• ×
الأربعاء 15 مايو 2024 | 05-13-2024

الوالي : النتيجة محبطة و الخروج من التمهيدي فشل زريع بالنسبة لنا

الوالي : النتيجة محبطة و الخروج من التمهيدي فشل زريع بالنسبة لنا
 قال السيد جمال الدين محمد عبد الله الوالي رئيس نادي المريخ ان النتيجة التي حصل عليها المريخ بدار السلام محبطة بكل المقاييس ومحزنة لجماهير المريخ التي كانت تنتظر خبرا سارا من اللاعبين مبينا ان الخروج من الدور التمهيدي فشلا زريعا للمريخ وانهم يسعون لتداركه بتحقيق نتيجة طيبة في الخرطوم تدفع بالمريخ بالتأهل لدور الـــ(32) من مسابقة الكونفدرالية مبينا انه لا وقت للتباكي و عليهم الاستعداد جيدا لمباراة الاياب من اجل الرد على هزيمة الامس وان الجمهور سيكون سند اللاعبين وانهم في مجلس المريخ لن يقضروا باي حال من الاحوال وسيكونون في خندق واحد مع نجوم الاحر حتى الترشح عن جدارة و استحقاق
امسح للحصول على الرابط
 50  0  10341
التعليقات ( 50 )
الترتيب بـ
الأحدث
الأقدم
الملائم
  • #1
    ابوعبدو 02-17-2015 11:0
    ههههههههههههههههههههه هدي اعصابك و اشرب شاي بالياسمين .
    حكمه اليوم
    لو كان الفشل انسان لكان جمال الوالي
  • #2
    صلاح الشريف 02-16-2015 10:0
    يا حليل المارد الأحمر الذي أصبح في عهدك حملاً وديعاً. أصمت يا جمال الوالي
  • #3
    Ibrahim Gorashi 02-16-2015 10:0
    الوالي رئيس طوالي تمهيدي طوالي خروج طوالي اختشي علي نفسك وخلي الجماهير تفرح شوية شوف لك شغلة غير كرة القدم و تعلم من الامير عبد الرحمن بن مساعد رئيس نادي الهلال السعودي
  • #5
    antir shddad 02-16-2015 06:0
    يا شيخ الوالي ما ليها حل الا ان تلعبوا بالزي الازرق او الابيض
    فسبق لك ان جلبت كابتن الهلال ل15 سنة و معه لاعب وسط جيد و الان جلبت من افضل المواهب السودانية لاعب الهلال بكري و جلبت مدرب الهلال السابق
    و ما خليت ليك كرته هلالية الي و جبتها و خميت ما صريت و برضو فشل المريخ و احسن حل هو اما دمج المريخ في منظمومة الهلال ( هذا اذا وافق الهلال ) او حلوا الفريق و اعملوا الاستاد و النادي استراحة ( استراحة محارب طعن حتي الموت )
    و اذا نسيت اذكرك ان كرة القدم تقوم علي ثلاث محاور اساسية ( ادارة محترفة و ممتازة + لاعبين علي مستوي جيد و موهوبين + جهاز فني مقتدر يصقل المواهب و يخلق اللحمة و يبتكر الخطط و التكتيك ) و هذه الاضلع الثلاثة اعتقد بالمريخ انها ناقصة ضعلين و حتي الثالث اعوج
    و اعتقد انه اذا كان هناك مرحلة ما قبل التمهيدي كان و عسي و لعل و يمكن و احتمال
       الرد على زائر
    • 5 - 1
      حسن 02-16-2015 09:0
      كلام قوي يا عنتر
    • 5 - 2
      تنقو 02-16-2015 08:0
      بكري طموحه ...فقط .. بيت في المدينة عرب او اي حي من احياء مدني و سيارة هونداي و كدا و عروس حلوه ... وجد هذه الاشياء من جيمي و بكري ما صدق انه قبض 3 مليار .... و قبل الموسم السابق ناس الهلال فكروا في شطب بكري ... و كردنه لا يكذب جرى وراء بكري لما رجليه حفت ... بكري قبل المليارات كان احسن لاعب في شرق و وسط افريقيا على الاطلاق و كان بشويه من التركيز ان يحترف على اسوأ الفروض في الدوري المصري او الخليجي و لكن على شان 100 مليون ترك الهلال و ذهب للمريخ و هو بالتاكيد مقبرة النجوم لان المريخ نادي محلي و بخرج من التمهيدي دايما و لا يوجد اي وكيل من وكلاء اللاعبين بتابع الدوري المحلي السوداني .. و اصلا بكري ما عنده طموح يحترف خارجيا و اكيد قد ضيع فرصة عمره باحترافه في المريخ كان ممكن احصل على اضعاف ما اخذه من المريخ .. بكري الان في حالة ضغط نفسي يريد ان يثبت نفسه و لذا يحاول و يتسرع في احراز الاهداف و لكن عجلته تفقده التركيز و ثانيا نكرر و نقول ان طموح بكري توقف في ال 3 مليار و بالتالي ما عنده دافع للعب و الاجتهاد لانه بفتكر انو المريخ هو محطته الاخيرة .. و في النهاية لعب او لم يلعب قروش الوالي ما بتتاخد منه دخلت في جيوب الخال و الاسرة ... على العموم يذهب الحرام من حيث اتى و الوالي سرق قروش الشعب و قروش بنك الثروة الحيوانية و بتاجر بقروش الامن مع .....
