رسالة في بريد كفر و وتر ... شكر الله سعيكم مازدا

كفايه كفايه ياما

محمد حسن شوربجى
manofduty2@hotmail.com

نقولها بملء الفم شكر الله سعيكم مازدا كفيت ووفيت وشكرا فهل تترجل لفارس اجنبى كفء يقود المنتخب فى الايام القادمات لبطولة افريقيا ؟
لقد كتبنا اخوتى كثيرا عن تواضع مستوى الكابتن مازدا فى قيادة المنتخب وكل ما كتبنا تهب علينا الرياح الحمراء والصفراء مستنكرة مجرد الكتابة عن مازدا فقط لانه مريخابى مع تواصل التصفيق له ولكل نتائجه الباهته و الهزيلة والتى كادت تخرجنا لولا لطف الله ومباريات سوزيزلاند الضعيفة والتى اعطتنا دفعة الى الامام بنقاطها الثمينة
حناجر جماهيرنا الابية ظلت تشجع منتخبنا الفاقد للتكتيك والروح القتاليةامام غانا ليتحول الامل الى هزيمة ساخنة من نجونمها الرائعين والذين تلاعبوا بمنتخبنا واقتلعوا نقاط المباراة .
وماذا يعنى ايقاف هيثم مصطفى صانع العاب المنتخب بحجة انه رفض السفر الى الكونغو وكأن الموضوع ثار صعايدة بايت وانتقام لا معنى له وقد دفع المنتخب ثمنه غاليا امام غانا ,
مازلنا نذكر مهزلة مشاركتنا في نهائيات الأمم الأفريقية بغانا بعد عودتنا لهذه النهائيات حيث أن منتخبنا لم يفلح في حصد أي نقطة من نقاط هذه المجموعة وبالتالي كان طيش مجموعته عن جدارة
لهذا فأننى مصر على قولى بأن قيادة مازدا للمنتخب يجب ان تتوقف هنا ليبدأ مدرب بطولات جديد مع المنتخب يحلق بالسودان عاليا وسط عمالقة القارة ,
والله الغلب حار وهل يرضيكم حال جماهيرنا وهى تخرج بكل حزن وقلبها مكسور ؟
غياب محاسبة المقصرين شجعت العاملون فى الحقل الرياضى على ادمان الفشل وهكذا تظل الرياضة محلك سر وقد سبقنا الآخرون الى منصات التتويج وياقلبى لا تحزن فلا أظن ان هنالك مساءلة للجهاز الفنى عن نتائجه فى التصفيات ولا اطن ان ذلك سيحدث فى عهد معتصم جعفر ذات الميول المريخية والمتضامن مع مازدا
ارفع بشدة اخوتى لافته استعيرها من المرور مكتوب عليها هنا نهاية الطريق ( يامازدا)
كفايه كفايه يامازدا
شكرا مازدا - الشعب يريد مدرب رهيب

محمد حسن شوربجى

بواسطة : صحيفة كفر و وتر

10-12-2011 09:0 13 0 3172

التعليقات

التعليقات ( 13 )

الترتيب بـ

الأحدث

الأقدم

الملائم

#1

fath 10-13-2011 12:0

الهلال انضرب من القطن ومن انيمبا ومن الترجي. نتائج فظيعة والله. انا طبعا مريخابي. ف أخير المريخ طلع من بدري والله بالجد كدا. لكن حكاية هلال ومريخ دي خليها بعيد شوية. احسن واحد يقود المنتخب مازدا- ما عشان مريخيتو زي ما بتقول- لكن البيان بالعمل. أهو السودان وتأهل- يعني تاني يعمل ليكم شنو- عليك الله يجيبو واحد تاني زي قسطنطين- بالله دا فهم وين دا؟؟؟ بعدين الهلالاب اي زول عندو علاقة بالمريخ - ما بريدوه- عايز افهم السبب؟؟ يعني انت مثلاً بتكره مازدا- ولا المريخ؟؟ (عبارة (كرهـ) مناسبتا هنا انك عايز تخارج مازدا الذي وفقه الله في التأهل بالمنتخب السوداني).

