• ×
الجمعة 29 مارس 2024 | 03-28-2024

المريخ يستدعي هيثم للمرة الثانية على التوالي

المريخ يستدعي هيثم للمرة الثانية على التوالي
كفرووتر/ الخرطوم 
استدعي المريخ اليوم اللاعب هيثم مصطفي للمرة الثانية على التوالي بعد ان رفض المثول امام لجنة التحقيق اليوم و يتوقع ان يرد اللاعب على خطاب استدعاء المريخ خلال الساعات القادمة
امسح للحصول على الرابط
 9  0  4052
التعليقات ( 9 )
الترتيب بـ
الأحدث
الأقدم
الملائم
  • #1
    Elfatihbraem07 06-16-2014 12:0
    هههههههه ،والله اللاعبين والكورة في السودان بعد جيل مانديلا في المريخ ومجموعة لاعبي هلال 87.بينطبق عليها المثل آلبقول الأعور في بلد العمايا ملك). لاعب اكثر من عادي ووالله لو قورن مستواه والعجب مع احترامي لما قماه للقمة والفريق القومي ،الا أنهما ليسا بأفضل من لاعبين كانو يمارسو الكرة في الليق ،أمثال بكري سر الختم،عايد جلاس ،منية وفتحي وعادل جاد الله الامتداد ،صالح ،وحتي في أندية الأولي حينها هناك من أفضل منهما العجب الكبير دفع الله وكمال تنبؤ النيل وفضل السيد وهاشم تيه الاهلي وهاشم أبوروف ،اما المعلم عبدالمنعم صديق القول فيكفي انه كان اللاعب الوحيد الذي تم اختياره للفريق القومي من الدرجةالثانية زمن العمالقة وليس كل من هب ودب الان اصبح لاعب دولي ،،،،،وبصراحة فكونا من هذا الهيثم ،،الظاهر الناس تركت الشيوخ وعاش ابو هاشم وأصبح لدينا حيران لهذا الهيثم ،الله يشفيكم من هذا المرض،
  • #3
    أبو السارة 06-16-2014 06:0
    قلنا ليكم الهيثم دا متعنطز ورافع راسة وبقول يا السودان ما فيك إلا أنا ، عشان كده لازم يعامل أسوء معاملة، وهسع لو وقفوهو يقوموا ناس شيخ زعيط ومعيط بالواسطة ويجروا رئاسة الجمهورية للتدخل في قضايا هايفة وناسية قضاياها الرئيسة .
  • #4
    hass 06-16-2014 12:0
    فى الهلال ضوقكم المر جبتوه عشان ترتاحو منو ضوقكم الامرين ...متى تتعلمو انةلا يحيق المكر السى الا باهله لم تتعظو من اكرم وعلاء طياره وطمبل لسع حاتشوفو الادب الجد من تراورى
  • #5
    الهوي هلالي 06-15-2014 10:0
    ما تتعبو نفسكم لو استدعيتوهو مليون مره ما حايشتغل بيكم لانه عارف الوالي رئيس طوالي مسافر وممكن مايرجع والموجودين لا بيحلو ولا بيربطو ولا شخصياتهم بتأهلهم يحاسبو لاعب من المريخ ما بالكم بلاعب كان في الهلال هيثم حاليا بكرر في ( مثل) العارف عزو مستريح
  • #6
    ورده 06-15-2014 10:0
    وايام تسجيلو جننونا هيثم ولدنا هيثم ولدنا, أها ياهو ده ولدكم الكنتو عايزين تغيظونا بي هراكم هري , ومذيد من العصيان ان شاء الله لمن تقولو الروب , وييينك يا كتاحة من الحاصل ده ؟
  • #7
    ود أمبدة 06-15-2014 10:0
    دائرة كورة فااااااشلة.. وهيثم لن يخضع للجنة ضعيفة حتى لو اعتزل الكورة نهائي.. وخلو عندكم شوية دم ..وكرامة
  • #8
    أب كجنكي 06-15-2014 09:0
