اعلام المريخ جعل الطاهر محمد عثمان يهذي "عجباً"
تلاطيف السبت ... ايهما افضل لك ان تتزوج ... المرأة العاطلة ام العاملة ؟؟ ....
يكتبها / الواثق عبد الرحمن ابو هبة
شيخنا قال لينا انتو هرفتوا
اراكم يا مباديل كلكم خرفتو
شيخنا يا شيخنا، ات كان شفتوا
بتجدع الكراس والفكي تكفتوا
ود الرضي ، مشوار نضيد من عبقرية الابداع السوداني في فترة الحقيبة ، ازهى فترات الغناء السوداني ، له العديد من القصائد المغناة ، كل واحدة تزري بالتانية وتشير اليها ، ان انا الاجمل والاحلى والاكبر اثراً ووقعاً ، تيه واتاكى ، يلوحن لي حماماتن ، الاسكلا وحلا، انا في التمني ، الناحر فؤادي ، ست البيت ، حمام الايك سجعة ، والكثير المثير الخطر .
نستعرض واحدة من اغانيه الخالدة وتروي الحكاية ان ود الرضي احب احدى الحسناوت واراد الاقتران بها غير انه عاد من سفر له فاكتشف انها تزوجت ، مر من امام منزلها ذات شوق وصبوة، وكانت المنازل تصنع ابوابها من الاخشاب ومطارق الشجر، فرآها ، رأى المحبوبة الضائعة ، فوصف ما راى وامتعنا معه بعد ان خلد قصته بالنص البديع ، ليالي الخير جادن ، قال ود الرضي :
شفت الحسن الحافل رافل
في تياب العز والعز كافل
رانع واحل..... تائه غافل
لادن هادل ....ضامر كافل
........................
شفت في الاحلام ظبي يتهادن
برخيم نغمات...... خلي تهادن
عبرات الشوق...... بي ازدادن
تلكم احلام......... ليت تمادن
............................
يريد ود الرضي لاحلامه بالاقتران بالفتاة التي عشق ان تستمر ما دام الواقع الماثل كتب قسمتها لغيره وجرعه ويلات الحسرة والندم ، وابقى لنا هذا الفن البديع والنظم الرفيع ، شكراً عمنا ود الرضي،،، رحمك ربي بقدر ما قدمت لامتك من فن باق ، وشعر جميل معبر .
البعض ...يفضلها عاطلة
+ قبل ايام كنت اتناقش مع الصديق ياسر مختار مؤسس ورئيس تحرير صحيفة كفر ووتر الالكترونية التي شبت عن الطوق كاملة مكملة ، شافية وافية ، عبر موقع فيس بوك الاثيري الشهير ، في اثناء الونسة صرخت فجاة اصبر يا ياسر ياخ الحلة ، الحلة حرقت ، كانت المدام قد وصتني على ملاحظة حلة لها لم تكتمل ، والله ياجماعة بس اتابع النجاض ،المدام سوتا ومشت عيادتا ووصتني عليها ، زي التكنو ما حاصلة أي حاجة ، يا واثق عليك الله تابع الحلة دي واوعك تحرق، لالا لا ياخ ، والله ما سويتا انا ، المهم لحقت البقية الباقية من الحلة ، بعد ان جف ماؤها واصبح صعيداً زلقا ، ياسر ضحك عندما اخبرته بالحكاية ، ومن ثم افتتحنا حواراً حول ايهما اجدى امرأة عاطلة ام شغالة ، الكثير من اصحابي واقعيين وعملين ومواكبين العولمة يقول ليك يا زول هوي الزمن ده ما في راجل براهو بقدر يفتح ليهو بيت ،،،،، الا يكون مع الجماعة ،،،،ولي صديق نظريته مختلفة ، معقول يا واثق اتزوج لي زولا بقى انا موضوعوا الاساسي في الدنيا دي لا شغل ولا مشغلة ، مشيت ناس فلان ليه ، ولبست القميص المخطط ليه، والشغل ده فتش ليك واحد غيروا ، وكيف تمشي النادي تخلينا برانا ، انا يا واثق يا اخوي ما بقدر علي ناس مفارق وين مخلينا ديل ، يا عمي ، هوي ، المرة الشغالة اول حاجة بتدخل قروش ، يعني نقاطة ، نمرة اتنين بتجي البيت مهدودة ، حيل شكل ما عندها ، بعدين ياخي عندها صرفة مع زميلاتا والنقة ضاربة مع بعض فلانة ما دفعت وفلانة ما سوت ، ياعمي تفتح مواضيعا وتنساني شوية ، وبين ديل وديل ، البعض يفضلها عاطلة ، متفرغة ليهو ، البيت مرتب ، والقيافة حاصلة والحنة نقش ، اها كدي انا واصحابي ديل خلونا ، انتو رايكم شنو .
