المريخ يستضيف الترجي مساء اليوم بملعبه في ابطال افريقيا

كفرووتر / الخرطوم / يستضيف المريخ مساء اليوم بملعبه الترجي التونسي وذلك في ذهاب دور الــــ(16) لابطال افريقيا و تعتبر مباراة اليوم هي الثالثة للفريقين في مواجهات البطولة الإفريقية بعد مسماها الحديث و تحديدا في دور الـــ(16) حيث فاز الترجي في اول مواجهة على المريخ 3-0 بتونس و تعادلا بهدف في ام درمان و يدخل المريخ مباراة اليوم للثأر من خصمه الترجي و كان الترجي قد اجري مرانه امس على ملعب المباراة فيما اختتم المريخ اعداده صباحا وتكتم الطرفان على التشكيلة التي تلعب مباراة اليوم

بواسطة : صحيفة كفر و وتر

04-18-2015 02:0 15 0 4606

التعليقات

التعليقات ( 15 )

الترتيب بـ

الأحدث

الأقدم

الملائم

#1

coco 04-18-2015 02:0

دائما انتو كده .... وعلقت على الموضوع ده 100 الف مرة ... ابدا ما بتذكروا موعد المباريات .... والله ما عارف قارين اعلام وين ....

الرد على زائر

- 1 - 1
  
  ابو ساره 04-18-2015 04:0
  
  2 صباحا

#2

abu ahmed 04-18-2015 01:0

نتمني الفوز المؤزر لابطال مانديلا ولا عزاء لاولاد فطومة شاش

الرد على زائر

#3

سارين 04-18-2015 11:0

بجسارة الفتى الواعد ود كمال ويقظة اب قلبا حار فييرا وصمام امان البوابة الحمراء الفتى اليافع جمال سالم والعقرب اللدوغ بكري ودالمدينة والساحرالغاني اوكرا والموهبة كوفي والغيور راجي عبد العاطي والمتطور مصعب عمر والكاوية البشريةرمضان ود عجب والداهية جابسون سالمون والواعد عبده جابرواليقظ الصلب ضفر فلا فلا خوف على الزعيم واكيد لا امذح

الرد على زائر

- 3 - 1
  
  عبد الهادي عبد المطلب 04-18-2015 12:0
  
  بالتوغيق للهلال والمريحخ وسودانا فوق ... ولا نامت اعين الجبناء

#4

فارس الدهناء 04-18-2015 11:0

سيد البلد تسعي القنوات لتنقل مباريته بعكس ناس كدي شكلها مفلسة وتسعي دوماً وراء المال ولاتنقل مباريتها لأنه تعلم بأن جمهورها قليل سواء في الخارج اوفي الولايات بعكس جمهور سيد البلد الذي يستمتع دوماً مباريات فريقه علي القنوات
نسأل الله النصر لفريق المريخ وأن يشرف الكرة السودانية
والشيء المحير بأن إعلام المريخ جعل من الترجي اسداً ومن فريقهم غازالتاً

الرد على زائر

#5

حاج حمد محمد علي 04-18-2015 11:0

اللهم نصرك المؤزر لمريخ السعد و اسد السودان المظفر بإذنالله

( هلالابي علي السكين فقط راية الوطن تسمو فوق كل المسميات

الرد على زائر

- 5 - 1
  
  natge 04-18-2015 12:0
  
  نفع الوطن بامثالك لن نرمى الراية جاء الوقت الزى نوقف فيهو الكورة التونسيه ونقول كلمتنة ومنصورين بان الله

#6

أبو مازن 04-18-2015 10:0

طال إنتظاري ليلة الســــــــبت يا فضيحة المرخرخ يا أنتي.

