مفاجأة صادمة للمغتربين..الطالبة محرزة نسبة 100% بالسعودية لم تقبل بالسودان!

يعني عايزنها تجيب كم بعد 100% عشان تدخل جامعاتكم الزايدنها موية دي؟
انتو لسع مصدقين انو نحنا عندنا جامعات قوية الكلام دا كان زمان ...... تفوق الدكتور السوداني والمهندس السوداني والقانوني السوداني والإقتصادي السوداني ...... الخ مش عشان جامعاتنا قوية ...... أصلا الطالب السوداني موهوب ومتفوق بالفطرة وبيحب التعليم والتفوق ، نحمد الله على ذلك ،وتجده يعتمد على مجهوده الذاتي أكثر من إعتماده على الجامعة ، لذلك تجده ينافس فى أعتي المناصب فى الخارج ..... لما يجي السودان يقول ليك ما بنافس داخليا وما ذلك إلا طمعا فى حلب جيوب المغتربين بالباطل (أكل مال الناس بالباطل).

ابني حاز على 100 في المدرسة و94 في تحصيلي ولم يقبل اي شي حتى الهندسة لماذا هذا الظلم الكبيررررر نتمنى ايصال صوتنا للوزارة ولو اصلا حنعامل بطريقة دي حنمشي نقريهم في اي مكان تاني وخلاص

ايش الكوتة ده مش منافسة حرة وشريفة عبر النسبة وامتحانات ان شاء الله يخصم 10% وتدخل في المنافسة او امتحان القدرات

القاليك مفاجأة صادمة اداك صورة مقلوبة. المغتربين متوقعين هذا المقلب .. وجهاز المغتربين عايش في (القالب) القديم.. ولم ولن يتجدد والثقة مفقودة والغربة مقدوده

طبعا اذا كان ابن المغترب بدفع 52 مليون سنوي لانه غريب عن السودان وابن المواطن بيدفع 4 مليون وابنائنا نفتش ليهم وطن تاني مادام الوطن الام رافضهم ..وكلنا عانينا المشاكل دي واكتفينا بقول حسبي الله ونعم الوكيل