سيدي بيه: الهلال بوابتي للاحتراف في اوربا

وقع عقدا في حضور وفدا من السفارة المالية

كفرووتر/ الخرطوم سلم مجلس ادارة نادي الهلال امس اللاعب سيدي بيه كامل حقوقه المالية بحضور اعضاء السفارة المالية وفي المقابل وقع اللاعب عقدا مبدئيا مع الهلال يوقع بموجبه للهلال في الفترة التكميلية وغادر اللاعب الى بلاده و قطع وعدا لمجلس الهلال بالعودة قبل بداية التسيجيلات التكميلية وحسب عالم النجوم فقد ابدى اللاعب سعادته بالتوقيع لشكوفات الهلال وقال ان الازرق فريق كبير و اي لاعب يتمني اللعب له وقال ان الازرق سيكون بوابتي للاحتراف في اوربا وتمنى ان يرد الجميل لجماهير الهلال التي ظلت تقف بجانبه طوال الفترة الماضية وكانت سنده في محنته الاخيرة

بواسطة : صحيفة كفر و وتر

05-07-2013 08:0 12 0 4837

التعليقات

التعليقات ( 12 )

الترتيب بـ

الأحدث

الأقدم

الملائم

#1

ودجعفر 05-07-2013 03:0

كان من الافضل يتم الاستعانة بمفوضية الاتحاد االافريقى لفض النزاعات هو سيدى مش كان عندو مشكلة فى الاسم اول مره اعرف السودان بوابة افريقيا لاوروبا طيب البوابه دى ناسا مالم مابعبروها ولاشغالين بوابين بس

الرد على زائر

#2

خطاب 05-07-2013 01:0

يعني هسع الواحد لو عاوز يسجل في الهلال يجيب وفد من السفارة بتاعتوا ولو استدعى الامر يبلغ الرئيس ولا بأس من إقرار مشفوع باليمين من إدارة نادي الهلال ,, ولا شنو يا خوي ابو قلب مختاار , عبرك التحية للاخ محمد مصطفى وعصام الدين , كتوش وين برضوا مختفية إن شاء الله خير ولا بتجهز في وجبات لتسجيل اللعيبة الجدد.

الرد على زائر

#3

محمد مصطفي 05-07-2013 12:0

البوابات ما بقوها اتوماتيك يا الشيخ سيدهم في الاول ادخل في شبكة الفيفا وبعدين نشوف كم شهر تلعب وسط الفتة وام رقيقة ( مسكين عشان جديد ماناقش حاجة باكر جكة من الخطافي تجيب خبر رحولك )قال اوربا يمكن قصدك اروما ولا امبدة عشان لسه بتمتم ( يامختاار الكضب وصل اوربا)

الرد على زائر

#4

هلالابى-1 05-07-2013 11:0

يا اخونا صبرنا اكتر من 80 سنه وما جبتوا لينا كاس برنجي, نفس التصريحات ومافي جديد, يا ناس ابنوا فريق يتدرج من الناشئين الي الاشبال الي الفريق الكبير علي تجربه منتخب الامارات , لقد هرمنا من تصريحاتكم المتكرره واي محترف قدم الي السودان ولم يتخرج من اكاديمية لتعليم كرة القدم فى بلده يعتبر هاوي يحضر للسودان للهف الدولار الحار فقط , هسي ايكانغا دا خريج اكاديمية !!!!!

الرد على زائر

#5

أبومازن 05-07-2013 11:0

سيدي بيه الله عليه.

الرد على زائر

#6

مختاار 05-07-2013 10:0

الهلال بوابته الي اوروبا ههههههههههاي بطني وجعتني 85 سنه ما شفنا كده وبعدين ديل احسن محترف عندهم بيحترف في اتحاد كلباء الاماراتي قال اروبا قال هو لاعب لو فيه رقشه بيجي يلعب في الازرق المنبرش؟

الرد على زائر

#7

isamsiddig 05-07-2013 09:0

الله يورينا رونالدوبيه ده فالقننا بيه . بس المره دي كلموه يجي قبل السستم يقفل بي 15 يوم . ويجيب مالي مكتوبة في ورقه معاه من هناك عشان ما يمشوا يكتبوها مالطا زي ما قال حبيب الشعب غارزيتو

الرد على زائر

#8

حلفاوي 05-07-2013 09:0

وقع عقد بحضور وفدا من السفارة المالية؟؟؟؟؟؟؟؟. عقد زواج؟؟؟؟؟؟؟؟؟. نتمني لك التوفيق سيد بيه اعملو حسابكم من السستم.

الرد على زائر

#9

مختاار 05-07-2013 09:0

سير سير يا برير جيب مواسير يا برير الي التدمير يا برير ملك التصفير يا برير

الرد على زائر

#10

كتوش 05-07-2013 08:0

كلامك زين الهلال بوابة الاحتراف لاوربا لكن .. للبجتهد ويلعب بمسئولية وتالق مش يمشي اوربا يمشي القمر ذاته ..

الرد على زائر

#11

عبدالعزيز 05-07-2013 08:0

أي لاعب لديه طموح للعب في أوروبا لا يمكن أن يكون بالسذاجة ليعتبر أن اللعب بالسودان سيكون بوابته الى أوروبا...هؤلاء طموحهم محدود لأنهم أدرى الناس بحدودامكانياتهم، ومسألة أن السودان بوابتهم لأوروبا"طق حنك ساكت".

الرد على زائر