شهدت دخول خالد شرف الدين للمرة الاولي في منصب امين المال

الوالي رئيسا للمريخ بالتزكية والفريق نائبا له

كفر و وتر / الخرطوم/ اعلنت مفوضية هيئات الشباب والرياضة فوز الدكتور جمال الوالي بالتزكية رئيسا لنادي المريخ وفوز الفريق عبد الله حسن عيسي نائبا له ايضا بالتزكية .. وخالد شرف الدين امينا للمال ايضا بالتزكية لعدم ترشح منافسين لهم في الانتخابات وفاز ايضا بالتزكية حسن يوسف للمناشط .. اما علي صعيد منصب الامين العام سيكون التنافس محموما بين الثنائي عصام الحاج وطارق المعتصم .. ايضا قرر السيد محمد جعفر قريش عدم الترشح لدورة المجلس القادم ..وترشح 30 شخص لعضوية المجلس سيتم اختيار 20 منهم للعضوية والاعضاء الذين ترشحوا هم جمال الكيماوي وهشام يسن وهاشم الزين ، وداعه الله ،متوكل احمد على ،هاشم الزبير عمرو الجندى ،احمد يوسف ابوزيد ،محمد بشارة ،مدينه الزنقارى ،دكتورة سامرين محمد الحسن ،عادل ابوجريشة ،الجيلى عبد الخير ،حاتم محمد احمد ،عبد الرحمن زيدان ،فيصل حنان ،عبد القادر همد ،طارق عثمان ،خالد تاج السر ،أسامة الشاذلى ،مولانا عبد المجيد محمد على المستشار القانوني لنادي المريخ ،محمد الريح ،عمر حجوج و مهدى عشم الله.

بواسطة : صحيفة كفر و وتر

12-12-2011 03:0 10 0 5108

التعليقات

التعليقات ( 10 )

الترتيب بـ

الأحدث

الأقدم

الملائم

#1

ماركو بولو 12-13-2011 09:0

بالتذكيه ولبا البلاده ... خلاص البلد عدمت الراجل .. اذا دا حالكم نحن حا نضم فريق الطيشاب دا للزعيم عسى ولعل نقدر نصلح حال جيميهيرو

الرد على زائر

#2

ابو محمد 12-13-2011 08:0

كدا الهلال ضمن الدورى الممتاز لخمسه سنوات قادمه بعد فوز افشل رئيس للمريخ من ناحية النتائج بطولتين فى 9 سنوات والاثنين بمساعدة صديق

الرد على زائر

- 2 - 1
  
  +الصادق عبدالرحمن 12-13-2011 05:0
  
  بالله عليك من افشل السيد الدكتور جمال الوالي ام الملاكم البرير قول الحق ولو كان مر

#3

عبد الله 12-13-2011 08:0

انا عاوز اعرف شنو الحشر الهلالاب هنا ؟؟؟ هذا امر يخص المريخاب الصفوة شنو دخلكم هنا ؟؟ فعلا انتم شغالين بالمريخ اكثر من حبكم لفريقكم حاجة عجيبة يا اخي دكتوراة فخرية .. طيارة قامت .. احنا راضين .. انتم مالكم ؟؟؟ شوفوا رئيسكم .. رئيس العصابة .. وامشوا واره .. احنا راضين انه الوالي رئيس طوااااااااااااالي ... الحارقكم شنو ؟؟ ناس غريبة وعجيبة

الرد على زائر

#4

ابو محمد 12-13-2011 08:0

جماعة الدلاقين دائما عندهم نقص وشاعرين بالدونية لذلك بيدافعون عن الدكتوراة الفخرية التى يمكن ان تنتزع فى اى لحظه من صاحبها كما فعلت الجامعات سابقا مع نميرى وكذلك القذافى اما فريق الاسياد توجد فيه درجة دكتوراة حقيقية وليس مشتراه بالمال مثلا د.قاقرين د.كسلا د.التهامى والقائمة تطول - دائما جماهير المريخ وادارته واعلامه الترويجى يعشون فترة شهر التسجيلات كشهر ترويجى للمريخ وبعدها لم يكن للمريخ ذكره على خارطة المنافسات الافريقية لانه بطير قبل المجموعات ويبقى سيد البلد باقى العام فى دائرة الضو المحلى والافريقى والعالمى والله فرق - والجماعة بينطبق عليهم المثل المصرى ( هبله ومسكوها طبله ) وسلم لى على الدكتوراة الفخرية فى النصب والاحتيال ورشاوى الشركات الهندية .

