رد على مفاوضات الهلال للعجب

المريخ يتدخل لتغيير مسار سيدي بيه ويفاوض مساوي

كفرووتر/وليد ود امين علمت كفر ووتر ان المريخ تدخل لتغيير مسار محترف الهلال سيدي بيه بالاتصال بوكيل اللاعب وعرض مبلغ كبير عليه من اجل تعطيل انتقاله الي الهلال في يونيو المقبل وافادت المتابعات ان شخصية مريخية قد قادت المفاوضات مع الوكيل الى جانب دخولها في مفاوضات مع اللاعب سيف مساوي عبر احد اصدقائه لاقناعه باللعب للمريخ بعد خلافاته مع المدرب غارزيتو وعرض الامر على اسرته خلال الايام المقبلة ردا على مفاوضات الهلال للاعب المريخ فيصل العجب وافادت متابعات كفرووتر ان القيادي المريخي قد عرض مبلغ 800 الف جنية على اللاعب سيف مساوي من اجل اقناعه بترك الهلال التوقيع للمريخ في فترة الانتقالات المقبلة.

بواسطة : صحيفة كفر و وتر

02-22-2013 02:0 24 0 6086

التعليقات

التعليقات ( 24 )

الترتيب بـ

الأحدث

الأقدم

الملائم

#1

أوقجي 02-23-2013 08:0

إنتو سجلتو هيثم ما عشان يلعب لكن عشان يجيب ليكم الدخل وأهي أول مباراة جابت ليكم 275 كدا أصبروا وشوف الجاية وتسددوا الحضري وتدوا هيثم ذاتو حقو قبلما تفكروا تسجلوا زول من الهلال

الرد على زائر

#2

الوهاج الناري 02-23-2013 08:0

خبر طازه ....... سيدي بيه يوافق مبدئيا للتوقبع للمريخ مصدر موثوق جدا جدا

الرد على زائر

#3

weeew 02-23-2013 08:0

واضح انه المريخ مبيت النية .. أولا الهلال لم يفاوض العجب أبداء رغم انه هلالابى واسألوا ناس كوبر عن هلالية العجب ... وبعدين شنو ألجاب سيف مساوي و سيدي بيه للعجب ،العجب على وشك الاعتزال وسيف لسع قدامه المستقبل كله إذا الاستثمار في سيف وليس في العجب .. واضح انه هيثم مصطفى هو مهندس الصفقة ....

الرد على زائر

#4

ود نيالا 02-22-2013 11:0

عجب شنو بالنسجلو انتو ........ وحلال عليكم كل من يرغب لذهاب للمريخ ذي ما جبناهم بنجيب غيرهم يا من لا ترون الا عبر الوقوف في ضلنا

الرد على زائر

#5

خالد 02-22-2013 09:0

العجب ،،، تعال ادحض الهرج دة !!!!!!!!!!!

الرد على زائر

#6

الحقنا يا بابا جمال 02-22-2013 04:0

ادفعو حق وارقو الشجرة وجدو الحضري ووفرو الانكسارة والجري

الرد على زائر

#7

ناصر 02-22-2013 04:0

يا عصام الحاج انت قدار تدفع مرتبات اللعيبة عصام الحضري وكلتشي وباسكال ومقدم العقد لهيثم وشلاليت ..... وانت عملته المهرجان قبل انطلاقة الموسم عشان معسكر تونس ما يطرشق واستادك والكراسي والكشافات محجوزة عليها بامر من المحكمة وكهرباء النادي مقطوعة ما قادر تدفعه واصبح نادي الوصيفاب كله ازمات مالية ..... اما مساوي يا عصام الحاج ما بتقدر علي ثمنه اذا بعته استادك المحجوز عليه والنادي وعشرة لعيبة من لعيبتك ما تساوي مساوي .... ما بتقدر علي البرير يا عصام الحاج ارعي بقيدك وخليك تمشي بجنب الحيط عشان تعيش ما قدر البرير انت يا عصام الحاج من كل النواحي وبلاخص الكاش البقلل النقاش