+ الطاهر محمد عثمان خبير التحكيم بقى خبير التطبيل والزهو والاعجاب ، جابوهوا في التلفزيون يحلل تحكيمياً ، بطل شغلتوا وقبل على العجب ، الزول لعاب ، الزول زكي ، الزول خطير ، هوي يا زول لما انت تعمل كده امال ناس احمد محمد احمد ومزمز ديل يشتغلوا حكام ، معقولة بس هرشة واحدة خلتك شاعر عديل كده ، علي اليمين صحافة المريخ دي خلي بالك سرها باتع ، وحبرها نافع ، مع التحية للعمدة سعد النافعاب .
+ المريخ الغني ، الملان كاشات بتقلل النقاشات ، كدي نقفلوا ، بي طوابقوا السمحة ، واستادوا البيوجب فيهو الضهر بالليل ده ، ونعمل جرد ، شن جاب سوا ، سبعة ممتازات ، طلعوا بي واحد ، عن طريق البونية ، خطافية من قلق للكورة جابت ممتاز ، عكاز همد تم الناقصة ، وزولكم مزمل قعد للحكام ، وبس رجعتوا الخرطوم شداد قال تاني مزمز مقصورة نهي ، امرقوهو على المساطب الشعبية ، وصاحبك قال ما دام شعبية النحضرا مع بسبوسة ونستنى الاجاويد ، وما اكثرهم ، المريخ ، البقعد الناس مع واليه وما بقوموا ده خراجوا شنو ، قعد وارغو وماقام ، كلتشي وما قام ، وارغو وما قام ، والنتيجة ، كشات انصاص الليل وبطيح من ابوعزي شديد بالحيل ، ودموع كاربوني ، وقشقيش المناديل .
+ حبيب البلد وقفت يوم ، ان شاء الله وقوفا ده يجيب ليكم الكاس ، عينك في الترجي تطعن في داؤود ، ياخي والله الجرايد دي حمالة اسية خلاص .
+ شاب مفتول العضلات تقدم لخطبة فتاة ، الوالد سألوا يا ابني انت هلالابي والا مريخابي ، صاحبنا قال مريخابي والد العروس قال ليهو مبروك ، بعد الزواج العريس اكتشف انو نسيبوا هلالابي متعصب ، صحاف عديل كده ، يا ابو النسب وكت انت هلالابي شديد كده كيف سالتني وقلت ليك مريخابي وافقت لي على طول ، الحاج اخد ليهو ضحة وقال للعريس هوي يا زول انت البصبرك على مريخ كاسروك اده ما بصبرك علي بتي ، ها زول مبروووووك .
وانفرا بيناتنا المدى
حمت المدن غنيت عليك
ما جاني رد غير الصدى
........................
انت البتلهمني الحروف
انت الختام... والمبتدا
وانت الزهور من طلتك
شالت عبيرا ومشهدا
.......................
