• ×
الأحد 6 ديسمبر 2020 | 12-05-2020

يوسف فششوية يكتب..برنامجي الانتخابي بجيب ليكم التسالي في المدرجات !!

يوسف فششوية يكتب..برنامجي الانتخابي بجيب ليكم التسالي في المدرجات !!
كفرووتر/الخرطوم/ تحت السيطرة
يوسف محمد الحسن
برنامجي الانتخابي بجيب ليكم التسالي في المدرجات !!
* مافي داعي الواحد يكون ثقيل ويجيب سيرة كوارتي بعد أن جدد المريخ للتش وبالتالي فشل برنامجه الانتخابي كليا وانهار الحلم الجميل لكن عدم الموضوع زي ما انتو فاهمين بعمل اكتر من كدا اصلو كهربتنا قاطعة والزهجة حاصلة عشان كدا لما حاولت اكتب ما جاء فى راسي إلا الموضوع الهايف دا !
* عارفكم من البداية ما كنتو مصدقين أن التش حيجي الهلال طبعا لو القال الكلام دا الأرباب أو الحكيم أو السوباط كان صدقتو لكن عارفكم ما صدقتو لي شنو ؟ صدقوا انا الوحيد الكنت عايش الوهمة واتخيلت التش لابس شعار الهلال وجاري في الملعب والريس قاعد في المقصورة آخر حلاوة ! فجأة كدا شعرت بي تشه جامدة وصحيت من النوم !
* طبعا لمن يكون الريس ما قدر المستوي ويتكلم ساي دا البجيب ( التش ) ذاتو !
* الحمد لله الكلام الفارغ دا ما قالو في هتاف المساطب ! بركة الطلعنا شينين كان هسه متشوشين وما عارفين نودي وشنا وين !
* لكن اقول ليكم حاجه انا لسه مصدق انو رئيس التنظيم دا قادر يسجل التش بتكلم جد ما بهظر ، سمعت تحت تحت انو داير يعمل ليكم مفاجأة عايز يشتري المريخ كلو يشيل التش ويخلي الباقى أهو دا التكتيك ولا بلاش !
* ياخي لو سكت ساي مالو مش كان احسن علي الأقل كان خليت المريخ غافل وكان ناس لجنة التطبيع سجلوه من غير وعود كضابة !
* تاني ما تتكلم ساي القروش العندك بعد ظهور السوباط صلاح نمر ما بجيبو !
* بعد التشه الحصلت دي محتاج ليك حاوي عشان يوريك البرنامج الانتخابي لتنظميك شنو
* من باب التعاطف وكدا انا طبعا قلبي حنين ورهيف وما بقدر علي الهبباي في عز الصيف حا أكون معاك في الانتخابات وكدا انا جادي بس لازم لازم تعمل برنامجي انتخابي واقعي ياخي برنامج شنو هو بعد السوباط دا ظهر تاني بنفع معاهو برنامج ما واضح انو القصة متشوشة من امها انت عايز توديني التونج ولا شنو !
* البرنامج الانتخابي انو توفر التسالي للجمهور في المدرجات احتمال كبير تلقى ناس يصدقوك بيني وبينك الواقعية سمحة والمدرجات جميلة وفيها ناس حلوين علي الأقل تكون قريب !
باص قاتل
تشه تشه الليل نعدو !
فششوية
امسح للحصول على الرابط
 0  0  1791
التعليقات ( 0 )
أكثر

جديد الأخبار

وفقا للتقرير الصادر من مراقب مواجهة الاشانتي كوتوكو الغاني ونوذيبو التي تم تأجيلها اليوم بسبب خلاف حول نتائج فحص كورونا .. تقرر ان تلعب يوم غد..

للمشاركة والمتابعة

جميع الأوقات بتوقيت جرينتش +3 ساعات. الوقت الآن هو 04:0 الأحد 6 ديسمبر 2020.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019