محمد بشير عتيق يشدني بقصائده الجميلة وفاروق جويدة يسحرني بقصائده الرصينة
الشاعر النور صديق الطاهر في بوح شفيف: تاكسي الغرام يمثل بداية اعمالي الفنية
كفرووتر /الخرطوم/ جلس الشاعر الشاب النور صديق الطاهر (الدقناوي) لكفرووتر وهو يتحدث عن اول اعماله (ديوان تاكسي الغرام) الذي تمت اجازته مؤخرا من لجنة المصنفات الادبية والفنية السودانية رقم الايداع 716 -2018 والذي حاز على فهرس المكتبة الوطنية .. وبعد الاجازة تحدث شاعرنا للصحيفة وعبر عن سعادته الكبيرة بان يحوز على ثقة المصنفات وإنشاء ديوان تاكسي الغرام وقال :انه سيكون هناك اعمال اخري وبين ان مولوده الاول يحمل 27 نصا من قصائد باللغة العربية الفصحى واخرى بالعامية السودانية وبين انه معجب جدا بقصائد الشاعر الفذ الراحل محمد بشير عتيق وانه يعتبرها مثلا اعلي وكذلك الشاعر العربي فاروق جويدة واعماله الساحرة الرصينة والجدير بالذكر ان الشاعر النور صديق تخرج من كلية الاداب جامعة الامام المهدي . قسم اللغة العربية 2016 وحمل الديوان ومهره بقصيدة (تاكسي الغرام والتي جاء فيها : والله يــا تاكسي الغرام مستني بس لمتين تعود
تلقاني جــالس بانتظام أوعــاك تخلــف للوعود
راجيــك ومليان بالوئام في نــار فراقك يا ودود
** **
وركبت في تاكسي الغرام ومليتلــو خــزان الــوقود
وجلست في مقعد أمام أصبحت جاهز شان أقود
وربطت نفسي بالحزام ومرقت ودعت الحشود
وسلكت درب الريد تمام فارقت للنوم والهجــود
وبديت أفتش لي حبيبة لقيتة واجمل من نجود
بدت معاي طرف الكلام وملت حياتي جنس وعود
سرعان ما بدت الخصام ونقضت مواثيق العهود
واختل عقد الحب تمام كل المواد كــل البنــود
نزلت وقالت لــي وداع ما أظني تاني إليك أعود
ضليت طريقي مع الزحام كل الطرق أضحت سدود
وسلكت تاني طريق جديد أرصفتــو زاهــية الــورود
أشجارو يــانعة ومـثمرة رويانة من أعذب رهــود
ووقفــت أتأمــل بــراي! ليه الفراق دايما يسود؟
وركبت واصـلت الطريق في نصو لاحت لي سجود
ركبت معاي بــي احترام رقة وجمال وعيونا سود
وحواحب أسود من ظلام والسمرة باينة على الخدود
وسرحت فيها زمن طويل ووصلت مرحلة الــشرود
وضعتني موضع إهتمام نستنــي أيــام الصــدود
وبدت معاي نفس الكلام وبقيت أفتش في الردود
بدينا قــصة ريــد فـريد طلتنا نجمات السعــود
وعقدنا بي سنة وكتاب بي فرحة كل الناس شهود
وعرسنا كان أجمل ختام في يومو جاتنا الناس وفود
زفيتا بي تاكسي الغــرام عطرتو بي عطر الــعنود
أهو نحن حققنا المــرام والفرحة أبعد من حدود
من بعد زاورنا الصحاب سالكين طريقنا عشان نعود
بس للأسف حصل إصطدام على أثرو كان ماتت سجود
وصــرخت يــا رب الأنام وصرخت يا حــي يا ودود
** **
وصحيت برعشة وارتجاف ولقيت دموعي على الخدود
تاكسي الغرام كان في المنام لا في الخيال لا في الوجود
تلقاني جــالس بانتظام أوعــاك تخلــف للوعود
راجيــك ومليان بالوئام في نــار فراقك يا ودود
** **
وركبت في تاكسي الغرام ومليتلــو خــزان الــوقود
وجلست في مقعد أمام أصبحت جاهز شان أقود
وربطت نفسي بالحزام ومرقت ودعت الحشود
وسلكت درب الريد تمام فارقت للنوم والهجــود
وبديت أفتش لي حبيبة لقيتة واجمل من نجود
بدت معاي طرف الكلام وملت حياتي جنس وعود
سرعان ما بدت الخصام ونقضت مواثيق العهود
واختل عقد الحب تمام كل المواد كــل البنــود
نزلت وقالت لــي وداع ما أظني تاني إليك أعود
ضليت طريقي مع الزحام كل الطرق أضحت سدود
وسلكت تاني طريق جديد أرصفتــو زاهــية الــورود
أشجارو يــانعة ومـثمرة رويانة من أعذب رهــود
ووقفــت أتأمــل بــراي! ليه الفراق دايما يسود؟
وركبت واصـلت الطريق في نصو لاحت لي سجود
ركبت معاي بــي احترام رقة وجمال وعيونا سود
وحواحب أسود من ظلام والسمرة باينة على الخدود
وسرحت فيها زمن طويل ووصلت مرحلة الــشرود
وضعتني موضع إهتمام نستنــي أيــام الصــدود
وبدت معاي نفس الكلام وبقيت أفتش في الردود
بدينا قــصة ريــد فـريد طلتنا نجمات السعــود
وعقدنا بي سنة وكتاب بي فرحة كل الناس شهود
وعرسنا كان أجمل ختام في يومو جاتنا الناس وفود
زفيتا بي تاكسي الغــرام عطرتو بي عطر الــعنود
أهو نحن حققنا المــرام والفرحة أبعد من حدود
من بعد زاورنا الصحاب سالكين طريقنا عشان نعود
بس للأسف حصل إصطدام على أثرو كان ماتت سجود
وصــرخت يــا رب الأنام وصرخت يا حــي يا ودود
** **
وصحيت برعشة وارتجاف ولقيت دموعي على الخدود
تاكسي الغرام كان في المنام لا في الخيال لا في الوجود
