يقيم بفندق الرياض بالجزائر لمواجهة وفاق سطيف

المريخ يعسكر في أسبانيا ويواجه ناديا كبيرا تأهبا للابطال !!

كفرووتر / خاص وحصري / علمت كفرووتر ان المريخ اكمل ترتيباته مع شركة عالمية لاقامة معسكر تحضيري في اسبانيا تأهبا لبطولة افريقيا و ان الشركة اتفقت مع نادي اسباني كبير بجانب آخر يلعب في الدوري الاسباني للعب مع المريخ قبل حضوره للخرطوم,.
الى ذلك فقد اكمل المريخ ترتيبات اقامته في الجزائر بفندق الرياض افضل الفنادق في المنطقة و سيقيم فيه المريخ لفترة لا تقل عن الـــ(15) يوما حيث سيخوض مباراة الجولة الثانية ضد وفاق سطيف و مولودية الجزائر خلال تلك الفترة على ان يعود للخرطوم لمواجهة الوفاق في الجولة الرابعة بام درمان

بواسطة : صحيفة كفر و وتر

05-15-2015 05:0 12 0 5293

التعليقات

التعليقات ( 12 )

الترتيب بـ

الأحدث

الأقدم

الملائم

#1

طارق 05-15-2015 11:0

بطلو ضحك على الدقون..شايفنن هنود؟ وﻻ فى راسنا قنابير.
ريال شنو وبرشل نة شنو الفاضية ليكم..
والله اﻻ ريال المحيريبة..وبشتنونة الفاشر
تهئ ..تهئ..تهئ..تهئ..

الرد على زائر

- 1 - 1
  
  ابو الهل 05-16-2015 10:0
  
  ههههههههاى هههههههاى قال عالمى قال لاتكلمنى .. دورى ابطال اوربا خلاص على وشك الانتهاء خليكم مع ناس عزام وسكراب سبب العذاب

#2

sami 05-15-2015 11:0

يا كمن ضأن..فى فريق عالمى بتغلب من فريق اردنى 7 صفر..اسمه الوحدات؟
فى فريق عالمى بتغلب من فريق يمنى 6 -1
ياكدندار..فى عالمى بتغلب من المنصورة المهدد بالهبوط رايح جاى
يا حكمدار..كيف تكون عالمى وفى التصنيف العالمى ما مذكور وﻻ موجود..والهﻻل موجود
وتاخد فى استادك 4 اهداف وكاس الكونفدرالية قدامك..ماطش جوه بلدك بالاربعة..عالمى ..ﻻ تكلكلنى ..حتى لا اموت من الضحك

الرد على زائر

#3

طائر الجنة الاحمر 05-15-2015 10:0

دﻻلة كراسى طابق شاخور يوم الاثنين..سمعنا انو الكاردنال مرسل زول بي نحت نحت يشترى المعروضات كلها.
اعتقد دى ما اخﻻق رياضية..مفروض يكون فى تعاون بين العمﻻقين..يعنى ممكن الكاردنال يسدد للشركة..ولمن الوالى زنقتو بتاعة بنك الثروة الحيوانية تفك برجع ليهو القروش..ودى المحرية غيك يا كردنة

الرد على زائر

#4

فاعل خير 05-15-2015 10:0

طبعا الليلة الجمعة وصحيفة كذب وشتل اقصد كفر ووتر ماعندها اي اخبار جديدة فقالو احسن نجيب لينا اخبار من العدم ونشغل بيها الناس شوية كدا اسبانيا شنو وفرق كبيرة شنو ياناس ماتلعبو بعقول القراء حرام عليكم اخباركم كلها كذب × كذب

الرد على زائر

#5

كمندان 05-15-2015 10:0

والله خبر حلو شديد..ما قلنا ليكم عالمى..لا تكلمنى...ده المريخ ما لعب عيال..وحنقابل ريالمدريد وبرشلونة غالبا..
قلنا ليكم عالمى ما صدقتونا..يا هﻻﻻب يا وهم..خليكم معسكرين فى تونس..قدر حالكم..
ده الزعيم..فريق القرن

الرد على زائر

- 5 - 1
  
  كجام 05-15-2015 11:0
  
  فريق القرن..يا قرن..ان شاء الله القرن اليقوم ليك فى .............

