الهلال يطلب تقديم موعد لقاء القمة أمام المريخ

كفرووتر / الخرطوم طلب نادي الهلال من إتحاد الكرة تعديل مباراة القمة التي ستجمعه مع نده التقليدي المريخ في الثامن من مايو القادم متعللا بمشاركته بمجموعات دوري أبطال أفريقيا.
وحسب صحيفة "ق سبورت" فإن مجلس ادارة نادي الهلال خاطب الإتحاد لأجل تقديم مبارياته الآخيرة في دوري سوداني الممتاز من بينها لقاء الديربي أمام المريخ حتى يتسنى للفريق إقامة معسكر إعدادي خارجي تأهبا لدور الثمانية في رابطة دوري أبطال أفريقيا حسب الطلب المقدم من التونسي نصر الدين النابي.

بواسطة : صحيفة كفر و وتر

04-14-2014 09:0 6 0 3261

التعليقات

التعليقات ( 6 )

الترتيب بـ

الأحدث

الأقدم

الملائم

#1

أيمن حسن مشو 04-15-2014 09:0

تأجيل ، وتقديم وووووووو ....... ، برضوا مابحلكم ياهلالاب ، يوم عشرة وإلا يوم مية مافى مشكلة ، إتحادكم بيبصم على أي مواعيد أنتوا عايزنها ، بس إدللوا وأطلبوا . قال حتى يتفرغ الهلال لدورى المجموعات ، الجواب باين من عنوانوا ، كلاكيت للمرة الثانية طيش المجموعة وبجدارة ، والغريبة أصلاً مافى زول بيجيب سيرة أنوا الهلال قبل كده جاب طيش مجموعتوا وبجدارة مطلقة .....

الرد على زائر

#2

متفائل 04-14-2014 07:0

قصة عجيبة ... الجماعة ديل اى كورة عاوزين بأجلوها ليهم... مباراة الأمل قالوا يأجلوها ليهم أجلوها ليهم و حولوها ليهم من الكاملين لمدنى. هم قايلين نفسهم فى مطعم، عاوز فول .. لا لا عاوز عدس ولا اقول ليك خليو سمك. أو زى الشفع فى محل الآلعاب يقول عاوز لعبة قبل ما يجيبوها ليو يقول لا مادى ديك. يا ناس الإتحاد احسن ليكم تأجلوا ليهم، لو ما أجلتوا ليهم حا يكلموا ليكم الرئيس و اخو الرئيس يقفلوا ليكم دكانكم ده و يدوهم الكاسات كلها بقرار جمهورى.

الرد على زائر

#3

محمد مصطفي 04-14-2014 07:0

ا ها اها اها اول ما الخواجي عض اللسان وقال عاااااادي الجماعة دخلو في زنقة زنقة تمشو وين السنة دي يا ماركو وصالح عثمان سعيد المجموعات زنقة زنقة يوم عشرة زنقة زنقة طريقة هروب وترقد اريل السنة دي نو ما لو يا كتوش لو تقولو للبرنس ( ارحم ساسمير قلبي الما نساك)

الرد على زائر

#4

أبو منصــور 04-14-2014 06:0

الهلالاب ديل شابكننا تمهيدي تمهيدي..فما التمهيدي نقص للزعيم ولا المجموعات نصر للهلال......الهلال له أجر المشاركة....فمن قبل شارك في ســيكافا عدة مرات وأكثر من المريخ .. فماذا كانت الحصــيلة...؟؟ يئسوا منها فبدأوا البحث عن الأبطال عسى ولعل يحققوا ما لم يحققه الزعيم ....اعتقادي العقدة ستستمر وســـيأتي الزعيم من بعيد _لو مكتوب للسودان بطولة_ ويحققها...والله أعلم

الرد على زائر

#5

حالم بوطن أحلى 04-14-2014 06:0

لو حكاية معسكر ليكم حق غير كدا نحن كهلالاب ما كان قبلنا. عموما الجماعة عارفين حيعملوها قصة بالرغم من أنهم ما عندهم حاجة يسووها غير ينتظروا. الحكاية ما فرقت معاه ابريل مايو السنة الجاية ... وراهم شنو غير يتنقلو من ضل نيمة لضل نيمة.

الرد على زائر