    روّح نفســك مع ود عبد الماجـــد:.. يا سلك ما تمشوا الدهب امشوا مكتب والي الخرطوم الأربعاء 11 يونيو 2014 الساعة 9:13 عطالة زي عطالتكم دي ..لاشفناها لاسمعنا بيها...عشان كدا والي الخرطوم بيدكم الاولوية المريخ بقى كلو (اجانب)..تقول شركة بترول ممكن تتكبوا في اللافتة التىسو فتحملوها امام مكتب والي الخرطوم (سيكافا ذاتها طيرنا منها) بابكر سلك عموده حيكون (في السلك الذهبي) ..مزمل ابوالقاسم حيكتب تحت عنوان (دهب الحقيقة)...اما معاوية الجاك فسوف يكتب تحت (توقيع ذهبي) بعد (الطيران) من سيكافا من دور الـ (8) قال بابكر سلك : (بعد كدا إلّا نمشي الدهب) في مقال ناقش فيه سلك (الخروج) الدائم من البطولات التى يشارك فيها المريخ ، واهتدي ابوالاسلاك اقصد ابو اسلام على الهجرة الجماعية الى (الدهب). قنعوا من كورة فيها...اقصد من خيرا فيها. الدهابة الجدد ناس سلك وناس مزمل وناس معاوية الجاك. بابكر سلك عموده ح يكون (في السلك الذهبي) ..مزمل ابوالقاسم ح يكتب تحت عنوان (دهب الحقيقة)...اما معاوية الجاك فسوف يكتب تحت (توقيع ذهبي). جمال الوالي ح يرتاح من (النقة) الكتيرة. موسى الزومة الله شافوا من (الدهب). دهب موسى ما يمشي (على طريقة ادروب). سلك كان صريحا وربما كان منفعلا لذلك كان (صادقا) في مقاله ذلك ، وهو يشكي المريخ لطوب الارض. نحن من زمان بنقول ليكم في الكلام دا- وانتوا ما بتصدقوا. سلك كانت حالتو صعبة طاروا من دور الـ (8) من سيكافا بطولة ما بتسوى (بصلة) والهلال قدام عيونهم بيلعب في مرحلة المجموعات في بطولة الاندية الافريقية للابطال. البطولة التى يلعب فيها الهلال الان وهو في مرحلة المجموعات المريخ طار منها من دور الـ (64). ديل طاروا قبل ما يكتشفوا (الكهربة). طاروا من بدري. نحن زمان وقت كنا (شفوت) كنا بنسمع عن الحب من اول نظرة. وكنا بنقول الحب من اول نظرة دا شنو؟. الحب من اول نظرة في السودان ما بنفع ...عشان الناس هنا ما بحبوا السرعة. بمشوا على اقل من مهلهم. الحب من اول نظرة دا في الدول الايقاعها سريع. (السودانيين) العرس ذاتو يعملوه ليك في الف خطوة ..بحبوا الجرجرة وتكلفة العريس. العرس اول خطوة يقولوا ليك ماشيين (تعارف). بعد التعارف يقولوا ليك ماشيين (فتح الخشم). فتح الخشم ديل عملوا ليه موضوع. ناس فتحوا (القسطنطينية) ما عملوا البتعملوا فيه في فتح الخشم دا. بعد فتح الخشم يقولوا ليك (قولة خير). طبعا (فتح الخشم) براهو وقولة الخير براها. بعد قولة الخير ..يقولوا ليك ماشيين نتقدم (رسمي). في كل هذه الخطوات العريس يدفع دم قلبو. بعد التقدم الرسمي كمان في حفلة الخطوبة. غايتو (جرجرة) في الموضوع دا اسكتوا خلوها ساكت ...العريس لمن يصل مرحلة (العقد) بكون بقى زي العود. زولكم بكون نشف نشفان من الجري والطلبات تقول عامل طلبة. هسع الناس بقوا يتسرعوا في الخطوات دي. العريس يجي (فتح خشم) يقبضوا يعقدوا ليه طوالي. الماذون بقى قاعد ورا الباب. هسع الموضوع دا كلو جابوا (الحب من اول نظرة). والحب من اول نظرة الجابو شنو من الاساس؟. الحب من اول نظرة جاء (عرضا) في الحديث عن الناس الطلعوا من دور الـ (64). انتوا يا مريخاب بتطلعوا قبل ما تدخلوا. لكن برضو ما فهمت حاجة. الدخل (الحب من اول نظرة) مع الخروج من دور الـ (64) شنو؟. والله ما عارف..لكن الطلوع من دور الـ (64) ممكن تجيب ليه اي حاجة يلتق معاها. يعني ممكن تجيب (البامية المفروكة) وانت بتتكلم عن الخروج من دور الـ (64). وممكن تجيب (الكمونية) وانت بتتكلم عن الخروج من التمهيدي. وممكن تتحدث عن (المخدة) واثرها في (تعسيمة) الزول وانت بتتكلم عن التمهيدي. ما حصل الصباح لاقاكم زول قال ليكم : والله انا رقبتي (معسمة). اها شوفتوا (التعسيمة) دي سببها الخروج من دور الـ (64). قلت ليك اي حاجة بتجي مع الموضوع دا. الحاجة الوحيدة المشاترة في الحتة دي (الطحنية). الطحنية هي الوحيدة الما بتجي مع التمهيدي. انت وين الايامات دي الطحنية والفلسفة. يا جماعة الحاجات دي الليلة ما وقتها. نحن اي حاجة عندنا بي نظام حتى الطحنية. احكي ليكم حاجة خفيفة. عندنا زول في الحلة النوع الشفقان بدون سبب داك..