فنانوا الكريمات مفسدة للذوق العام وخطر داهم على الاجيال
قناة زول ما فيها زول ولا شروق في الشروق
كاسروقا قاسم مشترك في زيجة هلاريخية
بعد شامبيون "فرفور" و تونة "افراح" اعلانات هيثم والعجب في خطر
قناة زول ما فيها زول ولا شروق في الشروق
كاسروقا قاسم مشترك في زيجة هلاريخية
بعد شامبيون "فرفور" و تونة "افراح" اعلانات هيثم والعجب في خطر
حركتك جبانة
في الاسبوع الماضي ، اتلبسنا وقشرنا، شي جلاليب ، بيضاء ومكوية ، شيء بناطلين مكوية بعناية وقمصان بي كم وناس نص كم لزوم الساعة باليمين وكده ، المهم ، مظاهر التحضيرات عالية ومكربة ، لازم طبعاً، ابو العروسة صاحبنا، رفيق مشاوير الخدمة الطويلة غير الممتازة طبعاً في دهاليز الغربة ، غربتنا الابت تكمل دي ، واظنها هي العايزة تكملنا ، ده فهما، انا عارفا الغربة دي ، وبنبه الشباب من دون فايدة ، هوووي يا واثق عايز تمشي البلد ابقى مارق براك ، نحن لا معاك لا حاجة ، نقبل وين ، بيوت ما عندنا، دقسنا واتلحسنا ، مرقنا خلينا البلد ميممين شطر الريال والدولار بدون فائدة ، والناس الخليناهم ورانا طلعوا مفتحين ، واحدين قلع ساي رواكيب والحكومة تصادق ليهم ، واحدين يسمعوا بي كوبري جاي بعد سبعتاشر سنة ، و(يبصروا) من بدري ، ناس حريفة ، وفي ناس قدمت في السكن الشعبي ، في الاول كان تشوفوا بعيد ضارب الصي ، تشوفوا برة المدينة ، المدينة ، خرطوم الجن دي براها جاتو ، زمان قالوا لينا الثورة الكم وسبعين قلنا ليهم معقولة بس ، هسة المية ومييين ما لامين فيها ، ها زول ها ، نحن ما راجعين ، خلينا هنا ، نربي اولادنا ونرجى قسمة المولى ، انا سرحت ، مشيت بعيد ، خلوني في الموضوع ، مشينا الحفلة ، عشاء فاخر وونسة ممتعة ولمة وجوه سمراء وطيبة وجميلة ، بعد شوية نادونا، ابقوا داخلين على الصالة الحفلة بدت ، الاضاءة بهرجة عديل والديكور جميل وجذاب ، بس المغني ، وااااااخ من المغني ، كمل كريمات البلد كلها، والشعر عاني مع الجل وعانى منو الجل ، زولك بدا كويس ، انا من صفاك مسحور ، وانتشينا معاهو ورددنا ، والناس امورها امور ، والله فعلاً الناس امورها امور ، ابتهجنا للاقتباس والتاثر بروح القرآن والعقيدة ، انا ما بسيبو هواك ، اذا السماء تمور ، يا سلام علي ناس الحقيبة ياخ ، ود الرضي وابو صلاح والعبادي وسيد ، كلهم ياخ ، ناس خطيرة وعجيبة ، قراية شوية ، وابداع كتيييييير ، المهم المغني بتاعنا ، زاتو ما غيروا ، ابو كريمات داك ، فجاة غنى ليهو غنية ، عجيبة غريبة ، الاولاد ينططوا لي فوق ، لا لا ما صقرية ، ولا عرضة ، شيتاً كتر ، شيء بعرفوا براهم ، والكلمات ، اقولا ليكم ، ياخي والله خايف عليكم ، علي الناس السمعت اب داؤود و ابو عفان والشفيع ، حرام اولادكم يسمعوا زي ده وينبسطوا من زي ده ، المغني ، العجيب ، ابو الكريمات ، غنى ليهو غنية ، اااااخ ، قال لا فض فوه حنجرته الغبشاء ،(( عايز اكون معاك واضح ،،،واقول ليك بي امانة ،،،، عمليتك ما ظريفة،،، وحركتك جبانة )) ، هوي يا الفنان يا ابوكريمات ، اسمعني النقول ليك ، والله انت ده ، الحركتك جبااااااانة . من سيرة شيخ شعراء الحقيبة...محمد ود الرضي
محمد ود الرضي ...شيخ شعراء الحقيبة ، واحد من الذين شكلوا ذاكرتنا الوجدانية ، وعلمنا الانحياز للجمال ، وافتتح مدارس محو الامية العاطفية السودانية ، لم يتلق تعليماً نظامياً ، لكن نفسه تثقفت من روح القرآن في خلاوي ام ضواً بان ، وحا يبين كمان وكمان ، ود الرضي تشكلت روحه الشعرية منذ ميعة الصبا وبواكير الايام ، في الخلوة بدأ نزق الشاعر ولوثة الشعر، ضج منه الشيخ ، فكي الخلوة، وضاق من تفلت روحه المتمردة ، فانتهره ، فماذا قال ود الرضي ، صاغ شعراً يلخص الحكاية : شيخنا قال لينا انتو هرفتوا
اراكم يا مباديل كلكم خرفتو
شيخنا يا شيخنا، ات كان شفتوا
بتجدع الكراس والفكي تكفتوا
ود الرضي ، مشوار نضيد من عبقرية الابداع السوداني في فترة الحقيبة ، ازهى فترات الغناء السوداني ، له العديد من القصائد المغناة ، كل واحدة تزري بالتانية وتشير اليها ، ان انا الاجمل والاحلى والاكبر اثراً ووقعاً ، تيه واتاكى ، يلوحن لي حماماتن ، الاسكلا وحلا، انا في التمني ، الناحر فؤادي ، ست البيت ، حمام الايك سجعة ، والكثير المثير الخطر .