  • #6
    مجذوب الحاج 02-16-2015 06:0
    تلقى السيد جمال الوالى من زمان ظبط موضوع سيكافا
    ومتعودة دايما
  • #7
    الصواعق 02-16-2015 04:0
    يا والى الحيرة ثلاثة قضايا مؤخرا كانت من انتاجكم:
    اولا: تسجيل بكري هو خصما من الرياضة والمريخ.. وستعرفون نتائجه قريبا .. انه غلطة عمركم.... ثانيا: اغلاقكم لاستاد المريخ وقراركم بعدم لعب الهلال فيه خطره على الاستاد والكراسي اكبر من تدبيركم.. تتفاخرون بالبنيان باموال الشعب وانتم تبنون فيه بما لا تملكون وتجلسون رجل على الاخرى تتفرجون على المآسي التي حلت بالاسر جراء الامطار... وكان رد المولى عز وجل بليغا بان ارسل لنا الكاردينال ليعيد تأهيله تحت مسمى الجوهرة الزرقاء... يبرمج رجالك في الاتحاد العام القرعة بطريقة توقع الهلال مع فرق قوية ليحصل على نتائج سلبية تؤثر على معنوياته وهو في اعتاب بطولة افريقيا... مقابل فرق ضعيفة تحشدون بها النقاط الوهمية وترفعوا روح الفريق المعنوية (تخطيط استاذ التخدير ابوالقنابل) لتسعدوا جماهير المريخ الصابرة حتى لا يكتشفوا حقيقة ضعف فريقكم فوقعتم في الحفرة التي حفرتموها لنا حققتم النقاط والمرتبة الاولى في وقت مبكر وتأجيل (اي دمعة حزن لا لا لا) فكشف عزام ضعفكم من قولة تيت بالمقابل فان المباريات القوية من بداية الدوري ثبتت اقدام وليد وأطهر وادخلت نزار وكاريكا الفورمة وثبتت اقدام مكسيم وفتحت شهية كيتي لتسجيل اهداف رائعة ... وكشفت لنا الكثير من الاخطاء والتي اصلحنا بعضها ونجتهد لاصلاح الاخرى... وسيتدرج الهلال في تقدمه في البطولة الافريقية للافضل من مباراة لاخرى فشكرا لكم للفائدة التي اهدتمونا لها بجهالة ستجعل منا قوة ضاربة جعلت اسم الهلال علما في سماء افريقيا... مما جعلنا نفتخر بان الهلال اصبح من كبار الفرق الافريقية تعرفه كل الشعوب الافريقية وتعمل له الف حساب ... بينما لا يعرف احد عن المريخ او بيضة الديك (كأس مانديلا) والكاسات المحمولة جوا والتي جعلتم منها حجوة ام ضبيبنة مسجلة على اسطوانات مشروخة...خليكم جارين ورانا بروحكم هذه الي ان ينقطع نفسكم وتكونوا في خبر كان...
       الرد على زائر
    • 7 - 1
      تنقو 02-16-2015 08:0
      كلام بفهم زي قون كيبي ..حيرنا هذا الكيبي ...قون بنصف دائرة .. و قون بدبل راس ... دا شنو دا ...
    • 7 - 2
      الحجاج 02-16-2015 04:0
      اوفيت وكفيت وازيدك من الشعر بيت :
      بخصوص خبث الوالي ورفاقه واعلامه الضال
      - لعب الهلال في التمهيدي هذا العام أيضا وراه الوالي وجماعته ..
      - المعلومات عن الهلال والتي كان يزويد بها مزمز الفرق الخارجية ويدفعهم لتقديم الشكاوي .. فكل هذه الخباثات جعلت من المريخ والوالي حمام ميت وكيدهم في نحرهم !!
  • #8
    يس عبدالفتاح 02-16-2015 03:0
    يستحيل علي المريخ ان يكون متفدما علي فريق ومايلج شباكه هدف
    اعتقد لو المريخ خرج من هذه البطوله يسرح جميع الاجانب ويعتمد علي المحليين
  • #9
    ABDO 02-16-2015 03:0
    الوال طشش قال :
    (ان الخروج من الدور التمهيدي فشلا زريعا للمريخ وانهم يسعون لتداركه بتحقيق نتيجة طيبة في الخرطوم تدفع بالمريخ بالتأهل لدور الـــ(32) من مسابقة الكونفدرالية ) ده كلام ده يا سيادة الرئيس
  • #10
    ود مدنى 02-16-2015 02:0
    ده نتيجه قروش الحرام واستدراج لاعبى الهلال وتسجيلهم فى الوصيف ,,,, اتحظ يا والى
  • #11
    عثمان الطاهر 02-16-2015 01:0
    مبروك عليك الليلة يا نعومة