الرد على زائر

- 4 - 1
  
  أبيض ناصع 12-13-2011 04:0
  
  الجماعة ديل يا أبو محمد خليهم في حالهم أصلوا غير التطبيل ماعندهم شغل ومافي حاجة بتتغير في فريقهم ده وسيرجعوا الموسمم القادم للوصافة تاني ماهي مسجلة بإسمهم ومحطة دور ال 32 في البطولة الأفريقية لن يتجاوزوها

#5

النور يحي 12-12-2011 09:0

الوالي الوالي رئيس طوالي ... والوالي دكتور وبروف عديل ياحبيب

الرد على زائر

#6

عاشق الموج الازرق 12-12-2011 06:0

بالتزكية بالعافية كلكم عيون والوالي حاجب ولا حاجب في المريخ غير الوالي. والعيون عمرها ما تجي فوق الحاجب. الزول ما حيسيب الا يحقق رغبته في الشهرة بما يرضي طموحه والكل يغني باسمه. كدا الرجالة لا بلاش.

الرد على زائر

- 6 - 1
  
  ابوصالح 12-13-2011 08:0
  
  وناس دايرة تظهر بالبونية وناس بلسانها الطويل الأحسن ياتو؟؟؟؟

#7

ناصر 12-12-2011 06:0

الرئيس الوحيد الموجود في السودان يا مرخريخاب ثاني سجمكم ماعندكم شئ ثاني ( عين أم صالح ) مازمي قال .......... طيران من قبل المجموعات

الرد على زائر

- 7 - 1
  
  كفرنجي 12-13-2011 08:0
  
  تم حذف التعليق لمخالفته لوائح النشر
- 7 - 2
  
  ابوصالح 12-13-2011 08:0
  
  انت قاصد مازمبي ابو خمسة الأصلي ولا الملاكم ولا صلاح ادريس المطرود ؟؟؟كدي لملموا اطرافكم واخجلوا من افعالكم وبعدين تعالوا علقوا يامواهيم

#8

عوض نصر الدين 12-12-2011 05:0

ياهوووووووووووووو دكتور الصادق كدا مبسوط ياحبيبنا البشير مشير وحاليا بينادا بالمشير رغم انه لم يصل الى هذا الحد في التدرج الوظيفي بكهام سفير النويا الحسنة رغم ان غير الكوره مابعرف شي ورغم عن كدا بنادوهو بالسفير وزيدان كذالك و....الخ وياعزيزي الدكتوارة تتشرف ان ينلها رجل بموصفات الوالي وهو ناس قرعتي راحت امتحنوها ومرو فيها خليهو الوالي وللمعلومية عزيزنا الصادق الوالي خريج اقتصاد الهند

الرد على زائر

- 8 - 1
  
  ود الخواض 12-13-2011 08:0
  
  للمعلومية وأنت لاتعرف المعلومة الصحيحة ليس هناك داعى لأن تتفوه بما لاتعرفه وتصبح كالببغاء جمال الوالى خريج جامعة بيروت العربية بالأسكندرية عام 1987م

#9

د. الصادق 12-12-2011 05:0

يا ناس كفر ووتر الدكتوراه التي حصل عليها السيد جمال الوالي هذا دكتوراة فخرية يعني الرجل لم يدخل جامعة معينة ويدرس فيها ويكتب رسالة دكتوراة (أطروحة) ويدافع عنها في امتحان امام ممتحنين داخليين وممتحن خارجي الخ..... ارجو الاشارة اليه باسمه بدون هذا اللقب. احرجتونا يا عالم.....

