500 مقال للزميل الجعلي في كفر ووتر

بانقضاء هذا اليوم الموافق العاشر من مايو من العام 2013 يكون الزميل محمد عثمان الجعلي قد اكمل 500 مقال في كفر و وتر ، كفر و وتر ادارة وتحريرا وقراء يتمنون للزميل الجعلي التوفيق ومزيد من الصحة والعافية ، الزميل الجعلي عرف باخلاقه السمحة وعلاقاته الممتدة وقفشاته الجميلة خاصة مع اولئك الذين يخالفونه الانتماء والرأي ...
بامكان كل قراء مقال الزميل الجعلي المقروء "رحيق الختام" الدخول من هنا والتهنئة بمناسبة 500 مقال في كفر و وتر ..
وكل عام والجميع بخير

بواسطة : صحيفة كفر و وتر

05-11-2013 09:0 17 0 2992

التعليقات

التعليقات ( 17 )

الترتيب بـ

الأحدث

الأقدم

الملائم

#1

بابكر عوض الشيخ 01-14-2016 07:0

التحية لك يا أبا عثمان وهذا ديدن أهل الهلال ومثقفيه منذ الحركة الوطنية فأتحغتنا بدرر كلمات بكافة صنوف البلاغة والأناقة ومن خلال الرياضة ومن قراءة كتاباتك فقد أدمنا كفر ووتر وإذا مر يوم ولم نقرأها نظل كامل اليوم في قلق وإضطراب فأنت من أبدع وأجاد وأتى بالمعجزات فأنت المعلم ومنك نتعلم الرياضة بمعناها الشامل (رياضة- ثقافة- فن قديم وحديث-إسلاميات-أمثال شعبية- نكات) حفظك الله وحفظ الهلال الكيان.

الرد على زائر

#2

الامين احمد 05-12-2013 09:0

التحية لك ايها الجعلي وانت تتحفناكل يوم بالجديد الذي يريح النفس لك التهاني وعقبال مليون مقال ونحن نبحث دوما على مايخطه قلمك النظيف من هلالاب الجبيل

الرد على زائر

#3

الامين عبد القادر 05-12-2013 08:0

التحية والسلام اخوى الجعلى امانة مااليوم فرحنا بقدر حبنا للكلمة الامينة والصادقة والرشيقة خفيفة الظل التى تبتعد بنا من جو العمل المرهق والغربة التى اضحت سنواتها تثقل ونجد فى كتاباتكم وقفشاتكم تخفيف ونبتعد مع اصحابك الميامين المتابعيين لهذا القلم الرشيق هلالاب ومريخاب وتعليقاتهم التى تزيد العمود رونقا وبهاء متعكم الله بالصحة والعافية حبيبنا وصديقنا واخونا جعلى الحوبة ودمتم للوطن والهلال فى حفظ الرحمن

الرد على زائر

#4

البابا 05-11-2013 09:0

تعيش وتكتب تاني 500 ..... وتعيش وتكتب فوقها 100 في 500..... يازهرة أرواحنا الندية ...... يانسمة صباحاتنا الفجرية ..... جعلي انيق وقلمك رشيق ... جواك موسوعة مابعينك صديق ... قلمك صادق غالب أو في ضيق ... قفشاتك واحة على طول الطريق ... قلبك صافي والحلل حولك بريق ..... كبير قلبك يامحمد يهزم العلة ويفيق.... ************************************* الجعلي في المدينة والزومة زايد ضيق...

الرد على زائر

#5

عبدالوهاب الطاهر 05-11-2013 09:0

بكل الود والتقدير نهنى الاخ العزيز محمد عثمان الجعلى بمناسبة ال500 مقال وعقبال الالاف من المقالات التى تسعدنا نحن كمريخاب قبل ان يسعد بها اخوتنا الهلالاب . سائلين العلى القدير ان يوفقك الى ما يحب ويرضى ودامت ايامك سعاده وهناء .........

