الشروق تقدم 750 الف دولار لنقل الدوري الممتاز

الاتحاد السوداني يمهل قناة الجزيرة حتي صباح الغد

كفر ووتر / الخرطوم يتوقع اتحاد كرة القدم السوداني ان يحدث جديد اليوم في تعاقده مع قناة الجزيرة الرياضية بشأن بث مباريات الدوري الممتاز .. حيث قرر اتحاد الكرة منح القناة القطرية الفرصة حتي نهاية اليوم وصباح الغد ، وفي حال لم يتسلم العرض الرسمي سيبدأ بالخطوة الاخري وتفيد المتابعات ان الاتحاد فتح قنوات اتصال مع قناة الشروق حول امكانية شراء القناة لحقوق بث البطولة وتردد ان قناة الشروق عرضت مبلغ 750 الف دولار مقابل بث الدوري وخلال الساعات المقبلة ستتضح الصورة بشكل تام

بواسطة : صحيفة كفر و وتر

03-04-2012 09:0 31 0 7283

التعليقات

التعليقات ( 31 )

الترتيب بـ

الأحدث

الأقدم

الملائم

#1

صالح عثمان سعيد 03-05-2012 07:0

ايه رايكم في كل مدن العاصمة المثلثة تكون هناك مقاهي لنقل المباريات المشفرة في أماكن مفتوحة للجمهور وبسعر رمزي جدا حتى تتمكن أكبر شريحة من الأمة المغلوبة على أمرها في المشاهدة صاحب المقهي يستفيد من المبيعات والجمهور المتواجد مبسوط ورايق.

الرد على زائر

#2

ودمريودة الصادق صديق 03-05-2012 11:0

الجماعة ديل ما ردوا ليكم لسه ياناس الاتحاد - والله مهزلة - هههههههههه

الرد على زائر

#3

ابو ومضة 03-05-2012 10:0

معتصم جعفر مشغول بشركاته (شركة جعفركو ومؤسساته في الحصاحيصا)والدوري يغور في ستين داهية وكمان هو منتخب يعني كدا كدا مكمل الفترة خاصة ان حوله جماعته (محمد سيد احمد حالات سالبة) طيب يامحمد احمد دي ماحالة سالبة الدوري في الاسبوع الثاني والتلفزة مامعروفة لمين (اذهبوا غير ماسوف عليكم)

الرد على زائر

#4

كامل ابراهيم حمد 03-05-2012 09:0

السلام عليكم ورحمة الله تعالى وبركاته يا اتحاد يا عام لقد تعشمنا ان نستمتع بهذا الموسم في بلاد الغربه ولكن يأتي الاتحاد بما لا نشتهي نحن.. ياجماعه حرام عليكم اذهبوا غير ماسوف عليكم واعطوا العيش لخبازو حتى ولو ياكل نصفه...اليوم يبدأ الاسبوع الثاني وحتى الان لم يتم توقيع عقد مع اي قناة.....حراااااام كفايه لعب وكفايه استهتار بمشاعر الملايين يا اتحاد اولاد العم...يا معتصم ما عذبتنا.

الرد على زائر

#5

ابو عبدالله / جده 03-04-2012 07:0

والله العظيم هذا الاتحاد مرض مرض مرض - دا شنو دا ديل كانوا وين من زمان ما عارفين انه الدوري حيبدا - اعتقد انه قناة الجزيره من الذكاء بمكان لان تفهم الوضع السئ في الاتحاد وعدم التخطيط ويفهمون جيدا كيف يصطادوا الفرص - وفي ظل هذا التخبط والعشوائيه سيكون عرضهم عطية مزين - واحسن بدل البهدله للجمهور السوداني تاخده قناة قون او الشروق - ديل كانوا مشغولين بي شنو ديل - الهبر واللغف نساهم واجباتهم - شانهم في ذلك شأن وزراء حكومة الانقاذ اللا وطني كلهم بقوا تجار وراسماليه ومشغولين بالمال مما انساهم شئون الوزاره وواجباتها تجاه الوطن والمواطن