    قال محبطة قال

    لانفعت القاهرة
    و لا شفع اللعب في الدوحة

    المرة القادمة جربوا معسكر شنقلي طوبايا
    اصلو الرمال بتزيد الياقة
  • #12
    بنه 02-16-2015 01:0
    قال : النتيجة محبطة و الخروج من التمهيدي فشل زريع بالنسبة لنا .
    كون تدخلوا التمهيدي في حد ذاته شرف عظيم ... لمن تكبروا تعالوا شاركو مع الكبار ... أعد وقابلني بعد سنتين ومعزومين معانا مرتين مرة في الأوحال ومرة في حفرة الدخان ... عافي منك تهي تهي أقصد تشي تشي وباقيلكم تشة تاني وسط المطبلاتية وفي الدار ... كله منك يا طالق النار وأرعبت وطيرت بيها الحمام ( طيرة أبريش للدريش )بس ما فالحين إلا للفنادق خمسة نجوم والبوفيه للأكل وملأ البطون ... ده حق الغلابة لا بنفع ولا بدوم
       الرد على زائر
    • 12 - 1
      كتوش 02-16-2015 02:0
      ازيك يا بنتنا مشتاقين ليك موووووووووووووووووووت ووحشتنا خفة دمك لانها زي العسل من الضحك ما قادرة اعلق عليك الله يجازي محنك ..
  • #13
    العالمى 02-16-2015 12:0
    اخبار الفرق العالمية:
    فاز البايرن فى الدورى الالمانى
    خسر شالكة فى الدورى الالمانى
    خسر العالمى الاوحد مباراة الذهاب فى الدورى الإفريقي

    اخبار الفرق المحلية:
       الرد على زائر
    • 13 - 1
      فلافيلو ( ود الفيل ) 02-16-2015 02:0
      موتوووووووووووا بغيظكم
      لا أفرحكم الله بمريخكم ( الآلمي ) مش ( العالمي ) ...
      صحيح الإختشوا ماتووووووووووووا
  • #14
    ابوابراهيم 02-16-2015 12:0
    الوالي قال الكونفدرالية شكلكم بفكر فيها يعني باي باي الابطال
  • #15
    بري أبو أحمد 02-16-2015 12:0
    حتى الترشح عن جدارة وإستحقاق ؟! انت بتحلم يا مرجان احمد مرجان ( العارف عزو مستريح )
  • #17
    ابو محمد 02-16-2015 12:0
    دمعتك حارة يا جيمي.