الرد على زائر

- 9 - 1
  
  +الصادق عبدالرحمن 12-13-2011 05:0
  
  الكريم يرزق والحسود زعلان
- 9 - 2
  
  ابوصالح 12-13-2011 08:0
  
  وانت من أين لك هذا الدال ام انه للدلالة وبما انك امامك د. ولا تفهم فهذه مشكلتك .والدوكتوراة الفخرية التي يحملها الوالي هي أعظم وأشرف من ال د.الذي تكتبه امام اسمك وأخشي ان يكون اختصار ل دحي او دلدوم واترك الناس في حالها وشوف نفسك واعرف من انت
- 9 - 3
  
  مريخابى حر 12-13-2011 07:0
  
  اخونا د.الصادق(بالرغم انى ما عارف دكترتك دى فى شنو ؟)ان كنت طبيب بشرى ياخى امشى شوف المرضانين الراقدين لهم سنين فى المستشفيات بدون وجيع .....وان كنت طبيب بيطرى امشى عالج مرض رئيسكم الذى يعانى من جنون البلنجات .....وان كنت فى اى مجال اخر خليك فى مهنتك وانسى دكتور الوالى دا فى حالو.....وان داير ليك قريشات وابا ما يديك ياخى اى شئ بالتراضى ..... طبعا الشهادات بدون فهم صفر على الشمال (زى صفر الهليل دولى بالضبط كدا ) والفهم بدون شهادات دكترة زى الحارقاك دى فهذا يعنى ناصية الوعى والثقافة ......وزى ما يفال القلم ما بيزيل بلم ...واخاف ان ينطبق عليك هذا المثل
- 9 - 4
  
  ود الزعيم 12-12-2011 08:0
  
  بما انها فخريه ينادى بها من باب الفخر ما قبلو بيها فى شغل انت ما احرجتنا انت فضحتنا بعدين انت حارقك مالك يعنى دى الحاجه الوحيده الغلط امشى شوف ناديك الكلو غلط
- 9 - 5
  
  مبارك 12-12-2011 08:0
  
  مبروك لشعب المريخ تجديد الثقة في دكتور جمال الوالى و يا دكتور الصادق الدكتوراة التى منحت للدكتور جمال معترف بها وسط جماهير المريخ الواعية وممنوحة من جامعة معترف بها وليس بالضرورة أن تتوفر العوامل الواردة في تعليقك .. سنظل نكتب وننادى دكتور جمال بما يستحق ونحن اليوم سعداء جداً بعودة الوالى لتنطبق عليه مقولة الجماهير الصفوة ( الوالى رئيس طوالى ) ولعلم من يستنكرون ذلك أنّ جمال سيظل هكذا إلى أن يقضي الله أمراً كان مفعولا .. على شعب الهلال وإعلامه ورئيسه البرير أن يبتعدوا عن جمال الجمال ويتفرغوا لناديهم الذى يناديهم وهو يمر بأخطر مرحلة في تاريخه منذ التأسيس .. نكرر التهنئة للدكتور جمال الوالى الجميل والذى نال ثقة جمعية ناديه الزعيم وبما أنّ الدكتور قد حاز على هذه الثقة للمرة الثانية فقد حق علينا أن نطلق عليه كذلك لقب ( الزعيم ) ليصبح الزعيم رئيس الزعيم .. مبروووووووووووووووووووووووووووووك جماهير المريخ وقد وعد جمال الجمال بإحداث نقلة إستثمارية في النادى تمكـِّن من يأتي بعده على إدارة النادى بكل إرتياح ويا ناس المريخ .. يا ناس الزعيم .. يا الصفوة أييييييييييوي .
- 9 - 6
  
  ابو محمد 12-12-2011 07:0
  
  طيب ورينا انت الدكتوراه بتاعتك دي جبتها من وين وفي اي مجال يا دكتور الصادق **** انت ذكرت بان الدكتوراه فخريه* اذاان تعترف بان الدكتور جمال الوالئ يحمل الدكتورا الفخريه اذا لذم عليك انت ان تناديه يا دكتور لانه فعلا دكتور وبتشبه الدكتوراه لانه احق بها منك يا مدعئ الدكتوراه علي صفحات الصحف
- 9 - 7
  
  ابو مؤيد 12-12-2011 06:0
  
  يادفع الله الصادق دى حق ادبي بل انت المدعي وذلك بدل دفع الله الصادق كاتب اسمك د الصادق ما تخجل يااخ الوالي معاهو قروش وصلتوا لهذه المرحلة انت معاك كم ؟؟
- 9 - 8
  
  ناصر 12-12-2011 06:0
  
  دكتورة في دفع الفلوس