بشري سارة للمريخاب

طي صفحة الخلاف بين الوالي وعصام الحاج والرئيس يتعهد بحل ازمة الحضري!

كفر ووتر / الخرطوم وضعت مبادرة قطب المريخ الطيب الجزار حدا للخلاف الناشب بين السيدين عصام الحاج وجمال الوالي خلال الجلسة التي جمعتهما امس بدار السيد جمال الوالي خلال اجتماع صلح استمر لثلاث ساعات حضره من حانب الاعلام الزملاء مزمل ابوالقاسم وياسر المنا خرج الاجتماع بتجاوز اثار الماضي وخلافاته وفتح صفحة جديدة مع الوضع في الاعتبار ان يكون الوالي داعما مهما وركيزة لا غني عنها باي حال من الاحوال في مسيرة نادي المريخ تاهبا لانطلاقة جديدة تخدم مصالح النادي نظرا لحاجة النادي له وبعد مصافحة الوالي وعصام الحاج اكد الوالي على دعمه المستمر للمريخ وكشف في الحال عن حله لازمة الحارس المصري عصام الحضري واشاد الطرفين بخطوة السيد الطيب الجزار في جمع جمال الوالي وعصام الحاج على طاولة واحدة وتصفية النفوس ودوره الكبير في طي صفحة الخلاف

بواسطة : صحيفة كفر و وتر

02-24-2013 01:0 17 0 4095

التعليقات

التعليقات ( 17 )

الترتيب بـ

الأحدث

الأقدم

الملائم

#1

العاقل 02-24-2013 04:0

تااااااااااااااااني الحضري هو لعب بعد كلامو ده مفروض ما يدقها بقيتونا مريخ الهوان جبل الجليد قاعد واحسن منو فكونا منو بالله

الرد على زائر

#2

ودجعفر 02-24-2013 02:0

طيب كان جمال الوالى دا مات لاقدر الله فى الوقت الراهن هل سيغلق النادى ابوابه ويقولوا خلاص شطبنا ؟؟؟؟؟؟؟ وهل يمكن ان نطلق علية نادى الرجل الواحد ؟؟؟؟؟ ماهذه الادارات العشوائية والتخلف فى العمل الادارى الممنهج وكيف نقول انه نادى جماهيرى وهو لايملك مصدر دخل ثابت يؤمن له جزء من مصروفاته التشغيلية دعك من موسم التسجيلات كان الله فى عون رياضتنا مادام تديرها مثل هذه العقول

الرد على زائر

#3

أبو ناهد 02-24-2013 12:0

اللهم أصرف عنا جمال الوالي بما تشاء.

الرد على زائر

#4

ودالبقعة 02-24-2013 11:0

دخل غارزيتو مدرب الهلال التاريخ من أوسع أبوابه حسب تقارير نشرتها العديد من المواقع العالمية والتي أشارت إلى انه اصبح أول مدرب فى العالم يقود إضرابا وسط لاعبي الفريق الذي يدربه ونشرت مواقع الكترونية تفاصيل عن حادثه غارزيتو قائلا ان المدرب الذى بلغ الـ 70مطلع فبرابر الحالى اصبح من اشهر المدربين فى العالم ودخل موسوعه غينس للأرقام القياسية والاحداث النادرة

الرد على زائر

#5

شنداوى 02-24-2013 09:0

دخلنا عالم مايسمي بالاحتراف (نص كم ) بالسودان دون أن نبني بنيات تحتيه للاندية ونوفر مصادر ماليه تكفي للحد الادني من الفكرة ... دخلنا هذا العالم إعتمادا علي جيوب الافراد فكان طبيعيا أن تتوقف العجله ويبدأ اللهث خلف من قامت الفكرة علي جيبوبهم برغم ظهزر مصطلح ( التقشف ) الا أنه للاسف جاء متأخرا وبعد أن استشرى مرض الاحتراف في جسد الكرة السودانية العليل أصلا والمفتقر لاساسيات ممارسة كرة القدم من ملاعب وبنيات تقوم عليها كرة القدم . ذهاب السيد /عصام الحاج لمصباح علاء الدين السحرى كان ضروريا لان العجلة توقفت وبالكاد ماشة بالعافية .. لذا الانبراشة ضرورية لان من لايملك قوته لايملك قراره .. لايستطيع عصام الحاج الوقوف أمام سلطان المال وبالمال وحده تقوم الحجج فهي اللسان لمن اراد فصاحة وهي السلاح لمن أراد قتالا ... لكن سؤالي هو مادخل مزمز وياسر المنا هل هم اداريين أم إعلاميين ... ام ان اللعبة لاتدار داخل مجلس عصام الحاج وتحتاج لماسحي الجوخ وراسمي خطا المجلس .. هذا هو العبث بعينه ولن تجده الا في السودان السودان وحده هو المتفرد في كل شيءوبالسودان تجد كل صنوف الهرجلة وحشر الانوف وسؤ الادارة وادارة الافراد للمؤسسات ودونهم يتوقف الحال ...

الرد على زائر

#6

كتوش 02-24-2013 09:0

الحضري ليه حق يطلع في راسكم ويدلدل رجليه ..

