بعد ان بررت قرارها بخطأ طباعي

المريخ يقابل قرار اللجنة المنظمة بسخط شديد

كفر ووتر / الخرطوم قابل المسئولين بنادي المريخ قرار اللجنة المنظمة بسخط شديد وذلك بعد اعتماد اللجنة برئاسة مجدي شمس الدين المحامي والذي قضي باعتماد قرارها بمنع المريخ من المشاركة في كأس السودان العام القادم وتغريمه مبلغ (25) الف جنيه وتبريرها لما حدث بأنه خطأ مطبعي جعل لجنة الاستئنافات ترفض قرار اللجنة السابق .. حيث قال مجدي انهم سيصححوا الامر للجنة الاستئنافات بأرسال خطاب لهم .. ولم ترضي تبريرات مجدي شمس الدين مجلس المريخ ولا قاعدته الكبيرة .. معتبرين ان هذا التبرير فطير ولا يمثل حجة لأقناع احد ..
وان دائما ما تأتي التبريرات نسبة لأخطاء مطبعية ودائما ما تكون في غير صالح المريخ وكأن الامر مقصود .. وقد وعد المسئولون بنادي المريخ برد حاسم وقاطع للاتحاد العام لكرة القدم حول هذا الامر

بواسطة : صحيفة كفر و وتر

12-28-2011 12:0 24 0 4137

التعليقات

التعليقات ( 24 )

الترتيب بـ

الأحدث

الأقدم

الملائم

#1

المهندس 12-29-2011 03:0

هم زاتو المريخ شنو كمان البكتبو ليه خطاب ما يكلموهم ساي

الرد على زائر

#2

محمدقسم 12-29-2011 02:0

رسالة الي مجلس المريخ البحصل ده شنو انتو قائيلين بديرو فريق حواري ده المريخ اعظم نادي في العالم الافريقي والعربي .مامكن الاسمو مجدي يعمل الشي الدايرو. ياناس شبعنا تصريحات وانتم عاجزين عن استرادقيمة المريخ ومن هنا انا بدعو جميع المريخاب الخلص ليس اصحاب الاغراض ان نتحرك في جميع الاتجاهات لحماية المريخ من هذا الاتحادالذي اظهر نوياه العدائية

الرد على زائر

#3

الفاضل العقيد 12-28-2011 10:0

ياجماعه مادام خطا مطبعى لماذا لم تعتذرو من الاول والله ماشفتو الخطاب ومابتراجعو اوراقكم وخطاباتكم يا اتحاد يا فاشل

الرد على زائر

#4

الديامي 12-28-2011 10:0

قال شنو جاك عصام الحاج , والله بنقول ليكم يا مريخاب المريخ كان بقى فاس ما بكسر الراس .

الرد على زائر

#5

ahmed mohammed 12-28-2011 08:0

بصراحة هذا فاشل ويجب قلعة من جذورة وذلك لانة قمة في الفشل وقمة في المحسوبية وقمة في الضعف وقمة في الفساد والدليل ايميل الاتحاد اتمسح في الواقعة اياها والموظف باتحاد الفشل أخطأ وأرسل خطاب بالخطأ في واقعة جزيرة الفيل وواقعة انسحاب أبوالهل من مبارة في الموسك السابق وقد احتسبت النتيجة للفريق الذي حضر ثم الرجوع عن ذلك واعادة المباراة وواقعة الحكم الجزائري المجندل بصاروخ توم هوك سينا برابو والان الواقعة الجديد الخطأ المطبعي بالله عليكم أي خرمجة و أي غباء وسزاجة وقباحة يحملها هذا الاتحاد الذي يتقبح بالقبائح دائما بصراحة هذا الاتحاد الفاشل بامتياز لا يستحق الجلوس حيث يجلس الان ويجب ازالة بكل قوة ورمية في مزبلة النسيان

