• ×
الجمعة 29 مارس 2024 | 03-28-2024

البرازيلي يستعد للبطولة الافريقية عبر الممتاز

يعثة المريخ تغادر إلى ودمدني ظهرا لمواجهة الافيال ،وريكاردو يجهز البدلاء ويرفض التعثر ونزيف النقاط!!!

يعثة المريخ  تغادر إلى ودمدني ظهرا لمواجهة الافيال ،وريكاردو يجهز البدلاء ويرفض التعثر ونزيف النقاط!!!
كفر و وتر/الخرطوم  لم يستهك مدرب المريخ البرازيلي ريكاردو الكثير من الوقت بعد عودة الفريق من مدينة دنقلا أمس الأول وأخضع اللاعبون لتدريب أمس أعتبر أساسيا قبل مواجهة جزيرة الفيل مساء غد على ملعب مدينة ودمدني لحساب الجولة الثامنة من الدوري الممتاز وشهد المران مشاركة الأساسيين اللذين منحوا راحة في مباراة هلال دنقلا في بطولة الكأس والتي أعلنت عن تأهل الفريق لدور الستة عشر ومواجهة هلال الساحل في الخامس والعشرون من الشهر المقبل وكان ريكاردو قد منح الفرصة في مباراة هلال دنقلا لعدد من البدلاء بهدف تجهيزهم ودفع بفيصل موسى ، مصعب عمر إلى جانب الشغيل وراجي عبد العاطي وأديكو وأستهدف ريكاردو منحهم مزيدا من الجاهزية للإستفادة منهم في المواجهة الأفريقية الصعبة أمام مازيمبي الكنغولي خواتيم الشهر الجاري بلوممباشي ويركز ريكاردو كثيرا على مباريات الدوري ليستعد بها للمواجهات الأفريقية المرتقبة ويقاتل المريخ على ثلاث جبهات في الممتاز وكأس السودان بعد العودة والمشاركة والبطولة الأفريقية
بعثة المريخ تغادر ظهرا وتحل بإمبريال
تغادر بعثة المريخ ظهر اليوم متوجهة إلى مدينة ودمدني لمواجهة جزيرة الفيل غدا لحساب الجولة الثامنة من الممتاز وستحل البعثة بفندق أمبريال كما درجت دائما وسيؤدي الفريق تدريبه الختامي على ملعب المباراة مساء اليوم هو الآخير قبل مواجهة الأفيال مساء غد وطالب ريكاردو من نجومه مضاعفة المجهود محذرا من التعثر ونزيف النقاط مبينا أن المباراة تمثل طريقا لإتجاه واحد ولا مجال للتفريط والتعثر مبديا إحترامه لفرقة الأفيال مؤكدا ثقته الكاملة في نجوم فريقه وتقديرهم للمسئولية مشددا على تقديم أفضل مستوي .
المريخ يفقد قائده وظهيره الدولي
يفقد المريخ في مباراته أمام جزيرة الفيل جهود قائده فيصل العجب الذي أقصي بالبطاقة الحمراء في مباراة هلال دنقلا أمس الأول في بطولة كاس السودان وهي البطاقة الأولي للاعب طوال تأريخه في المنافسة ولن يكون العجب بطبيعة الحال متوجدا في قائمة المدرب غير أنه أبدي إستعداده لمرافقة البعثة ومؤازرة زملائه ويفقد المريخ أيضا جهود ظهيره الدولي بله جابر المصاب وكان اللاعب قد غاب عن مباراة الجولة الماضية ومباراة الكأس وعوضه المدرب براجي قبل أن يستعين بخدمات عبد الرحمن كرنقو في شوط اللعب الثاني وينتظر أن يدفع ريكاردو بأحد النجمين لتعويض غياب بله جابر .
ريكاردو يدفع بالتشكيلة الأفريقية
