بوادر ازمة جديدة بين المريخ والاتحاد العام

المريخ يرفض مساواته مع بقية اندية الممتاز في توزيع عائد النقل التلفزيوني للدوري الممتاز

كفر ووتر /الخرطوم افادت الاخبار ان ادارة المريخ تفكر جادة في التنسيق مع ادارة الهلال حول عائدات النقل التلفزيوني بالنسبة لمباريات الفريقين في الدوري الممتاز ..
ويعتبر المسئولون بنادي المريخ ان قسمة حقوق البث لا تتناسب مع الجماهيرية الكبيرة للناديين وان جماهير المريخ تمثل الثقل الكبير وسط المدرجات فلا يعقل ان تتساوي مع بقية الاندية ذات الجماهيرية المحدودة ..
وان للمريخ التزامات شهرية لا تقل عن نصف مليار شهريا مقابل التزاماته تجاه الجهاز الفني واللاعبين الاجانب والمحليين .. فيجب ان يكون عائد التلفزة يوازي هذا الصرف الكبير
وليس من العدالة ان يتساوي عائد المريخ مع عائدات باقي الاندية والتي ليس لديها التزامات بهذا القدر ..
وتشير المعلومات ان ادراة المريخ ربما دخلت مع صدام عنيف مع الاتحاد العام في حال لم تجد الموافقة وان تصعد الامر وترفض تلفزة مباريات الفريق في الدوري الممتاز

بواسطة : صحيفة كفر و وتر

01-22-2012 11:0 14 0 4167

التعليقات

التعليقات ( 14 )

الترتيب بـ

الأحدث

الأقدم

الملائم

#1

ود القولد 01-22-2012 07:0

صفا واحدا خلف أدارة المريخ000 لأننا نطمح لملعب الرديف وأقامة الاكاديميه للناشئين وبطوله جويه أخرى000 فلا يعقل بأن يتساوى ذوى الطموح مع من لاطموح له000 وعلمك فى العلا00 كم رائع المشهد00 ليك أنت الزعامه00 المجد والسؤدد

الرد على زائر

#2

النجم الثاقب 01-22-2012 04:0

ايييييييييييييييييييوه دي القرارات البتنفع مع حثالة المجتمع ديل وطوالي من العينه بالله حتي يذهيوا الي مزبله التاريخ غير ماسوف عليهم مجدي وصحبه .

الرد على زائر

#3

عاشق الهلال 01-22-2012 03:0

فلنترحم جميعا على روح فقيد الشباب سمو الامير فيصل بن فهد ،،،،، ورحم الله ايام التسول الدولى

الرد على زائر

#4

بيرلا 01-22-2012 03:0

مفترض الكلام يحصل من زمان =وبدون زعل المريخ يملك احسن استاد في السودان وكل الجماهير تتمني مواجهة ناديها للزعيم عشان يدخلوا المفخرة ويمتعوا انظارهم ويستنشقوا هواء نقي وجمييييييييل- لا بهارات ولا قش= ويعتبروه يوم عيد ليهم = المريخ عالم جميل و------عالم مخيف

الرد على زائر

#5

ابو عبدالله / جده 01-22-2012 03:0

خلاص عائدات البترول المشفوط انتهت ايامها ديك الوالي كان يصرف صرف من لا يخشى الفقر ( كما يحلو لمطبليه ) وكيف يخشى الفقر وخزائن الانقاذ كانت مفتوحه له بس اخم واصرف والناتج طوال فترة رئاسته كاس ممتاز واحد وخارجيا ملطشه ومهزله ومن التمهيدي بطير - اصله سبحان الله المال الحرام ما بودي لي قدام / خلاص الجنوبيين قفلوا مواسير البترول لانه عرفوا انه شعب الشمال ليس هو المستفيد من العائدات - بس المستفيدين هم الاعضاء النافذين في المؤتمر الواطني زي الوالي وما فوقه - والله قاليك عائدات البترول دي بقعدوا ليها بقسموها زي كيمان المراره . والله لو الجنوبيون يعلموا انه المستفيد من هذا البترول هو المواطن المسحوق في الشمال لما اقدموا على وقف ضخ النفط لكنهم كانوا شركاء ويعلمون كل شئ - واقرب مثال قبل كم يوم طبيب الاسنان الدكتور مصطفي اتبرع للمريخ بي ثلاثه مليار يا ناس دا لهف كم من بترول الجنوب البتبرع بي ثلاثه مليار وفي زيه كم لهفه وبعدين الدكتور دا مسكين والله اتلقي صقور الانقاذ لهفه قدره عشرمية مره - خلاص ماف بترول تاني الجنوب انفصل بس داير اوصف لي الجماعه ديل كنز - دارفور وجنوب كردفان والنيل الأزرق قالوا ليك مناطق غنيه جده فيها ذهب ويورانيوم وبترول ركزوا عليها كتير اشفطوها وبعدين كان انفصلوا ما مشكله زي الجنوب - ولا اوصف ليهم كنز تاني قاليك ميناء بورتسودان دا بدخل جنس قروش والله زي بترول الجنوب استولوا عليه اشفطوه ما شايفين ايلا دا عمل الشرق كيف دا مجنون دا قروش زي دي اكبها كلها خدمات للمواطنين لا اشفط ولا ازح ليكم عشان تشفطوا القروش وتشفطوا دم المواطنين ( دا لو لقيتو فيهم حبة دم مع غلاء المعيشه دا ) امشوا الشرق اشفطو بس ما تترددوا وما تخافوا من ايلا لانه الشرق برضه مرشح للانفصال احسن تسلموه ليهم مشفوط - السنه الفاتت القريبه دي كان الوالي بدفع حق التذاكر كلها للمشجعين السنه دي بقى افتش ليها في حقوق البث - ما قلت ليكم الشفاطات اتعطلت - ابو عبدالله