الرد على زائر

#8

احمد ابوعاصم 02-22-2013 03:0

اقراءوا الخبر الطازج المدرب غازيتو توقف المحترفون توقفوا ومساوي عاوز المريخ وسيدي بيه يغازا المريخ - بسبب الرواتب ومقدم لعقود - المريخ اذا قرر نفذ - الوالي مامات الله يخليهو قاعد وظل يدعم المريخ ويوم مباراة الاتحاد الجميع عرف ان الوالي فعلا رئيس طوالي - وياويلكم من الوالي بعد ان خرج من ستاد المريخ وعرف تماما ان قدره هو المريخ - وشهر 6 قريب - الهلال بقى طارد ودخل المريخ من مبارياته فقط يكفي -

الرد على زائر

#9

ayman 02-22-2013 11:0

هههههههههههههههه منين ياحسرة حليل الوالى كدى ادوا وارغو حقه

الرد على زائر

#10

abuashruf 02-22-2013 08:0

كدا الموت بيكون جماعى الخبت شوية شوية + مساوى يلعب مكان منو؟

الرد على زائر

#11

ابومجاهد/1 02-22-2013 07:0

يا وليد ود امين إذا كان الكاتب شتال على القاريء أن لا يصدق و يحرق الشتل ، من لوصيفنا هذا المبلغ و سياسة التغشف تكذب الشتل و خاصة اليوم جمعه ، و لعلمك في لاعبين في الهلال خط أحمر خليك بعيد الدم ما يرشك .

الرد على زائر

#12

hatim 02-22-2013 05:0

دا الشغل النظيف والبادئ اظلم يا همشرى

الرد على زائر

#13

فرفرة مذبوح 02-22-2013 04:0

دي فرفرة مذبوح من المريخاب. فأميننا البرير ستتوالى خبطاته التسجيلية وسيوجه صفعة قوية للوصيفاب بتسجيل من يريد من لاعبيهم بداية بفيصل العجب وسيجعلنا نسخر من مزمز بترديد "العجب ولدنا". فآن لكل هلالابي أن يفخر بالدرر التي ترصع سماء الهلال من أفذاذ الملاعب المحلية ونخبة مواهب غرب أفريقيا فبريرنا لا يدخر جهدا ولا مالا من أجل اكتمال البدر ولا خوف من تحركات الوصيفاب اليائسة والتي مصيرها الفشل الذريع وسيعود كل من تسول له نفسه الاقتراب من دريانا بخفي حنين، فمن ضم تراوري وسنكارا لن يألو جهدا في سبيل الاحتفاظ بهم ورفاقهم

الرد على زائر

#14

ابراهيم عبداللطيف ود ام ضوابان 02-22-2013 04:0

يا جماعة كفاااااااية كذب العجب مستحيل ينتقل للهلال لكن ممكن جدا مساوي وسيدي بيه يجو المريخ بس العجب لالالالالالا ده مريخاااااااابي اكتر من المريخ ذاااااااااااتو والتحية للعجب العجبني وعجبني وعجبني لانو ما عجب غيرو .

الرد على زائر

#15

النور عز الدين 02-22-2013 03:0

شئ مضحك من جريدة لا تخجل من سمعتها وهمها الأول والأخير هو جني المال بأي وسيلة. المريخ طلب من العجب الاعتزال فكيف يحاول منعه من الذهاب للهلال وماذا يضيف العجب للهلال أو حتي للمريخ الفاشر.... أما الخبر الآخر فلا يحتاج للتعليق. اذا كان الأمر بيدي لصدرت قرار بالإغلاق كل صحيفة لها علاقة بالكره القدم في السودان.

