل الشعر والادباء في بلدنا
  • #3
    فلافيلو 09-11-2018 09:0
    يا بتااااااع الشطة ...
    يااااخ ده كلام مبتذل ورحيص وركيك جداً ولا يليق بمستوى صورتك الموجودة فوووووووووووق دي ...
    أكيد نشر موضوعك ده خضع لعلاقااااات خاصة جداً وتحانيس وواسطات ( اللهم إلاَّ إذا كانت كفر وتر أرخص من كلماتك ) ممكن تنشر ليك كلام فاااااااااارغ زي ده.
    حسبنا الله ونعم الوكيل.
أكثر

جديد الأخبار

▪︎أطلق حكيم الهلال ورئيسه السابق الدكتور طه علي البشير مسارا جديدا لستقبل الهلال بإعلان الوحدة الشاملة في الهلال خلال المرحلة المقبلة التي ستشهد..

للمشاركة والمتابعة

جميع الأوقات بتوقيت جرينتش +3 ساعات. الوقت الآن هو 10:0 السبت 4 يوليو 2020.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019