الرد على زائر

#6

أبو مجاهد 12-28-2011 07:0

أتمنى أن يقاطع الزعيم الكأس بعد القادمة احتجاجا وعقوبة على الإتحاد نفسه .. بدون المريخ البطولة ميته خلي الجماعه يفرحوا بالبطولات الوهمية

الرد على زائر

#7

الصواعق 12-28-2011 06:0

يا ابراهيم عبدالهادي .. انتو ما عندكم الحكومة والحزب الحاكم وخزينة الامن العام في مليزيا.. ومرة مرة خزينة المالية ... من الصحافة عندكم المريخ والصدى والزعيم وعندكم صحافة وصحفيين وصفتوهم بالسالبين... وعندكم القناة القومية وقناة النيل الازرق وعندكم مقدمة برنامج البحث عن هدف في النيل الازرق وعندكم جريدة فنون .. وقناة الشروق...اسسها الحزب الحاكم باسم الوالي... الرئيس طوالي... ما تحمدوا ربنا عايشين سليقة ساكت... لكن يبدوا ان الاهلة مع قلتهم لكنهم مؤثرين وفعالين وان شاء الله سيحطموا كل من يعترض طريقهم... بتمنى الكيماوي يشتغل بلنجات في ناس قريعتي راحت...

الرد على زائر

#8

الصواعق 12-28-2011 06:0

حتى الخطأ المطبعي ده ما بعيد يكون مقصود...وعملوا واحد مريخابي من داخل الاتحاد وما بعيد يكون عمل مسودة الخطاب سرالختم سيداحمد بتاع الحصاحيصا... وخال رئيس الاتحاد...وما بعيد يكون الناسخ ايضا مريخابي ومتفق مع ناس المريخ...(ما أصلوا الاتحاد كلوا مريخاب من معتصم جعفر الي كل اعضاء اللجان المكونة).. نحن كنا بنمثل السودان ولدينا مبارات افريقية هامة وسافرنا قبل سفرنا لمباراة القطن لاداء مباراة في بورتسودان... كان المقصود ارهاق اللاعبين لينهزموا في المباراتين او اقصاء الهلال من منافسة الدوري اذا اعتذر.. الهلال التزم بكل البرنامج المضغوط... وهو يكافح في ثلاث جبهات كاس السودان والدوري وكاس افريقيا... المريخاب عشان عارفنها وما ضامنين اي كاس عام 2012 عايزين من الآن يهدي ليهم الاتحاد كاس السودان الكأس المحببة لهم بالتحكيم او بي اي طريقة كانت.... الغريبة وتأكيدا لهروبهم لم يحتجوا لاحالة الكأس للهلال وانما احتجوا فقط منعهم من اللعب في الكاس عام 2012 - ما بعيد نسمع ان سلطة نافذة قررت ان يلعبوا في الكأس... كدي النشوف ونحن بالمرصاد حتى لأقوى مركز قوة بالحكومة او الحزب الحاكم... الكيماوي ماعندو غير القاضية... وما بعرف يمه ارحميني ... صلاح ادريس كان بيقيف مع عديلوا عديل كده ضد الهلال... وكلتشي خير برهان...

الرد على زائر

#9

أبو محمد 12-28-2011 06:0

يجب على المريخ أن يقبل على العقوبة التي فرضت عليه لأنه انسحب من المنافسة، ولكن هذه العقوبات أين كانت عندما انسحب الهلال من مباراة نيل الحصاحيصا، هل كانت مجمدة في فريزر، يا مجدي لماذا لم تطبق القانون على الهلال. يا مجدي شمس الدين يجب عليك أن تترك وظيفتك في الاتحاد اليوم قبل بكره لأنك غير جدير بهذا المنصب لأنه أكبر منك هذا المنصب يجب أن يشغله شخص محايد، يضع مصلحة الجميع أمامه ولكن شخص يميل إلى فريق على حساب الفرق الأخرى غير جدير به. يا جماهير الكرة السودانية الشرفاء عاوزين تغيير مجدي المناز اليوم قبل بكره. إن شاء الله في الدورة القادمة سكرتير الاتحاد لو كتبه لك بلاتر ما رايح تصله لأنك غير جدير بهذا المنصب.

