يوسف محمد الحسن فششوية يكتب إتحاد شليل يا جميل !!
كفرووتر:الخرطوم * رغم حالة الإحباط المسيطرة بسبب الحظر وأخبار الكرونا ( حمي الله الجميع ) إلا أنني استمتعت جدا ببعض المقالات في الأيام الماضية ولم أتمكن من التعليق لانشغالي بالعمل الإذاعي بإذاعة المساء التي أشرف فيها علي القسم الرياضي
* ولانني من عشاق الكوميديا استمتعت جدا بمقال أحد الزملاء الذي رشح فيه حسن برقو لرئاسة اتحاد الكرة ، وكمان قال خير من يخلف بروف شداد
* بالمناسبة بعض الكتاب فى الصحافة يطربونا بكتابات مضحكة تجعلنا نجزم أن الدراما السودانية بخير !
* حسن برقو الذي رشحه صاحبنا لقيادة اتحاد الكرة لمن لا يعرفه هو الرجل الذي تحدث في قناة النيل الأزرق وقال بوضوح شديد ( مافي كرونا ) !
* وعلي هذا الأساس كان يرغب الرجل في إستمرار معسكر منتخبنا الوطني ، ولمن لا يعلم الرجل هو رئيس لجنة المنتخبات الوطنية طبعا كان مصر علي استمرار المعسكر لولا تدخل الوزيرة الناجحة ولاء البوشي التي حسمت الفوضي !
* قلت فى نفسي راجل زي دا كيف يرشحوه لينا رئيس اتحاد الكرة ( هو نحنا ناقصين يعني ) يا ربي فيهو شنو نحنا ما شايفينو لأن تجربته مع المنتخبات الوطنية في منتهي السؤء ، قلت في شنو يا ربي نحنا ما عارفينو عن الراجل اكيد الرشحوه ديل دايرين مصلحة الكرة السودانية
* رجعت شوية فى تاريخ الراجل قريت ليهو تصريح هاجم في الكوتش الكبير الديبة قال الديبة هاجمني عشان قفلت منو ( البلف) تخيلو زول في موقع عمل عام يصرح ويعترف انو عندو بلف لما يقفلو الناس بتهاجموا ، قلت ايوا اتاريهو القصة كدا وفيها بلف فااااتح طيب كان كدا الجماعة ديل ليهم حق يرشحوا لينا رئيس للإتحاد وشوية شوية ممكن الكاف والفيفا كمان !
* عليكم الله زول في الزمن الصعب دا يخلي البلف فاتح كيفن الناس ما ترشحو مش يستاهل ، ويستاهلوا !
* ياخي نحنا دايرين منك يا ريس برقو تقفل البلف اول حاجة عن شباك منتخباتنا الوطنية ما تخليهو فاتح كدا علي طول ، لو عملت كدا بتلقي كل الناس معاك بدون ما تحتاج تفتح للجماعة الحلوين بلف !
* بيني وبينكم فكرت كتير فى الموضوع قلت كورتنا دي محتاجة راجل زي دا انا جادي في كلامي دا ما تقولوا فتح لي ( البلف ) الزول القال مافى كرونا دا زول كويس كورتنا محتاجة ليهو شديد !
* اوريكم كيف ما محتاجة شرح العالم كلو قال في كرونا إلا رئيسنا القادم دا ااي صحي ( دا كلام دولة عميقة ) لكن برضو انا شايف الراجل قاصد يحقق مصلحة كورتنا جدا !
* ياخي الزول القال مافي كرونا لما يمسك الاتحاد بريحنا راحة شديدة بكرة يقول لينا مافى فيفا ذاتو ااي والله ممكن يقول كدا عليكم الله هسه الظاهر اكتر. اليومين دي الفيفا ولا الكرونا !
* مش قلت ليكم بريحنا من هزائمنا الكتيرة دي وبعداك أمورنا بتمشي احسن صدقوني ياأخونا أنا شايف دا حل مشكلة كورتنا زول زي دا يقول مافي فيفا ونشاطنا يتجمد بس المهم البلف يكون فااااااتح !
* ما عندنا حاجة بنخسرها نتائج منتخباتنا وانديتنا زي الطين يعني شنو لو اتجمدنا !
* سيد برقو يبقي رئيس للإتحاد والكاردينال في الهلال وسوداكال في المريخ بسم الله ما شاء الله عليهم تكون تمت الناقصة !
* دايرين شنو اكتر من كدا ( كفوات ) اقصد كفاءات زي دي بنلقاها وين تاني !
* معقولة يا اخونا بلد فيها جكسا وعلي قارقاين وحامد بريمة والجيلي عبد الخير ترشحوا لينا زول بقول كرونا مافي ما بالغتوا تكونوا قاصدين اتحاد شليل ونحنا ما فاهمين ولا شنو !!
* أكان كدا احسن لينا نتجمد ونقلب نشاطنا (شليل) كورة شنو ياخ مع ناس زي ديل شليل وين راح اكلو التمساح ، يا حليل زمن التماسيح البتشرب من البحر ما من البلف ! كان قالو كلام غير دا !
* الراجل مؤهل تماما لرئاسة إتحاد شليل أو أي من اللعبات الشعبية لكن كورة القدم كان نحنا رضينا الكرونا ما بتسمح !
* زول بقول كرونا مافى ناس يقولوا دايرينو رئيس الله يعينك يا دكتور أكرم ويحفظ بلدنا الكورة ملحوقة بس المهم البلف يكون فاتح !!