نستعرض واحدة من اغانيه الخالدة وتروي الحكاية ان ود الرضي احب احدى الحسناوت واراد الاقتران بها غير انه عاد من سفر له فاكتشف انها تزوجت ، مر من امام منزلها ذات شوق وصبوة، وكانت المنازل تصنع ابوابها من الاخشاب ومطارق الشجر، فرآها ، رأى المحبوبة الضائعة ، فوصف ما راى وامتعنا معه بعد ان خلد قصته بالنص البديع ، ليالي الخير جادن ، قال ود الرضي :
شفت الحسن الحافل رافل
في تياب العز والعز كافل
رانع واحل..... تائه غافل
لادن هادل ....ضامر كافل
........................
شفت في الاحلام ظبي يتهادن
برخيم نغمات...... خلي تهادن
عبرات الشوق...... بي ازدادن
تلكم احلام......... ليت تمادن
............................
يريد ود الرضي لاحلامه بالاقتران بالفتاة التي عشق ان تستمر ما دام الواقع الماثل كتب قسمتها لغيره وجرعه ويلات الحسرة والندم ، وابقى لنا هذا الفن البديع والنظم الرفيع ، شكراً عمنا ود الرضي،،، رحمك ربي بقدر ما قدمت لامتك من فن باق ، وشعر جميل معبر .
البعض ...يفضلها عاطلة
+ قبل ايام كنت اتناقش مع الصديق ياسر مختار مؤسس ورئيس تحرير صحيفة كفر ووتر الالكترونية التي شبت عن الطوق كاملة مكملة ، شافية وافية ، عبر موقع فيس بوك الاثيري الشهير ، في اثناء الونسة صرخت فجاة اصبر يا ياسر ياخ الحلة ، الحلة حرقت ، كانت المدام قد وصتني على ملاحظة حلة لها لم تكتمل ، والله ياجماعة بس اتابع النجاض ،المدام سوتا ومشت عيادتا ووصتني عليها ، زي التكنو ما حاصلة أي حاجة ، يا واثق عليك الله تابع الحلة دي واوعك تحرق، لالا لا ياخ ، والله ما سويتا انا ، المهم لحقت البقية الباقية من الحلة ، بعد ان جف ماؤها واصبح صعيداً زلقا ، ياسر ضحك عندما اخبرته بالحكاية ، ومن ثم افتتحنا حواراً حول ايهما اجدى امرأة عاطلة ام شغالة ، الكثير من اصحابي واقعيين وعملين ومواكبين العولمة يقول ليك يا زول هوي الزمن ده ما في راجل براهو بقدر يفتح ليهو بيت ،،،،، الا يكون مع الجماعة ،،،،ولي صديق نظريته مختلفة ، معقول يا واثق اتزوج لي زولا بقى انا موضوعوا الاساسي في الدنيا دي لا شغل ولا مشغلة ، مشيت ناس فلان ليه ، ولبست القميص المخطط ليه، والشغل ده فتش ليك واحد غيروا ، وكيف تمشي النادي تخلينا برانا ، انا يا واثق يا اخوي ما بقدر علي ناس مفارق وين مخلينا ديل ، يا عمي ، هوي ، المرة الشغالة اول حاجة بتدخل قروش ، يعني نقاطة ، نمرة اتنين بتجي البيت مهدودة ، حيل شكل ما عندها ، بعدين ياخي عندها صرفة مع زميلاتا والنقة ضاربة مع بعض فلانة ما دفعت وفلانة ما سوت ، ياعمي تفتح مواضيعا وتنساني شوية ، وبين ديل وديل ، البعض يفضلها عاطلة ، متفرغة ليهو ، البيت مرتب ، والقيافة حاصلة والحنة نقش ، اها كدي انا واصحابي ديل خلونا ، انتو رايكم شنو .
