• ×
الجمعة 29 مارس 2024 | 03-28-2024

خواطر زول

خواطر زول
د شريفة محمد الحسن خواطر زول
اجمل شي في الدنيا لمن تقيف جنب حد هو محتاج ليك وماتكسر خاطرو وتقول ليه ﻻ..انا عمري ماقلت لانسان ﻻ ابدا.. وتوقف جنبو ﻻنو في نفس الوقت هو ماعارف كيف يتصرف ربنا يسخرك ليه زي الهدية هو في اﻻول ما حيصدق انو انت جاي تساعدو لانو هو بيكون في قمة اليئس لمن تجي انت وتحسسو انك عاوز تساعدو حيستقرب ويقول ياربي الزول دة مالو وفي بعض الناس بقولو عاوز مصلحة وفي ناس كمان بتمشي بعيد خالص بس والله ما كل الناس كدة وزي ما بقول المثل كﻻ يري الناس بعين طبعه بس بعدها وبعد ماتخلص الحاجة الهو عاوزة ومحتاج ليها يجي ويقول ليك انت ربنا رسلك لي هدية وربنا يسعدك وشكرا...اﻻجمل لمن تساعد انسان كمان هو فاقد اﻻمل تماما في الحاجة الهو عاوزة وتجي انت تحقق ليه الامنية وتقيف جنبو واﻻجمل لمن يدعي ليك من قلبو وانت ماعارف وﻻ سامعو ربنا وحدو هو سامعو اكيد ربنا اللحظة ديك حيوقف جنبك.اﻻجمل لمن تغرس بسمتك في دمعه انسان بتئلم وكمان فرحتك في انسان قلبو مﻻن حزن وكلمتك الطيبة في جرح انسان عميق....انا بالجد بحبك وانت فخر انك في حياتي ويكفي انك من اصحابي واحبابي والناس القريبين مني ومن قلبي ربنا يسعدك ويخليك يارب... يﻻ كلنا ندعي لي اي شخص وقف جنبا في يوم من اﻻيام...
يسعدك مساكم
دكتوره شريفه محمد حسن
إعجاب · · مشاركة
امسح للحصول على الرابط
 2  0  2399
التعليقات ( 2 )
الترتيب بـ
الأحدث
الأقدم
الملائم
  • #2
    صالح عثمان سعيد 03-06-2015 07:0
    يا الهي , كلماتك وصلت القلب مباشرة واسعدتني حقيقة فما اروعك وانت تنثرين الورود بكلمات صادقه شكرا لك .
أكثر

جديد الأخبار

وفقا لاخر تحديث لموقع العالمي والمختص بالاحصائيات ووضع ترتيبات الفرق الكروية عامليا، احتل نادي الهلال السوداني لكرة القدم املركز الحادي عشر..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019