تعرف على سبب رفض الراحل محمود عبد العزيز لارتداء (الملابس الباهظة الثمن)
كفرووتر/ الخرطوم/ أرفق الشاب محمد صديق أحد مؤسسي مجموعة (محمود في القلب و أقمار الضواحي) منشوراً على صفحته بموقع ( فيسبوك) كشف خلاله عن سبب زهد الراحل محمود عبد العزيز في نعيم الدنيا، ورفضه ارتداء الملابس الباهظة الثمن، وكتب صديق عبر صفحته المتابعة
” بما إني الليلة فاقد محمود عبدالعزيز ربنا يرحمو ويغفر ليهو جداً ومشتاق ليهو جداً.. عاوز أحكي ليكم قدر شنو محمود ربنا يرحمو كان بحب الناس وبهموهو أكثر من همو لي نفسو “.
“في يوم جيت ليهو البيت بعد صلاة المغرب كالعادة ونسة وبزيانوس على فيسبوك الساعة عملت 9 إلا عشرة مساء، قال لى هوي أرح طالعين نحن، كان سايق البوكس الطيب لبن وكان موجود حسن البليك، المهم مشينا سوق بحري بوتيك ملابس واحد اسمو عدلان دكانو مقاصد سوق خضار بحري اسمو برشلونة .
محمود ربنا يرحمو كورك لي بتاع الدكان جاب لى محمود ربنا يرحمو كيس فيهو بنطلون قماش أسود وقميص أبيض بي أسود .
الملابس الجديدة الدفع فيها 180 جنيه، اتكوت ومحمود ربنا يرحمو ويغفر ليهو غيّر، و طلع شيء في قمة الأناقة وكان شغال حفلة في الثورة أمدرمان وكانت حفلة خيالية جداً، المهم خلصت الحفلة ورجعنا المزاد والحاج ربنا يرحمو ويغفر ليهو مبسوط “.
وأضاف محمد صديق :” قمت عكرت ليهو مزاجو بسؤال أنت يا حاج لي ما مهتمي بى نفسك في صحتك ولبسك؟، باستغراب عاين لي قال لي قلتة كدة لي شنو؟، قلت ليه علشان قبيل أنت عندك حفلة وما مجهز ليها لبس، قلت ليه ناس شريف الفحيل وأولاد الصادق الواحد بجهز لبستو من وقت حفلتو تنتهي للتانية
ضحك وقال لي ح أقول ليك كلام ما مفروض أقولو ليك، انتو بتحبوني شديد وأي شيء أعملوا انتو بتعملوا لما ألبس بدلة بي 10 مليون الحواتة حيلبسوها من وين؟، لما أعمل تذكرتى 100 جنيه الناس ح تدخل كيف؟ وسكت، ربنا يرحمو ويغفر ليهو بكيت من غير أحس أقسم بالله “.
هذا وقد حظى بوست صديق بردود أفعال كبيرة من جمهور الراحل محمود عبد العزيز والذين عددوا مآثره، ورفعوا أكفهم بالدعاء والمغفرة له، مما تجدر الإشارة إليه أن الراحل محمود كانت تربطه علاقة صداقة وطيدة بأفراد مجموعته والذين شكلوا له درعاَ واقياً أنذاك ضد العديد من الحروبات والمؤمرات .
” بما إني الليلة فاقد محمود عبدالعزيز ربنا يرحمو ويغفر ليهو جداً ومشتاق ليهو جداً.. عاوز أحكي ليكم قدر شنو محمود ربنا يرحمو كان بحب الناس وبهموهو أكثر من همو لي نفسو “.
“في يوم جيت ليهو البيت بعد صلاة المغرب كالعادة ونسة وبزيانوس على فيسبوك الساعة عملت 9 إلا عشرة مساء، قال لى هوي أرح طالعين نحن، كان سايق البوكس الطيب لبن وكان موجود حسن البليك، المهم مشينا سوق بحري بوتيك ملابس واحد اسمو عدلان دكانو مقاصد سوق خضار بحري اسمو برشلونة .
محمود ربنا يرحمو كورك لي بتاع الدكان جاب لى محمود ربنا يرحمو كيس فيهو بنطلون قماش أسود وقميص أبيض بي أسود .
الملابس الجديدة الدفع فيها 180 جنيه، اتكوت ومحمود ربنا يرحمو ويغفر ليهو غيّر، و طلع شيء في قمة الأناقة وكان شغال حفلة في الثورة أمدرمان وكانت حفلة خيالية جداً، المهم خلصت الحفلة ورجعنا المزاد والحاج ربنا يرحمو ويغفر ليهو مبسوط “.
وأضاف محمد صديق :” قمت عكرت ليهو مزاجو بسؤال أنت يا حاج لي ما مهتمي بى نفسك في صحتك ولبسك؟، باستغراب عاين لي قال لي قلتة كدة لي شنو؟، قلت ليه علشان قبيل أنت عندك حفلة وما مجهز ليها لبس، قلت ليه ناس شريف الفحيل وأولاد الصادق الواحد بجهز لبستو من وقت حفلتو تنتهي للتانية
ضحك وقال لي ح أقول ليك كلام ما مفروض أقولو ليك، انتو بتحبوني شديد وأي شيء أعملوا انتو بتعملوا لما ألبس بدلة بي 10 مليون الحواتة حيلبسوها من وين؟، لما أعمل تذكرتى 100 جنيه الناس ح تدخل كيف؟ وسكت، ربنا يرحمو ويغفر ليهو بكيت من غير أحس أقسم بالله “.
هذا وقد حظى بوست صديق بردود أفعال كبيرة من جمهور الراحل محمود عبد العزيز والذين عددوا مآثره، ورفعوا أكفهم بالدعاء والمغفرة له، مما تجدر الإشارة إليه أن الراحل محمود كانت تربطه علاقة صداقة وطيدة بأفراد مجموعته والذين شكلوا له درعاَ واقياً أنذاك ضد العديد من الحروبات والمؤمرات .