الرد على زائر

#7

محمد مصطفي 02-24-2013 08:0

السلام للجميع وللمبدعين مليون تحية ( لافي خلاف ولاشئ والسيدعصام الحاج والوالي سمن بس عشان المريخ عسل والجميع في حضرة المريخ يريد يقدم عمل يليق بروعة وعظمة تحفة البلد ) وبعدين ماصقو المريخ يفلس وعلي العموع يا ناصر بدل تلفزيون سامسونج محتاجين رسيفر ماكس في النص حالتكم صعبة ونشوف نهاية فراش كتاحة يرك وين

الرد على زائر

#8

حنفي بدر 02-24-2013 08:0

السؤال اما كان في الامكان اللقاء في منزل القطب الطيب الجزار ؟ وما حصل يوحي بخطأ عصام الحاج علي د. الوالي !!! هل كان بالامكان ذهاب د.الوالي الي عصام ؟ وفي كل الاحوال يظهر القيل والقال السبب وهكذا السودان قيل وقال ( الغيبة والنميمة ) هي السائدة في بلادنا والعدل المواجهة بمن نقلوا الكلام من والي ... نسأل الله الصفاء بين الجميع بين المسلمين عامة مخافة لله تعالي وليس لغرض دنيوي وهو تعالي المستعان

الرد على زائر

#9

البرنس بس 02-24-2013 08:0

لا يصح الا الصحيح خطوه ايجابية جداّ هي لم الشمل المريخي من جديد لموسمي مستقر فنياّ وادراياّ .. الوالي رئيس الروؤسا ونسخة لاتتكرر وسطر اسمه بمداد من ذهب فى تاريخ المريخ وهي يحدث ثورة التغير والتطوير فى النادي حتي أصبح من أفضل الاندية الافريفية ..يشهد له كل رياضي في السودان بعظمة هذا الرجل وهو الذي اعطي وأجزل العطاء وانفق وصرف على المريخ صرف من لايخاف الفقر كان لزاماّ على اي مريخي داخل المجلس أو حتي خارج المجلس من أن يقف احتراماّ وتقديراّ للسيدد.جمال محمد عبدالله الوالي .. رئيس الروؤسا خطوه موفقه من مجلس المريخ بقياده عصام الحاج .. نتمني دوام التقدم والازدهار والاستقرار فى الزعيم المريخ

الرد على زائر

#10

ناصر 02-24-2013 08:0

حصلني يا عمي الوالي انا فترته خلاص ما بقدر .. ما قلنا ليكم يا وصيفاب عندكم رئيس واحد في الدنيا وهو في الاصل هلالابي .. مزمز ابوالقاسم وعصام الحاج والانبراش والكاش يقلل النقاش ... عصام الحاج قال عاوز يسجل مساوي قال وسيدي بيه يأخي انت مرتب كلتشي ما قادر عليه

الرد على زائر

#11

الحقنا يا بابا جمال 02-24-2013 07:0

واليكم بيحب انيراشة الرجال والتحنيس ناس ودالحاج ومزمز ما بيقصرو

الرد على زائر

#12

مريخابي حفراوي 02-24-2013 07:0

ده الخــــبر البيجيب اجل الصـــفراب يا ناس كفر ووتر احسن اخباركم كلها من نوعية الخلافات الحاصية في المريخ عشان الجماعة الصفراب نفسياتهم تكون عالية والاخبار الحلوة عن الزعيم صاحب الكأسات المحمولة جواً بتعمل ليهم ضغط وسكري ناس السنة الفاتت ما كان لاقين حق سندوتش طعمية جايين اليوم يتكلموا عن الزعيم ... حكم والله تانى اعيد يا ناس كفر الاخبار الحلوة عن الزعيم ابعدوا منها ركزوا في الاخبار السيئة بس عشان ترفعوا معنويات اصحاب اكبر صفر في التاريخ

الرد على زائر

#13

الشافو خلو 02-24-2013 06:0

عصام الحاج شحاد وعينه قوية ، لكن ليه حق عشان عارف الوالي القروش الكان بصرف منها دي (ما ضاربه فيها حجر دقش) وإنما مصدرها ذكر في الصحافة بعد تنحي الوالي.أما ناس مزمز أبو القنابل والشمارات وصديقه ود المنا تمومة جرتق. يا ناس الشهادة العربية والأحياء الراقية أسألوا جدودكم عن (ضاربه فيها حجر دقش) يعني الواحد لو تابعكم ينسى التراث كله

الرد على زائر

#14

ابوبشه 02-24-2013 06:0

امبارح التمرين بفاعل خير

الرد على زائر

#15

Mohamed 02-24-2013 06:0

غايتو رزق يا حضري، صراحة ما فارق من أكرم وقروشه دي تحل يمكن باقي المحترفين كلهم، وعشان كدا إداراتنا دائما فاشلة لانها لا تعرف كيف تتصرف، أنا لو محل الوالي أخليه يمشي

الرد على زائر

#16

واحد سوداني 02-24-2013 04:0

هل كان هناك(خصام)بين الوالي وعصام الحاج قبل نشر هذا الخبر؟ ام اختلاف وجهات النظر في بعض قضايا ادارة الفريق؟ وماذا تم في مبادرة ود الياس السابقة؟ ولنا ان نسأل: هل الاجتماع لانهاء الخصام بين الوالي وعصام الحاج ام لحل مشكلة الحضري ام لاستمرار دعم المريخ من قبل الوالي؟ على كلٍ...فان هناك قضية اخرى وطرف اخر وهو بقية محترفي المريخ الذين ربما ظهروا على الخط مرة اخرى لينالوا حقوقهم عاجلا أسوةً بالحضري، لان (استمرار الدعم) هذي كلمة فضفاضة ربما تكون محصورة في بعض مخصصات الحضري والكوكي.. واتمنى الا يكون حرص الوالي على حل مشكلة الحضري لانه هو من اتى به.. واتمنى الا يكون هدف عصام الحاج هو السيطرة على المريخ وابعاد ابنائه منه باي شكل من الاشكال..وهو لا يملك حق ايجار الملعب للتمارين..والذي دفعه بالامس احد المشجعين كما ذكرت كفر ووتر. عموما وفي كل الظروف فان في الصلح الف خير...

الرد على زائر