الرد على زائر

- 6 - 1
  
  ابو الهل 04-18-2015 11:0
  
  هزيمة سبعاوية ى ياسر نسيت فريق الوحدات الفلسطينى بتاع قطاع غزة العائش فى الاردن قسمكم على سبعه وحدات ناسى ولا اذكرك ى بتاعين ماجى ماجى .. والجيش الرواندى دقاكم دقة جيش ودقة مطرة ى بتاعين سيخافا والتاكسى الرواندى فسحكم فى الخرطوم وشال منكم سيخافا
- 6 - 2
  
  ابو الهل 04-18-2015 11:0
  
  نافذه على مجريات مبارة المرخرخ مع الترجى .. الترجى فريق صعب المراس يقضى على خصمة فى التلت الاخير من المبارة لايدخل اجواء المبارة مبكرا دائما ما يجر خصمة لفقدان اللياقه البدنيه ثم بعد ذلك يقلب الطاوله على منافسة .. بالامس وفى عالم الرياضه قال كابتن محمد عطا فى التحليل الفنى انو المريخ عندو اقوى سلاح وهو سلاح الجمهور .. وانا كنت فى مداخله مع كابتن محمد عطا قلت لة المريخ اقوى سلاح عندو ذبح الخرفان سمعت امس انو الوالى امر بشاحنة مليانة مراح خرفان للترجى عزام خروف واحد والترجى الله يستر شامى لى ريحة خرفان
- 6 - 3
  
  ابو الهل 04-18-2015 11:0
  
  شقاوة الزول يقع فى زول حكاية الحب دى ماعندو .. أرادة السيد دى ما بالايد ومابنقدر نقيف ضدو .. مادام القرعة ادتنا .. الترجى مابنقدر نقيف ضدو .. وعاد ى المرخرخ شنو بتعمل .. كان انسترت بالاتنين بكون افضل .. مصيرك للكونفدراليه من بدرى .. وطيرانك من العرضه هو البحصل ..

#7

وردة 04-18-2015 09:0

أتمنى لكم هزيمة كبيرة تطيح بكم الى الكوفندرالية من مباراة امدرمان , هزيمة تقطع السنتكم الطويلة وتصريحاتكم النارية .....ما تفهومني غلط انا بقصد المريخ .

الرد على زائر

- 7 - 1
  
  natge 04-18-2015 12:0
  
  شكرا كفر و وتر لتصحيح التعبير ولاكين اليوم يوم العزام وليس يوم التحطيم وجزاكم الله الف خير
- 7 - 2
  
  وردة 04-18-2015 11:0
  
  كيف الكلام ده يا natge ده وصيفنا وجارنا , عشان كده الموضوع بهمني .
- 7 - 3
  
  معتز الهلال 04-18-2015 11:0
  
  التعليقات تضحك وشكلوا الضحك حيمتد من الانتخابات للمريخ شكلوا حرف الخاء بقى فكاهى كمان تصريح الحيدوسى ما تتجاهلوه الراجل قال الحقيقة وانا خائف من الهزيمة فى امدرمان اللهم كضب الشينة
- 7 - 4
  
  natge 04-18-2015 11:0
  
  انتى حاشرة نفسك فى الموضوع ده ماليك انتى
- 7 - 5
  
  وردة 04-18-2015 10:0
  
  شدة ما أحضرها يا سارين اتحكر في نص المقعد وافتح تويتر والشاشة في قدامي واستمتع بالقنابل دل.....دل....دل.
- 7 - 6
  
  ياسر 04-18-2015 10:0
  
  هزيمة زي خمسات وستات الهلال
- 7 - 7
  
  سارين 04-18-2015 10:0
  
  وما نيل المطالب بالتمني هكذا قال الشاعر ولم اقله انا اما بخصوص تصريحاتنا فهي فعلا نارية ولكن ليس عن فراغ بل يدل على الثقة في ابطالنا الاشاوس في قهر فريقكم الزي يجهل حال المارد الاحمر يحين يحكم قبضته وانصحكي بالابتعادعن متابعة سيرالمباراة لانها ستكون صعبة عليكي وانا لاامزح

#8

احمد 04-18-2015 09:0

نسأل الله ان يفوز الهلال و المريخ ويتألا لدور التمانية

الرد على زائر

#9

عابر سبيل 04-18-2015 08:0

بالتوفيق أن شاء الله للاعبي المريخ الأشاوس والحذر من الاستهانة بالترجي مع الثقة في النفس وخطف هدف في الدقائق الأولي يريح الأعصاب والنصر من عند الله العزيز الحكيم

