بهدفي الطاهر حماد وسانيه

الهلال يهزم النيل ويقترب من حسم اللقب

كفر ووتر/ خاص اقترب الهلال من حسم لقب الدوري الممتاز بعد فوزه على النيل الحصاحيصا بهدفين ددون مقابل في المباراة التي حرت عصر الاربعاء بملعب الكاملين ضمن مباريات الاسبوع الرابع والعشرين للدوري الممتاز لكرة القدم .
جاءت المباراة قويةوعامرة بالبذل والعطاء من الجانبين خاصة من جانب الهلال الذي انهى الشوط الاول متقدما بهدف الطاهر حماد في الدقيقة 30 .. وفي الشوط الثاني اضاف ابراهيما سانيه الهدف الثاني من ركلة جزاء ارتكبت معه في الدقيقة 12 .. بينما اضاع نزار حامد ركلة جزاء ثانية احتسبها الحكم في نهاية المباراة بعد ان قام دفاع النيل بعرقلة لاعب الهلال محمد عبد الرحمن.
بالنتيجة ارتفع الهلال برصيده الى 61نقطة واقترب كثيرا من حسم لقب الدوري الممتاز بينما بقي النيل في نقاطه الثلاثين

بواسطة : صحيفة كفر و وتر

10-24-2012 06:0 26 0 4110

التعليقات

التعليقات ( 26 )

الترتيب بـ

الأحدث

الأقدم

الملائم

#1

ابوياسر 10-25-2012 08:0

المدعو مختار انت جاي تعلمنا اللغة العربية؟ ارجو ان تزكر لنا مستواك الاكاديمي حتي نجيب عليك وبعدين يا اخي من خلال متابعتي انت اكتر انسان بتحزف تعليقاتة لماذا؟

الرد على زائر

#2

ابو محمد 10-25-2012 07:0

الاخت الغالية كتوش الاخوة كتاحة ابو مجاهد الحلفاوي ماركبولو الموج الازرق وكل عشاق اللون الازرق بمناسبة العيــــد أحب أهديكــــــم أجمــــــــل باقــــــــة ورد في الوجــــــود: جذوعـهــــــا لا اله الا الله. غصونهـــــــا محمــــد رسول الله ثمارهــــا سبحان الله. اوراقهــــــــا الحمد لله عروقهـــــــا الله اكبــــرظلهــــــــا الخلود,,,مسكنهــــا الياقوت والمرجــــان جعلهـــــــا الله من نصيبكم وكل عام وانتم

الرد على زائر

#3

محمد مصطفي 10-25-2012 06:0

مش اقترب قول فاز بالكاس حيشارك في الابطال وياخذ 5 صفر من الترجي او مازمبي اوالاهلي ثم العودة للكنفدرالية ومن ثم للممتاذ والساقية مدورة الكلام ده من 85 عام ما الجديد يمكن كاس الاماني مع تحيات ضفر

الرد على زائر

#4

شهاب الحق 10-25-2012 05:0

بطولة الدوري للهلال والعندهم عشم بتعثر الهلال عشم ابليس في الجنة إنشاء الله ولولا التهاون لكانت بطولة الدوري حسمت من مباراة الأمس ولكن العترة بتصلح المشي ويا ناس قريعتي راحت شوفوا ليكم شغلة اقضوها وما تنشغلوا بي بطولة الدوري لأنها خلاص حسمت والله أكبر والنصر للهلال سيد البلد وزعيمها الأوحد .

الرد على زائر

#5

كتكوت 10-25-2012 11:0

يا ابومحمد انت شغال مراسلة في مكاتب صحيفة الصدى نفس كلام مزمزة وشبشبة وحسحسة (حسن محجوب) شابكننا ضفر وما ادراك ماضفر الحكم لو عادل كان ضفر دا اطرد في المباراة عارفو ليه ارجع لشريط المباراة بقول ليك ايه أتمنى تصل النهائي وعشان نتلاقى وما اظن تصل لانك دخلت دور المجموعات بالحظ ساكت

الرد على زائر

#6

ودالبقعة 10-25-2012 09:0

غايتو حكامنا ديل كملو العواره

الرد على زائر

#7

shm ahmr 10-25-2012 03:0

مبروك عليكم المحلى يا صفرااااااب شبهينا واتلاقينا المشكله محلييين وبمساعدة الحكام000

الرد على زائر

#8

زول نصيحة 10-25-2012 12:0

برووووووووووووو---- بااااااااااااااااااااااااااااااااع بنفس منطق الصفراب الجهلة اصحاب الهجين والتاريخ الاسود وهم يتساءلون وبراءة الذئب في عينيهم كيف لحكم ان يحتسب ركلتي جزاء في مباراة واحدة--- اها جاوبوا يا بتوع 2---12 والهجين والهمشرة--- فعلا اذا ساء فعل المرء ساءت ظنونه---