الرد على زائر

#6

أبو المعالي 03-04-2012 07:0

يا رب يا لطيف بعبادك ناس الجزيرة ما يستجيبوا لطلبكم الجشع والشعب السوداني الغلبان يشوف دوريه زي كل خلق الله ما بشوفوا دوريهم مجان وغير مشفر

الرد على زائر

#7

essam 03-04-2012 06:0

بالله دا إتحاد كمان الإتحاد العام ماقادر يوقع عقد بث والدوري في الإسبوع الثاني دي نيجة طبيعية لإتحاد فية الأهل والغرائب تقول نحن في السوق عيب عيب عيب عيب جزيرة شنوا رغم تحفظاتي على قناة الشروق لكن هي الأفضل في الساحة السودانية من حيث الإمكانيات فقط إنشاء جماعة محمد سيدأحمد يصحوا لملايين السودانيين الخارج الوطن يشاهدوا دافوري شوية كمبلت0

الرد على زائر

#8

وطنى 03-04-2012 04:0

بسم الله الرحمن الرحيم اقول الى موقع النيلين بانها كسبت معلق ممتاز احلاقه ممتازه تعليقه جميل وهو الاخ كتااااااااحه ثانيا اخم مانديلا كلامك صحيح 100 مائة 00 وطنـــــــــــــى

الرد على زائر

#9

مانديلا 03-04-2012 02:0

النقل عن طريق قناة الجزيرة كله سلبيات أولا القناة منحازة . ثانايا قناة ساخرة خاصة منا كسودانين .تمر القناة هذه الأيام بالتشويش دائما .. علاوة على ان كثير من الأخوة السودانين لا يستطيعون شراء الباقة مما يعرضهم لأراقة ماء الوجه لهثا عن مشاهدة المباريات او الحرمان .. نتمنى ان يغير الأتحاد رايه فى هذه القناة الفاشلة

الرد على زائر

#10

هلالى 03-04-2012 02:0

الشروق حايشفروها هاهاهاهاهاهاهاهاها

الرد على زائر

#11

ابوعبدالله / الرياض 03-04-2012 02:0

ان شاء الله العقد مع الشروق او قوون او ان شاء ساهروون ولا قنوات الجزيره الإستيلائيه المتكبره المتقترصه بعدين الناس البطالب بالجزيرة المشاهدين فى اسقاع السودان ليس لديهم حق المشاهده للدوري السوداني من اين لهم فى الجزيرة

الرد على زائر

#12

وطنى 03-04-2012 02:0

بسم الله الرحمن الرحيم الدورى المصرى السعودى كل الدوريات العربية تنقل دوريها اما السودان يشيل الاتحاد السودانى ( القفه ) ويبدا يشحذ وابن تذهب الفلوس لا ندرى 0 المهم عند الاتحاد الفلوس اكثر من شعب السودان الكادح الهلكان وكمان ياتى يدفع الى شركة هى الاولى فى الاستفزاز للسودانيين 0 اكثر شئ اتعجب لسكات الرياضيين والله والله لو انا فى السودان لكسرت جميع اجهزة الجزيرة 0 ياخوان صدقونى سوف يستفذ السودان اكثر من ذلك وطنـــــــــــــــى

الرد على زائر

#13

التميمي 03-04-2012 02:0

الدوري عشان يدوه للشروق العملية أصبحت زي إنتقال اللاعبين ( يعني نظام التخزين ) خزنوه مؤقتا عند الجزيرة وبعدين حلال على الشروق دي لعبة مريخية والمعروف أن القناة يملكها الوالي ( يعني مرة البث على قوون ومرة على الشروق أكيد هذه من ضمن إتفاقية الجنتل مان )

