• ×
الثلاثاء 6 ديسمبر 2022 | 12-05-2022

بدستوركن... اثبتن حضوركن....(هدي)(وندي)

بدستوركن... اثبتن حضوركن....(هدي)(وندي)
بقلم:- خليل فتحي خليل بقلم:-خليل فتحي خليل

الغناء النسوي في السودان قديم... والمراة السودانية اجادة فن الغناء... وشاركت في محافل دولية... لكن شاركن ب فهم....

ومنذ فترة ظهرن فنانات (فلان مبسوط مني) بتتذكروا شريف مايدقري ولانسيتو....
وتماما نقتنع ان لهدي جمهور ولندي جمهور... داخليا... وهن يجيدا غناء اغنيات (السباته) بصورة جيدة ويكادن يكونن سفيرات في ذلك... وهن خبيرات في فن التجميل والفاونديشن ونقش الحنة السودانية... واختيار اجود انواع التياب والشباشب....
لكنهن غفلن حاجه وهي دراسة النوته الموسيقية الخماسية البسيطة ناهيك عن السباعية....
حصل يوم سمعتو هدي ولا ندي بغنن (عيونك الصيف وعيوني الشتي) للملكة فيروز.... او حصل سمعتوهن بغنن (اش علي انا من الناس)
او اغنية... دلعوها لعتاب...
الوطن العربي فيهو الفنانات الروميات والفارسيات وهن عبرن باهتمامهن بالتطوير... والتعليم الفني المستمر خاصة في علم الصوت... واقل فنانة عربية وعالمية عندها (بيانو) في بيتها تصحي تتمرن وتنوم تتمرن.
زمان قلنا الكلام دا لو عايزات تشاركن خارجيا ممكن... لكن وفق شروط معينة وصارمة.....
والسؤال وين اولاد امي ناس وزارة الثقافة... وناس اتحاد المهن... قاعدين ضيوف.. والبكاء بحررو اهلو..

والله موضوع هدي وندي دا... حقوا يعملوا في كتاب.في مرحلة الاساس.. ويدرس تحت عنوان( هدي وندي من بداء)
وبلغت القوانات الموضوع دا فيهو شلب... وحلب... ما تمشو بعيد انا حسع جبته سيرة البقر.
الخارطة الفنية السودانية وادارتها داير شغل من الالف للياء
ولو تابعنا في كل الدول نلقي فنانين سودانيين محترمين. ولكن الاغلبية هشك بشك.
في مصر... نيحيريا.... تشاد... و.... و.... و....

الموضوع ما موضوع فن الموضوع عربات... وعمارات... ودهب.... وشباشب وتياب.... حساب باليورو

ومن الملاحظ بعد كل فترة يخرجن علينا الفنانات السودانيات بتقليعه...
لكن المره دي جبتنها كبيرة وممشطه وداقه شلوفتا...
وحسع الموضوع دا كان اتداققتن واتماعطن بدون اعلام مش احسن.....
كل دقيقتين واحد فيكن مصرحه... وتصريح زي السجم....
ونعم الوسط الفني منذ القدم وسط حساااااده... لكن البقاء فيه للاجود والاصلح..... اقول ليكن... انسن موضوع المشاركة في الامارات.... امشن سوق امدرمان وجيبن اربعة دلاليك كبار بشتامتن...
وواحد فيكن تعزم التانية... وكل واحده بتجي بسيارتا وحاشيتها ودقن القهوة... وولعن البخور.... وامسكن الدلاليك دي دوقوهن دقت ظاااااار.... غنن وسكلن واردحن وكترن من ووووووب علي....
وخلن واحده من الراسيات تمش تمثل السودان وهن كثيرات وامي حواء والدة
وبعد تدقن تستوركن بنشوف حضوركن...
ويوسي يا بشير لومي

ونلتقي
امسح للحصول على الرابط
بواسطة :
 0  0  1011
التعليقات ( 0 )
أكثر

جديد الأخبار

جمع لقاء جميل الدكتور صابر شريف الخندقاوي بدوحة العرب نائب رئيس الهلال العليقي ووصف اللقاء بانه لقاء السحاب حيث جمع بين اثتين من قامات الهلال. مرشح..

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019