دعا لمؤازرة اللاعبين طيلة زمن المباراة

التحالف المريخي يستنفر عضويته لمباراة عزام ويؤكد علي أهمية التشجيع المتواصل

كفرووتر / الخرطوم /

أكد الدكتور أبوبكر الأمين رئيس لجنة التعبئة للتحالف المريخي بأن اللجنة فرغت أمس من وضع كافة الإستعدادات لمباراة عبور عزام يوم السبت بعون الله وتوفيقه بالتنسيق التام مع لجنة التعبئة بنادي المريخ برئاسة الباشمهندس عبد الرحمن إبراهيم ومجلس الشورى المريخي حيث عقدت إجتماعا حاشداً مع قواعد التحالف تم من خلاله توزيع ألأدوار ومعينات التشجيع من أعلام ودفوف وماكرفونات ولافتات وقصاصات وفنايل وغيره. كما تم تأمين المواصلات لأكثر من 2000 مشجع وتوفير تذاكر الدخول لهم وتدريب الكورس الذي سيقودهم على شعارات الهتاف الموحد وهي بالطول بالعرض مريخنا يهز الأرض..وفوق فوق مريخنا فوق. وقال رئيس لجنة التعبئة للتحالف المريخي أم مباراة عزام التنزاني مهمة ووتطلب تضافر جهود جميع المريخاب لمؤازرة اللاعبين وقيادة وتنظيم التشجيع في المدرجات وأن دور كبير ينتظر الجمهور المريخي خلال هذه المباراة فعبور الدور الثاني من مسابقة دوري أبطال إفريقيا يعتمد بشكل أساسي علي الجمهور. ودعا جميع المريخاب للحضور المبكر للإستاد والتشجيع في جميع أوقات المباراة وأن لا يرتبط التشجيع مع اللمحات الجميلة والتابلوهات والكرات الجميلة وأن اللاعبين يتعرضون لضغط إثناء المباراة يحتاجون لوقفة الجمهور مجدداً ثقته في الجمهور المريخي لآداء دوره بالصورة المطلوبة حتي يحقق المريخ المرتجي ويرتقي للدور المقبل من دوري أبطال إفريقيا

بواسطة : صحيفة كفر و وتر

02-25-2015 08:0 6 0 2413

التعليقات

التعليقات ( 6 )

الترتيب بـ

الأحدث

الأقدم

الملائم

#1

وردة 02-26-2015 11:0

رديت ليك من بعد 6 صباحا ياابو المعالي لكن تعليقي الكسلان ده شكلو للان ما وصل , ولا شنو يا ناس كفر ووتر.

الرد على زائر

- 1 - 1
  
  ابو المعالي 02-26-2015 01:0
  
  وصل يا وردتنا ربنا يحقق موافقتينك الفوق فوق والتحت تحت أمييين يارب اصلو الجماعة ديل لو اتأهلوا بأي صورة الواطة تاني ما بتسعنا وحيضيقوها علين على وساعها

#2

Ahmed 02-26-2015 08:0

باذن الله الواحد الاحد الفرد الصمد الذى لم يلد ولم يولد ولم يكن له كفوا احد المريخ منتصر بثلاثية نظيفة وانقا وتراروى وبكرى المدينة بحرمة وجاه نبينا محمد صلى الله عليه وسلم ساكن المدينة

الرد على زائر

#3

وردة 02-26-2015 07:0

موافقة يا ابو المعالي عاى الاقل يفرحو ليهم يومين تلاتة , حرام كل سنة الحسرة كاتلاهم بالخروج من التمهيدي , والجماعة الطيبين يدسدسو لينا , لكن دوري المجموعات يشمو قدحة ده ليهو ناسو , ماركات مسجلة ما شاء الله , لكن بيني وبينك تحت تحت كده , انا ما موافقة .