الرد على زائر

#14

الجعلي 03-04-2012 01:0

اتمني ان تتقدم قناة قوون بعرضها مع الشروق حتي يتاح الزمن الكافي من تحليل واعادة للمباريات لا قناة الشروق وحدها لن تتيح وقتا كبيرا للدوري لانها قناة سياسية اخبارية واجتماعية ... يمكن لقوون ان تقدم عرضها للشروق وتعقد معها عقد من الباطن

الرد على زائر

#15

مها احمد 03-04-2012 01:0

لماذا لا يتم عرض وبيع الدوري لكل القنوات الفضائية قوون / الشروق / والفضائية السودانية وكل واحدة تنقل ما تريد من مباريات اسوة بالدوري المصري منها ربح للاتحاد والقنوات ومنها ايجاد فرصة للمشاهد في اكثر من قناة ولكن هل يفكر (تلامذة الاتحاد) في هذا

الرد على زائر

#16

عاشق الموج الازرق 03-04-2012 01:0

دون تحيزات ضيقة ونظرات انتمائية اضيق صدقوني القناة الافيد للرياضة السودانية عامة هي قوون في الوقت الحاضر على الاقل وهذا هو رايي الذي ذكرته في هذا الموقع قبل ايام. تحليل بوقت كافي ووافي نتاجه محللين جيدين نباهي بهم والان اصبح بفضل قوون لنا محللين ممتازين ابرزهم في رأيي لاعب المريخ السابق محمد وكذلك السادة ومحمد موسي والنقر وخالد أحمد المصطفي وكثيرون جدا. واتاحة الفرصة للمعلقين وكذلك اللاعبون والمدربون يراجعون اخطاءهم من خلال العرض المتكرر للمباريات ويمكن لوكلاء اللاعبين مشاهدة لاعبينا خصوصا ان الامم الافريقية الاخيرة أثبتت ان لنا لاعبين يمكن ان يلفتوا النظر. ويكفي اننا لم نصدق ان بقت عندنا قناة رياضية اخيرا. وعموما يمكن اتاحة الفرصة لكل القنوات السودانية واقتسام تكفة البث فيما بينهم وليتنافسوا في ذلك وليستمتع المشاهد بعدة قنوات كما في الدوري المصري. ولو تقاستمها القنوات يمكن لها دفع نصيبها في اقساط ستكون مريحة. عموما لا نعرف الخبايا فالاتحاد عليه ان يصرف على الدوري وعليه ان يدبر المبالغ اللازمة لذلك لا نعرف ظروفها واسبابها التي تدفعها لغير ذلك واللي ايدو في النار مش زي الايدو في الموية.

الرد على زائر

#17

دابي الكر 03-04-2012 12:0

شراكة ذكية بين الشروق وقون والفضائية السودانية سيكون جيداً

الرد على زائر

#18

ابو اواب 03-04-2012 12:0

ياريت الاتحاد يجرب نظام التعاقد المشترك بين القنوات السودانية يعني قنواتنا التلفزيون القومي والشروق وقون والنيل الزرق وغيرها تتعاقد مع الاتحاد كمجموعه . منها المقابل يتوزع بين القنوات ومنها الاتحاد يلقى العائد البيطالب بيه ويكفينا حكاية الحصرى دي والتجربه دي شغالين بيها المصرين عشان كده تلقى الدوري في كم قناة وكم استديو تحليلي مما يعمم الفائدة وبلاش حكاية الجزيرة كفاية الشفناه منها في الامم الافريقية وكمان عشان تجربة قناة قون ماتموت لانها ماقصرت في الموسم الفات رغم الحداثة

الرد على زائر

#19

المعز الرشيد 03-04-2012 11:0

هو الاتحاد كان وين الزمن كلوعشان يجي يفتش هسي ....ياربي اكتشف انو الدوري زمنو جا بعد داك قاموا يفنجطوا...يا حسرة علينا والله يجازي اللي كان السبب

الرد على زائر

#20

الزيدابي - الجزيرة ام طرفة 03-04-2012 11:0

الشروق قناة وطنية ومن المفبرض ان تفوز بنقل الدوري حصريا . والشروق في نقل المباريات لها احترافية ممتازة . نتمنى ان تفوز قناة الشروق ببث الدوري . وزي ماقالوا الاخوه زيتنا في بيتنا ..