يبدو مدرب المريخ مشغولا بمباراته الأفريقية أمام مازيمبي غير أنه لم يغفل الإهتمام بمباريات الدوري وسيدفع في مباراة الغد بالتشكيلة الأفريقية التي سيعتمد عليها في مباراة مازيمبي وتتكون من أكرم الهادي سليم ، نجم الدين عبد الله ، باسكال سيرجي واوا ، موسى الزومه ، نصر الدين الشغيل ، سعيد مصطفي ، أحمد الباشا ، مايك موتيابا جوناس سكواها كليتشي أوسونوا.
امسح للحصول على الرابط
 9  0  4394
التعليقات ( 9 )
الترتيب بـ
الأحدث
الأقدم
الملائم
  • #1
    بكري عبده 04-17-2012 06:0
    عليكم الله اعزلو ليكم حكم يكون مقاسكم وسافرو بيهو لمدنى عشان ما تجو بعد بكره تبكو لينا وتجعرو , انتو عارفين فريقكم متهالك وتعبان .. آل التحكيم آل !! ياخى جبنا ليكم الغندور .. اتغلبتو !! جبنا ليكم المهنا .. اتغلبتو !! لعبنا ضدكم قبل كم سنه فى كاس افريقيا والحكم ما سودانى .. اتغلبتو !! لعبنا ضدكم فى الخليج والحكم ما سودانى .. برضو اتغلبتو !! تانى الاتحاد ولجنة التحكيم الا يقولو ليكم كورتكم حيحكمها ريكاردو ورجال الخطوط مزمز وابو شيبه . ولا كمان قولوا لينا ( بشه) ما يلعب ... أيوه قولوها عديييييل كده .
  • #2
    كتاااااااااااحة 04-17-2012 04:0
    اني داع فأمنوا ...ان شاء الله الافيال تدهسهم !! قول آآآمين يا ماركو
  • #3
    بكري عبده 04-17-2012 11:0
    كان قايمين ببص افراس , عليكم الله خلوه يشغل ليكم شريط بشه - غايتو عندو حلاة اغنيه !! يالله ... ما متذكرها كويس لكن مطلعها بقول : ظلمونى ليه ليه ليه ..يا بشه ليه تعمل كداااا . الخازوق تجو مشغلنها من مدنى كمان خاصة وانها فيها سيرة ( الفيل) على جيهة آخرها .
  • #4
    ابو مؤيد 04-17-2012 11:0
    ريكاردو ضيع الهلال باسامة التعاون وداير يضيعنا الان بموسى الزومة واصراره عليه - يا ناس مافي رجل رشيد يتلافانا
  • #6
    ماركو بولو 04-17-2012 09:0
    هلال 2012 ضد هلال 2007 نحن وين؟...وهم وين؟. جمال الوالي في البدء حاول ان يجعل فريق المريخ متميزا بالاستاد ...والمقصورة ...والنجيلة الطبيعية. لكن اكتشف اخيرا ان مثل هذه الاشياء لا تصنع له (انجازا). وجمال الوالي عاوز المريخ يلعب زي الهلال. الحاجة البعملوها ناس الهلال ...اعملوها لي. موسي الزومة المرة دي سبق المدرب ...وقال لي جمال الوالي ...زي الهلال دي صعبة علينا. الوالي قال ليه صعبة ليه؟. موسي الزومة قال لي جمال الوالي ناس الهلال ديل عندهم مدرب عالمي ...مدرب كبير اسمو (ريكاردو). لو عاوزني نلعب زي ناس الهلال جيب لينا (ريكاردو). ريكاردو قال ليه ناس الهلال عندهم (هيثم مصطفي) حفظه الله ورعاه. جمال الوالي وضع ايدو في رأسو..وقال لي ريكاردو ...لا دي صعبة عليّ.. لكن اجيب ليكم هيثم مصطفي ...دي كتيرة عليّ. ...الليلة موش نحن لاعبين مع (اولادنا).هلال لاعب ضد هلال.
أكثر

جديد الأخبار

..................... .................... في اطار سعيها الجاد في تدعيم اللجان الادارية استطاعت مجموعة التجديد لجماهير نادي الهلال للتربية التي..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019