الطاقم التونسي تسبب في الخلاف

مقدم العقد يتسبب في انهيار مفاوضات الهلال ورحيم

كفرووتر/ الخرطوم/خاص علمت كفرووتر ان مفاوضات الهلال والمدرب التونسي لطفي رحيم قد انهارت بسبب مطالبة التونسي بمقدم العقد البالغ (56) الف دولار بجانب مطالبته بطاقم مساعد من تونس وهو ما اغلق الباب تماما امام استكمال المفاوضات التي بدأت امس وجمدت نهار واستكملت عقب صلاة المغرب الا انها انهارت مساء اليوم ويتوقع ان يغادر المدرب في الحادية عشر من مساء اليوم الى الامارات ومنها الى تونس .
معلومات كفرووتر الاكيدة افادت بان الهلال لم يقطع الامل في عودة الهلال مجددا الى المفاوضات وربما عاد في اي وقت قبل سفر المدرب اليوم الى بلاده لتقريب وجهات النظر لتوقيع العقد مع التونسي

بواسطة : صحيفة كفر و وتر

06-23-2013 09:0 12 0 4725

التعليقات

التعليقات ( 12 )

الترتيب بـ

الأحدث

الأقدم

الملائم

#1

ابوصلوات 06-24-2013 09:0

لطفى رحيم !! عندنا من امثاله كثر بل عندنا افضل منه .. ثم ان الدورى المحلى لا يحتاج لمدير فنى اجنبى قولوا بسم الله الرحمن الرحيم واختاروا واحد سودانى من ابناء الهلال ستجدوا ضالتكم باذن الله ..مع امنياتى للهلال العظيم ان يعود ماردا كما كان ..

الرد على زائر

#2

ابومحمد 06-24-2013 08:0

عافية قاعد اذا كان مجلس البرير جادي في جلب مدرب اجني لماذا فاوض مدرب هلال كادقلي وسبب له تشتيت الذهن في مباراة حاسمة تاني نختم عافية قاعدوصبرا للقواعد

الرد على زائر

#3

شنداوى 06-24-2013 08:0

هو لي شنو يعني للدورى السوداني ده ولا غيرو ؟؟ حرم أعض جلابيتي وأجلس في كنبة الهلال أكون أحسن مدرب وأطقطق الجماعة أى واحد ممكن يدرب في البلد دى بلا رحيم بلا حليم نفسي البرير ده يعمل ليهو حاجة وتنتهي علي خير ؟؟؟

الرد على زائر

#4

مجدى فليته 06-24-2013 07:0

المثل بيقول مد رجليك على قدر لحافك وصلاح موجود ومتفرق كمان خرج من بطولة جوه الحوش احسن شجعو الصناعة الوطنيه واشربو فيمتو المشروب الرسمى للنادى

الرد على زائر

#5

حموري 06-24-2013 06:0

بحر عجيب يودي ما يجيب ، في ستين داهيه.قولوا امين .

الرد على زائر

#6

محمد مصطفي 06-24-2013 02:0

يا كافي البلاء مافي موضوع يعدي بسلام في الهلال زي الزول المعلق جلابيتو في الباب كل دقيقة واحد قدم استقالتو الشبكة ابت تدخل سيدي لاعب سجلوه اكتشفو الرباط الصليبي مدرب يصل الخرطوم وقروش مقدم عقد مافي طبعا ادارة المصنع العب ودرب وساكت الحساب يوم الحساب والما عاجبو يمشي الفيفا ( ده ما الحال العمل للجماعة الوسوسة اللذيذ قالو كتوش بدل ما تمشي الدويم مسكت طريق بورسودان عدل ولما المسافة طالت سألت قالت يا ادروب ده موش طريق بخت الرضا ادروب قاليها وكت ما عندكم اعصاب تشجعو الهلال ليه ده طريق سنكات هههههه اقيف طبعا الايام دي كتاحة بشوف الفراشة نمل ( الله يجيبك يا حسن حلفا كنت تحب الزرافة)

الرد على زائر

#7

ود نيالا 06-24-2013 01:0

هو فاكر نفسو مورينهو ولا شنو منو هو رحيم ده داتو في ستين

الرد على زائر

#8

عاشق الهلال 06-23-2013 11:0

على ادارة الهلال ان تعى ان ليس لديها استحقاقات تتطلب مدرب اجنبى و لا يوجد ما يمنع من ان يوكل الامر للمدرب صلاح محمد أدم و ارجو الا يتحدث المنظراتية عن الخبره فهو مدرب لديه رؤية و اعتقد ان عدم الخبرة يمنحه الطموح و الدافع لاثبات مقدراته و نجاحه يحسب للهلال ابتداءا بكادقلى و انتهاء بالهلال الاب

الرد على زائر

#9

حسن كورنر 06-23-2013 11:0

الحمد لله حمداً كثيراً ، سيرته الزاتيه ضعيفه جداً ، و ما كان من الواجب الاتصال به و إحضاره للخرطوم !!! فقط إنه الخوف من الاعلام و المعارضه المتعصبه الهدامه .اكرر ،ان ذهاب هذا المدرب فيه كل الخير على الهلال

الرد على زائر

#10

ابو حسن 06-23-2013 11:0

يا جماعه الخير ما قلنا الحكايه كلها حدوته ساي ؟خلوهو اليرجع هو قائل نفسه مورينهو ؟

الرد على زائر

#11

محمد طه 06-23-2013 10:0

خليه يركب التونسية

الرد على زائر

#12

حنفي بدر 06-23-2013 10:0

من الافضل آلا يعودا الى المفاوضات وليغادر البلاد فورا وابقوا على الكابتن صلاح آدم مدربا عاما مع مساعده وابحثوا مديرا فنيا معتبرا ليشاهد الدوري شهري اكتوبر ونوفمبر بمرتب مقطوع حتى يتمكن من تحديد الاحلال والابدال ومن ثم التعاقد النهائي اعتبارا من الاول من ديسمبر ان شاء الله تعالي ... تخريمة : لا نحتاج لمدرب اجنبي في الوقت الراهن وخاصة فى الاستحقاقات المحلية مع الاعتذار لاى بطولة خارجية ودية او رسمية ... شكرا

الرد على زائر