• ×
الأحد 16 مايو 2021 | 05-15-2021

ابوشامة : هيثم مصطفي إعتقد انه اكبر من رئيس الهلال وأخطاءه تسببت في شطبه

ابوشامة : هيثم مصطفي إعتقد انه اكبر من رئيس الهلال وأخطاءه تسببت في شطبه
كفرووتر / الخرطوم / اكد مدير الكرة السابق بنادي الهلال ابوشامة بان اللاعب هيثم مصطفي كان قد استحق الشطب من كشوفات الهلال لاعتقاده بان اكبر من رئيس الهلال فضلا لاخطاءه المتكرره وخلافاته مع زملاءه اللاعبين وقال في تصريحات لقوون بان شطبه كان سليما و منح الازرق الاستقرار وقال بانه لا يريد عودته على حساب مصلحة الكيان
امسح للحصول على الرابط
 17  0  5481
التعليقات ( 17 )
الترتيب بـ
الأحدث
الأقدم
الملائم
  • #1
    seeeda 07-17-2014 01:0
    من هو أبو شامه وماذا قدم للهلال ولولا البرير وضعك في إدارة الكره لكنت منسى موسى الأن كلكم حاقدين ع هيثم لأنه تقدم وفاز عليكم عشان هو عاشق لكرة القدم مش زيكم جارين وراء القروش إنت وخالد وحمد المعروف للجميع . هيثم تقدم عليكم ولعب بعدكم عدة سنوات وأنتم إنتهيتم حيث بدأتم أما هيثم سيظل عالق في ذاكرة الجميع حتى لمن يحاولون النسيان عشان... وعشان مجتمع الرياضة عندنا فيهو زي أمثالكم ما عمرنا حا نتقدم .. ياخي إتق الله الرجل كان معك في فريق واحد وأكلتم وشربتم مع بعض وجاي تخون الملح والملاح عشان كده باين وواضح فيك يا ود أبو شامه .. تشتكي الهلال وتتكلم عن هيثم .. أنت تشتكي الهلال لتأخد المال وهيثم يدفع من حر ماله للهلال سبحان الله
  • #2
    منصور سيد احمد 07-12-2014 02:0
    يعني يا أبو شامة عايز تدفنه حي الراجل بعد ما خرب علاقته بالمريخ ويريد ان يعود للهلال ترفض عودته للهلال. بس دي شينة تب منك أديه فرصة يمكن تاب من عادته القديمة. وبعدين بقي في الصقيعة مكشوف الظهر، الجلد صعب عليه، لكن انا خايف ريما ترجع كمان لعادتها القديمة، الله يكضب الشينة.
  • #3
    Mamoun 07-12-2014 01:0
    أخرس يا أبو شامة وأمشي شوف الشكوى التي رفعتها ضد الهلال في مكتب العمل !!! يخس والف يخس .. وجاي تتكلم عن هيثم ؟ ، هيثم وحتى وهو مشطوب ومقتول ومذبوح يدفع للهلال من حر ماله وهيثم من باع املاكه من اجل الهلال ماذا فعلت انت وامثالك للهلال
  • #4
    عثمان صديق 07-12-2014 02:0
    الكبير هو الله.. وهيثم اكبر من رئيس البرير من حيث الفهم و اﻻخﻻق ..واكبر منك انت و خالد بخيت وحمد كمال..باختصار اكبر من الحقد والحسد الذي يمﻻء كل عقول الناس في السودان تجاه اي سخص ناجح..وكفى
  • #5
    كتوش 07-11-2014 05:0
    الله يكفينا شر صلاح ادريس وهيثمونا يااااااااارب العالميييييين ..
  • #6
    ورده 07-11-2014 04:0
    بس انا عايزة اعرف الهلال حيستفيد شنو من عودة هيثم مصطفي المتعجر ف؟
  • #7
    حاكم أبوزيد علي ميرغني 07-11-2014 03:0