الرد على زائر

#2

اسماعيل احمد ابو الفاضل 10-13-2011 12:0

لا داعى ان يطلع المريخاب من طورهم - الوزير حاج سوار بنفسه سمع كلام الكاتب وقرر يشيل مازدا من المنخب فموتوا بغيظكم وكلما كان ده هو اسلوبكم فى التعليق مريريخكم حيرجع لورا نتمنى ان يخرجكم مازدا المسلح بالشهادات الدولية من دور ال32 استفيدوا من خبرته فى المريخ وخلوا المنتخب لمدرب جد

الرد على زائر

#3

anwar 10-12-2011 05:0

بالله ماتحمد الله على وصولك للنهائي للمرة الثانية هذه هي قدر لاعبيك ماذا يفعل لهم مازدا الم يكن هيثم مصطفى وعمر بخيت علاء الدين يوسف حاضرين في نهائيات 2008 م ماذا فعلوا قل لي بالله عليك هيثم وعمر الذي تتباك بعدم ضمهم للمنتخب هذه هي امكانيات اللاعب السوداني فاقد لك شئ والله ماذا كتر الف خيرة لكن انت تنظر لها بعصيب هذا هلالي وهذا مريخ قلي كم عدد اللاعبين في المنتخب الآن من المريخ كم من الهلال من المريخ 5 لاعبين فقط والبقية إلا قليل من الهلال ماذا فعلوا أمام غانا هذا هي دائما نظرة الهلاليين المتعصين أمسالك مازدا مريخ اليس هو سوداني ماعلاقة هذه بمريخية وله عشان حقق انجاز عجاز عنة الأخرين ماذا فعل لك المدرب الاجنبي روزيك وبعده مدمر الكرة قسطنطين الدي مابناه مازدا كل مباريات التصفيات في عهدة لم نفوز ولا في مبارة واحدة انما تعادل هذيل وضعيف حتى عاد مازدا وعادة الروح لمنتخبك لايمكن ان تتكرر الصدفة مرتين بهذه السهولة لم يخس ماذا في التصفيات إلا مبارة واحدة ولو لا نظام الاتحاد الافريقي العقيم لصعدنا قبل مبارة غانا الأخير ولكانت تحصيل حاصل جبوا مورينهو في النهايات لو تاتي بنتيجة ايجابية واحدة لابد من بناء الاعب السوداني من سنة مبكرة جدا ثم بعد ذلك انتظر نتائج ايجابية

الرد على زائر

#4

ابو محمد 10-12-2011 04:0

ذكرتني بالزعيم معمر القزافي عندما قال من انتم. وانا اقول لك من انت عشان تحدد مصير الكابتن مازدا اكرر سؤالي لك من انت يا شوربجي ** نعيب زماننا والعيب فينا وما لزماننا عيب سوانا و نهجو ذا الزمان بغير ذنب ولو نطق الزمان لنا هجانا وليس الذئب يأكل لحم ذئب ويأكل بعضنا بعضا عيانا

الرد على زائر

#5

Abo Isrra 10-12-2011 03:0

[SIZE=3]والله خسارة الحبر الكتبت بيه رسالتك دي , بالله عليكم يا ناس كفرووتر ما كل رسالة مرسله لبريدكم معناه لاذم تنشر انا ما ممكن اضيع وقتي واقراء كلام لا معني له ولا هدف ولا هو يستحق النشر .انا بدفع من جيبي عشان اتصفح هذه الصحيفة وما عاوز واحد زي الشوربجي ده ممكن يعكر علي مزاجي بكلام لا معني له SIZE]