الرد على زائر

#4

الصواعق 02-26-2015 04:0

يا حليل الخروف.. الجماعة هضمو الكوارع زاتا... والله عشانكم فقط نتمنى لكم التأهيل .. اقول التأهيل وليس الفوز بدون تأهيل.. فان لم يحدث التأهيل وكان المريخ 100% وان انهزم المريخ من عزام ... فهناك سيظل المطبلون ينفخون في ابواقهم ويبيعون مخدراتهم وسيكون هم الاتحاد المريخي العام الموالي لمرجان احمد مرجان هو التحضير للمريخ لدورة سيكافية لتخدير والهاء الجماهير حتى يتمكن ثالوث (السماسرة - المطبلون - التجار) من الاستفادة من اكل خريف آخر تحت مظلة ماكينة العملة... ان ما صرف على المريخ استاد... لاعبين... مدربين... اعلام....اتحاد عام... تجار ... سماسرة ومطبلين.. باختصار كل المستفيدين من كيكة المريخ ... المريخ لن يتعافى على طريقة اخفاقات مزارع مشروع الجزير الذي يطالب قبل الموسم بالتمويل ثم تفشل زراعته وقبل مدة من بداية الموسم التالي يطالب نفس المزارع باعفاءه من الديون وتستجيب له الحكومة فيشترط بوعد انتاحية عالية ان يتم تمويله .. نفس هذا المزارع يقوم بعمله ويمارس نفس حل مشكلة العام السابق بنفس الحلول فانطبقت عليه مقولة (نفس المشكلة لنفس المزارع كل سنة) وهكذا.. دائرة مفرغة تحتاج الي من يكسرها,,, ؟؟؟؟

الرد على زائر

- 4 - 1
  
  عبد الهادي عبد المطلب 02-26-2015 07:0
  
  كل تمام بس ايه حكاية القنابل دي... هيزموا عزام ولا حيحرروا فلسطين ... استر يا ستار ... وبالتوفيق يا احلي نجمة

#5

خالد الفاتح 02-25-2015 09:0

بالتوفيق ياشباب

الرد على زائر

#6

وردة 02-25-2015 09:0

وأن لايرتبط التشجيع مع اللمحات والتابلوهات الجميلة, تابلوهات جميلة من مين يا ابو جميلة انت , لكن اقول ليكم مع التعبئة دي كلها فرررررررر.

الرد على زائر

- 6 - 1
  
  عبدالله 02-25-2015 09:0
  
  يكون المريخ لاعب ضد الترجي
- 6 - 2
  
  ابو المعالي 02-25-2015 09:0
  
  يا وردتنا الناس ديل قسوها على لعيبتهم شدييييد ودخلوهم مدرسة ونسوا انو الكورة في تمهيدي المريخ يا مغلوب ولا مغلوب بس بالجرسة دي بتنقلب العادة نواحة بعدين النادي بيبقى بيت بكى والادارة تستقيل واللعيبة يضطربون والجمهور الصفوة المريخي تجيه نفسيات عشان كدة يا وردتنا أكرموا ذليل قوم ذل وتعالي انتي وكتوش ووطني وكتاحة نتمنى للجماعة بنية خالصة انو المرة دي الفيها كل الجرسة دي من السكليب قبل المباراة انو يمرقوا من مطب التمهيدي دة ويمرقوا شوية لي وش الدنيا ويريحونا من سيكافا ودورة حوض البط الفالقننا بيها دي كل سنة والوالي يمددوا ليه سنة كمان ولا رايكم شنو يا كتاحة وكتوشة قولوا خير ووردتنا موافقة ولا ما كدة
- 6 - 3
  
  الكمندان 02-25-2015 09:0
  
  والله انتو جنس غريب يا خي الخفه والشلاقه والرشاقة ال عليكم شنو

أكثر

دعا لمؤازرة اللاعبين طيلة زمن المباراة

التحالف المريخي يستنفر عضويته لمباراة عزام ويؤكد علي أهمية التشجيع المتواصل

جديد الأخبار

كانتي هلالي لثلاث سنوات

عطا المنان يؤكد مشاركة القمة في الابطال

للمشاركة والمتابعة

أقسام الصحيفة

روابط مهمة

رسالة الصحيفة

مواقع التواصل