اليوم كلو بكون شايل (جركانتو) وبقول ليك الموية دي قالوا ح تقطع. يشفق الما بشفق. زول شفقان شفقة مبالغة فيها. لو شاف ليه سحابة عابرة ساكت ..بقول الله يستر ...الليلة الخرطوم دي ح تغرق. وقبل ما يتم كلامو تلقاه طالع في رأس البيت. زول شفقان. تلاقيه الصباح تقول ليه فطرت ؟. يقول ليك افطر وين مع (الشفع) ديل؟. انا ما عارف الدخل الفطور مع الشفع شنو؟. دا شغل (شفقة) ساكت. قلت ليكم زول شفقان ..ما صدقتوني. الزول الشفقان دا يوم طيران المريخ من دور الـ (64) امام كمبالا سيتي..مشى الاستديو يأخد ليه (صور) للجواز. بتاع الاستديو زي اي بتاع استديو قال ليه : (ابتسم). زولكم الشفقان انفصم ليك فيه. قال ليه ابتسم كيف والمريخ طار من دور الـ (64). رطل اللبن بقى بـ (4) جنيه دي بلد يبتسموا فيها. ابتسم كيف بس قول لي. المريخ بقى كلو (اجانب)..تقول شركة بترول. قالوا ليك المريخ جاب ليه مصري اسمو ايمن سعيد ....الزول دا في (التسخينة) بيأخد ليه كرت. مدمن كروت. ايمن كروت ...(السعادة شافها وين؟). يا سلك يا سلك هل تسمعني؟. ايمن سعيد دا لا بمشي ليك (الدهب) ولا حاجة. لو طلعتوا من دور الـ (120) ما بمشي ليكم ايمن سعيد الدهب. انتوا بتلعبوا. ايمن سعيد اقصد ايمن كروت دا النوع البعد سبعة ما بطلع الشارع. تاني يا ناس المريخ شكلتكم بتدور من (التسخينة). يا سلك يا سلك هل تسمعني؟. يا سلك انا عندي ليك حل افضل من الدهب. الدهب دا ناس ايمن سعيد وعنكبة ما بقدروا عليه. ضفر اتعود على (مكيفات) الخرطوم دي ...الدهب لو جابوه ليه في شارع واحد في العمارات ما بمشي عليه. شارع واحد شنو؟. لو جابوا ليه الدهب في عمارة الدهب (جاهز) ما بمشي عليها. وبلة جابر دا في (قبقبة) ما بلقى (الزبادي) ..ما بقعد ليكم دقيقة. عشان كدا يا سلك بدل التلاتل دي ..انا عندي ليكم حل. يا سلك امشوا (مكتب الوالي). والي الخرطوم ما والي ناس عنكبة. الوالي قال اي زول (عاطل) يجيّه في مكتبو. العطالة اتلملموا (كتر خيرهم) ومشوا على مكتب الوالي. والي الخرطوم فاكر الحكاية هزار. انتوا يا ناس المريخ استغلوا تصريح الوالي ودعوته للعطالين وامشوا قابلوه. عطالة زي عطالتكم دي ..لا شفناها لا سمعنا بيها...عشان كدا والي الخرطوم بيدكم الاولوية. ناس يطلعوا من دور الـ (64)..ويقعدوا ينظموا في سيكافا من (العطالة). وسيكافا بطولة (العطالة) ذاتها يطيروا منها. اها عليكم الله في (عطالة) اكتر من كدا. يا سلك جماعتكم ديل لو مشوا مكتب والي الخرطوم العطالة ذاتهم بحنوا عليهم ..بقولوا للوالي نحن خلينا كدا شوف الجماعة الحالتهم ما بتسمح ديل. بعدين ما تنسوا يا سلك شيلوا ليكم (لافتات) واتجمعوا في مكتب الوالي. ممكن تكتبوا في اللافتات (طلعنا من دور الـ 64). عليكم الله دي ما حالة تحنن. وممكن تتكبوا في اللافتة التى سوف تحملوها امام مكتب والي الخرطوم ..(سيكافا ذاتها طيرنا منها). وعشان قضيتكم تبقى قضية (دولية) ..