• ×
الثلاثاء 3 أغسطس 2021 | 08-02-2021

سلام تعظيم للكاردينال

سلام تعظيم للكاردينال
 سلام تعظيم للكاردينال

منتخب السودان رائع
ومهند رائع
والهوبة وائعه
ومساوى رائع
والبرنس رائع
والمعز اكيد رائع
والرشيد بدوى رائع
والمعاهو رائع
وكل منتخب السودان رائع
والكاردينال رائع ورائع
وناس الاتحاد مسيخين ويا معذورين او فاشلين
وناس التلفزيون مسيخين ومتخلفين
ومعتصم جعفر فاشل ولا تحضير للمنتخب ولقط لقط وبس
ومازدا يلقط اللاعيبه الجاهزين ويعمل تيم حماسى
والمهم الفوز
ولكن لا يمكن ان ننافس فرق افريقيا القويه دون مباريات تحضيريه
والحماس ما بيجيب بطولات
مصر والكاميرون وتشاد ويوغندا كانوا فى الخرطوم وابينا تلعب معاهم ما عارف ليه
والنتيجه التى حققها ابطال السودان هى من وحى جهود اللاعبين
ولا يمكن الاستمرار فى الطريقه البدائيه
وطريقة الاعتماد على فرق الدورى المحلى غير مجديه
ولماذا نجوم الهلال اكثر عددية فى المنتخب
هل لانهم الاميز
وهذا يجهد الهلال كثيرا وهو مقدم على الكونفدراليه
وسيدا اثبت انه قائد رائع وقد تسبب فى الهدف الثانى
و سيدا اصاب اعدائه بالدهشة
واكيد ستزداد الضغوط على غرزيتو
وتسجيلات الهلال بيقولوا انها ماشيه تمام وقد جملها الغزال وقلب فيها الهوبه ويقولون ا ن فى الطريق محترفين جدد
وتعظيم سلام للكاردينال الرائع والذى يعشق الهلال كثيرا
والبرير يصفه بأنه سواى وليس حداث وما اكثر الحداثين فى هذا الزمان
ولماذا تسجيل هنو مشطوب المريخ الذى رقص على التربيزه والساحة مليئة بالمواهب
والبرير يعد جماهير الهلال بالاحلى ويطالب بالصبر
فهل يفى البرير بما وعد ويظفر الازرق بلاعبين رائعين
وكشف مشاطيب الهلال يعالج بحكمة وحنكه ودون مجاملات
والحمد لله انو خلصنا من هوت وديمبا وفى الطريق توريه و اتوبونج الما دايره حتى مريخ حلفا لانه اسوء محترف فى الدورى العربى
ودائرة كرة الهلال اضعف حلقات الهلال ويجب ان تذهب مشكوره
وغرزيتو يجب ان يحقق نتائج مع الهلال مادامت الدولارات تنهمر عليه
وياادارة الهلال يجب عليكم ان تتقنوا كيفية صياغة العقود
ومن يترك الهلال عند الشده لا يكون هلاليا ولا يجب ان يكون
ولا يجب ان يعمل البرير منفردا فى قيادة الهلال فالحكايه ما رجاله بل مؤسسيه ونحن الهلالاب نبغض كثيرا حكم الفرد فهل أخونا الامين عاجباك هتافات الجماهير لا نريد سباب الدين - المؤسسيه حتريحك كتير
تعظيم سلام للكاردينال الرائع