الرد على زائر

#10

Mamoun 04-18-2015 08:0

اللهم ثبت الركب في امدرمان وكنشاسا !! قولوا آمين

الرد على زائر

- 10 - 1
  
  محمد مصطفى 04-18-2015 12:0
  
  تسلم يا حبيبنا طالما كان نصر المريخ هنا ونصر الهلال هناك يسعد عيون الوطن العزيز سنتضر وندعي للكريم يحقق كل المنى اللهم امين طالما من يحملون الشعار هنا وهناك سيرددو نحن جند الله جند الوطن والجسم الذي يحمل الركب بنيناهو من القمح الذي ينبت في الارض التي ننتمي اليها لن تتعب ابدا جبال كرري تعلمنا كيف نقيف شامخين رغم الرياح وتغير الطبيعة اللهم امين نصرك يارب العالمين
- 10 - 2
  
  Mamoun 04-18-2015 11:0
  
  يا اخوانا قولو آمين كان ما عشان ناس تانية بس عشان ود المصطفى !! نحن عارفين الليلة عاد عدمان الركبة التوصلوا الكي بورد وبكرة من الصباح وعشان دعوتنا دي ينتصروا ويطلع فينا لسانو طول كدة ... أصلوا نحن البنجيب الكلام لي نفسنا

#11

baha . wd alzain 04-18-2015 06:0

منصورين ان شاءالله لنرتقي بالسودان للعلاء ونحن معكم في خندق واحد يوحدنا وطنا
وندعو لك بالتوفيق والنصر المؤزر وادعو الفي العلاء هلالنا الوقوف جمبا الي حمب والله ولي التوفيق

الرد على زائر

#12

البطل 04-18-2015 05:0

منصورين عيال مانديلا..

الرد على زائر

#13

العقرب 04-18-2015 04:0

بالتوفيق يا زعيم البلد وتاج راسه لدك الشباك الترجاويه القلوب الصفراويه الهلاليه التي تنتظر تعثر سيد البلد

الرد على زائر

- 13 - 1
  
  أبو مازن 04-18-2015 10:0
  
  البلد دي عندها سيد واحد فقط وإنت بتعرفو كويس ما أي حاجة نقولها تقوموا تحاكونا فيها يا...... ضلنا.

#14

كتوش 04-18-2015 03:0

جهزوا الشوالات يا ناس الضكر وودمصطفي واتعشوا بدري ..

الرد على زائر

- 14 - 1
  
  natge 04-18-2015 01:0
  
  نحنا جهزنا جنود المريخ ليكى يقاتلو من اجل الكورة السودانية التى لم تراء النور معا الكورة التونسيه الركبتوها انتو بستات والخمسات عيزان نطلع من الظلمة بتاعتكم العملتوها شينة لونحنا انهزممنا عدى لانو انتو سبقتونا وانشاء الله ربنا ينصرنا على الترجى منصورين منصورين منصورين رغم كيد الحاسدين بازن الله فتح من الله ونصرون قريب
- 14 - 2
  
  محمد مصطفى 04-18-2015 12:0
  
  نعم يا كتوش جهزنا الشولات لكن في كل شوال بطولة خارجية ذهبية والخيط الذي ربطنا به الشوالات سلاسل ذهبية تحمل ميداليات مكتوب فيها المريخ موشح بعلم وخريطة الوطن كامل الدسم وعشانا دوما منذ اتعلمنا اولى خطوات المشي ورددنا الاصفر والاحمر اول حروف النطق لحم طازج عندما يفترس فارس ملتقى النيل الغزلان والحملان وبالعدم عصافير النيل وان لم يكون يروينا كوكب العشاق بعرق نجومه حينما يصبصبو على المستطيل ونكتب في صدر الزمن نعشقك ونحملك جوة العيون والعيون اتكاء في صفحة الحب ونحن نحب هذا الوطن الذي يحمل المريخ منبع الحب ونغني مع عصافير النيل (من غيرنا يعطي لهذا الشعب معنى ان يعيش وينتصر )

#15

طائر الجنة الأحمر 04-18-2015 02:0

اللهم يا الله.. انصر زعيم الكرة السودانية وزعيمها الأوحد .. ومزين جيد الوطن بالذهب.. اليوم نلهب أكفنا بالتصفيق للأحمر والأصفر (أصفر أحمر زي شفق المغارب) .. ونلهب حناجرنا بالنشيد والهتاف: (بالطول بالعرض مريخنا يهز الأرض) ..

الرد على زائر