الرد على زائر

#6

ساكواها و كدا 01-22-2012 03:0

جاكم عصام الحاج يا ناس الإتحاد .. سمكرة تاني إلا في االمنطقة الصناعية ..

الرد على زائر

#7

ساكواها و كدا 01-22-2012 03:0

جاكم عصام الحاج يا ناس الإتحاد .. سمكرة تاني إلا في االمنطقة الصناعية ..

الرد على زائر

#8

شقى 01-22-2012 02:0

ياابوسعد اولا كم قالت أدارتك الموقرة أنها سوف تنسق مع الهلال لنه من غير ذلك لايمكن الوصول للهدف خليك فاهم ذى أدارتك وأنتظر حتى طرح أدارتك الأمر على سيد البلد صاحب القرار والنفوذ القوى.

الرد على زائر

#9

شوقي 01-22-2012 02:0

بكرة بنط ليكم عبدالمجيد ويديكم كم قصيده فى الوطنية

الرد على زائر

#10

مانديلا 01-22-2012 01:0

على الرغم من اننا متضررين من عدم التلفزةو امام أمرين احلاهما مر نؤيد و بشدة عشان اتحاد السجم يعرف قدر و قيمة المريخ

الرد على زائر

#11

الزيدابي - الجزيرة ام طرفة 01-22-2012 01:0

ومنذ متى كان المريخ يعتمد على بث مباريات الممتاز وعلى جماهيره ...المريخ سادتي مدعوم دعم لا محدود في شخص جمال الوالي بواسطة المؤتمر الوطني .. الحزب الحاكم في البلد . وعلى ادارة الهلال الا تتحالف مع هذا النادي الضعيف الذي يرقى ويزبد وفي النهاية يجي جمال الوالي بجرة قلم يلقى كل قرارات مجلس المريخ لكي لا يقع في حرج مع حكومة المؤتمر الوطني . على ادارة الهلال ان ارادة التحالف ان تتحالف مع فريق الرابطة كوستى الوافد الجديد للمتاز لان به رجال يعرفون ويحترمون معنى كلمة رياضة موش زي الوالي ركاب السرجين والذي اتي للوسط الرياضي لاجندة يعرفها القاصي والداني . سادتي واحبتى من الاخر كده جمال الوالي غواصة اتى بها قادة المؤتمر الوطني لكي يكون رئيس لنادي المريخ . لكي يفرض المعادلة مع الهلال .. اخيرا بلوا واشربوا تهديداتكم يامزمل والتي تلحون بها في وجه اتحاد ابناء المزارعين اقصد اتحاد كره القدم ,.. الوسط الرياضي بري منكم يامن ضيعتم الرياضة بالسودان . ارزقية ليس الا .

الرد على زائر

#12

عاشق الموج الازرق 01-22-2012 01:0

أتمنى ان يوافق الهلال على لمواساة مساهمة في ترقية مستوى ورفع دخول الاندية الصغيرة مساهمة في تطوير الرياضة وايجاد فرق منافسة تساعد على هذا التطوير.

الرد على زائر

#13

نصـــــر فرحات 01-22-2012 01:0

كلام صاح

الرد على زائر

#14

أبوسعد 01-22-2012 01:0

رغم أننا خارج السودان الحبيب,ونتأثر أكثر بهذا الأمر,إلا أننا نؤيده بشدة في سبيل الحفاظ على حقوق ومكتسبات المريخ العظيم.أيضًا فإن دخول القلعة الحمراء في حد ذاته فخر للداخلين ,حتى من الزرق!! لأنها قلعة خمسة نجوم والتأمل فيها متعة للناظرين(الهليلاب)ودهشة لهم , صرح ممرد إذا دخلوه حسبوه لوحة.أرى أن يكون نصيب الاستاد ضعف ما تناله بقية الاستادات,فلا يستوي عقلًا أن يكون دخل استاد المقبرةالمعبرة , , مساويًا للقلعة المفخرة...وهل من ينزل الهيلتون ككمن ينزل فناق السوق العربي؟؟أو قل :سوق ال...

الرد على زائر