مضخة...... خرافية
يضخ قلب الانسان يومياً 22000جالون من الدم ، أي 8,030،000جالون في السنة ، أي 481،800،000 جالون خلال ستين سنة هي متوسط عمر الانسان ، وهو ما يزن نحو 345،000طن ،،،،ترى هل تستطيع أي مضخة اخرى مهما بلغ شأن صانعيها وتقدمهم العلمي ان تقوم بمثل هذا العمل الشاق لمثل هذه الفترة الطويلة دون حاجة الى اصلاح او صيانة ، الغريب قلب الجن ده بعد ده بحب ، الله يرحمك يا حسن الزبير ، قلبي ده يستاهل الشقى والعذاب ، يستاهل اكتر من كده . تلاطيف التيوة
+ قبل كم يوم كده ما عارف لاقاني تصريح لنجم ابوعزي ، قصدي الود نجم الدين القال نطا بالماسورة داك شان يمرق من غرفة الهلال الى غرفة المريخ ، طبعاً دي اول مرة في حياتي اشوف لي ماسورة تنزل بي ماسورة ، المهم في الموضوع ، زولكم نجم ابوعزي ده اتاري عينو قوية خلاص ، وبصرح كمان ، ياخي ده مفروض تكون اغنيتوا المفضلة ما بقدر اقول لا انا ما بقدر اصرح ، يمكن زول يفوت يمكن قون يجرح ، ياخ الدنيا دي بقت في حاجات عجيبة ، الود نجم الدين بصرح عن الكنفدرالية قال مريخابية ، الغريبة برضوا في منتخب المحليين شفت ليكم زولكم زاتو ، ما غيروا ، وبرضوا بيصرح ، مسكينة يا بلادي ، ياكي المرقتي من بطولة المحليين بدون (حمص) ..المهم زولكم ده انا بنصحوا ، كدي قبال النضمي راجع شريط الترجي في الخرطوم ، وشوف انبراشتك الروشة ، اللافيها لمحة ذكاء لا فيها توقع دي ، سببت كم مطرة حجارة ، ياخ بالله عليك ، استحي شوية ، بسييييييييييييت .+ الطاهر محمد عثمان خبير التحكيم بقى خبير التطبيل والزهو والاعجاب ، جابوهوا في التلفزيون يحلل تحكيمياً ، بطل شغلتوا وقبل على العجب ، الزول لعاب ، الزول زكي ، الزول خطير ، هوي يا زول لما انت تعمل كده امال ناس احمد محمد احمد ومزمز ديل يشتغلوا حكام ، معقولة بس هرشة واحدة خلتك شاعر عديل كده ، علي اليمين صحافة المريخ دي خلي بالك سرها باتع ، وحبرها نافع ، مع التحية للعمدة سعد النافعاب .
+ المريخ الغني ، الملان كاشات بتقلل النقاشات ، كدي نقفلوا ، بي طوابقوا السمحة ، واستادوا البيوجب فيهو الضهر بالليل ده ، ونعمل جرد ، شن جاب سوا ، سبعة ممتازات ، طلعوا بي واحد ، عن طريق البونية ، خطافية من قلق للكورة جابت ممتاز ، عكاز همد تم الناقصة ، وزولكم مزمل قعد للحكام ، وبس رجعتوا الخرطوم شداد قال تاني مزمز مقصورة نهي ، امرقوهو على المساطب الشعبية ، وصاحبك قال ما دام شعبية النحضرا مع بسبوسة ونستنى الاجاويد ، وما اكثرهم ، المريخ ، البقعد الناس مع واليه وما بقوموا ده خراجوا شنو ، قعد وارغو وماقام ، كلتشي وما قام ، وارغو وما قام ، والنتيجة ، كشات انصاص الليل وبطيح من ابوعزي شديد بالحيل ، ودموع كاربوني ، وقشقيش المناديل .