اكتبوا في اللافتة التى سوف ترفعونها امام مكتب الوالي : (المسح الايميل منو؟). وممكن تكتبوا (كمل كمل يا مزمل). شفتوا لو عملتوا الحاجات دي طوالي بشغلوكم. واحتمال يدوكم التمويل الاصغر تنظموا ليكم (سيكافا) تاني. ان شاءالله كل اسبوع تنظموا سيكافا اصلو ما في مشكلة. اها عليك الله يا سلك الموضوع دا ما افضل ليكم واسهل ليكم من حكاية (الدهب). ناس بلة جابر ديل لو بقدروا على التنقيب كانوا وصلوا على الاقل دور الـ (16). ما كانوا بطيروا من سيكافا. ملحوظة : الطيران اسوأ من العطالة. هوامش لا نريد ان نكتب عن التسجيلات قبل اكتمال فصولها. ح نخلي نفسنا طويل. ونشوف النهايات ح تكون كيف؟. لكن في كل الاحوال هناك الكثير الذي يمكن ان يقال في هذه الحتة. بداية من صلاح ادريس. ونهاية عند صلاح ادريس. يعني من صلاح ادريس لي صلاح ادريس. او من كي لي كي. نخلى صبرنا يكون طويل. ونرفع الجلسة للنطق بالحكم الى الغد. وعندها لكل حدث حديث. تسجيلات المريخ بعد ما الفأس وقع في الرأس ..هي ذاتها عندنا كلام كتير فيها. الجماعة اتورطوا ..شيء جمال سالم وشيء ايمن سعيد ...(مسلسل عربي) بس. امانة ما وقع راجل. جمال الوالي بي تسجيلاتو دي شكلو فايت فايت. انتوا ادروب بتاع المريخ ...ماسك خزينة النادي..وإلا عندو شغلة تانية. الزول دا قال لن نشطب هيثم مصطفى إلا اذا قدم الهلال للمريخ نزار حامد وبكري المدينة وكاريكا. الزول بتاع المريخ دا قاريء جامعة ..وإلا نازل ليه من قطر ساكت. يا زول اتكلم كويس. الواحد لمن يتكلم عن ناس نزار وكاريكا وبكري يجب ان يتكلم بادب واحترام. وانت يا عثمان ادروب الخزينة الحارسها دي (قرش) ما فيها. ما تقعد تتكلم في حاجات اكبر منك. الحاجات الكبيرة دي خليها لي جمال الوالي. انت جابوك المريخ عشان (تمضي) بس وتوقع في دفتر الحضور ..رغم من انك غايب ..ولا اثر لك. قوم روح. الواحد قاعد في المريخ سنة كاملة لا حس ولا خبر ...يجي في اللفة يعمل ليكم فيها تلاتة بي قرش. يا عثمان ادروب ..امشي تحت الحيط او امشي جنب الحيط ..انت (قدرتك) دي ولياقتك لياقة الزول البمشي يجيب التلفون من الشاحن. ما اكتر من كدا. زولكم كمان بتكلم عن نزار حامد ..(انت قريت طب يا ادروب؟). وبتكلم عن بكري المدينة ...(انت يا ادروب عندكم جواز دبلوماسي). وبتكلم عن مدثر كاريكا ...(لا ..لا دي كيترة يا ادروب ، ما بقدر اشرحها ليكم في العمود دا). انت حدك بلة جابر. اقصى مدى ليك ...(رمضان عجب). ناس نزار ديل ما بتكلموا عنهم ساكت. ............ عاجل : انتظرونا بكرة جنب البرج في كلام كتير عاوزين نقولو.
  • #9
    U 06-15-2014 09:0
    من شبه علي شي شابه عليه اصلا وصل المريخ في عمر لا بحترم المواثيق وقوانين الاحتراف وتعود علئ المشاكل والدلال والدلع في الهلال ولا يمكن تأديبه وتعليميه بعد هذا العمر فالطبع يغلب التطبع انا اقترح تجميد نشاطه حتئ يكون عبره لكل لاعب في السودان وبعدين ما عارف كل الناس تتلكم ان هيثم خلوق ومحترم كيف لشخص محترم يقبض قروش وولا يعمل يعني بالواضح يأكل حرام فتره شهور معدده ويكل اولاده من اموال وإذ صح انه كان يتدرب مع مدرب الهلال دون علم ناديه فيعني ذلك انه خائن
أكثر

جديد الأخبار

..................... .................... في اطار سعيها الجاد في تدعيم اللجان الادارية استطاعت مجموعة التجديد لجماهير نادي الهلال للتربية التي..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019