الرد على زائر

#10

مجاهد 12-28-2011 06:0

انتو ما قلتو ما بنشارك فى كاس السودان الا الاتحاد الحالى دورتو تنتهى مالو بقى ليكم حار والله معتصم يترك الاتحاد دا الا تهبطوا وخلوها مستورة

الرد على زائر

#11

ود القولد 12-28-2011 05:0

أنهم يخشون الزعيم0000 فرحة المسيكناب بالقرار تعنى تخوفهم من ملاقاته000 البطوله ضعيفه وخيرا للزعيم مواصلة الانسحاب حتى فى الاعوام القادمه0000 الزعيم زعيم والوصيف دائما وصيف0

الرد على زائر

#12

الهلالابي 12-28-2011 04:0

لا تخافوا يا مريخاب الإتحــاد العام سيمنحطكم الدوري عبر التحكيم كما حدث العام .. ضربة جزاء على الهلال في شتدي من مخالفة خارج منطقة الجزاء

الرد على زائر

#13

abu ahmed 12-28-2011 04:0

هههههههههه ياخي دى مجلس ظريف فريق ينسحب من مسابقة رسمية ويعلت ذلك على رؤس الاشهاد ولايريد ان تطبق عليه عقوبه!!!! اي جهل هذا واي مصيبه مجدي لم يفعل شيء الخطأ كان من ادارة المريخ عندما خافت ان تؤدي اي هزيمة للمريخ الى فقدان الدوري الممتاز وقررت الانسحاب ورحبت بذلك في بيان رسمي بقرارات الاتحاد ولاندري لماذا الاستئناف اصلاً طالما اعتبر رئيس النادي ان البطولة ميته ولاقيمة لها وان الاتحاد يعمل على ان يفوز بها احد النادين من اجل الدخل ! كلام غريب من ادارة غريبة في بلد الدهشه سودان الدهشه!!!

الرد على زائر

#14

ابو محمد 12-28-2011 03:0

ماهذه العنتريات الم ينسحب المريخ والم يكن يعلم العقوبات التى ستصدر فى حقه بعد ادانته بالهروب من امام سيد البلد .طيب ما قلتوا نوبة ام تريدون العودة لممارسة الارهاب تجاه الاتحاد مرة اخرى بعد فشل الحملة الاولى وكان نتيجتها العقوبات المذكورة؟؟؟؟؟؟؟؟

الرد على زائر

#15

هاشم 12-28-2011 03:0

يجب علي مجلس المريخ عدم السكوت والرد في اطار القانون ولا شي غيرة اول تحدي ياعصام الحاج وانت قررو

الرد على زائر

#16

مانديلا 12-28-2011 03:0

الناس دى ما بتراجع الخطابات قب تسليمها للجهات المعنية ... الطالب فى حصة التعبير براجع ما كتب .. لكن اتحاد السمكرة دا حيرنا ... أحسن حاجة فى ناس الأتجاد ديل .... عزرهم جاهز حتى لو كان أقبح من الذنب .... جاااااااااااااااااااك

الرد على زائر

#17

أبيض ناصع 12-28-2011 02:0

أطفال الحجارة - القانون يسري علي الكل وليست محتاجة لتبريرات ومن المفترض أن تنفذوا القرار وأنتم صامتون ولا كبير علي القانون هل اللجنة أخطأت ما إنتوا إنسحبتوا من المباراة ويجب عليكم تحمل تبعيات ذلك ولا دايرنها بي مزاجكم العام القادم لاتلعبوا أي مباراة وفي النهاية تعالوا يسلموكم الكأس من غير ماتلعبوا إنتو إبن الإتحاد المدلل ولو كان القرار بيد ود جعفر أكيد كان لغي القرار مرة واحدة ضوقوا الألم.