ختامه مسك:
البيطلب قروشو وقت الحاره ....اكيد ما معانا
والبحرض المحترفين للشكايه ..... ما معانا
والبشتم فى الهلال نحن ما دايرنو يكون معانا
والمبوز والمكشر ... ما معانا
والبدخن ... ما معانا
والمطرطم والمبرطم ...ما معانا
والسياسة سيادا ما داخلين معانا
والموسوس ... ما معانا
والبلاقي الدنيا متجهم .. دا قطعاً ما معانا
والمتلش والمخاصم والمشاكس والمكاجر.....ما معانا
والمقلق... ما معانا
والبحب الشمارات ... ما معانا
والبخلي الهم يعشعش... ما معانا
والمسيخ الجافي ما محسوب معانا
والبخلي الدمعة تنزل ما معانا
والبزيل البسمة.... ما حيكون معانا
والما بيحب الهلال ..... اكيد ما بيكون معانا
والما بيحب الكاردينال ..... اكيد ما بيكون معانا
وخلوا اخلاقكم رياضيه
محمد حسن شوربجى
امسح للحصول على الرابط
 16  0  2369
التعليقات ( 16 )
الترتيب بـ
الأحدث
الأقدم
الملائم
  • #1
    ابو عبدالله / جده 06-07-2012 03:0
    شوربجي لك التحيه - مقالك رائع واعيب عليه فقط تحاملك على البرير ( كيماوي الشعب الازرق ) هذا الرجل يستحق من الثناء والتقدير بس انتظروا ايها الاهله نهاية التسجيلات والتعديلات وبعده يصبح لزاما علينا ان نعطي الرجل حقه بعد ان تروا هلالكم بدرا يتوسط كبد السماء ينبغي الا ننساق خلف الكتابات الحاقده والحانقه على الكيان الهلالي والتي تصور وضع الهلال بالكارثي كما يتمنون في دواخلهم المريضه ينبغي ان ننظر نحن للوضع الحالي في الهلال بعيننا نحن لا بعين الارباب او مرتزقته - الهلال 10 على 10 لمن اراد ان يفهم الحقيقه والهلال سيحصد كل الكؤوس المطروحه داخليا رغم كيد الاعداء - والهلال يا اخي انا شخصيا اعتبر تدحرجه من الابطال الى الكونفدراليه فيه خير كثير لان الرهان على حصوله على كاس الابطال كان صعبا اماالكونفدراليه لهذا العام هي ملك حر وهدية البرير لجماهير الهلال والتي ستفتح الباب للحصول على الابطال العام القادم مباشرة - هذا هو الهلال بوضعه الحالي والذي بات يؤرق مضجع الحاقدين ومعطلي المسيره والغريب في الامر انهم اي الحاقدين السفله يعلمون ويدركون جيدا ان هذا هو وضع الهلال ويعلمون انه سيححق المستحيل هذا العام ورغما عن ذلك يواصلون استهتارهم لجماهير الهلال التي باتت تعرف من هو العدو ومن هو الصليح - اما حكاية هيثم مصطفى وكيف انه ادهش الجميع فهذه ايضا فيها مبالغه كبيره ونفس الناس الذين يتكلمون عن تالق هيثم مصطفى في هذه المباراه هم نفسهم من حمله الى المنتخب لحمايته من الشطب لكن الحقيقه تبقى ان هيثم لم يقدم شيئا في هذه المباراه وبالعكس رايناه يكثر من التمريرات الخاطئه ورايناه يفقد كرته بكل سهوله واذا كنت تقيم مشاركته خلال شوط كامل بالضربه الركنيه فهنا اقول لك انت لا تعرف كيف كان يلعب هيثم سابقا - ابو عبدالله / الكاهلي
  • #2
    قريب الله الحاج على 06-06-2012 03:0
    [SIZE=7] يلا يا كاردينال يلاك تعال نبنى لى مجدالبلد وسيد البلد ياهوالهلال ************** بلا يا كاردينال مد ايدك لصلاح وامشوا فى درب الصلاااح ما اصلوالصلاح درب الهلال ****** وما تنسوا ابدا ود ملاح والسمانى وطيب النجاح وطه داااك النورو لااح وودالبرير وحسن هلاااال ******** يلاااا ياكاردينااال قومااك تعال نبنى لى مجد الهلااال اصلوالهلاااال قلعة رجااال واصلو الهلاال حلوالخصااال واصلوالهلااال يا هوالقيم يا هو المثاااال ياهوالهلااال كل الجمااال يلا قوماااك يا كاردينااال اصلو الهلال سيد البلد حبيب البلد مافيش مثاال ********** شوف السمااا مليااان نجوم الا الهلال واااااحد الهلااال قريب الله حاج على 0912715774 ASDNA22@YAHOO.COM
  • #3
    ميسي 06-04-2012 09:0
    ناس راسها فاضي زي الكاردينال--الارباب بقول للاعب امشي وقع--والشغلة ما مختاجة اجتماعات ونفير وتبرعات وجرسة--ياخي الما قدر الهلال يتخارج--وعشان ما تهتفوا(للعوقة الكاردينال)فالكاردينال كان ممول الصفقة يعني قروشو ديون على الهلال--عليكم الله عاينوا لصورتو وتلك النظارة الشمسية(معقولة بس)احيييييي (معاك معلم)
  • #4
    عزالدين سيد وديدي 06-04-2012 03:0
    (الراجل قاصد نجوم المباراة وهم ديل - ولم يكن عنكبه ولم يكن بله ولم يكن الشغيل ولم يكن الزومه والحقيقه حقيقه بقى المنتخب من الهلال تقدر تقول حاجه كم عدد لاعبى الهلال ؟~؟؟؟؟~؟ اسال نفسك ايها الدلقون قال وطنى قال) اعلاه رد من أحد المعقبين على تعليقي حول المقال بدون تعليق؟
  • #5
    كتوش 06-04-2012 03:0