    لكن ياربي السبب شنو!!! أمكن جيمي عارف.
  • #19
    ماركو 02-16-2015 12:0
    مزمل كل سنة قول الحمد لله الفترة الزمنية بين مباراة الذهاب والاياب 10 أيام فقط عشان الله يرحمنا من الانتظار وكل سنة هو باب من التمهيدي انا ما عارف قاصد بإنتظار دي شنو .. ؟؟ جات الحزينة تفرح لقت ازام الهزام
  • #20
    ابو نوخ 02-16-2015 12:0
    الوالي لازم تعرف ان كره القدم بتتلعب بي تيم متكامل مش افراد نقدر مجهودك للمريخ والكره السودانيه لكن ركز في بناء المريخ كفريق متكامل بالمعني انو بكري الدينه كان لعبو في الهلال بيظهر لانو كان من ضمن تيم متكامل الان مع المريخ تاه لانو التيم ما مكمل بعضو ركز علي السنه الجايه لبنايه تيم متكامل ونفس الشيء. يخص الهلال فرق فيها افراد ولكن من غير تيم متجانس وكره القدم لعبه جماعيه اكثر من فرديه
  • #21
    ;كمال مجذوب عثمان 02-16-2015 11:0
    املنا علي الله وعليكم في مسح هذه المسخره والمهزلة في الدفاع وبدانا نتباكي علي باسكال بعد ان نذف الدموع قبلنا واللة يسامحك يا مزمل طفشت باسكال منا والدور علي تراوري الله يسامحك الله يسامحك
  • #22
    abuibra 02-16-2015 11:0
    ليه فشل زريع والجديد شنو يعنى؟؟؟؟ ما عاااادى بتطيرو من التمهيدى...ما جبت حاجه من عندك يا الرئيس طوالى يا مستريح..
  • #23
    ابوالملوك 02-16-2015 11:0
    مش تعادلتو مع شالكة الاماني بقروشكم كفاية عليكم كده
  • #25
    اكوبام 02-16-2015 11:0
    يا شيخ روووووج هو انت ما عارف فريقك لاعب وين؟؟؟ قال كنفدرالية قال.
    والله صحي العارف عزو مستريح.
  • #26
    خالد 02-16-2015 11:0
    سوف يقوم فريق المريخ بتصحيح الاخطاء ( ابعاد علي جعفروالريح علي نهائياً ) مع عودة ايمن سعيد اللاعب القوي الغيور وسيستعيد علاء الدين عافيته ويدخل تراوري في الفورمة ، وعودة اللاعب احمد ضفر ، ومالك اسحاق اللاعب المظلوم . كل هؤلا اضافة حقيقية لبقية اللاعبين . وسوف نرى مبارة مغايرة تمامأ في الخرطوم . وستكون مباراة هجومية نار . وسوف نرفع شعار نكون او لا نكون . كونوا مطمئنين . سنذهب بعيداً في هذة البطولة .ولا عزاء الا بعد اخذ الثأر والتأهل . وثأرنا معروف بنأخذه من من .
       الرد على زائر
    • 26 - 1
      saif dawood 02-16-2015 03:0
      هههههههه زي ما اخذتوا في دور الثمانية في 2009 متذكر ولا اذكرك قال ناخذ ثارنا قال كدي اطلع من عزام اول وبعدين اتفاصح دي فصاحتكم المودياكم في داهية
    • 26 - 2
      فلافيلو ( ود الفيل ) 02-16-2015 02:0
      حقدكم على ( اللي حتاخدوا تاركم منه ) ده هو زاتوووو المرجعكم لي ورى يا أبو خلوووووووود
      مشكلتكم ( كرهكم ) للهلال ... أكتر من ( حبكم ) للمريخ ...
  • #27
    تنقو 02-16-2015 11:0
    تحسب لعب يا جيمي ...دا عزام ... و علي جعفر هو علي جعفر ....و ضفر هو ضفر ....جمال هو جمال... و تراوي متغيب عن التمارين لاكثر من 12 يوم و يلعب ...و بكري خاين العهد كيف ينجح ....و انت حيرتنا من وين بجيب الفلوس الزي الرز دي ... غسيل ... سرقة ... واحد كان مدير مكتب لرجل اعمال كيف يصبح اغنى منه ... دي اموال شعب السودان ... اموال الامن ... المريخ لم يكسب عافية منذو ان تولى امره هذا الرجل و السبب باختصار المال الحرام ...و الجري ورا نجوم الهلال و كأنه لم يسجل اي لاعب من الهلال كأنه جاب كاس الابطال .. انت تدرك بان الهلال كتب عقد مع بكري و بكري ذكر لك ذلك و لكن تجاهلت العقد و الاية التي تدعو للوفاء بالعهود و العقود .. و انت يا صاحب المشروع الحضاري ... طلعت و لا حضاري و لا سوداني اصيل ... ابعد عن المريخ يا جمال و ابعد عنه مالك الحرام و شوف المريخ بعمل ايه ... جاتك نيله تغرقك يا حرامي ...
       الرد على زائر
    • 27 - 1
      oaltahir 02-17-2015 08:0
      يافندي!!!!!فندي!!!