الرد على زائر

#18

طارق جون 12-28-2011 02:0

ياناس المريخ انتو انسحبتو عديل من المنافسة وبدون اي اسباب مقنعة يعني اي عقوبة المفروض تكونو متوقعينهاوالقانون واضح ...بلاش جرسة

الرد على زائر

#19

ابوعبدالله 12-28-2011 01:0

انتو يا دلاقين موش انسحبتوا و لا الحكاية شنوا يا اخي ما تعملوها واضحه و فاضحه الشكاية و الزعل في شنو مباراه مبرمجه من بداية الموسم و انتو عارفين تواريخ المباريات كلها و بعد كده كبيتوا الزوغه و حسي عاملين فيها زعلانين يا اخي صحي الاختشوا ماتوا يخسيييييييييييييييييييي يا بتوع الزوغه

الرد على زائر

#20

تاج السر عابدين محجوب 12-28-2011 01:0

تأجيل مباراة على ما أفتكر بين الزعيم وجزيرة الفيل كان خطأ مطبعي قرارات كأس السودان التي تخص الزعيم خطأ مطبعي ما هذا التهريج يا مجدي يا سمكرجي لماذا لا نسمع هذه العبارات التي يكون طرفها فريقك الهليل يجب أن يتخذ مجلس إدارة الزعيم موقف حازم حتى لو أدى أنسحاب الزعيم في الموسم القادم من جميع المناسبات التي ينظمها هذا الأتحاد الفاشل الذي لا يتأخر في خدمة الهليل لأن جماعة الأتحاد الذين يشجعون الهليل لا يخجلون في كسر القوانين للهليل وعمل السمكرة له اخجلوا على لو عندكم دم أختشوا على دمكم

الرد على زائر

#21

ود قلبا 12-28-2011 01:0

مقصود .... مستهدف .... محسودكلمات سئمنا سماعها من منتسبي "نجمة المسالمة". فريق أنسحب من مباراة معلنة ماهي العقوبة التي تروها مناسبة حتي يستريح بالكم ؟؟؟؟ و هل الخطأ المطبعي اصبح شئ لا يمكن حدوثه و خصوصاً في بلد مثل السودان؟؟ اقتراح اعطاهم كاس الشفتنة و الرجالة و معاهو وسام انحنا فوق القانون من الدرجة الممنازة و ليس الاولي.

الرد على زائر

#22

حسن حلفا 12-28-2011 12:0

والله العظيم دا نفس شغل الصهاينه مع العرب ////يخالفوا القوانين مع سبق الاصرار والترصد ////وينتظروا الفيتو ////وكمان (يدعوت اهرنوت)( أو صدي عوت مريخوت)يزيد من الطباعه الورقيه لزوم العويل والبكاء //ما اصلو العرب عاطفيين ///والفلوس موجوده وما في مشكله

الرد على زائر

#23

عاشق الهلال 12-28-2011 12:0

امك ،،،،، الجماعة اعلنوا الجهاد ،،،، يعنى حتملوا شنوا !!!!

الرد على زائر

#24

ابراهيم عبدالهادى 12-28-2011 12:0

يامجدى شمس الدين جاءك عصام الحاج تانى الا الجرى جبنا ليكم البادبكم ويعرفكم مقام الزعيم العالى يامجدى ياسمكرجى الهلال ان شاء الله الموسم القادم ان شاء الله سوف يتم تنظيف الوسط الرياضى من كل الغوغائين بداية مجدى شمس الدين + صلاح احمد محمد صالح + قناة قوون رمدان+فاطنة + اعلام الضلال ناس الرصيد على صفر وبتاع زفة اقوان الاتشوفو لكم بلد تانية

الرد على زائر