• ×
الخميس 4 يونيو 2020 | 06-03-2020

برقو قال انا "داير اشتهر" وقت الجمهور بهتف حمد والديبه هو كان بقطع فى حطب الكوجه ولو شاف كورة بيفتكرها بطيخة.

الديبه''' قميص محسن سيد اقدم من برقو في الوسط الرياضي

الديبه''' قميص محسن سيد اقدم من برقو في الوسط الرياضي
كفرووتر/ الخرطوم/ '

تواصلت حرب التصريحات بين حسن برقو عضو مجلس ادارة الاتحاد السوداني لكرة القدم رئيس لجنه المنتخبات الوطنيه والمدرب الوطني محمد محي الدين الديبة ، وادلي الديبه بصريحات مثيرة ردا على حديث برقو والذي اوضح فيه بان الديبه مسير وهناك من يحرضه عليه وبانه يسعي للشهرة من خلال حديثه وانتقاده المتواصل له ....

*الديبه* ( لمعلوميه المدعو برقو انا الوسط الرياضي كل بعرفني ماف زول بيقدر يفرض على اعمل شنو واسوي شنو واي حاجه بعملها لقناعتي التامه بها وانا مقتنع تماما بان برقو فاشل واخطر علينا من الكرونا وانا من هنا ادعو لبس الكمامه والتعقيم في وجود هذا البرقو ..
وبعدين قال نحنا محاربنو عشان البلف اتقفل ياتو بلف ي مستر كرونا هو انته عندك بلف كدي ادي الوسيط الجاب ليك الحبشيه الشغاله عندك في البيت الراجل تعب جاري ورك بالتلفونات في ٢ الف بعد دا يقول ملف ياخ الزول دا فات الكرونا ....
واكثر م يثير السخريه ويؤكدا بان هذا الانسان دخيل وجديد على الوسط الرياضي وجاء عن طريق الصدفه قوله باني اسعي للشهره " ي جماعه الزول كويس نصيح الكلام دا بخش عقل زول ، انا مشهور ومعروف قبل اكثر من 38 سنه واي زول بعرف الديبه اجي اسعي للشهر بعد الزمن دا كلو وعن طريقك انته ؟؟
لم الجمهور كان بهتف وبصفف لحمد والديبه برقو كان وين م معرف ولا عندو تاريخ ، هو البلد دي حصل فيها شنو ياخ قميص محسن سيد اقدم من برقو في الوسط الرياضي ، ولم لبسنا شعار المنتخب الانته اسي عامل فيها رئيسو ومثلنا السودان كنت بتقطع في الحطب للكوجه وم بتعرف الكورة مدورة ولا مربعه وكان شفتها تشيل سكينك وتجري عليها مفتكرها بطيخه ...
امسح للحصول على الرابط
 0  0  2220
التعليقات ( 0 )
أكثر

جديد الأخبار

قالت مجلة “2022” الناطقة باللغة الفرنسية والمختصّة بالكرة العربية إنّه بالرغم من إلغاء موسم كرة القدم في”18″ دولة أفريقية إلاّ أنّ الاتحاد السوداني..

للمشاركة والمتابعة

جميع الأوقات بتوقيت جرينتش +3 ساعات. الوقت الآن هو 03:0 الخميس 4 يونيو 2020.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019