      انا عارف الايجابة لان ريالتي سايلة

      وقلت السودان به ثروة حيوانية هائلة و البنك سيسهم في تطويرها
      و قعدت احلم ان نكون ند لهولندا

      و ما كذبت خبر و اشتريت الاف الاسهم لي و لبناتي الثلاثة
      وانت عارف بدل ما نطور الثروة الحيوانية في السودان عملنا ايه
      طورنا................ ليكم يوم يا ظالم
  • #28
    النازف 02-16-2015 11:0
    الفشل الزريع مسبّبه المال غير الحلال يا مليادير الغفلة الكوزيّة
    أنت فاشل في ذمّتك وإدارتك وفرض دكتاتوريتك ومجالسك الصمّاء البكماء
    المريخ سوف يكون بألف خير لو بعدت عنه ليحلّ محلّك الشرفاء
    المرّيخ مؤسّسة رياضيّة تربويّة ، اجتماعيّة ،أفقدتهاتميّزها وجمالها
    لعنة الله على الكيزان وأنت أوّلهم بإذن الله
  • #29
    sudaneeeeeeeeeee 02-16-2015 11:0
    يذهب الحرام من حيث اتي ...........ده قوت الشعب تلاعبتم به
    ودي دعوات المظلومين والفقراء من الشعب السوداني .........عمركم ما تتقدموا ...........
  • #31
    الطاهر 02-16-2015 10:0
    كونفدرالية شنو ياجمال ، انت بتهضرب مالك ؟ هسي الجاب سيرة سيكافا هنا شنو ههههه....الله يجازي الكان السبب ،خليتوا الزول ماعارف هو بيلعب في ياتو بطولة
  • #32
    الشافو خلو 02-16-2015 10:0
    ياجمال ياخوى الهذيمة طششت بك ولا شنو المريخ لاعب فى الابطال الكونفدرالية لسة بدرى عليها. يعنى بعد ما تعدى من القدامك وتصل الترجى !!!!!!!!!!!!!
       الرد على زائر
    • 32 - 1
      ابو المعالي 02-16-2015 04:0
      تصحيح الهزيمة بالزاي لا بالذال
  • #33
    kemoo 02-16-2015 10:0
    ماقصرت ياوالينا لبن الطير وفرتو ليهم لكن ياحسرة.اتمنى فوز المريخ والتاهل
    حتى تفرح ياجمال دنيانا لانك تستاهل الفرح.والله يجازى اللكان السبب.
  • #34
    فيصل الاقرع 02-16-2015 10:0
    للمريخ وانهم يسعون لتداركه بتحقيق نتيجة طيبة في الخرطوم تدفع بالمريخ بالتأهل لدور الـــ(32من مسابقة( الكونفدراليه)بسم الله ماكان طيب
  • #35
    محمد 02-16-2015 10:0
    شوف ليك مليون دولار من المال السايب الذي ما عنده وجيع أعطيه حكم أعطيه لاعب من عزام عشان تتخطى دور التمهيدي دي شيء معروف أن المال الحرام (ما ودي لقدام)
       الرد على زائر
    • 35 - 1
      NAR MEMGD 02-16-2015 08:0
      يا خوى والله قلو ليك عزام دا عشان يصل الاربعه السنه دى ويشيل الكاس السنه الجايه راصدين ليهو ميزانيه تكفى السودان سنه تقول للوالى جهز مليون دولار ياخى دا رئسهم عندو كل شركات الاغذيه والمشروبات فى تنزانيا والدول المجاوره
  • #36
    عاشق الهلال 02-16-2015 10:0
    سبق وان خسر الهلال امام ناساروا بالثلاثة وعاد ليتأهل من الخرطوم ،،، اتفق مع كلام العارف عزو فى ان الوقت للعمل وليس للتباكى والتعويض رغم صعوبته الا انه يظل ممكنا وعليه وبدلا على الهجوم على اللاعبين دفاعا عن الادارة يجب الوقوف خلف اللاعبين لانهم هم من يؤدى داخل الملعب وليعمل الجميع فى هذه المرحلة على بلوغ الهدف المنشود ومن ثم من حق الجميع ان ينتقد ويحاسب اما فى هذه المرحلة فاللاعبين احوج ما يكونوا للدعم المعنوى وسنظل جميعا خلف مريخ السودان حتى يتجاوز هذه العقبة مع احتفاظنا بحقنا فى الرد على المتطاولين من افراد الاعلام السالب