الرد على زائر

#6

الكباشي 05-11-2013 07:0

الف الف الف مبروووووووووووووووك وعقبال 500000000الف مقال تستاهل كل خير

الرد على زائر

#7

ود الفنان 05-11-2013 06:0

الف الف الف مبروووووووك استاذنا محمد عثمان ابو جعل وان شاء الله الله يديك الصحه والعافيه وطول العمر عشان تمتعنا بكتاباتك الجميله وعقبال المقال المليون ....ونتمني من الله ان يبقي رصيد الهليل من البطولات الخارجيه صفر كبير وما يفارقوا ,,,,, قولو امييييييين ياصفوه

الرد على زائر

#8

ود مزير 05-11-2013 05:0

تهانينا ياغالي والى الامام

الرد على زائر

#9

مصطفي سمير 05-11-2013 03:0

الف مبرووووووووك الاستاذ محمد عثمان الجعلي وعقبال المزيد من المقالات الرائعه والجميله وانت في الحقيقه تستاهل كل الخيرات والتبريكااااات كتير في الدنيا ناس طيبين تجيييك بالفرحه تتقدم شايله الطيبه والتحنان تمسح للدموع والهم ترد الخاطر المجروح تحس في كتاباتو وهمسات وداعاتو احلي نغم

الرد على زائر

#10

سيف الدين خواجة 05-11-2013 02:0

اخي الحبيب محمد عثمان الجعلي التهاني الخالصة المخلصة من حنايا الاخلاص ان تستمر متالقا دوما مع دوام الصحة والعافية وروح الدعابة الفكه والتي نحتاج لها في هذا الزمن الذي كلانا الازمات والمحن وكمان يا الجعلي جابت ليها تعادلات وزمان قلنا هذا موسم كارثي علي الهلال وقانا الله جمعا وفردا شر الكوارث والجايات اكثر من الرايحات وكل عام وانت بخير ترفل في حلل البريق بجوار المصطفي (ص) ينفحك بعطر الخلود فتنثره علينا من هناك خفة روح عصفور تخلي حال ارواحنا حال مع احلي المني بدوام التوفيق وعبال مليون مقال ومقال

الرد على زائر

#11

ودالشيخ طابت 05-11-2013 12:0

الف مبروك يا الجعلى 500 مقال والحمد لله استطعنا لاعجابنا بمقالاتك ان نقراء اكثرها نتمنى لك مزيد من المقالات والتقدم .

الرد على زائر

#12

حذيفة عبده 05-11-2013 12:0

ياضحكة فى الزمن الصعب ياراحة من بعد التعب يانسمة هبت فى الدغيش مطلية بى لون الذهب يارحمة من رب العباد مكبوبة فوق خلق الله كب أستاذنا وحبيبنا ودالجعلى ترليون مبروك ياغالى وسير على الدرب طوالى من القلب التهانى وأصدق الأمانى

الرد على زائر

#13

عبد الله بلل القرياتي 05-11-2013 11:0


	بسم الله الرحمن الرحيم ، أما بعد : حقيقه الأستاذ / محمد عثمان الجعلى يتسأهل كل الاحترم والتقدير ومن هنا منقولك يا أبو عثمان تستأهل كل خير . أمنياتنا تسبق تهانينا ... وفرحتنا تسبق ليالينا ... يا شبيه القمر يا أرق من الزهر أهنيك بالأنجاز ... كل ورود الربيع وثلوج الشتاء ... وعصافير الدنيا تغرد لتهنيك بالأنفراد ... لك وردة جوهرية بماء الورد مروية ... مكتوب عليها كل عام وأنت بخير ... والشكر الجزيل معبوق . المرسل : مجرد احساس المستقبل : جوهر الماس

الرد على زائر

#14

محمد عمر 05-11-2013 11:0

ألف ألف مبروك أستاذنا الأنيق ود الجعلى وعين الحسود فيها عود وعقبال المقال رقم ألف قلمك عفيف ياظريف ربنا يخليك لنا وللهلال سيد البلد

الرد على زائر

#15

حلفاوي 05-11-2013 10:0

الف مبرووك الجعلي ربنا يوفقك والي الامام ياهلالي.

الرد على زائر

#16

د . الشريف 05-11-2013 10:0

ما شاءالله .. مبرووك .. وبهذه المناسبة 500 مقال والصفر ما زال محلك سر يا كافى البلاء ؟؟ مجرد سؤال !!!!!

الرد على زائر

#17

كتاااااااااحة 05-11-2013 10:0

تعيش وتكتب الـ 500 التالية حتي نحتفل بالالفية كما احتفلنا بالرائع الخلوق علم الدين هاشم والآن نضع لك الازهار والورود الجميلة على المنضدة تكريماً يسبق احتفالنا بالالفية ان شاء الله

الرد على زائر