كفر ووتر ترحب بالكاتب هيثم صديق

نرحب في صحيفة كفر ووتر بالكاتب المريخي الكبير الاستاذ المبدع هيثم صديق والذي ستطالعون زاويته (من هنا وهناك) يوميا اعتبارا من اليوم والتي تنشر في الصفحة الرئيسية علي ان تكون من يوم الغد في قسم المقالات ومرحبا به في كفر ووتر

الحمي النزفية

*لو تذكرون عيد اضحي سابق
*لما جاءت الحمي النزفية
وجاء الاطباء يخوفون الاكيلة
فنزلت اسعار الخراف
وبرد الجو
سياسة التقشف فعلت ذلك بسوق التنقلات
والتسجيلات لللاعبين
من كان يطمع في شراء فيلا من النجوم
لن يستطيع شراء ارضها
ومن اراد توسان فلن يجد امجاد
ففي كل عام كانت هذه ايام المزايدات
والاشاعات والاشعاعات الشماعات
لكن جاء هذا العام للشموع
الجمرة الخبيثة اصابت التسجيلات
فيمكن ان يساهم مهند الطاهر في تسجيلات فريقه
عامن اول قبض كمشة كبيرة
وعلي الحضري دق صدره ودفع رواتب الجهاز الفني للمريخ
من لم يسجل في عهد العديلين
الله يعدلها عليه
............................
الي الان لا نعرف هل البرنس باق
ام له من الايام باقي
غارزيتو ترك تقريره الفني
وغرزة قال سابقا ان البرنس ما عندو دي
(اشير الي سني)
وقال غازيتو الله لا غز فيه بركة ان ما يفعله البرنس
يمكن ان يفعله هو او حمد كمال
وقال وقال
غارزيتو قال والبرير شطب
امل قرأت وبدر كتب
ان كان الاحتكام للتقرير الفني
فوداعا للبرنس
بعد 17 سنة ثانوي يقولوا ليه اوقف
ورائد مدرسة المشاغبين في اخر ايامه
...............................
مصعب عمر يعد الجماهير بالبطولات
لا بالله
هو قايل نفسو جديد والا شنو
اذا كان القول لمن يهدد ب
زعم الفرزدق ان سيقتل مربعا
فابشر بطول سلامة يا مربع
فاننا نقول للبطولات
زعم مصعب ان سيأتي ببطولة
فابشر بطول سلامة يا دور الاربع
...................................
جاءني ولدي شاكيا زميله في المدرسة
شفت يا بابا يوسف ضيع علي قلمي
فقلت له :شنو اي يوسف شغال تضييع
مش كفاية يوسف محمد
.............................
بعد ان اصبح الحافز للاعب علي مسئولية جالبه
فان الجالبين في جلبة
غابت الجلاليب لما مضي الحبيب
وحبيب الحبيب تكعيب
..............................
مسكينة المحبة بتمشي لي ناس ما بتقدر
سادومبا اصبح يا ولداه غير مرغوب فيه
سادومبا اصبح في بمبا
وماخد زمبا
حصل زمن ناس باكمبا
باكمبا بالجنبة
باكمبتين بالجنبتين
اعلاه ابيات لاغنية سودانية سمعتها باضني
من خشم فنانة اريت فيه التراب
رحم الله وردي
وجميلة ومستحيلة
...................
بعد ان كتب قصيدته الشهيرة قرنتية
عاد هاشم صديق ليكتب عن طيارة اليرموك
علي وزن الليمون سقايتو علي يا حاج انا
قصيدة كده(صممت كفي وافردت الاصبع الكبير)
...................................
قال لي:امس مشيت لمعرض اثاث اشتري دولاب
ولقيت ليك الاسعار نار
فقلت له:اها وعملت شنو
قال لي: ولا حاجة مشيت سيكافا..اقصد الدلالة
................................
محي بعبد الوكيل عثمان وصحبه
العميد مكي واولاده
هاهم يعملون لتكريم الغالي الوالي
رغم ان الصفوة تكرم الوالي كل يوم بمحبة لا متناهية
تهتدي بابيات محجوب شريف
لاني مخير فيك
ولاني داير ابقي فيك مخير
كم زمن منك بعاني
ياتو يوم جيتك مغير
الاحباب يكرمون الحبيب
هذا هو العنوان لتفاصيل المحبة
...............................
قالت لي عفاف حسن امين في حوار لي معها
كان في السوبر
(انا مجرمة حب ومحترف ريدة)
مجرم الحب خليناها...لكن احتراف الريدة هل جاءه زمن تقشف
ولمحجوب شريف ايضا نغني
ونحن اذا اختلفنا سوا بنطيع الصاح
وان بتنا القوا بنرتاح
اذا تمن الملح والعيش رضا الشمات
واحسب ان هذا هو (بعشق الفريق ده من صغير)
التحية للاشبال
............................
اعاد المريخ تسجيل سعيد السعودي
وشطب الاهلي شندي عبد الحميد السعودي
دنيا
..............................
شكي لي صديقي من فتاته التي شوكشته
قال باكيا:تصدق اخوها صاحبي وشاهد علي كده
قلت له يا صديقي هاشم ادم راي ضرب المعز للباشا وما عمل حاجة
التحكيم فاشل