* والله يا بروف شداد ما رضيت ليك بعد العمر دا يخلفك زي دا في الاتحاد !
* قبل ما أختم الناس البحبو يلعبو شليل عليكم الله ما تزعلو مني عارف اني عصرت عليكم !
فششوية
* ولانني من عشاق الكوميديا استمتعت جدا بمقال أحد الزملاء الذي رشح فيه حسن برقو لرئاسة اتحاد الكرة ، وكمان قال خير من يخلف بروف شداد
* بالمناسبة بعض الكتاب فى الصحافة يطربونا بكتابات مضحكة تجعلنا نجزم أن الدراما السودانية بخير !
* حسن برقو الذي رشحه صاحبنا لقيادة اتحاد الكرة لمن لا يعرفه هو الرجل الذي تحدث في قناة النيل الأزرق وقال بوضوح شديد ( مافي كرونا ) !
* وعلي هذا الأساس كان يرغب الرجل في إستمرار معسكر منتخبنا الوطني ، ولمن لا يعلم الرجل هو رئيس لجنة المنتخبات الوطنية طبعا كان مصر علي استمرار المعسكر لولا تدخل الوزيرة الناجحة ولاء البوشي التي حسمت الفوضي !
* قلت فى نفسي راجل زي دا كيف يرشحوه لينا رئيس اتحاد الكرة ( هو نحنا ناقصين يعني ) يا ربي فيهو شنو نحنا ما شايفينو لأن تجربته مع المنتخبات الوطنية في منتهي السؤء ، قلت في شنو يا ربي نحنا ما عارفينو عن الراجل اكيد الرشحوه ديل دايرين مصلحة الكرة السودانية
* رجعت شوية فى تاريخ الراجل قريت ليهو تصريح هاجم في الكوتش الكبير الديبة قال الديبة هاجمني عشان قفلت منو ( البلف) تخيلو زول في موقع عمل عام يصرح ويعترف انو عندو بلف لما يقفلو الناس بتهاجموا ، قلت ايوا اتاريهو القصة كدا وفيها بلف فااااتح طيب كان كدا الجماعة ديل ليهم حق يرشحوا لينا رئيس للإتحاد وشوية شوية ممكن الكاف والفيفا كمان !
* عليكم الله زول في الزمن الصعب دا يخلي البلف فاتح كيفن الناس ما ترشحو مش يستاهل ، ويستاهلوا !
* ياخي نحنا دايرين منك يا ريس برقو تقفل البلف اول حاجة عن شباك منتخباتنا الوطنية ما تخليهو فاتح كدا علي طول ، لو عملت كدا بتلقي كل الناس معاك بدون ما تحتاج تفتح للجماعة الحلوين بلف !
* بيني وبينكم فكرت كتير فى الموضوع قلت كورتنا دي محتاجة راجل زي دا انا جادي في كلامي دا ما تقولوا فتح لي ( البلف ) الزول القال مافى كرونا دا زول كويس كورتنا محتاجة ليهو شديد !
* اوريكم كيف ما محتاجة شرح العالم كلو قال في كرونا إلا رئيسنا القادم دا ااي صحي ( دا كلام دولة عميقة ) لكن برضو انا شايف الراجل قاصد يحقق مصلحة كورتنا جدا !
* ياخي الزول القال مافي كرونا لما يمسك الاتحاد بريحنا راحة شديدة بكرة يقول لينا مافى فيفا ذاتو ااي والله ممكن يقول كدا عليكم الله هسه الظاهر اكتر. اليومين دي الفيفا ولا الكرونا !
* مش قلت ليكم بريحنا من هزائمنا الكتيرة دي وبعداك أمورنا بتمشي احسن صدقوني ياأخونا أنا شايف دا حل مشكلة كورتنا زول زي دا يقول مافي فيفا ونشاطنا يتجمد بس المهم البلف يكون فااااااتح !
* ما عندنا حاجة بنخسرها نتائج منتخباتنا وانديتنا زي الطين يعني شنو لو اتجمدنا !
* سيد برقو يبقي رئيس للإتحاد والكاردينال في الهلال وسوداكال في المريخ بسم الله ما شاء الله عليهم تكون تمت الناقصة !
* دايرين شنو اكتر من كدا ( كفوات ) اقصد كفاءات زي دي بنلقاها وين تاني !
* معقولة يا اخونا بلد فيها جكسا وعلي قارقاين وحامد بريمة والجيلي عبد الخير ترشحوا لينا زول بقول كرونا مافي ما بالغتوا تكونوا قاصدين اتحاد شليل ونحنا ما فاهمين ولا شنو !!
* أكان كدا احسن لينا نتجمد ونقلب نشاطنا (شليل) كورة شنو ياخ مع ناس زي ديل شليل وين راح اكلو التمساح ، يا حليل زمن التماسيح البتشرب من البحر ما من البلف ! كان قالو كلام غير دا !
* الراجل مؤهل تماما لرئاسة إتحاد شليل أو أي من اللعبات الشعبية لكن كورة القدم كان نحنا رضينا الكرونا ما بتسمح !
* زول بقول كرونا مافى ناس يقولوا دايرينو رئيس الله يعينك يا دكتور أكرم ويحفظ بلدنا الكورة ملحوقة بس المهم البلف يكون فاتح !!
* والله يا بروف شداد ما رضيت ليك بعد العمر دا يخلفك زي دا في الاتحاد !
* قبل ما أختم الناس البحبو يلعبو شليل عليكم الله ما تزعلو مني عارف اني عصرت عليكم !
فششوية