الرد على زائر

#9

مختاار 10-24-2012 11:0

اللييييية يا ناس النيل الوالى زعل منكم و قال ما بديكم حوافز عرقلة الهلال

الرد على زائر

#10

obaid edris 10-24-2012 10:0

بالنتيجة ارتفع الهلال برصيده الى 24 نقطة واقترب كثيرا من حسم لقب الدوري الممتاز بينما بقي النيل في نقاطه الثلاثين ؟ يا جماعة فهمونا حاجة الدورى ماشى مشغلب ولا شنو؟؟؟؟

الرد على زائر

#11

ابو ومضــــــــــــه 10-24-2012 10:0

الكاس كاسنا ونحن اهلوا تستاهل ياسيد البلد لانك هلال الملايين

الرد على زائر

#12

isamsiddig 10-24-2012 10:0

المريخ يهزم هلال الساحل 3/ضفر برضو وقت مادايرين تجيبوها لينا برانا بنجيبها

الرد على زائر

#13

ماركـــــــــــــــــــــــــــــــــــو 10-24-2012 09:0

تصحيح للخطأ الفي الموضوع .. إرتفع الهلال برصيده الى 24 قيراط .. بدل نقطه .. كده عسل بس .. الكاس حا ترجعوا بتين يا بلنتاب .. لسه قاعدين راجين منو راجي عبد العاطي .... نشوفكم السنه الجايه مع مواسير موديل 2013 .... مواسير اليكبستيس ..

الرد على زائر

#14

ماركـــــــــــــــــــــــــــــــــــو 10-24-2012 09:0

والله عدى وراح .... ترن ترن ترن .. قلنا راح مع الايام

الرد على زائر

#15

ود الحسين 10-24-2012 09:0

بالنتيجة ارتفع الهلال برصيده الى 24 نقطة . حاترجعونا لي ورا

الرد على زائر

#16

ابو محمد 10-24-2012 09:0

كلما ارتفع نحيب الإعلام الأزرق كلما زادت فرحة الصفوة أكثر! * خير عاجل: الضفر طار وجمعة احتار!

الرد على زائر

#17

كتاااااااااااااااحة 10-24-2012 07:0

ضربة الجزاء في الدقيقة 5 من الشوط الثاني وليس 12

الرد على زائر

#18

majeed 10-24-2012 07:0

ما قلنا ليكم يا وصيفاب الزموا الجابرة وما تعشموا في كأس الممتاز قلتوا لا .

الرد على زائر

#19

كتاااااااااااااااحة 10-24-2012 07:0

الهلال لم يقترب من حسم اللقب .. الهلال حسم الجمل المفيدة وبالتالي حسم اللقب من الاسبوع 23 واذا الناس الورانا الماشين علي اثرنا ادوهم ثلاثة نقاط هدية برضو الهلال حسم اللقب .. رايكم شنووو ؟؟؟

الرد على زائر

#20

الكك 10-24-2012 07:0

يا أيها الحادبون على الأخلاق و سكان المدينة الفاضلة نريد إحصائية لعدد المباريات التي قادها كمال برو و كم عدد ضربات الجزاء التي منحها للمتباكين على التحكيم

الرد على زائر

#21

ابومحمد 10-24-2012 06:0

الحكم ذبح النيل ضربتين حزاء .حرااااااااام الحكم شكله مرتشي من الرشاشااااااااااااات

الرد على زائر

#22

مانديلا 10-24-2012 06:0

لماذا ضربتين جزاء ... و فى انفسكم الا تبصرون

الرد على زائر

#23

ابوياسر 10-24-2012 06:0

كم انت كبير يا سيد البلد رغم كيد الحاقدين باللة عليكم اللة وروني فريق في العالم يتعرض لمثل هذة المكائد وهو صامد كصمد التاكا وجبل مرة للة درك يا هلال وعزيز انت يا وطني

الرد على زائر

#24

النورالجيلى البشير 10-24-2012 06:0

هزا ما كان متوقع من الزعيم السود انى الهلال سيد البلد .

الرد على زائر

#25

isamsiddig 10-24-2012 06:0

ماتلعبوا بالعقول ياناس كفر ووتر في ناس بيصدقوكم لم ولن يحسم اللقب الا بصافرة نهاية اخر مباراة في الدوري . حتي لو ادوا ناس الهلال اربعة ضربات جزاء في المباراة الواحدة ولو اختاروا منهم ثلاثة نجوم مباراة في المباراة الواحدة.

الرد على زائر