+ حبيب البلد وقفت يوم ، ان شاء الله وقوفا ده يجيب ليكم الكاس ، عينك في الترجي تطعن في داؤود ، ياخي والله الجرايد دي حمالة اسية خلاص .
+ شاب مفتول العضلات تقدم لخطبة فتاة ، الوالد سألوا يا ابني انت هلالابي والا مريخابي ، صاحبنا قال مريخابي والد العروس قال ليهو مبروك ، بعد الزواج العريس اكتشف انو نسيبوا هلالابي متعصب ، صحاف عديل كده ، يا ابو النسب وكت انت هلالابي شديد كده كيف سالتني وقلت ليك مريخابي وافقت لي على طول ، الحاج اخد ليهو ضحة وقال للعريس هوي يا زول انت البصبرك على مريخ كاسروك اده ما بصبرك علي بتي ، ها زول مبروووووك .
افراح تونة...افرحتونا
المغنية الشابة افراح عصام ...خريجة برنامج اغاني واغاني للمعتق السر قدور وصنيعته والتي ساهم جمالها وشكلها المبهج في انتشارها اضافة الى اقترانها بالملحن القدير احمد المك ظهرت هذه الايام في دعاية لاحد انواع التونة...صديق معجب بالفنانة قال لي يا دوووب اكتشفنا مزايا التونة ...وقبل ايام كان فرفور المغني يقدم دعاية للشامبيون ، اما شركات الاتصالات فرغم تقديمها في ملصقاتها لعدد من الوجوه غير المعروفة في المجتمع الا ان صور الكباتن هيثم مصطفى وفيصل العجب كانت الاكثر لفتاً وتأثيراً ،فهل نستطيع القول اننا دخلنا زمن الدعايات المرتكزة على المشاهير اسوة بجيراننا المصريين . قناة زول...ما فيها زول
قناة زول ابتدعت خطوط جديدة غير مستساغة للذوق السوداني ، مثل تقديم مذيعة سودانية مع مذيع عربي في برنامج ملامحه سودانية مية المية ، دي ما وقعت لي نهائي ، واما قصة تلك الفتاة التي تقف اليوم كله توزع ابتساماتها البليدة على المشاهدين وتقدم مهرجانات الضحك المجاني فهو سخف وتسخيف غريب ومزعج ، هل هذه القناة زول قناة سودانية ، والله انا مستكثر فيها المذيعة سالي ، هذه البنت لديها حضور طاغي ، وطلة جذابة ، وثقافة معقولة ، وطلة مريحة ، لماذا ذهبت من النيل الازرق ، الله وحده علام الغيوب . لا شروق في الشروق
بعيداً عن حساسيات كون قناة الشروق مالكها رئيس المريخ جمال الوالي دعونا نتناقش بروية ورؤية ، هل هذه القناة تصنع مشاهدة سودانية مقبولة ، لماذا مذيعات عربيات في برامج سودانية صميمة ، هل هي قناة عربية ، هل استطاعات ان تستقطب مشاهدين عرب وتؤسس لاقتراب اخوتنا في العالم العربي من ثقافاتنا واشياؤنا، هل الامكانات تصنع اعلاماً جيداً ، هل استطاعات الشروق تلبية طموحات من رموا عليها اثقال تطلعاتهم وطموحاتهم في مشهد فضائي ناقل للثقافة السودانية وقادر على تحقيق رؤى جيدة وجديدة في المشهدين السياسي والرياضي ، ان هي الا اسئلة ، تنتظر الاجابات . نص جديد
لما الدروب صعبت عليوانفرا بيناتنا المدى
حمت المدن غنيت عليك
ما جاني رد غير الصدى
........................
انت البتلهمني الحروف
انت الختام... والمبتدا
وانت الزهور من طلتك
شالت عبيرا ومشهدا
.......................
دعاء
اللهم يا حنان ، يا منان اغفر لنا ، وتولنا بجزيل مغفرتك وموفور رضوانك ، والهمنا اتباع اوامرك ، واجتناب نواهيك ، وارشدنا الى طريق الخير والصواب والاعمال الجليلة .
