وضعت علم جنوب السودان على التذاكر

غانا تستخدم الحرب القذرة ضد السودان قبل المباراة

كفرووتر/كوماسي/ الخرطوم استخدمت غانا الحرب القذرة في مباراتها امام السودان اليوم وقامت بتعديل علم السودان بوضع اللون الاحمر تحت والاسود من فوقه و قامت ايضا بوضع علمها وعلم دولة جنوب السودان على تذاكر مباراة اليوم بدلا من علم السودان

بواسطة : صحيفة كفر و وتر

03-24-2013 07:0 13 0 4700

التعليقات

التعليقات ( 13 )

الترتيب بـ

الأحدث

الأقدم

الملائم

#1

سامي 03-25-2013 08:0

بغض النظر عن الكورة ونتيجتها ، من يرى في الاستهتار بعلم السودان او الإساءة إليه أمراً عادياً فليراجع نفسه، يظهر الغانيين موتورين ليومنا هذا لأننا انتزعنا منهم كاس أفريقيا سنة 1970 - تدرون ماذا فعلوا يومها - عندما اتي موعد التتويج في نهاية المباراة وعزف السلام الغاني كانوا وقوفاً واستلموا ميدالياتهم وعندما عزف السلام الجمهوري السوداني جلس اللعيبة الغانيونا أرضاً - لم تمر تلك الحركة بسلام لأنه صدر أمر جمهورى بترحيل الفريق فوراًإلى بلده - وقد كان- حادثة الأعلام هذه تستحق شكوى من الاتحاد للفيفا - حتى وإن كان نتيجتها إجبار الاتحاد الغاني على الاعتذار فقط

الرد على زائر

#2

كتوش 03-25-2013 12:0

خلاص لقيتوا ليكم شماعة مالكم ومال العلم ح يدقوا ليكم في راسكم البشوف كلامكم ده يفتكروا علم اسرائيل (الله يعمل ليكم ضنب)

الرد على زائر

#3

ماركو 03-24-2013 11:0

أي واحد يقول المنتخب لعب كويس يكون واهم العبره بالخواتيم وين اهدافك فيك اربعه بحاله .. لو كنت ما كويس كان طلعتها 2 صفر اما تكون أسوأ من المتوقع فتكون هذه النتيجه .. حقيقة المفترض تزعل هي دولة جنوب السودان وليس نحن

الرد على زائر

#4

ماركو 03-24-2013 11:0

شكوى جاهز تقلع النقاط براحه ... قوموا لفوا كده بلا وهم معاكم.. لعب عيال بس .. هو انتوا اعصابكم بايظه للدرجه دي ... يكون اللعيبه يا ربي دخلوا الاستاد بالتزاكر .. ما يختوا العاوزينه .. والله احسن ختوا علم جوبا ,, علم السودان خساره في عالم ميته بالطريقه دي .. كان ختوا علامة استفام كان احسن من علم الجنوب زاتو

الرد على زائر

#5

isamsiddig 03-24-2013 10:0

والله احلف لكم طبعوا تذاكر ماطبعوا تذاكر نحن في كرة القدم مش حانتقدم نهائياالا نجيب لعيبة من خارج السودان يلعبوا لينا باسم السودان. والله في العالم كله ماتلقي لعيبة يتهكموا بمنتخب بلادهم زي مانحن بنعمل . ياخ قبل المباراة تبدأ بدل نرفع روح اللعيبة تلقي واحد يقول ليك فريق فيه ضفر ونجم الدين وهيثم وعلاءالدين وبله لايمكن يهزم وواحدزعلان من اختيارهيثم للمنتخب ويتكلم عنه زي كأنما عنده معاه مشكله شخصية.في النهاية ماذدا ماخلي ليه راكوبة من رواكيبهم المدللين المنعمين في الفاضي ناس المعز. فداسي. بشه .مهند.مساوي والنتيجة كالعادة اربعة-اربعة اربعة- اربعة- اربعة- اربعة- اربعة- اربعة- اربعة- اربعة

الرد على زائر

#6

اتبراوي 03-24-2013 10:0

السلام عليكم شباب. اولا الناس اللي ما شافت الكوره ما تتكلم ساااااكت لانو من دون اي عواطف صقورنا قدمو مباراه ولا في الاحلام لعبو بكل عزيمه واصرار ورعبو البلاك استارز ثانيا ان شاء الله تشاهدون تسجيلا للمباراه ولو لا الاخطاء المعتاديين عليها لما ولجت الاهداف. ثالثا لسوء الحظ لم يستفد منتخبنامن الفرص الضائعه ولكم ان تحكمو بعد المشاهده. رابعامع كل ذلك اهنيء اللعيبه على المستوي امام نجوم اوربا والمحترفيين بقياده مونتاري

الرد على زائر

#7

Rami 03-24-2013 09:0

ايه حرب قذرة وحرب نضيفة نحنا مقلوبين مقلوبين مافى داعى للمقدمات زى كل مرة

الرد على زائر

#8

الرشيم الاخضر 03-24-2013 09:0

يأخ ده شنو العبط ده علاقة اللعيبه شنو بالتزاكر يختو علم الجنوب ولا علم اسرائيل قذرة وحرب أنتو ما تتفرجوا في اثيوبيا متصدرة مجموعتها وجنوب افريقيا وصيفتا ومنتخب الأخطاء الاداريه اخد اربعه لا كورة لا اتحاد نافع ما تجلطونا قال قذرة قال

الرد على زائر

#9

sasa 03-24-2013 09:0

معركة من غير معترك وتأليب في غير محله،،6467

الرد على زائر

#10

جلاد الجلادين 03-24-2013 09:0

طيب ما كان تعاقبهم علي فعلتهم هذه بالفوز عليهم .

الرد على زائر

#11

الرشيم الاخضر 03-24-2013 09:0

يا خ ارحمونا من العبط والهبل عمرنا ما حنتقدم اللعيبه دخلهم شنو بالتزاكر يختو فيها علم الجنوب ولا علم اسرائيل اثيوبيا بالمنهجيه والتخطيط السليم متصدرة مجموعتها وبفارق نقطتين من جنوب افريقيا ومنتخب معتصم جعفر ومحمد سيد احمد مهزوم بالاربعه

الرد على زائر

#12

عمر 03-24-2013 08:0

إذا كان الأمر كذلك فقد كان من الأفضل لكرامة السودان وشعبه الأصيل أن لو إنسحبتم.ماهذا الإستهتارواللا مسؤولية؟ بمعنى أن المنتخب الغاني دخل ومحبيه إلى ملعب المباراة وجميعهم أنهم يلعبون أمام منتخب جنوب السودان، لو إنسحبتم إنتصاراً لوطنكم السودان ، لإستقبلكم شعب السودان كله في مطار الخرطوم ولهتفت كلها بأسمائكم فرداً فردا. لكن الوطنية والكرامة لاتشترى . كما أنه لا فائدة ترجى منكم أيها الإداريون والفنيون القائمين على أمر المنتخب. رحم الله أناساًكان همهم السودان وأهله .لا السفر بإسم السودان والإنشغال بالتجوال في الأسواق . ولا حول ولا قوة إلاّ بالله العلي العظيم.

الرد على زائر

#13

أوقجي 03-24-2013 07:0

معليش ... مسألة في غاية البساطة. نحن كمان لما يجي دورنا نرسم على التذكرة خريطة أفريقيا ونشيل منها غانا خالص ... نهائي ما معترفين بكينونة غانا.

الرد على زائر