    كلامك مظبوط يا كابتن ابوشامة فلا يوجد لاعب كبير علي الكيان وان برع وابدع لا نريد الحديث عن افعال هيثم مع الهلال لان ما وجده هيثم من الهلال يفووووق بالطبع ما قدمة هيثم للهلال فحواء الهلال ولود وقادرة با نجاب مليون من شاكلة هذا المغرور. واحلف لكم صادقا بان هيثم اذا عاد ستكون نهاية الهلال لان الجمهور سينقسم علي جزئين الاكبر منهم يرفض عودته وطبعا هم العقلاء من الهلالاب الخلصاء الذين عندهم مصلحة الكيان هي العليا . فنسال الله في هذا الشهر الكريم ان يجنب هلالنا الفتن ما ظهر منها وما بطن
  • #8
    سماهر طه 07-11-2014 02:0
    ابو شامه سمعت بالمسطول الشاف واحد عندو شامة فوق عينو قال ليهو هسي دي عين والا غين فدحين ده ده كلام البتقول فيهو ده وفي سيدا وفي رمضان يا حاقد
  • #9
    الرباطابى 07-11-2014 01:0
    والله ياعثمان هيثم دا الا ترجعو بيتكم لكن فى الهلال البينشجعو دا وبينحبوا يرجع عل جثثنا . والله يكون عندو شهاده بحث بالهلال نخليهو ليهو ماهذه العقول المتخلفه كرويا . قال راجع قال
  • #11
    ابومحمد 07-11-2014 01:0
    كم فترة ابوشامة في الهلال لاعبا واداريا حتى يتطاول على هبثم ابوشامه لاعب في الهلال وفتح باب التفاوض مع المريخ لذا صرف الهلال النظر عن التجديد له الآن ابو شامة يرفع دعوة في مكتب العمل ضد الهلال مطالبا بحقوقة يا ابوشامة هيثم مصطفى بفترته السابة17 سنة بالهلال اكبر من البرير ومنخالد بخيت ومنك لوخدمتوا الهلال بقية عمركم
  • #12
    علي حسين 07-11-2014 01:0
    هيثم مصطفى لاعب عجوز ولا عنده شيء يقدمه غير المشاكل بلد فيها لاعب بعمر هيثم تريد أن تتقدم خموا وصروا
  • #13
    edy 07-11-2014 12:0
    وانت عملت شنو ايها الفاشيل هيثم محترم وسيبقى محترم لانه لاعب محترم انت فاشل فى التدريب .
  • #14
    abualaa 07-11-2014 12:0
    إذا تم تسجيل هيثم فى الهلال سيفقد الهلال 4 لا عبين هم ضمن اكثر 6 لاعبين مميزين و منهم أثنين إذا فقدهم الهلال سيترك أكثر من مليون مشجع تشجيع الهلال - وال 2 ديل منتظرهم المريخ بقارق الصبر ليسجلهم وهذا ما يخطط له المريخ وتذكروا
  • #16
    المعلم 07-11-2014 10:0
    أغبى لاعب فى السودان معقد ومتكبر فى الفاضى ولايعى مايفعل ولايقيم الامور التقييم الصحيح الجاهل عدو نفسه الحاقد بيحرق بيته
  • #17
    عثمان ابوطالب 07-11-2014 09:0
    الاختشو ماتو ما قدمه هيثم للهلال انت لم تقدم ربعه واذا ما كانت تصفيه حسابات انت ولا خالد بخيت هنالك عشرات اللاعبين الافذاذ والمؤهلين علميا وفنيا احسن منك ومن خالد بخيت فلماذا اتى بكم البرير لانه يعرف انكم حاقدون على هيثم وهيثم راجع راجع
أكثر

جديد الأخبار

أجرى المريخ حصة تدريبية ساخنة عصر اليوم السبت على ملعب حرس الحدود، وأشتمل التدريب الذي أشرف عليه مدرب الفريق الإنجليزي لي كلارك وطاقمه المعاون على..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019