  • #37
    عاشق الهلال 02-16-2015 10:0
    سبق وان خسر الهلال امام ناساروا بالثلاثة وعاد ليتأهل من الخرطوم ،،، اتفق مع كلام العارف عزو فى ان الوقت للعمل وليس للتباكى والتعويض رغم صعوبته الا انه يظل ممكنا وعليه وبدلا على الهجوم على اللاعبين دفاعا عن الادارة يجب الوقوف خلف اللاعبين لانهم هم من يؤدى داخل الملعب وليعمل الجميع فى هذه المرحلة على بلوغ الهدف المنشود ومن ثم من حق الجميع ان ينتقد ويحاسب اما فى هذه المرحلة فاللاعبين احوج ما يكونوا للدعم المعنوى وسنظل جميعا خلف مريخ السودان حتى يتجاوز هذه العقبة مع احتفاظنا بحقنا فى الرد على المتطاولين من افراد الاعلام السالب
       الرد على زائر
    • 37 - 1
      التاج 02-16-2015 11:0
      ياجماعة فى مشكلة كبيرة لو اخوانا فى المريخ شافو لعيبة ومدربين غير مشاطيب الموج الازرق يمكن يتعدو التمهيدى لو فيهم فايدة الهلال مابفرط فيهم لكن منو البقول ال333333333333333 فى الابريق
    • 37 - 2
      تنقو 02-16-2015 08:0
      دا الهلال يا انت يا عاشق الهلال و لا توجد مقارنه بين الاقمار و الدلاقين .. المريخ سوف ينزل هجوم من تيت و سوف يحرز 3 اهداف و لكن تشي تشي عندو هدف ... يعني 3-3 و بس عزام عنده هدف في ارض الدلاقين ....
    • 37 - 3
      الصواعق 02-16-2015 03:0
      مع احتفاظنا بحقنا فى الرد على المتطاولين من افراد الاعلام السالب
      ياعاشق ياعزيز ديل خلهم لينا نحن بنرد عليهم
  • #38
    الطاهر 02-16-2015 10:0
    كونفدرالية شنو ياجمال ، انت بتهضرب مالك ؟ هسي الجاب سيرة سيكافا هنا شنو ههههه....الله يجازي الكان السبب ،خليتوا الزول ماعارف هو بيلعب في ياتو بطولة
  • #40
    عاشق الأزرق 02-16-2015 10:0
    حتدفع لناس عزام كم المرة دى يالوالى عشان يفتحوا ليك الكبرى المعهود ..ههههههه
  • #41
    ماركو 02-16-2015 10:0
    والله المحبط وجودك أنته اكثر إحباطا من النتيجه في حد زاتها بس دعواتنا والله يتقبلها لا تقوم قائمة لكم مدى الحياة لانكم سارقي عرق الغلابة وفي النهاية سارقي للعيبة الاندية الاخرى التي تمثل السودان افضل منكم مليون مره .. لو جاء التاكا كسلا ولعب سوف يكون افضل منكم لانه يمثل السودان .. اما انتم تمثلون انفسكم فقط والكراسي الجالسين عليها الله يقلعكم ببركته وخرجوكم على يج ابو العزايم مسألة وقت ليس الا ..
       الرد على زائر
    • 41 - 1
      ماركو 02-17-2015 12:0
      وهل الله يقبل دعوة الظالم سارق قوت الغلابه .. اسأل نفسك وجاوب إذا كنت منهم يا عصام صديق
    • 41 - 2
      isamsiddig 02-16-2015 09:0
      اتمني من الله الكريم ورب العرش العظيم ان يرد دعواتك عليك
  • #42
    عجااااج 02-16-2015 10:0
    * ولأن الزعيم أحق من أقرانه بالتفاؤل.