#6

ابوالفاضل 05-15-2015 10:0

الناطق الرسمى باسم نادى المريخ نفى الخبر..طلع شتلة..قال ده مجرد اقتراح
طبعا الما معقول فيهو المباراة مع نادى اسبانى كبير ﻻنو الدورى فى نهايتو ومافى مباريات ودية الوقت ده..
خلونا معقولين..ممكن معسكر ..لكن مباريات الا مع فرق الجاليات والشركات..فريق كبير مافى..
بعدين الاسبوع الجاي مواعيد دﻻلة طابق شاخور..الصرف والتبزير شنو..ما نمد رجلينا قدر لحافنا

الرد على زائر

- 6 - 1
  
  sami 05-15-2015 11:0
  
  انت لسه عندك وش بتتكلم..يا ابو الفاضى
  صحى ابو الفاضى..عقلك مقرقر ومجوف وفاضى

#7

جﻻبى-قطر 05-15-2015 09:0

بقيتو تفتلو وتشتلو الاخبار تحبطو جمهور المريخ العظيم لمن الخبر يطلع فشنك..هو المريخ يقول يا الله..كراسى طابق شاخور بدو يقلعو فيها..
الشركة كسبت القضية..تقول لى اسبانيا..وكمان بعد الدوري ينتهى فى اسبانيا مافى لعب..الا يكونو عايزين يلعبو مع سكر الحوامدية الاسبانى

الرد على زائر

#8

اسد الشمال 05-15-2015 09:0

وبرضو شتل..وبكرر للمرة الثانية..لو الخبر ده طلع صحيح بكون انا ورل الشمال او ضب الشمال زى ما انتو بتقولو

الرد على زائر

#9

اسد الشمال 05-15-2015 09:0

وبرضو شتل..وبكرر للمرة الثانية..لو الخبر ده طلع صحيح بكون انا ورل الشمال او ضب الشمال زى ما انتو بتقولو

الرد على زائر

#10

Mutasim 05-15-2015 09:0

مش تسددو ديون طابق شاخور الاول ..

الرد على زائر

- 10 - 1
  
  Mars 05-15-2015 10:0
  
  سيتم خصمها منكم مش أنتوا الكسرتوا طابق شاخور ودايرين منكم 800ألف دولار

#11

shakhoor 05-15-2015 06:0

نرجو شاكرين حصر التعليقات حول هذا الخبر علي انصار الزعيم...
اعتقد في اخبار اخري كثيرة تخص انصار الفرق الاخري وعليه خلونا في حالنا...
فكرة ممتازة منها سياحة وتاقلم علي مناخ البحر الابيض المتوسط لملاقة فرق الجزائر...
نتمني الخبر يكون صحيح وبالتوفيق...

الرد على زائر

#12

أبو الأمير 05-15-2015 06:0

يا أخوانا ما تستخفوا بي عقولنا
الدوري الإسباني بينتهي يوم 23 مايو
وبعد داك كل اللاعبين بيأخدوا عطلة لحدي بداية الإعداد للموسم الجديد في بداية شهر يوليو
وأبطال أفريقيا حيبدأ في نهاية شهر يونيو
يعني المريخ حيلعب مع منو؟ ومتين؟

الرد على زائر

- 12 - 1
  
  Mars 05-15-2015 09:0
  
  يا أبوأمير الزعيم سيستهل المجموعات بأمدرمان بلقاء شباب العلمة يوم 26-6 ثم يطير للجزائر ليعلب مباراتين يومى 10-7 و24-7 يعنى يمكن يعسكر فى أسبانيا ويجى يلعب فى الجزائر ويلعب مباريات حبية قبل مواجهة سطيف حامل اللقب يوم 24-7 لأنها الأهم وقعت ليك الشغلة