• ×
الجمعة 29 مارس 2024 | 03-28-2024

عمنا الشايقي ود.كمال

عمنا الشايقي ود.كمال
معاذ العبيد العباس عمنا الشايقي ود.كمال .بقلم معاذ عباس العبيد:
يوسف الشايقي كان يعمل باشكاتب في قسم (البيرسونيل) بقسم الاطباء بوزارة الصحة مسئول عن جميع ملفات الاطباء من نقل واجازات وعلاوات وغيرها وكثيرا ما تطلب منه لجنة الاطباء ملف فيرسله لهم مع المراسل بعد تدوين اجرءاته ويتم طلب الملف عن طريق التلفون (بالله يا يوسف ارسل لينا ملف د. كذا ) ويوسف الشايقي كان يعشق فريق الهلال (هلالابي على السكين) وكان رجل منظم ولبيس برقم كبر سنه (بنطلونه سيف ) يجرح من المكواه ومهذب في تعامله مع الاخرين . اذا انهزم الهلال خاصة من المريخ فهذا اليوم اسود ،فاذا انتصر الهلال فاطلب ما تشاء وحلاوة وفطور (من البيت)،وكان عاوز اجازة واستئذان كله تمام . اليوم السبت(ما كانت في اجازة) وأمس المريخ هزم الهلال 2صفر احرزهما كمال عبد الوهاب الذي كان يلقب ب.د.كمال..والشايقى مزاجه طبعا عكر وامبير الضغط مرتفع .وطبعا الموظفين عارفين الوضع ومقدرين على امل ان يمر هذا اليوم بسلام ..فجأة رن جرس التلفون اكثر من مرة والشايقي ما عنده استعداد للكلام ..خاصة في الكوره ..واخيرا رفع السماعة فقال له رئيس لجنة الاطباء (الو الشايقي كيف حالك ..بالله عليك ارسل لينا بعض ملفات الاطباء ..انت ارسلتها كلها بس الباقي ملف واحد الي هو ملف د.كمال عبد الوهاب ) وصرخ السايقي في الولد المراسله (انت يا ولد ما بتفهم انا اديك الملفات كاملة توديها ناقصة ..استنى اقيف محلك دا خلي يجيبوا ليك الملف وديهو للجنة ) وضرخ الشايقي : يا ولد يا عبدالله بالله ادي المراسلة دا ملف د. كمال الوهاب وفتش عبدالله قائمة ملفات الاطباء وقال للشايقي (ما في دكتور بالاسم دا ) وفجاءة دخل رئيس اللجنة على الشايقي ووقف الشايقي وقال له انتو الاسماء دي بتجيبوها من وين الاسم دا ما مسجل . وضحك رئيس اللجنة لانه كان مريخابي وقال للشايقي : مسجلات قونين يا الشايقي ودكتور كمال دا دكتور كورة لكن برضه حنعمل ليهو ملف عندك . وضحك جيع الموظفين .والشايقي يقول ليهم اصبروا الايام بينا والدنيا دوارة ..فضحكوا جميعا،،،//،معاذ عباس العبيد/السعودية /الرياضmoazalobeid@gmail.com

- - - - - - - - - - - - - - - - -
تم إضافة المرفق التالي :
11709619_1446827008977662_4311477718977735667_n.jpg
امسح للحصول على الرابط
 0  0  4905
التعليقات ( 0 )
أكثر

جديد الأخبار

..................... .................... في اطار سعيها الجاد في تدعيم اللجان الادارية استطاعت مجموعة التجديد لجماهير نادي الهلال للتربية التي..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019