الرد على زائر

#21

مغترب 03-04-2012 11:0

الشغلة واضحة من اولها انو الدوري عاوزين يدو الشرق وعرفو الجماعة كيف يخرجوها طالما البرير ماشي مع جمال شوية الهلال حايكون احد افرع المريخ

الرد على زائر

#22

واحد من الناس 03-04-2012 11:0

اعيدوا الدوري لقناة قوون ولو بربع السعر بدلا من الجري وراء قناة الجزيرة التي لاتحترم المشاهد السوداني وليس لدينا ادني شك في افضلية قناة الشروق ولكنها قناة سياسية في المقام الاول وليست متخصصة في الرياضة كقناة قوون

الرد على زائر

#23

ساكواها و كدا 03-04-2012 10:0

غايتو يا ناس الإتحاد حيرتونا .. طهوركم و عرسكم في يوم واحد !!

الرد على زائر

#24

تاجوج 03-04-2012 10:0

نضم صوتنا لصوت ود البقعة ...ونتمنى أن تكون الشروق هي القناة الناقلة للدوري.

الرد على زائر

#25

ابواكرم 03-04-2012 10:0

المشكلة فى قناة الشروق هى غير مختصه بالرياضه وذلك نفضل قنوات الجزيرة الرياضيه كما ان التشفير يحفظ حقوق الاندية والله الموفق

الرد على زائر

#26

ibrahim 03-04-2012 10:0

لا حول ولا قوه الا بالله والله كنت بتمني قناه الجزيره تنقل الدوري لحدي متين حتفضل نظرتنا ضيقه كده دي قناه عالميه والكل حيشاهدنا شروق شنو عليّك الله

الرد على زائر

#27

كتااااااااااااااااااحة 03-04-2012 10:0

الدوري في الاسبوع الثاني ونحن لسه بنتفاكر ونتشاور ونتعاقد مع المحطات الفضائية ... يا عالم لماذا نحن دائما خطوة الى الامام وخطوتين الى الخلف ؟ الناس دي كانت نائمة؟ ارحمونا يرحمكم الله المرة الجاية سنرشح الحجاج بن يوسف لمنصب رئيس الاتحاد السوداني اخجلوا !!!!!!

الرد على زائر

#28

ابو مؤيد 03-04-2012 10:0

شكتكم على الله خليتونا نشترك في باقات الجزيرة الرياضية ؟؟ كان توضحوا ان الموضوعات محاولات

الرد على زائر

#29

ابوالفاضل 03-04-2012 10:0

يارب تفوز الشروق عشان نحظي بمشاهدة رايعة وخصوصا الاسبوع التاني مهدد بعدم النقل اذا اخذت الجزيرة حقوق البث.

الرد على زائر

#30

محمد ابراهيم 03-04-2012 10:0

] الأفضل [B][B]لنا ولقنواتنا كسودانين أن يتم التعاقد مع قناة سودانية ، والشروق وللإمانة أفضل القنوات الفضائية الآن في السودان ، وما قصروا معانا في نقل المباريات الودية فيالفترة السابقة

الرد على زائر

#31

ود البقعة 03-04-2012 09:0

والله نتمنى مشاهدة الدوري من خلال قناة الشروق واثبتت التجارب انها الافضل في بث المباريات واهو زيتنا في بيتنا

الرد على زائر

أكثر

الشروق تقدم 750 الف دولار لنقل الدوري الممتاز

الاتحاد السوداني يمهل قناة الجزيرة حتي صباح الغد

جديد الأخبار

افراح القطب الهلالي الكبير صابر شريف الخندقاوي

كوليبالي يطلب مليون دولار

للمشاركة والمتابعة

أقسام الصحيفة

روابط مهمة

رسالة الصحيفة

مواقع التواصل