غارزيتو : تركيزنا منصب في بلوغ النهائي الافريقي
كفرووتر / الخرطوم / قال مدرب المريخ دييغو غارزيتو انهم مركزون في البطولة الافريقية وان هدف الفريق في المرحلة المقبلة هو كيفية عبور الفريق لنهائي بطولة افريقيا مشيرا الى ان المريخ يملك المقومات التي تجعله يحقق احلام جماهيره وغير قلق على نتائج الفريق على المستوي المحلي وطالب غارزيتو في تصريحات نقلتها الزعيم جماهير المريخ بدعم اللاعبين وعدم التشنج لان الهدف القادم هو حلم البلاد الافريقي وليس منطقيا توقف الدعم في هذه المرحلة وقال انه حزين لهزيمة الاحمر ولكن علينا دعم اللاعبين من اجل الحلم الافريقي
قرن الشطه قال الضل شبيه البرشا
شفناه إنضرب .. الليله هارش هرشه
الخلا الحروف بي سراع دوام منبرشه
دايمآ منتكس في إستادو ضايق الدرشه
أحمد بشرى :
نجمات الوصيف في إستادا يوووت مندرشة
قدام كل تيم ،،،، صبحت عديل منبرشة
عالمي قالوا كورتك زي،،،، فريق البرشا
لكن خردة ساااي ،، محتاج تخش الورشة
.
أحمد مجذوب :
ايه يعني الجديد النجمة تجي منبرشة
عنكبة في الصميم لفخ الكفر بالطرشة
شكلو من الشعار واللون سبب في الهرشة
مما يشوفو زولنا تجيهو حمي وكرشة
سوهندا :
فاشر .. اهلي شندي .. والخراب الجاكا
والأمل العنيد واهدافو في مرماكا
راجييين فوق جمر.. دايرنو نحن لقاكا
للحول كان جريت طلق بنستناكا
أحمد بشرى :
فاشر ،، شندي ،، لاقيت الامل يوم داكا
جيت كادوقلي ،،، حيرت الجماعة معاكا
ازرق كردفان ،،،، في قلعتك ،،،دقاكا
باكر عااااادي تيم ( أمبدة ) ،،،، بتحداكا
.
أحمد مجذوب :
شن جاب الهمر ..يا اخوانا للكراكة
وشن جاب الوصيف لي كورة التيكي تاكا
ديل لسة العيال والاب اكيد بلقاكا
جاياكا الرعود . يادابا دي الشكشاكة
.
سوهندا :
حسون ودكمال ،، ناس عنكبه وعماري
رزاقو الحريف ،، خلو الوصيف متواري
عاجبني الهلاال ،، لا غاب ولا متضاري
بعشقو في الصميم في ريدو ذاد إصراري
أحمد بشرى :
دمعك يا الوصيف ،، طوااالي نازل وجاري
من ناس ود كمال ،، لي عنكبة وعماري
شوفو الود فريد ،،، الما بشوت صفاري
قال الكورة حقققتو ،،،، والغلب إجبااااري
.
أحمد مجذوب :
بعد غلب الامل والفاشر المسماري
بعد كادوقلي درن وكان درون اجباري
بعد كل الحصل بتكب واقول مسداري
ما غلطان اذا قام الوصيف سداري
.
سوهندا :
كم فرق النقاط ؟؟؟ انا ياخ عديل نسايه
بين بدر التمام ،،، ونجيمة العلمايه
الخبر السمعتو ،،بدون حكايه روايه
دايرين نقطه بس ،،، ونذكرهم شلباية
..
أحمد بشرى :
ستة الليلة عاد ،فرق النقاط ،،، يا هناية
ستة بسيييطة اصلا ،،، مااا بشوفا كفاية
يا نادي الوصيف ،،، لسة العشم ،،، جوايا
يتواصل نزيفكم ،،، في المباراة ،،،،الجاية
أحمد مجذوب :
ستة نقاط عديل ،،،، يا نجمة يا بكاية
واحسن ليك تفكري في البطولة الجاية
الخبر الاكيد مصدوق وماهو وشاية
نقطة وحيدة قالو ،،، وتوصل السبعاية