الرد على زائر

- 5 - 1
  
  الياس احمد الجيلى 10-12-2011 09:0
  
  أهو كلام الاستاذ جاء مطابقا لقرار الوزير حاج سوار وسيتم اقتلاع الداتسون اقصد المازدا وحيجيبوا لينا مدرب أجنبى وعلى نفقة أمير قطر مازدا ايه الى انت جاى تقول عليه ولو فيه خير ما رماه الطير ونتمنى ان تخلوهوا يدرب المريخ - والغريب ان جمال الوالى شايفه وجاب البدرى ودى اهانة كبيرة لمازدا وشهاداتوا البتقولوا عليها كلام الكاتب فى محله وخلاص مازدا باى باى يا وصيفاب اخونا شوربجى طلب وربك استجاب ياسبحان الله وأظن الهجوم على الكاتب لا طائل منه غير انه بيأكد ان المعلقين المريخاب مفلسين وشاطرين فى الشتايم

#6

حلفاوي 10-12-2011 02:0

والله ياشوربجي كلامك صح 100%. الراجل دة يمشي لحدي هنا كفاية. في واحد عاقل يبعد زي هيثم مصطفي. وعمر بخيت. احنا كتبنا يافطة هنا نهاية طريقك يامازدا.

الرد على زائر

- 6 - 1
  
  elfatih /braeem7 10-12-2011 11:0
  
  if you bring a a new manager ,say from Europe ,the first thing he will do any player more than 25-26 year old want be there ,so your hitham and Omer will be watching the competition from the t v like us .

#7

ابو عمر 10-12-2011 12:0

سبحان الله بالله لسه في ناس ممحوره نفسها في قضية هلال مريخ ؟!!!! أنا هلالابي .. لكن العملو الرجل الصابر مازدا ده ما عملوا غيرو ... وكفاية انو فزنا على الكنغو رايح جاي وتعادلنا مع غانا في غانا .. ده اكتر من المتوقع .. ودي امكانيات حتى اكبر من امكانيات لا عبيننا .. بعدين موضوع الغلب حار ده ... انت اتغلب من غانا اللي استعدت ليك بمباراة في لندن مع انجلترا وخسرتها بي صعوبة 1/ صفر !!!! وبرضو تقول لي غلب حار ؟؟؟ ده غلب مقبول جدا .. لا تشكلية مازدا خطأ لا طريقة لعبو خط .. لكن ما ماكان باللإمكان اكتر مما كان .. على الأقل من جانب مازدا ... النظرة الموضوعية مطلوبة يا شباب ...

الرد على زائر

#8

ابوصالح 10-12-2011 12:0

بالله الغلب حار وكيف انيمبا والترجي ؟؟؟؟هل غضبك علي مازدا لأن غانا هزمتنا ام انك تبكي علي هيثم مصطفي .انت لاتملك ذرة من الوطنية !!!أين النتائج المخزية التي تسبب فيها مازدا ام خمسة مازمبي اخلت بعقلك وتري الفوز هزيمة مازدا يدرب فريق منتخب وليس ميشو الذي يتحكم امثالك في بقائه او ابعاده امشي شوف النقر حايوصلك وين ؟؟؟ولادخل لك في المنتخب لأنه منتخب السودان

الرد على زائر

#9

fath 10-12-2011 12:0

كلام صاح وأحسن حاجة يجيبو قسطنطين؟؟؟؟؟؟؟؟؟؟؟؟؟؟؟؟؟؟؟

الرد على زائر

#10

مهيد الشيخ المليح 10-12-2011 10:0

أول حاجة يا أستاذ نقاط سوازيلاند ما محسوبة حسب نظام الكاف . وبعدين هيثمك دا ما كان يمشي يلعب في الكنغو وللا على كيفو ؟؟ بالله عليك شوف الكورة في أوربا وبعدين أحكم الظاهر عليك ما قاعد تشوف غير الدافوري حقنا دا اللاعب الكبير كارفاليو لاعب النادي الملكي والمنتخب الأسباني رفض أن يشارك مع المنتخب في المباراة قبل الماضية ولم يستدعيه المدرب وتعرض لعقوبات صارمة وإعتذر ولا زالت الواسطات تقوم وتقع ولكن المدرب أصر على استبعاده نهائيا . دي الوطنية ودي الضريبة

