الكاردينال ينسحب من المشهد الهلالي

الحاج عطا المنان في الرئاسة وعماد الطيب في الامانة العامة للجنة تسيير الهلال المقبلة

كفرووتر/ خاص اجمع الاهلة على قدوم المهندس الحاج عطا المنان كرئيس للجنة تسيير الهلال بعد موافقة الاخير على كافة الشروطمن بينها الاسماء المطروحة فيما انسحب من الشهد الهلالي السيد اشرف سيد احمد الكاردينال عن رئاسة اللجنة بسبب خلافه مع اقطاب الهلال حول بعض الاسماء ومدة اللجنة وتفيد متابعات كفرووتر بان عماد الطيب هو الاقرب للامانة العامة بجانب فوزي المرضي في القطاع الرياضي وهناك مالك جعفر و التجاني ابوسن و الترمزي

بواسطة : صحيفة كفر و وتر

11-08-2013 04:0 9 0 6799

التعليقات

التعليقات ( 9 )

الترتيب بـ

الأحدث

الأقدم

الملائم

#1

الدحيش 11-09-2013 01:0

لا احد يشك في امكانية المهندس الحاج عطا المنان ولكن اقول له ان الوسط الرياضي لايناسبك .

الرد على زائر

#2

مختاار 11-09-2013 10:0

رئاسه ولجنة تسيير واجتماعات ومحترفين وغرف تسجيلات ودوشة في الفاضي ده كلو علي شنو ما عارف اصعب شي في الدنيا انك تكون صفر يعني لا قيمه لك

الرد على زائر

#3

nizo 11-09-2013 10:0

والله ي جماعة طبعا الوزير دى موش عاوز يفرتك الهلال حتى الاقطاب عايز يفرتقهم دا عشان المريخ والمشكلة المريخ فاشل فى كل شى عشان القروش قروش حرام دى قروش الشعب القلبان والمشكلة بددوها لمنووو الحضرى ههههه شغلة غريبة ومن المستحلات المريخ يمشى خطو الى الامام عشان جمال الوالى المريخ عمور م راح يمشى الى الامام عشان القروش حرام

الرد على زائر

#4

الصواعق 11-08-2013 09:0

ان كانت هذه هي الاسماء المطروحة فعلى الهلال وتسجيلاته السلام... اليس كذلك هذا ما يريده الوزير المريخي... مالك جعفر لتنفيذ اجندة معتصم جعفر ... عطا المنان لاختطاف الهلال للحزب الحاكم... اتذكر الي اليوم تصريحات عماد الطيب عندما هرب منهم صلاح ادريس... شوقي الاسد ... يا اخوانا حرام عليكم هو مخلص لكن مسالم ... تراوري في طريقه للمريخ ان كان الامر كذلك فقد نجحت ايها الوزير الهمام غدا نسمع كاريكا ومحمد عبدالرحمن في المريخ ومساوي في اهلي شندي .. ستكون (لجنة الذل والهوان2 (تو)... هذا العطا المنان لم ينجح في اي منصب كلفته به الانقاذ.. يراد تعيينه للهلال لزوم تحقيق الفشل... الانقاذ تحارب الهلال... الانقاذ تريد ان تجعل من الهلال ضحيتها المقبلة...انتبهوا ايها الاهلة... كبف يتم تعيين لجنة المريخ وكيف يتم تعيين لجنة الهلال ان كان النظام يريد رعاية كل الشعب فعليه ان يترك الهلال للأهلة ليستمر الرئيس المنتخب رئيسا للجنة التسيير .. ليعطى الحرية ليختار من يشاء من معاونيه ... فالسودان ليس ملكا للكيزان او النظام فالاهلة هم الاغلبية ومن حق الدولة عليهم ان تتركهم وشأنهم ان لم تريد ان تصرف عليهم اسوة بالمريخ ...دولة الظلم ساعة... انكم تكتبون شهادة موتكم بايديكم ... لا نريد لجنة للهوان مرة اخرى .. قال مالك جعفر قال... ما كفاية العاملنوا ناس الحصاحيصا في الاتحاد المريخي العام...ام تريدون السيطرة على اعلانات استاد الهلال ايضا..؟؟؟؟؟؟

الرد على زائر

#5

isamsiddig 11-08-2013 08:0

ياحليلك يااللمين ياالمشيت خليت الجماعه ماعندهم حق البنزين . ياحليلك ياللمين منو بعدك البيدي ناس سينكارا ثلاثة اثلاث حقهم وبيخلي الباقي . ومنو بعدك البيجيب لي الجماعة سباك بدل صلاح آدم.خليك شوية كمل جمايلك وادينا تراوري وكاريكا والله يعدلها عليك . ياحليلك يااللمين وياحليلك يااللمين واها هاهاهاهاهاها

الرد على زائر

#6

كتوش 11-08-2013 06:0

ياتوا اهلة ديل الاجتمعوا علي هذا الرجل ؟؟؟ انتوا بتتكلموا بلسان جمهور الهلال ولا شنو ؟؟؟ نحن ما عاجزين عشان تتكلموا بلسانا نحن الهلالاب فقط اللذين نحدد من هو الاحق برئاسة هلال الملايين ده من حسي نعسان بعدين يعمل شنو؟؟؟ الحكومة اتدخلت في كل حتي في الرياضة التي يحبها كل الناس عايزة تحشر انفها فيها استولوا علي فريق المريخ وعايزين يقبلوا علي الهلال لكن بنقول ليهم هيهات الهلالاب لحمهم مر سبنا ليكم كل شي حتي وسيلة الترفيه الوحيدة عايزين تشاركونا فيها؟؟؟ انتوا حكومة ولا مصاصين دماء؟؟؟ ابعدوا لينا من الهلال والا .... ياالفيفا جاك زول وانتوا عارفين عقوبات الفيفا عشان كده بنقول ليكم (تك كير)

الرد على زائر

#7

ابو عبدالله / جده 11-08-2013 05:0

كضبا كاضب

الرد على زائر

#8

محمد خاطر 11-08-2013 05:0

ناس كفر ووتر لسه ما خليتو الفتل والشل

الرد على زائر

#9

nizo 11-08-2013 05:0

بعد التحية للاسف الشديد الوزير المريخابي دفع بي للجنة المفلسين الوزير داير يدمر كيان الهلال العظيم دا الهدف الاساسى لكن هيهات عشم ابلس فى الجنة من كل هلالبى شريف ان يتصدا للعمل القاشم لتدمير الكيان الهلال العظيم

الرد على زائر