    * ننتظر البشارة من العقرب، وننتظر الفرحة من وانغا.

    * ولا نستبعد أن يمارس العجب الأصغر ممارسة هوايته المحببة بتمزيق الشباك.

    * لن تغني مليارات عزام عنه شيئاً في مواجهة زعيم الكرة السودانية بحول الله توفيقه.

    * نتوقع من جمال سالم أن يسلم شباكه بيضاء من غير سوء.

    * وننتظر من ثلاثي الدفاع الأحمر أن يتحول إلى ترسانة يصعب عبورها.

    * الوسط الأحمر سر أسرار التفوق.

    * لا خوف على الزعيم بوجود مدرب خبير بقامة غارزيتو.

    * خبر اليوم: إعدام عزام.

    * خبر الغد: من عزام ولي قدام.

    * خبر منتظر: اتشقلب.. يا عقرب!!

    من مقال مزمز قبل المباراة
  • #43
    حسن حلفا 02-16-2015 10:0
    حد يقدر يشرح معني (الخندق الواحد؟؟؟؟؟) الخندق دا ممكن يكون خندق (الواد بكري المدينة,,,البيجري جري الوحوش وغير الاوت مابيشوف؟؟؟؟؟ ام خندق الواوا الذي تم شطبه بالتقارير الصحفية بواسطة المدير الفني ابوشيبة الذي يختار التشكيلة ويختار المحترفين ؟؟؟؟؟ الخندق هو خندق شالكة !!كخندق مواطنه بايرن ود ميونخ بتاع المرسيدس !!!...نفسي اشوف( مختار ...)اللابس طرحة بتنا فطوم ...ولابس خمار الحاجة فطوم ...وشنبو يرك عليه الصقر !!!!!!!ممكن وقع في خندق عزام ؟؟؟؟؟؟؟ممكن كلو شئ جايز الزمن دا .. الخندق في الردتمهيدي سيتم ردمه بواسة تشي تشي بمعاينة مساعد المدرب اليوغندي (أب عيناً حمرا وشرارة) سواها قبل كدا ,,,وجايكم تاني يا أولاد الخندق ,,,,يا خندقاوية ,,والعارف خندقو مستريح.
       الرد على زائر
    • 43 - 1
      التاج 02-16-2015 10:0
      (الواد بكري المدينة,,,البيجري جري الوحوش وغير الاوت مابيشوف؟؟؟؟؟ حلوة حلوة حلوة اوى دى
    • 43 - 2
      صالح عثمان سعيد 02-16-2015 08:0
      ههههههههههههههههههههههههههه قصه والله وحكاية ادفع اي شئ واعرف الجماعة بتوع الصحافة السالبة حيقولوا ايه.
    • 43 - 3
      تنقو 02-16-2015 08:0
      البجري جري الوحوش و غير الاوات ما بشوت ..حلوووووووووووووووووووووووه يا حلفا
  • #44
    عجااااج 02-16-2015 09:0
    * ولأن الزعيم أحق من أقرانه بالتفاؤل.

    * ننتظر البشارة من العقرب، وننتظر الفرحة من وانغا.

    * ولا نستبعد أن يمارس العجب الأصغر ممارسة هوايته المحببة بتمزيق الشباك.

    * لن تغني مليارات عزام عنه شيئاً في مواجهة زعيم الكرة السودانية بحول الله توفيقه.

    * نتوقع من جمال سالم أن يسلم شباكه بيضاء من غير سوء.

    * وننتظر من ثلاثي الدفاع الأحمر أن يتحول إلى ترسانة يصعب عبورها.

    * الوسط الأحمر سر أسرار التفوق.

    * لا خوف على الزعيم بوجود مدرب خبير بقامة غارزيتو.

    * خبر اليوم: إعدام عزام.

    * خبر الغد: من عزام ولي قدام. قبل المبارة , وما عارفين اليوم ايش بيقول
    للوالى ؟؟؟؟و الخروج طوالى ؟

    * خبر منتظر: اتشقلب.. يا عقرب!!