الرد على زائر

#16

واحد سوداني 02-22-2013 03:0

بكل تاكيد نحن نحترم كفر ووتر ونتابع الاخبار عبرها لحظة بلحظة، ومن حقنا كقراء ان نرفض ان تنقل لنا هذه الاصدارة الونسة والاستنتاجات والمكاواة التي تتم بين بعض كُتّابها وبين بعض المشجعين (كخبر رسمي)...مثل هذا الخبر والذي اعتقد انه خلاصة ونسة تمت في مكان زواج او بيت عزاء...وهي عادة درج السودانيون عليها، بمجرد ان يجلس احدهما في اول دقيقتين في مكان المناسبة افراح او اتراح...الا ويبدأ الحديث عن كرة القدم، ويكثر الادعاء بصداقة الاداري الفلاني او اللاعب علان وانهم أسرُّوا له بكذا وكذا، في تقديري ان هذا الخبر حصيلة ونسة تمت في احد هذه الاماكن...ألم تنشر الصحيفة يوم امس تحديداً بان المريخ يعيش ازمة مالية طاحنة قد تعصف بموسمه الحالي تماماً؟ واليوم من اين له ان يوفر مبالغ خرافية لهذه الصفقات المزعومة في اقل من يوم؟ اين اتفاقية الجنتلمان التي أقرّتها ادارتي القمة وكتبتم عنها هنا معلقات كُثُر؟هذا الخبر غير موفق... في زمن غير مناسب...وبطريقة غير مقبولة...لان به اتهام لاكثر من شخص واكثر من مؤسسة!!(كسرة): هناك كلمات او صفات متشابهة الوزن وهي( شتّال،خرّاب،كذّاب،فتّان)... حمانا الله واياكم جميعا منها...

الرد على زائر

#17

عمده 02-22-2013 03:0

هـــذا زمانك يامهازل فامـــــــرحي

الرد على زائر

#18

شعبان شريف 02-22-2013 03:0

غريب امر المريخ!!! بينما الحضري ووراغو يلهثون وراء حقوقهم المادية تلهث ادارة المريخ لاغراء مساوي وغيره ..هذا الهاء وقصر النظر الذي يعطل انطلاقة الكرة السودانية ... علي ادارة المريخ ان تعترف بانها ماعادت قادرة علي تسيير امور النادي المالية لان سداد الدين واجب قبل الدخول في مشاريع جديدة فالعاجز من تسديد ديونه غير مؤهل لمغامرة مادية جديدة...

الرد على زائر

#19

awad 02-22-2013 03:0

عرفتوا معترفنكم طلعوا مواسير فكرتوا في لعيبة الهلال لكن كدى اتخارجوا من الحضري ووارغو اول حاجة .كان عندكم فلوس .

الرد على زائر

#20

أبوعبدالله 02-22-2013 02:0

اكيد هيثم بدأ يتحرك يا البرير (لسان حال البرير) إن بعض الظن اثم وأرجوا ان لا يتم إقحام هيثم في الموضوع واما مفاوضة فيصل العجب هذه كذبة وذريعة والمريخ لا يستطيع دفع فاتورة الكهرباء ناهيك دفع مبلغ كبير للمحترفين كدا خليهم يدفعوا رواتب اللاعبين المحليين وبعدين يفكروا في سيدي بيه

الرد على زائر

#21

صهيب 02-22-2013 01:0

الهلال قادر لاقناع مساوي و سيدي بيه، لكن من فكر مجرد التفكير في تسجيل العجب يكون غير جدير بان يكون من متخذي القرار بالهلال. لان العجب قد انتهى زمنه و سوف لن يفيد الهلال باي شيئ، المريخ كان على وشك شطبه بسبب عامل السن و لكن بسبب تسجيل هيثم ابقى على ةلعجب لتغطية موضوع السن. العجب لا يحتاج لمفاوضات لان المريخ بنفاق كبيريطبل له حتى ينسى جمهور المريخ تسجيل هيثم.

الرد على زائر

#22

أحمد الأصلي 02-22-2013 01:0

يا مريخاب كدي أولن بالتبادي أدو الحضري حقو بعدين تعالوا إتشالقوا... قصة و الله و حكاية

الرد على زائر

#23

صلاحكو 02-22-2013 01:0

كدي حسي أعطو الحضري حقو وبعدين شوفوا حقوق وترعى وبعد كده مبروك عليكم مساوي ولا أي واحد في الهلال دي بقت عقدتكم

الرد على زائر