الرد على زائر

#11

anwar 10-12-2011 10:0

انتا لو محرقك ابعاد هيثم قول خليك واضح تخريمه ماذدا الاحمر صعد بى الجنايز ديل مرتين لو كتا ناسى افكرك

الرد على زائر

#12

د.الشريف 10-12-2011 10:0

اجمل ما فى هذا المقال انه كشف هيافة كاتبه وجهله .... ضعف سيوزلاند لم يكن فى مصلحة السودان وكادت الستة نقاط التى كسبناها منها ان تخرجنا لانه تم خصم ست نقاط كاملة من رصيد النقاط .... الكل يعلم ان مستوى اللاعب السودانى غير ثابت .... والكل يعلم ان جميع المدربين الآجانب فشلوا فى تطوير قدرات اللاعب السودانى .... قالها ابن الهلال الرشيد المهدية بعد مبارة الترجى و الهلال ان نوعية اللاعبين لن يصلح معها حتى لو اتو بمورينهو افضل مدربى العالم .... ماذا يفعل ماذدا و المنتخب يذخر بانصاف اللاعبين امثال هاليفا و كفتيرا و درويش المدينة والكحيان مهند .... ماذا يفعل ماذدا و كل صحافة الهلال وجماهيره تنتقده لآنه ابعد لاعبا تجاوز الآربعين وصار يستفرغ داخل الملعب واثناء المباريات من التعب ..... ماذدا اعاد السودان الى الآضواء بعد ثلاثين عاما من الغياب و هاهو يعيد الكرة .... سيبقى ماذدا مدربا للمنتخب رغما عن انف الشوربجية والآرزقية لآنه الوحيد القادر على تحويل فسيخ الهلال الى شربات !!!!!!!

الرد على زائر

- 12 - 1
  
  الياس احمد الجيلى 10-13-2011 05:0
  
  اولا شيل حرف د من اسمك لانك لا تففقه شيئا فى الرياضة فكيف تكون دكتور - انت لو متابع بيان الوزير حاج سوار قال وبعد مقال الاستاذ بالحرف انهم بصدد استجلاب مدرب اجنبى للمنتخب - يعنى الاخ الكاتب طالب والوزير حقق امنيته وبعدين انتوا المريخاب ديل ما بتعرفوا حتى تعلقوا بأخلاق لا كورة لا اخلاق شنو الحكاية وخليفة ومهند البتستهزاء بيهم ديل هم من اوصلوا الهلال الى كبار افريقيا فوق فوق فوق فوق وانتوا تحت تحت تحت تحت بتلعبوا فرحانين انكم بتلعبوا مع هلال كادقلى فرق كبيييييييييييييييييييييييييييييييييييييييييييييييييييييييييييييييييييييير مازدا ايه ياحج

#13

شوقي 10-12-2011 09:0

هههههههههههههههههههه شوربجي انت لسع ما عقلت خلاص باقي سبر والقبر ولسع فى مهاترات الشفع انت حارق ابعاد هيثم مصطفي ما قلت ليك انت مجرد ببغاء هناك وما رديت طبعا يا ناس كفر وشتل الكلام دا جاكم فى جرح

الرد على زائر

- 13 - 1
  
  الياس احمد الجيلى 10-13-2011 01:0
  
  الظاهر عليك شوقى انت مراهق وكل تعليقاتك فارغة وركيكه وما عارف ليه بتسيئ للاستاذ وقد تطابق رأيه و الوزير حاج سوار والذى قال بالحرف انهم بصدد استجلاب مدرب اجنبى يااخى علق بأدب واحترم الرأى الآخر او ما تعلق نهائى وزى ما بقولوا السعوديين الشرهه ما عليك على كفر ووتر اللى البتفتح الباب للبيسوا والمابسوا

أكثر

رسالة في بريد كفر و وتر ... شكر الله سعيكم مازدا

جديد الأخبار

موكوينا يقترب من الاهلي المصري

منتخب غينيا يرفع حصة افريقيا في باريس

للمشاركة والمتابعة

أقسام الصحيفة

روابط مهمة

رسالة الصحيفة

مواقع التواصل