    كتر خيرو يااخونا المهم انو رجع مهند ماقعد اتكتف ويعاين من بعيد ذي غيرو .. وين حبايبي كتاحة واب جاكوما وابو عبدالله وحلفاوي وبقيت العقد الفريد
  • #6
    الكاردينال 06-04-2012 12:0
    شكـراً شكـراً يا ابني ماعملنا غير الواجب تعال المكتب استلم الظرف بتاعك من الاستقبال ــــــــــــــــــــــــــــــــــــــــــــــ عملتها ظااااهرة...... يا تلجة
  • #7
    نميري 06-04-2012 11:0
    يا شوربجي يا غبي الحق ما عليك علي إدارة كفر ووتر العميله التي تساعد علي نشر الفتنه والشتات واشعال الحروب اللهم دمر هذه الصحيفه العميله ياااااااااااااااااااااارب
  • #8
    عزالدين سيد وديدي 06-04-2012 09:0
    انت مجرد من الوطنية وحتى في حالة فوز المنتخب تذكر لاعبي الهلال وتمجدهم كانهم فريق الهلال ومصيبة السودان تأتي من أمثالك ضيقي النظرة فلماذا ذكرت مهند والمعز ومساوي والبرنس والرشيد بدوي والمعاه فقط هل منتخب السودان مكون من اربعة لاعبين ومعهم مذيع.دائما مقالاتك شوربة واستغرب كيف يتم نشر مثل هذه المقالات ذات النظرة الضيقة في موضوع قومي
  • #9
    Z 06-04-2012 08:0
    مستوى كتابة ردي وطبعا كالعادة ناس كفر ووتر ما ينشرو كلامنا...انت شخص تدعو للفتن وليس للوطنية ... مواضيعك غير مرتبه وليس لديك اي هدف محدد في الكتابة واللوم ما عليك ولكن على ادارة الموقع التي تسمح لك بالكتابة.. في وقت يحتاج كل السودانيين للتجمع والالتفاف حول المنتخب..في وقت لا تدعمه الدول .. ولم يكن ماذدا موجود لم نكن نرى حتى لاعبي الهلال الذين تتكلم عنهم كابطال وتركت اخوانهم الذين دافعو عنهم امثال(بله وحمودة والزومة والشغيل وعنكبة) وحتى الاحتياطي شاركو اخوانهم في دعم المنتخب .. ايه الكاتب ايه رايك في رجعة قسطنتطين انت كاتب حاقد على المريخ وجماهيره ولا تري شي غير الهلال وبنوع هذه الكتابات الغير السوية سوف يكون للكل رؤية غاتمة على هذا الموقع العظيم. اننى ارى الكل شارك في الانجاز واتمنى ان ارى السودان في كاس العالم وحتى لو كان لاعبي الفريق من الهلال اوالضعين
  • #10
    Gafar 06-04-2012 07:0
    ولأول مرة يصدق الكاردينال ويفى بما وعد ... من زمان قلنا ليك خليك صادق شوية .. أخيرا سمعت كلامنا !!!!!!!
  • #11
    مصطفى 06-04-2012 06:0
    يا سلام يا رائع . والله الكاردنال ده يشبه الهلال وهو ابن حلال وما حيخلى فى اى اشكال وهو يعشق الهلال . ونبارك له مقما محبة كل عشاق الهلال .
  • #12
    سليمان عبده سليمان 06-04-2012 06:0
    مهند رااااااااااااااااااااااااااااااااااااااح ممكن تسجلوا حبيبته نووووووووووووووووووووووور يا دلاقين
  • #13
    اسماعيل محمد الفاتح 06-04-2012 06:0
    شكرا للكاردينال جو عين الدلاقين ومطبلاتية الارباب شكرا للكاردينال وطنى وهلالابى مع الوطن هو من سيحفز اللاعبين وهو من اشترى كل التذاكر الشعبيه ومع الهلال هو من رجع ولدددددددددددددددددددددددددنا مزمز مهند راح عليك وباقى نوووووووووووووووور
  • #14
    كامل حمد 06-04-2012 12:0
    سلام تعظيم للاخ شوربجي كلنا معاك في حب الكاردينال رجل المواقف ورجل الافعال وليس الكلام والجعجعه الفارغه في اعتقادي انه لم يمر رئيس للهلال يحب الهلال من اجل الهلال فقط بعد زعيم امة الهلال الغائب الحاضر في قلب كل هلالي الطيب عبدالله عليه رحمة الله ويمكن ان نستثني قاهر الظلام المرحوم عبدالمجيد منصور الذي كان مستعد لعمل اي شيئ من اجل الهلال لهما الرحمه اتمنى من كل قلبي ان يجد الاخ اشرف سيداحمد الكاردينال الفرصه في رئاسة نادي الاغلبيه ونادي الحركه الوطنيه هلال الملايين ونتمنى اذا تم هذا الامر ان يقف الجميع معه عسى ان تعود ايام زعيم امة الهلال . كامل ابراهيم حمد _الشارقه
  • #15
    ابو محمد 06-04-2012 12:0
    شنو الهباله دي يا شورابي ؟؟ بالله عليك ده اسلوب ده ؟ ده شنو الكلام الدوراب ده ؟ انت مشكلتك انك مقنع نفسك انك ممكن تكتب شئ لكن للاسف انت ولا شئ ولا تعرف شئ ولا يمكن ان يطلع منك شئ , وكسير الثلج للكاردينال ده بطلو يا متملق , لان انتصار الفريق القومي كان بعرق وتعب ابطالنا المحاربين في الميدان جميعا وبدون فرز وامشي كسر ثلجك ده بعيد يا منتفع
أكثر

جديد الأخبار

اعلن الفنان محمد عيسي عن تقديم ترشيحه لرئاسة المريخ وذلك خلال الانتخابات المقبلة ومعلوم ان عيسي دعم المريخ خلال فترة الوالي

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019