    هذا كلام مزمل مدمر المريخ واكل الفيخ المسيخ
  • #45
    oaltahir 02-16-2015 09:0
    ليس بالاماني أو الفلوس وحدها يحيا الانسان

    دي لعنة مساهمي بنك الثروة الحيوانية

    دي لعنة عالمي و لا تكلمني

    دي لعنة الفنتازيا في الفاضي و المليان

    دي لعنة سوء الخلق الرياضية عندما تم تسجيل بكري بعد اتفاقه مع ناد\ي الهلال بالرغم يشبهكم الخالق الناطق

    دي لعنة تراوري العامل الكل في الكل لا احم و لادستور

    و اخيرا دي لعنة الرئيس الطوالي

    و العياذ بالله
  • #47
    Ahmed 02-16-2015 09:0
    و الله الجمهور البحضر لاعبين مثل الذين يضيعون مجهودات الفريق ويضيعون الفرص بالجملة جمهور ما عندو شغلة ساكت مفروض الجمهور يعاقب اللاعبين ولا واحد يدخل المباراة علشان تشدوا حليكم ياما الجمهور حضر فى مباراة الترجى وما زمبى وكمبالا والنتيجة هى هى ما فى فائدة
  • #48
    Ahmed 02-16-2015 09:0
    و الله الجمهور البحضر لاعبين مثل الذين يضيعون مجهودات الفريق ويضيعون الفرص بالجملة جمهور ما عندو شغلة ساكت مفروض الجمهور يعاقب اللاعبين ولا واحد يدخل المباراة علشان تشدوا حليكم ياما الجمهور حضر فى مباراة الترجى وما زمبى وكمبالا والنتيجة هى هى ما فى فائدة
  • #49
    كتوش 02-16-2015 09:0
    الغريب شنو في الموضوع يا مرجان ؟؟؟ انتوا ما متعودين تخرجوا من التمهيدي من قولت تيت اما بخصوص الاخضر الليموني اللونه زي لوني البتصرفه في اللعيبة اكيد ما ح يحرقك لانك ما داقي فيه حجر دقش يبقي الزعل في شنو ؟؟؟ خليك ايزي يا عزيزي ..
       الرد على زائر
    • 49 - 1
      صالح عثمان سعيد 02-16-2015 08:0
      يا كتاتيشو يا عسل سيبك من التعليق على الراجل ده ونقول ليك الف مبروك والعارف شغل نضيف بنوم قفا .
    • 49 - 2
      ابو الملوك 02-16-2015 05:0
      تعليقك يا كتوش احلى من هدف كيبي و اجرى من جري بكري
    • 49 - 3
      كتوش 02-16-2015 03:0
      انا موجودة دائما يا بنة يا روحي ويا غالي عليا انت الما ظاهر والله واحشني شدييييييييد وعشان خاطري تاني من تغيب عن التعليقات .. صواعق الهلال التي تاجج الارض حبيب الملايييييين وابن الهلال البار والكاتب الكبير الذي لن يجرؤ احد ان يكتب مثله(خمسة وخميسة) الرافع راسنا دوما الصواعق.. الصواعق .. الصواعق اسم من ذهب ..
    • 49 - 4
      وردة 02-16-2015 03:0
      شنو يا بت مسجلة غياب اليومين الفاتو خليتي لينا الصفحة ضلمة , فقدناكي امس .
    • 49 - 5
      الصواعق 02-16-2015 02:0
      خليك ايزي ياعزيزي... رهيبة ياكتوش...
    • 49 - 6
      بنه 02-16-2015 02:0
      كتوش كتووووووش إنت فين يا حبيبتي ههههههههههه تعليقك أعجبني يا عسل
  • #50
    زاهر جعقر 02-16-2015 09:0
    فشلا زريع متين عرفت النجاح ده مكانكم الطبيعي رئيس الفشل الدائم العارف فشلوو مستريح .
أكثر

جديد الأخبار

وضع الاتحاد السوداني لكرة القدم نفسه في ورطة كبيرة بسبب المشاركات الافريقية بعد ان طالب كاف الاتحادات ارسال الابطال ويخشي الاتحاد الشكاوي التي قد..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019